നാഷണൽ എലിജിബിലിറ്റി കം എൻട്രൻസ് ടെസ്റ്റ് - NEET (UG) പരീക്ഷാ ഫലം പുറത്തു വന്നിരിക്കുന്നു. റിസൾട്ട് വിദ്യാർഥികൾ രജിസ്റ്റർ ചെയ്തിട്ടുള്ള ഇമെയിൽ ഐഡിയിലേക്ക് നാഷണൽ ടെസ്റ്റിംഗ് ഏജൻസി അയച്ചിട്ടുണ്ട്.
പരീക്ഷയെഴുതിയവരിൽ. എത്ര പർ മെഡിക്കൽ കോഴ്സുകൾക്ക് പ്രവേശന യോഗ്യത നേടിയെന്നതിന്‍റെ വിവരങ്ങൾ ലഭ്യമായിട്ടില്ല. കൂടുതൽ മാർക്കു ലഭിച്ച 50% പേരാണ് (അതായത് 50 ശതമാ നമോ കൂടുതലോ നേടിയവർ ) ഈ ലിസ്റ്റിൽ ഇടം പിടിച്ചിട്ടുള്ളത്. SC/ST /OB C വിഭാഗത്തിൽ പെട്ടവർക്ക് 40 ശത മാനത്തിലും ജനറൽ വിഭാഗത്തിലെ ഭിന്ന ശേഷിക്കാർക്ക് 45 ശതമാ നത്തി ലുമാണ് കട്ടോഫ് .
ഈ റാങ്ക് ആധാരമാക്കിയാണ് ദേശീയതലത്തിൽ മെഡിക്കൽ, ഡെന്‍റൽ, ആയുഷ്, വെറ്ററിനറി ഡിഗ്രി കോഴ്സുകളിലേക്കുള്ള പ്രവേശനം. കേരളത്തിലെ വിവിധ കോളജുകൾ നടത്തുന്ന ആയുർവേദ, ഹോമിയോ, സിദ്ധ, യൂനാനി, അഗ്രികൾചർ, വെറ്ററിനറി, ഫിഷറീസ്, ഫോറസ്ട്രി കോഴ്സുകളിലേക്കും നീറ്റ് സ്കോറിന്‍റെ അടിസ്ഥാനത്തിൽ തന്നെയാണ് പ്രവേശനം.
രാജ്യത്തെ സർക്കാർ കോളജുകളിലെ മെഡിക്കൽ, ഡെന്‍റൽ, AYUSH, BVSc & AH, BSc Nursing സീറ്റുകളിൽ 15 ശതമാനം ഓൾ ഇന്ത്യാ ക്വോട്ടയാണ്. അതിനർഥം, കേരളത്തിലെ ഒരു വിദ്യാർത്ഥിക്ക് ഈ ക്വോട്ട വഴി ഇതര സംസ്ഥാനങ്ങളിലും ചേരാനാവും എന്നാണ്. ഈ 15% സീറ്റുകളിലേക്കും അലിഗഡ്-മുസ്‌ലിം യൂണിവേഴ്സിറ്റി, ജാമിയ മിലിയ ഇസ്‌ലാമിയ, ബനാറസ് ഹിന്ദു യൂണിവേഴ്സിറ്റി എന്നീ കേന്ദ്ര സർവകലാശാലകളിലെയും AllMS, JIPMER എന്നിവിടങ്ങളിലെയും കൽപ്പിത സർവകലാശാലകളിലേയും മുഴുവൻ സീറ്റുകളിലേയ്ക്കും മെഡിക്കൽ കൗൺസലിംഗ് കമ്മിറ്റിയുടെ വെബ്സൈറ്റിലൂടെ (www.mcc.nic.in) രജിസ്റ്റർ ചെയ്യേണ്ടതുണ്ട് . സർക്കാർ സ്ഥാപനങ്ങളിലെ 15% സീറ്റുകളിലെ പ്രവേശനവും ഈ കമ്മിറ്റി വഴിയാണ്.
കൗൺസലിംഗ്, സെക്യൂരിറ്റി ഫീസായി നിശ്ചയിച്ചിരിക്കുന്ന തുക ഓൺലൈനായി അടച്ച് രജിസ്ട്രേഷൻ പൂർത്തിയാക്കിയാൽ ഓപ്ഷനുകൾ സമർപ്പിക്കാനാവും. അപേക്ഷകന് താത്പര്യമുള്ള കോഴ്സുകളും സ്ഥാപനങ്ങളും മുൻഗണനാ ക്രമത്തിൽ തെരഞ്ഞെടുക്കുന്നതാണ് ഓപ്ഷൻ സമർപ്പണം. കൗൺസലിംഗ് നടപടികൾ പൂർത്തിയായാൽ പ്രവേശനം ലഭിച്ച സ്ഥാപനത്തിന്‍റെ ഫീസിലേക്ക് വകയിരുത്തി ബാക്കി സെക്യൂരിറ്റി തുക അക്കൗണ്ടിലെത്തും. പ്രവേശനം ലഭിക്കാത്തവർക്ക് മുഴുവൻ തുകയും അക്കൗണ്ടിൽ ക്രെഡിറ്റ് ചെയ്യപ്പെടും.
AFMC പൂനെയിൽ പ്രവേശനം ആഗ്രഹിക്കുന്നവർ സ്ഥാപനത്തിലേക്ക് പ്രത്യേകം അപേക്ഷിക്കണം. NEET നു പുറമേ AFMC നേരിട്ട് നടത്തുന്നരണ്ടാം ഘട്ട സ്ക്രീനിംഗ് ടെസ്റ്റിന്‍റെ ഫലവും കൂടി പരിഗണിച്ചാണ് അവിടെ പ്രവേശനം നൽകുക. സർക്കാർ സ്ഥാപനങ്ങളിലെ 85% സീറ്റുകളിലേക്ക് അതത് സംസ്ഥാനങ്ങളിലെ കൗൺസലിംഗ് അതോറിറ്റികൾ വഴി പ്രവേശനം നടത്തും. കേരളത്തിൽ എൻട്രൻസ് പരീക്ഷാ കമ്മീഷണറാണ് സീറ്റ് അലോട്ട്മെന്‍റ് നടത്തുക. ആവശ്യമായ വിശദാംശങ്ങൾ നിർദേശിക്കുന്ന തീയതിക്കകം ഓൺലൈനായി നൽകണം. തുടർന്ന് റാങ്ക് ലിസ്റ്റ് പ്രസിദ്ധീകരിക്കും. അതിനു ശേഷം ഓപ്ഷൻ സമർപ്പണം ആരംഭിക്കും.
ഓൾ ഇന്ത്യാ ക്വോട്ടയിലും സംവരണ തത്വങ്ങൾ ബാധകം. SC, ST, Pw BD എന്നീ വിഭാഗങ്ങൾക്ക് യഥാക്രമം 15%, 7.5%, 5% വീതം സംവരണം അനുവദിക്കും. OBC (നോൺ ക്രീമിലെയർ), EWS വിഭാഗങ്ങൾക്ക് നാഷണൽ ഇൻസ്റ്റിറ്റ്യൂട്ടുകളിലും കേന്ദ്രസർവകലാശാലകളിലും 27 ശതമാനം, 10 ശതമാനം സംവരണമുണ്ട്.
വിവിധ സംസ്ഥാനങ്ങളിലെയും കേന്ദ്ര ഭരണപ്രദേശങ്ങളിലെയും എംബിബിഎസ്, ബിഡിഎസ് മാനേജ്മെന്‍റ് സീറ്റുകളിലെ പ്രവേശനത്തിന് അതാത് സംസ്ഥാനങ്ങളിലെ പ്രവേശനാ പരീക്ഷാ അതോറിറ്റികളിൽ രജിസ്റ്റർ ചെയ്യണം. ചില സംസ്ഥാനങ്ങളിലെ കൗൺസലിംഗ് അതോറിറ്റി വെബ് സൈറ്റുകൾ ചുവടെ:
ഡൽഹി:www.health.delhi.gov.ni c.in, കർണാടക: www.kea.kar.nic.in, തമിഴ്നാട്: www.tnhealth.org, പുതുച്ചേരി:www.health. py.gov.in, ആന്ധ്രപ്രദേശ്: www.dme.ap.nic.in
അഖിലേന്ത്യാതലത്തിൽ,രാജ്യത്തെ വെറ്ററിനറി കോളേജുകളിലെ 15% സീറ്റുകളിലേക്ക്- വെറ്ററിനറി കൗൺസിൽ ഓഫ് ഇന്ത്യയുടെ വിജ്ഞാപനം വരുന്ന മുറയ്ക്ക് www.vcicounselling.nic.in ലൂടെ ഓപ്ഷൻ നൽകണം. ആയുർവേദ, ഹോമിയോ, യോഗ, സിദ്ധ, യുനാനി അഖിലേന്ത്യാ ക്വോട്ട സീറ്റുകളിലേക്കുള്ള പ്രവേശനക്രമം accc.gov.in ൽ പ്രസിദ്ധീകരിക്കും. സംസ്ഥാനങ്ങളിൽ പ്രവേശന അതോറിറ്റികൾ പുറപ്പെടുവിക്കുന്ന വിജ്ഞാപനത്തിനനുസരിച്ച് ഓപ്ഷൻ രജിസ്ടേഷൻ നടത്താം.
കാർഷിക കോളജുകളിലെ 15 ശതമാ നം അഖിലേന്ത്യാ ക്വോട്ടയിൽ പെട്ട സീറ്റുകളിലേക്കുള്ള പ്രവേശനം നാഷണൽ ടെസ്റ്റിംഗ് ഏജൻസി നടത്തിയ ICAR UG പരീക്ഷയുടെ അടിസ്ഥാനത്തിലാണ്. റിസൾട്ട്, കൗൺസലിംഗ് ഷെഡ്യൂൾ എന്നിവ www.icar.org. in ൽ പ്രസിദ്ധീകരിക്കുന്ന മുറയ്ക്ക് ഓപ്ഷൻ സമർപ്പണം നടത്താവുന്നതാണ്.
ഓപ്ഷൻ നൽകുമ്പോൾ ശ്രദ്ധിക്കേണ്ടത്
► സ്ഥാപനത്തിന്‍റെ നിലവാരം, ലൊക്കേഷൻ, ആഗ്രഹിക്കുന്ന കോഴ്സ്, അഭിരുചി, തൊഴിൽ / ഉപരിപഠന സാധ്യതകൾ , ഫീസ് ഘടന എന്നിവ യഥാവിധം വിലയിരുത്തി ഓപ്ഷനുകൾ സമർപ്പിക്കുക
► ️അഖിലേന്ത്യാ തലത്തിൽ കഴിഞ്ഞ വർഷത്തെ കൗൺസലിംഗുമായി ബന്ധപ്പെട്ട വിവരങ്ങൾ www.mcc. nic. in ന്‍റെ UG മെഡിക്കൽ കൗൺസലിംഗ് - ആർക്കൈവ്‌സ് വിഭാഗത്തിലും കേരളത്തിലെ കോളജുകളിലെ അലോട്ട്മെന്‍റ് നില www.cee.kerala.gov.in ലെ KEAM 2021 കാൻഡിഡേറ്റ്സ് പോർട്ടൽ - ലാസ്റ്റ് റാങ്ക് കൺസോളിഡേറ്റഡ് - 2020 എംബിബി സ്& ബിഡിഎസ് വിഭാഗത്തിലും കാണാം. ഇവ പ്രവേശന സാധ്യതയെക്കുറിച്ചുള്ള സൂചനകൾ നൽകും .
►സർക്കാർ കോളജുകളിൽ താരതമ്യേന കുറഞ്ഞ ഫീസാണ് നൽകേണ്ടി വരിക.
► ഡീംഡ് സർവകലാശാലകൾ,സ്വകാര്യ മെഡിക്കൽ കോളേജുകൾ എന്നിവയിലെ ഫീസ് താരതമ്യേന ഉയർന്നതാണ്. ഓപ്ഷൻ നൽകുമ്പോൾ ഇത്തരം കാര്യങ്ങളും ശ്രദ്ധിക്കണം.
Adwise Career Consulting, Thrissur.
Ph: 9400610478