ആരാധകന്‍റെ അതിരുകടന്ന സെല്‍ഫി ഭ്രമത്തിൽ ക്ഷോഭിതനായി ബോളിവുഡ് താരം സൽമാൻ ഖാൻ. തിരക്കിട്ട് നടത്തുനീങ്ങുന്നതിനിടെ ഒരാൾ സെൽഫിയെടുക്കാൻ ശ്രമിച്ചതാണ് താരത്തെ പ്രകോപ്പിച്ചത്. സംഭവത്തിന്‍റെ വീഡിയോ ദൃശ്യങ്ങൾ സോഷ്യൽ മീഡിയയിൽ വൈറലായിട്ടുണ്ട്.
ഗോവ വിമാനത്താവളത്തിൽ നിന്ന് സൽമാൻ പുറത്തേക്ക് വരുമ്പോഴായിരുന്നു സംഭവം. താരത്തെയും തന്നെയും ഒരേ ഫ്രെയിമില്‍ കിട്ടാന്‍ പണിപ്പെട്ട് സെൽഫിയെടുക്കാൻ ശ്രമിച്ച യുവാവിന്‍റെ ഫോണാണ് തട്ടിപ്പറിച്ചത്. ഫോണ്‍ തരാനാവശ്യപ്പെട്ട് ആരാധകന്‍ പിന്നാലെ ചെല്ലുന്നുണ്ടെങ്കിലും അത് ഗൗനിക്കാതെ താരം മുന്നോട്ടു നടക്കുകയായിരുന്നു.
സെല്‍ഫിയെടുത്ത യുവാവ് വിമാനത്താവളം ജീവനക്കാരനാണെന്ന് തിരിച്ചറിഞ്ഞതായി പിടിഐ റിപ്പോര്‍ട്ട് ചെയ്തു. സംഭവത്തെ കുറിച്ച് അന്വേഷിച്ചിരുന്നു. എന്നാൽ ഔദ്യോഗികമായി പരാതിയൊന്നും ലഭിച്ചിട്ടില്ലെന്നും വിമാനത്താവളം ഇൻസ്പെക്ടർ പറഞ്ഞു.
പുതിയ ചിത്രമായ രാധെയുടെ ചിത്രീകരണത്തിനാണ് സൽമാൻ ഗോവയിൽ എത്തിയത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.