മണിരത്നം സംവിധാനം ചെയ്യുന്ന ബിഗ് ബജറ്റ് ചിത്രം "പൊന്നിയിൻ സെൽവൻ' എന്ന ചിത്രത്തിന്‍റെ ഒന്നാം ഭാഗത്തിന്‍റെ ടീസർ പുറത്തിറങ്ങി.
ഇന്ത്യൻ സിനിമയിലെ പ്രമുഖർ അണിനിരന്ന വർണാഭമായ ടീസർ ലോഞ്ച് ചിത്രത്തിന്‍റെ മിഴിവ് വിളിച്ചോതുന്നതായിരുന്നു. തമിഴ്, മലയാളം, ഹിന്ദി, തെലുങ്ക്, കന്നഡ ഭാഷകളിലായി നിർമിക്കുന്ന ചിത്രത്തിന്‍റെ ടീസർ സൂര്യ, മോഹൻലാൽ, അമിതാഭ് ബച്ചൻ, മഹേഷ് ബാബു, രക്ഷിത് ഷെട്ടി എന്നിവർ ചേർന്നാണ് പുറത്തിറക്കിയത്.
കൽക്കിയുടെ ബ്രഹ്മാണ്ഡ നോവലിന്റെ ചലച്ചിത്രാവിഷ്കാരമായ ചിത്രത്തിൽ ഐശ്വര്യ റായ്, വിക്രം, കാർത്തി, ജയം രവി, തൃഷ, ജയറാം എന്നിവർക്കൊപ്പം വൻ താരനിര അണിനിരക്കുന്നു. എ.ആർ. റഹ്മാൻ സംഗീതവും ശ്രീകർ പ്രസാദ് എഡിറ്റിംഗും നിർവഹിക്കുന്നു. ചിത്രം സെപ്റ്റംബർ 30-ന് പുറത്തിറങ്ങും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.