Deepika.com Career News :ഭാരത് ഇലക്‌ട്രോണിക്സിൽ 100 എൻജിനിയർ.......

ഭാരത് ഇലക്‌ട്രോണിക്സിൽ 100 എൻജിനിയർ

നവരത്ന റാങ്കിലുള്ള പൊതുമേഖലാ സ്ഥാപനമായ ഭാരത് ഇലക്‌ട്രോണിക്സിൽ ട്രെയിനി എൻജിനിയർ, പ്രോജക്ട് എൻജിനിയർ തസ്തികയിലേക്ക് അപേക്ഷിക്കാം. 100 ഒഴിവുണ്ട്. ബംഗളൂരുവിലെ സോഫ്റ്റ്‌വേർ ഡെവലപ്മെന്‍റ് സെന്‍ററിലാണ് നിയമനം, കരാർ അടിസ്ഥാനത്തിൽ രണ്ടുവർഷത്തേക്കായിരിക്കും നിയമനം.

ട്രെയിനി എൻജിനിയർ: 40 ഒഴിവ്.
യോഗ്യത: ബിഇ/ബിടെക് (സിഎസ്ഇ/ ഐഎസ്/ഐടി) ഉയർന്നപ്രായം: 28 വയസ്. ശന്പളം: ആദ്യവർഷം 30,000 രൂപ, രണ്ടാംവർഷം 35,000 രൂപ.
പ്രോജക്ട് എൻജിനിയർ: 60 ഒഴിവ്.

യോഗ്യത: ബിഇ/ ബിടെക്/ നാലുവർഷത്തെ ബിഎസ്‌സി എൻജിനിയറിംഗ് (ഇലക്‌ട്രോണിക്സ്/ ടെലികമ്യൂണിക്കേഷൻ/ ഇലക്‌ട്രോണിക്സ് ആൻഡ് കമ്യൂണിക്കേഷൻ/ ഇലക്‌ട്രോണിക്സ് ആൻഡ് ടെലികമ്യൂണിക്കേഷൻ/ മെക്കാനിക്കൽ/ കംപ്യൂട്ടർ സയൻസ് ആൻഡ് എൻജിനിയറിംഗ്/ കംപ്യൂട്ടർ സയൻസ്), സോഫ്റ്റ്‌വേർ രംഗത്ത് രണ്ടു വർഷത്തെ പ്രവൃത്തിപരിചയം. ഉയർന്ന പ്രായം: 32 വയസ്.

ആദ്യശന്പളം: 40,000 രൂപ. രണ്ടാംവർഷം- 45,000 രൂപ.
രണ്ട് തസ്തികകളിലേക്കുമുള്ള യോഗ്യത 55 ശതാനം മാർക്കോടെ നേടിയതായിരിക്കണം. എസ്‌സി, എസ്ടി, ഭിന്നശേഷി വിഭാഗക്കാർക്ക് പാസ് മാർക്ക് മതി.

ഉയർന്ന പ്രായപരിധിയിൽ എസ്‌സി, എസ്ടി വിഭാഗക്കാർക്ക് അഞ്ചുവർഷത്തെയും ഒബിസി വിഭാഗക്കാർക്ക് മൂന്നുവർഷത്തെയും ഇളവ് ലഭിക്കും. ഭിന്നശേഷിക്കാർക്കും നിയമാനുസൃത വയസിളവുണ്ട്.

അപേക്ഷാ ഫീസ്: ജനറൽ, ഒബിസി, ഇഡബ്ല്യുഎസ് വിഭാഗക്കാർക്ക് ട്രെയിനി എൻജിനിയർ-150 രൂപ. പ്രോജക്ട് എൻജിനിയർ- 400 രൂപ (18 ശതമാനം ജിഎസ്ടി പുറമേ) എന്നിങ്ങനെ ഫീസുണ്ട്. ഓണ്‍ലൈനായി ഫീസടയ്ക്കണം

വിശദവിവരങ്ങളും അപേക്ഷാഫോമും www.bel-india.in എന്ന വെബ്സൈറ്റിൽ ലഭിക്കും. അപേക്ഷ സ്വീകരിക്കുന്ന അവസാന തീയതി സെപ്റ്റംബർ 23.