റിസര്വ് ബാങ്ക് ഓഫ് ഇന്ത്യയില് അസിസ്റ്റന്റ്- 2021 തെരഞ്ഞെടുപ്പ് വിജ്ഞാപനമായി. വിവിധ ഒാഫീസുകളിലെ 950 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്.
മാര്ച്ച് 26, 27 തീയതികളില് പ്രിലിമിനറി പരീക്ഷയും മേയില് മെയിന് പരീക്ഷയും നടക്കും. പ്രാദേശിക ഭാഷാ പരിജ്ഞാനം തെളിയിക്കുന്നതിനുള്ള പരീക്ഷയുണ്ടായിരിക്കും.
കേരളത്തില് തിരുവനന്തപുരം, കൊച്ചി ഓഫീസുകളിലായി 54 ഒഴിവുണ്ട്.
വിദ്യാഭ്യാസ യോഗ്യത: ഏതെങ്കിലും വിഷയത്തില് അമ്പതുശതമാനം മാര്ക്കോടെ ബിരുദമാണ് കുറഞ്ഞയോഗ്യത. എസ്സി/എസ്ടി വിഭാഗക്കാര്ക്കും ഭിന്നശേഷിക്കാർക്കും പാസ്മാര്ക്ക് മതി. കംപ്യൂട്ടറില് വേഡ് പ്രോസസിംഗ് അറിഞ്ഞിരിക്കണം.
വിമുക്തഭടന്മാര്ക്ക് അംഗീകൃത സര്വകലാശാല ബിരുദം. അല്ലെങ്കില് പത്താംക്ലാസ് 15 വര്ഷത്തെ സൈനിക സേവനം വേണം. ഏത് സംസ്ഥാനത്തെ ഓഫീസിലേക്കാണ് അപേക്ഷിക്കുന്നത് ആ സംസ്ഥാനത്തെ പ്രാദേശിക ഭാഷ എഴുതാനും വായിക്കാനും സംസാരിക്കാനും മനസിലാക്കാനും കഴിയണം.
പ്രായം: 2022 ഫെബ്രുവരി ഒന്നിന് 20- 28 വയസ്. അപേക്ഷകര് 02.02.1994 നും 01.02.2022 നും മധ്യേ ജനിച്ചവരായിരിക്കണം. രണ്ടു തീയതിയും ഉള്പ്പെടെ. എസ്സി,എസ്ടി വിഭാഗക്കാര്ക്ക് അഞ്ചും ഒബിസി വിഭാഗക്കാര്ക്ക് മൂന്നും വര്ഷം ഭിന്നശേഷിക്കാര്ക്ക് നിയമാനസൃതമായും ഉയര്ന്ന പ്രായത്തില് വയസിളവ് ലഭിക്കും.
ശമ്പളം: 20,700- 55,700 രൂപയും മറ്റ് ആനുകൂല്യങ്ങളും ലഭിക്കും.
തെരഞ്ഞെടുപ്പ്: പ്രിലിമിനറി, മെയിന് പരീക്ഷകളും ഭാഷാ പരിജ്ഞാനം തെളിയിക്കുന്ന പരീക്ഷയുമുണ്ടായിരിക്കും. കേരളത്തില് കണ്ണൂര്, കൊച്ചി, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, തൃശൂര് എന്നിവിടങ്ങളില് പ്രലിമിനിറി പരീക്ഷ നടക്കും.
അപേക്ഷാ ഫീസ്: ജനറല്, ഒബിസി, ഇഡബ്ല്യുഎസ് വിഭാഗക്കാര്ക്ക് 450 രൂപയും എസ്സി, എസ്ടി വിഭാഗക്കാര്ക്ക് 50 രൂപയുമാണ് ഫീസ്. ഓണ്ലൈനായി അപേക്ഷാ ഫീസ് ഒടുക്കണം.
അപേക്ഷ ഓണ്ലൈനായാണ് സമര്പ്പിക്കേണ്ടത്. www.rbi.org.in എന്ന വെബ്സൈറ്റിലെ വിജ്ഞാപനം വായിച്ചു മനസിലാക്കിയ ശേഷം അപേക്ഷ സമര്പ്പിക്കുക.
അപേക്ഷ സ്വീകരിക്കുന്ന അവസാന തീയതി മാര്ച്ച് എട്ട്.