ചെന്നൈ ആസ്ഥാനമായുള്ള പൊതുമേഖലാ ബാങ്കായ ഇന്ത്യൻ ബാങ്കിൽ സ്പെഷലിസ്റ്റ് ഓഫീസർമാരുടെ ഒഴിവുകളിലേക്ക് അപേക്ഷ ക്ഷണിച്ചു. 203 ഒഴിവുകളാണ് ഉള്ളത്. സ്കെയിൽ ഒന്ന്, സ്കെയിൽ രണ്ട്, സ്കെയിൽ മൂന്ന്, സ്കെയിൽ നാല് തസ്തികകളിലാണ് അവസരം.
ഒഴിവ്: അസിസ്റ്റന്റ് മാനേജർ (സ്കെയിൽ ഒന്ന്)- 50 മാനേജർ, മാനേജർ (സ്കെയിൽ-രണ്ട്)- 42, സീനിയർ മാനേജർ (സ്കെയിൽ-മൂന്ന്)- 61, ചീഫ് മാനേജർ (സ്കെയിൽ-നാല്)- 50 എന്നിങ്ങനെയാണ് ഒഴിവുകൾ. ഫിനാൻഷ്യൽ അനലിസ്റ്റ് (ക്രെഡിറ്റ് ഓഫീസർ),
റിസ്ക് ഓഫീസർ, ഐടി, കംപ്യൂട്ടർ ഓഫീസർ, ഇൻഫർമേഷൻ സെക്യൂരിറ്റി, മാർക്കറ്റിംഗ് ഓഫീസർ, ട്രഷറി ഓഫീസർ (ഡീലർ ഫോർ ട്രഷറി) ഫോറക്സ് ഓഫീസർ, ഇൻഡസ്ട്രി ഡെവലപ്മെന്റ് ഓഫീസർ, എച്ച്ആർ ഓഫീസർ തസ്തികകളിലാണ് അവസരം.
യോഗ്യത: ബിരുദം, ബിരുദാനന്തരബിരുദം, സിഎ, ഐസി ഡബ്ല്യുഎ, എംബിഎ, പിജി ഡിപ്ലോമ തുടങ്ങിയ യോഗ്യതയുള്ളവർക്ക് അപേക്ഷിക്കാം. അസിസ്റ്റന്റ് മാനേജർ തസ്തികയിലേക്ക് അപേക്ഷിക്കാൻ പ്രവർത്തനപരിചയം ആവശ്യമില്ല. മാനേജർക്ക് മൂന്നുവർഷത്തെയും സീനിയർ മാനേജർക്ക് അഞ്ചുവർഷത്തെയും ചീഫ് മാനേജർക്ക് ഏഴുവർഷത്തെയും പ്രവർത്തനപരിചയം വേണം.
പ്രായം: അസിസ്റ്റന്റ് മാനേജർ 21- 30 വയസ്. മാനേജർ 25- 35 വയസ്. സീനിയർ മാനേജർ 27- 38 വയസ്. ചീഫ് മാനേജർ 29- 40 വയസ്. സംവരണ വിഭാഗക്കാർക്ക് നിയമാനുസൃത ഇളവ് ലഭിക്കും.
അപേക്ഷാ ഫീസ്: എസ്സി, എസ്ടി വിഭാഗക്കാർക്ക് 175 രൂപ മറ്റുള്ളവർക്ക് 850 രൂപ. ഓണ്ലൈനായി ഫീസടയ്ക്കണം. കൂടുതൽ വിവരങ്ങൾക്ക് www.indianbank.in സന്ദർശിക്കുക.