ഇന്ദ്രന്സ് തികച്ചും വ്യത്യസ്തമായ വേഷത്തില് എത്തുന്ന "സ്റ്റേഷന് 5 ' റിലീസിനു തയാറായി. കഴിഞ്ഞ ദിവസം രഞ്ജി പണിക്കർ, ജോയ് മാത്യു, റഫീക് അഹമ്മദ് എന്നിവർ ചേർന്ന് പുറത്തിറക്കിയ ചിത്രത്തിന്റെ ടൈറ്റിൽ പോസ്റ്റർ ഏറെ ശ്രദ്ധയാകർഷിച്ചിരുന്നു. ഇപ്പോഴിതാ ഇന്ദ്രൻസിന്റെ ഗെറ്റപ്പ് സ്റ്റിൽ പുറത്തു വിട്ടിരിക്കയാണ് അണിയറക്കാർ. ചേവമ്പായി എന്ന ശക്തമായ കഥാപാത്രമാണ് ഇന്ദ്രന്സ് അവതരിപ്പിക്കുന്നത്.
പ്രശാന്ത് കാനത്തൂർ സംവിധാനം ചെയ്യുന്ന ' സ്റ്റേഷന് 5 'ൽ പ്രധാന കഥാപാത്രത്തെ അവതരിപ്പിക്കുന്നത് പ്രയാണാണ്. ' തൊട്ടപ്പന് ' ഫെയിം പ്രിയംവദ കൃഷ്ണനാണ് നായിക. ഡയാന ഹമീദും ശക്തമായ കഥാപാത്രമായി എത്തുന്നു.
സന്തോഷ് കീഴാറ്റൂര്, ശിവജി ഗുരുവായൂർ,രാജേഷ് ശര്മ്മ, സുനില് സുഖദ, വിനോദ് കോവൂര്, ഐ.എം.വിജയന്, ദിനേഷ് പണിക്കര്, അനൂപ് ചന്ദ്രന്, ശിവന് കൃഷ്ണന്കുട്ടി നായര്, ജെയിംസ് ഏലിയ, മാസ്റ്റര് ഡാവിഞ്ചി, പളനിസാമി, ഷാരിന്, ജ്യോതി ചന്ദ്രന്, ദേവി കൃഷ്ണ, പ്രിയ ഹരീഷ്, ഗിരീഷ് കാറമേൽ എന്നിങ്ങനെ അഭിനേതാക്കളുടെ വലിയൊരു നിര തന്നെ ചിത്രത്തിലുണ്ട്.
റഫീഖ് അഹമ്മദ്, ഹരിലാല് രാജഗോപാല്, പ്രകാശ് മാരാര് എന്നിവരുടെ വരികള്ക്ക് സംഗീതം പകര്ന്നിരിക്കുന്നതും സംവിധായകന് പ്രശാന്ത് കാനത്തൂരാണ്. രചനയും ഛായാഗ്രഹണവും പ്രതാപ് നായരും ചിത്രസംയോജനം ഷലീഷ് ലാലും നിർവഹിക്കുന്നു. മാപ് ഫിലിം ഫാക്ടറിയുടെ ബാനറില് ബി.എ. മായ ആണ് ചിത്രം നിർമിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.