പ്രിയദർശൻ-ഷെയ്ൻ നിഗം ചിത്രം; കൊറോണ പേപ്പേഴ്സ് ട്രെയിലർ
Thursday, March 30, 2023 2:33 PM IST
ഷെയ്ന് നിഗം, ഷൈന് ടോം ചാക്കോ എന്നിവരെ കേന്ദ്ര കഥാപാത്രങ്ങളാക്കി പ്രിയദര്ശന് സംവിധാനം ചെയ്യുന്ന കൊറോണ പേപ്പേഴ്സ് എന്ന ചിത്രത്തിന്റെ ട്രെയിലർ പുറത്തിറക്കി. പൂർണ്ണമായും ത്രില്ലർ പശ്ചാത്തലത്തിൽ ഒരുങ്ങുന്ന ചിത്രത്തിൽ ഒരു അന്വേഷണ ഉദ്യോഗസ്ഥൻ ആയിട്ടാണ് ഷെയ്ൻ നിഗം എത്തുന്നത്.
ന്നാ താന് കേസ് കൊട് താരം ഗായത്രി ശങ്കറാണ് നായിക. സിദ്ധിഖ്, സന്ധ്യ ഷെട്ടി, പി.പി. കുഞ്ഞികൃഷ്ണന്, മണിയന് പിള്ള രാജു, ജീൻ പോൾ ലാൽ, ശ്രീ ധന്യ, വിജിലേഷ്, മേനക സുരേഷ് കുമാര്, ബിജു പാപ്പന്, ശ്രീകാന്ത് മുരളി, എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രം ഏപ്രിലിൽ തിയറ്ററുകളിൽ എത്തും.
ശ്രീഗണേഷിന്റേതാണ് കഥ. ചിത്രത്തിന് തിരക്കഥയൊരുക്കിയിക്കുന്നതും ഫോര് ഫ്രെയിംസ് ബാനറില് നിര്മിച്ചിരിക്കുന്നതും പ്രിയദര്ശന് തന്നെയാണ്. ദിവാകര് എസ്. മണി ഛായാഗ്രാഹണം നിര്വഹിക്കുന്ന ചിത്രത്തിന്റെ എഡിറ്റിംഗ് എം.എസ് അയ്യപ്പന് നായര് ആണ്.