കൊച്ചിയിലെ കേന്ദ്രസർക്കാർ സ്ഥാപനമായ സ്പൈസസ് ബോർഡ് സ്പൈസസ് റിസേർച്ച് ട്രെയിനി തസ്തികയിലെ ഒഴിവുകളിലേക്ക് അപേക്ഷ ക്ഷണിച്ചു.
എസ്‌സി/എസ്ടി വിഭാഗക്കാർ മാത്രം അപേക്ഷിച്ചാൽ മതി. ഇടുക്കി- മൈലാടുംപാറ, കർണാടക- സകലേഷ്പുര, സിക്കിം- ടഡോങ് എന്നിവിടങ്ങളിലെ ഏലം ഗവേഷണ കേന്ദ്രത്തിലായിരിക്കും നിയമനം. പരിശീലന കാലം രണ്ടു വർഷമാണ്.
മൈലാടുംപാറ ഇടുക്കി- ക്രോപ് ഇംപ്രൂവ്മെന്‍റ്-1, ബയോടെക്നോളജി- നാല്, അഗ്രോണമി & സോയിൽ സയൻസ്- നാല്, പ്ലാന്‍റ് പതോളി- നാല്.
സകലേഷ്പുര- കർണാടക- ക്രോപ് ഇംപ്രൂവ്മെന്‍റ്- ഒന്ന്, അഗ്രോണമി/ സോയിൽ സയൻസ്- ഒന്ന്, പ്ലാന്‍റ് പതോളജി- ഒന്ന്.
ടഡോങ് സിക്കിം- ക്രോപ് ഇംപ്രൂവ്മെന്‍റ്- ഒന്ന്, പ്ലാന്‍റ് പതോളജി- 2, എന്റമോളജി- ഒന്ന്.
സ്റ്റൈപ്പൻഡ്- 21,000 രൂപ.
യോഗ്യത: അനുബന്ധ വിഷയത്തിൽ എംഎസ്‌സി (ബോട്ടണി/ ബയോടെക്നോളജി/ കെമിസ്ട്രി/ അഗ്രിക്കൾച്ചർ (പ്ലാന്‍റ് പതോളജി)/ മൈക്രോ ബയോളജി/ അഗ്രിക്കൾച്ചർ/ അഗ്രിക്കൾച്ചർ (എന്റമോളജി/നെമറ്റോളജി/ സുവോളജി).
പ്രായം: 30 വയസ് കവിയരുത്. വാക്ക്-ഇൻ ഇന്‍റർവ്യൂവിന്‍റെയും എഴുത്തുപരീക്ഷയുടെയും അടിസ്ഥാനത്തിലാണ് തെരഞ്ഞെടുപ്പ്. എഴുത്തുപരീക്ഷാ തീയതി ഡിസംബർ ഏഴ്.
എഴുത്തുപരീക്ഷയ്ക്ക് അതാത് കേന്ദ്രങ്ങളിൽ പാസ്പോർട്ട് സൈസ് ഫോട്ടോ, ഒറിജിനൽ സർട്ടിഫിക്കറ്റുകൾ, സ്വയം സാക്ഷ്യപ്പെടുത്തിയ പകർപ്പുകൾ എന്നിവ സഹിതം നേരിട്ട് എത്തണം.
ഇടുക്കി മൈലാടുംപാറയിലേക്ക് അപേക്ഷിക്കുന്നവർ എഴുത്തുപരീക്ഷയ്ക്ക് എത്തേണ്ട സ്ഥലം: Indian Cardamom Research Institute, Spicecs Board, Kailasanadu P.O, Myladumpara, Idukki. വിശദവിവരങ്ങൾക്ക് വെബ്: www.indianspices.com.