Deepika.com Career News :ബാങ്ക് ഓഫ് ബറോഡയില്‍ 346 മാനേജര്‍.......

ബാങ്ക് ഓഫ് ബറോഡയില്‍ വെല്‍ത്ത് മാനേജ്‌മെന്‍റ് സര്‍വീസില്‍ വിവിധ തസ്തികകളിലേക്ക് അപേക്ഷ ക്ഷണിച്ചു. 346 ഒഴിവുകളാണുള്ളത്. 320 ഒഴിവ് സീനിയര്‍ റിലേഷന്‍ഷിപ്പ് മാനേജര്‍ തസ്തികയിലാണ്.

ഇവെല്‍ത്ത് റിലേഷന്‍ഷിപ്പ് മാനേജര്‍, ഗ്രൂപ്പ് സെയില്‍സ് (വെര്‍ച്വല്‍ ആര്‍എം സെയില്‍സ് ഹെഡ്), ഓപ്പറേഷന്‍സ് ഹെഡ് വെല്‍ത്ത് എന്നിവയാണ് ഒഴിവുള്ള മറ്റു തസ്തികകള്‍. കരാര്‍ നിയനമാണ്. കോയമ്പത്തൂര്‍, ബംഗളൂരു, മുംബൈ, കോല്‍ക്കത്ത, ന്യൂഡല്‍ഹി തുടങ്ങി വിവിധ കേന്ദ്രങ്ങളിലായിരിക്കും നിയമനം.

സീനിയര്‍ റിലേഷന്‍ഷിപ്പ് മാനേജര്‍- 320 ഒഴിവ്.
യോഗ്യത: ഏതെങ്കിലും വിഷയത്തില്‍ ബിരുദം. മാനേജ്‌മെന്‍റില്‍ ദ്വിവത്സര പിജി ഡിപ്ലോമയും എന്‍ഐഎസ്എം/ ഐആര്‍ഡിഎ പോലുള്ള സര്‍ട്ടിഫിക്കേഷനും രണ്ട് വര്‍ഷത്തെ പ്രവൃത്തിപരിചയവും പ്രാദേശിക ഭാഷയില്‍ അറിവും ഉള്ളവര്‍ക്ക് മുന്‍ഗണന ലഭിക്കും.
പ്രായം: 24- 40 വയസ്.

ഇ-വെല്‍ത്ത് റിലേഷന്‍ഷിപ്പ് മാനേജര്‍- 24

യോഗ്യത: ഏതെങ്കിലും വിഷയത്തില്‍ ബിരുദം. മാനേജ്‌മെന്‍റില്‍ ദ്വിവത്സര പിജി ഡിപ്ലോമയും എന്‍ഐഎസ്എം/ ഐആര്‍ഡിഎ പോലുള്ള സര്‍ട്ടിഫിക്കേനും ഒന്നര വര്‍ഷത്തെ പ്രവര്‍ത്തനപരിചയവും ഉള്ളവര്‍ക്ക് മുന്‍ഗണന ലഭിക്കും.
പ്രായം: 23-35 വയസ്.

ഗ്രൂപ്പ് സെയില്‍സ് ഹെഡ് (വെര്‍ച്വല്‍ ആര്‍എം സെയില്‍സ് ഹെഡ്)- ഒന്ന്

യോഗ്യത: ഏതെങ്കിലും വിഷയത്തില്‍ ബിരുദം. മാനേജ്‌മെന്‍റില്‍ ദ്വിവത്സര പിജി ഡിപ്ലോമയുള്ളവര്‍ക്ക് മുന്‍ഗണന ലഭിക്കും. പത്ത് വര്‍ഷത്തെ പ്രവൃത്തിപരിചയം വേണം.
പ്രായം: 31- 45 വയസ്.

ഓപ്പറേഷന്‍സ് ഹെഡ് വെല്‍ത്ത്- ഒന്ന്

യോഗ്യത: ബിരുദം (എംബിഎ/ തത്തുല്യ യോഗ്യതയുള്ളവര്‍ക്ക് മുന്‍ഗണന). പത്ത് വര്‍ഷത്തെ പ്രവര്‍ത്തനപരിചയം. പ്രായം: 35- 45 വയസ്.

പ്രായം, യോഗ്യത, പ്രവൃത്തിപരിചയം എന്നിവ 01.10.2022 അടിസ്ഥാനമാക്കിയാണ് കണക്കാക്കുന്നത്. ഉയര്‍ന്ന പ്രായപരിധിയില്‍ സംവരണ വിഭാഗക്കാര്‍ക്ക് നിയമാനുസൃത ഇളവ് ലഭിക്കും.
അപേക്ഷാ ഫീസ്: വനിതകള്‍ക്കും ഭിന്നശേഷിക്കാര്‍ക്കും എസ്എസ്, എസ്ടി വിഭാഗക്കാര്‍ക്കും 100 രൂപയും ജനറല്‍, ഒബിസി വിഭാഗക്കാര്‍ക്ക് 600 രൂപയുമാണ് ഫീസ്. (പുറമേ ജിഎസ്ടി). ഫീസ് ഓണ്‍ലൈനായി അടയ്ക്കണം.

അപേക്ഷ ഓണ്‍ലൈനായി സമര്‍പ്പിക്കണം. വിശദവിവരങ്ങള്‍ക്ക് www.bankofbaroda.in എന്ന വെബ്‌സൈറ്റില്‍ ലഭിക്കും അവസാന തീയതി ഒക്ടോബര്‍ 20.