സ്റ്റേറ്റ് ബാങ്ക് ഓഫ് ഇന്ത്യ വിവിധ സംസ്ഥാനങ്ങളിലെ സര്‍ക്കിള്‍ ബേസ്ഡ് ഓഫീസര്‍ തസ്തികയിലേക്ക് അപേക്ഷ ക്ഷണിച്ചു.
അഹമ്മദാബാദ് (ഗുജറാത്ത്), ബംഗളൂരു (കര്‍ണാടക), ഭോപ്പാല്‍ (മധ്യപ്രദേശ്, ഛത്തീസ്ഗഡ്) ചെന്നൈ (തമിഴ്‌നാട്), ജയ്പൂര്‍ (രാജസ്ഥാന്‍) സര്‍ക്കിളുകളിലാണ് അവസരം. ഗുജറാത്തി, കന്നഡ, ഹിന്ദി, തമിഴ് ഭാഷകള്‍ അറിഞ്ഞിരിക്കണം. ബാക്ക്‌ലോഗ് ഒഴിവുകള്‍ ഉള്‍പ്പെടെ 1,422 ഒഴിവുണ്ട്. ഒരു ഉദ്യോഗാര്ഥി ഒരു സംസ്ഥാനത്തേക്കു മാത്രമേ അപേക്ഷിക്കാവൂ.
യോഗ്യത: അംഗീകൃത സര്‍വകലാശാലാ ബിരുദം/ കേന്ദ്ര ഗവൺമെന്‍റ് അംഗീകരിച്ച തത്തുല്യ യോഗ്യത, ഷെഡ്യൂള്‍ഡ് കൊമേഴ്‌സ്യല്‍ ബാങ്കിലോ റിസര്‍വ് ബാങ്കിന്‍റെ സെക്കന്‍ഡ് ഷെഡ്യൂളില്‍ ഉള്‍പ്പെടുത്തിയിട്ടുള്ള റീജണല്‍ റൂറല്‍ ബാങ്കുകളിലോ ഓഫീസറായി രണ്ടു വര്‍ഷത്തെ പ്രവര്‍ത്തന പരിചയം.
ഷെഡ്യൂള്‍ഡ് കൊമേഴ്‌സ്യല്‍ ബാങ്കുകളുടെ സബ്‌സിഡിയറികളില്‍ ജോലി ചെയ്യുന്നവര്‍, എസ്ബിഐയില്‍ ക്ലറിക്കല്‍, സൂപ്പര്‍വൈസറി കേഡറിലുള്ളവര്‍, എസ്ബിഐയിലെ ഓഫീസര്‍ ഗ്രേഡില്‍നിന്ന് രാജിവച്ചവര്‍ എന്നിവര്‍ അപേക്ഷിക്കാന്‍ അര്‍ഹരല്ല.
ഭാഷാ പരിജ്ഞാനം: ഏത് സംസ്ഥാനത്തേക്കാണോ അപേക്ഷിച്ചത് അവിടെയായിരിക്കും നിയമനം. അപേക്ഷിച്ച സംസ്ഥാനങ്ങളിലെ പ്രാദേശിക ഭാഷയില്‍ എഴുതാനും വായിക്കാനും കാര്യങ്ങള്‍ മനസിലാക്കാനും അറിഞ്ഞിരിക്കണം. തെരഞ്ഞെടുപ്പിന്‍റെ ഭാഗമായി ഭാഷാ പരിജ്ഞാനം പരിശോധിക്കുന്നതിനുള്ള പരീക്ഷയും ഉണ്ടാകും.
പ്രായം: 21- 30 വയസ്. 30.09.2022 അടിസ്ഥാനമാക്കി യാണ് പ്രായവും യോഗ്യ തയും കണക്കാക്കുന്നത്. ഉയര്‍ന്ന പ്രായപരിധിയില്‍ എസ്‌സി, എസ്ടി വിഭാഗക്കാര്‍ക്ക് അഞ്ചും ഒബിസി വിഭാഗക്കാര്‍ക്ക് മൂന്നും വര്‍ഷത്തേക്ക് ഉയര്‍ന്ന പ്രായത്തില്‍ ഇളവ് ലഭിക്കും.
ശമ്പളം: 36,000- 63,840 രൂപ.
അപേക്ഷാ ഫീസ്: 750 രൂപ.
(എസ്‌സി, എസ്ടി, ഭിന്നശേഷി വിഭാഗക്കാര്‍ക്ക് ഫീസില്ല). ഓണ്‍ലൈനായാണ് ഫീസടയ്‌ക്കേണ്ടത്.
അപേക്ഷ: ഓണ്‍ലൈനായി അപേക്ഷ സമര്‍പ്പിക്കണം. ബന്ധപ്പെട്ട രേഖകള്‍, വിജ്ഞാപനത്തില്‍ നിര്‍ദേശിച്ചിരിക്കുന്ന മാതൃകയില്‍ അപ്ലോഡ് ചെയ്യണം. വെബ്‌സൈറ്റ്: www. bank.sbi/career അപേക്ഷ സ്വീകരിക്കുന്ന അവസാന തീയതി നവംബർ ഏഴ്.