Deepika.com Career News :ഡൽഹിയിൽ നഴ്സിംഗ് ഓഫീസർ.......

ഡൽഹിയിൽ നഴ്സിംഗ് ഓഫീസർ

കേന്ദ്രസർക്കാരിനു കീഴിൽ ന്യൂഡൽഹിയിലുള്ള വിവിധ ആശുപത്രിയിലെ നഴ്സ് തസ്തികയിലെ ഒഴിവുകളിലേക്കും അപേക്ഷ ക്ഷണിച്ചു.

ഡൽഹി എയിംസ് നടത്തുന്ന നഴ്സിംഗ് ഓഫീസർ റിക്രൂട്ട്മെന്‍റ് കോമൺ എലിജിബിലിറ്റി ടെസ്റ്റ് ( NORCET 2021 ) മുഖേനയാണ് നിയമനം. ന്യൂഡൽഹി സഫ്ദർജംഗ് ഹോസ്പിറ്റൽ- 529, ലേഡി ഹാർഡിൻജ് മെഡിക്കൽ കോളജ്- 89, ഡോ. ആർഎംഎൽ ഹോസ്പിറ്റൽ- 31, കലാവതി ശരൺ ചിൽഡ്രൻ ഹോസ്പിറ്റൽ- 29 എന്നിവിടങ്ങളിലായി 678 തസ്തികയിലാണ് അവസരം. ഒക്ടോബർ 30 വരെ അപേക്ഷ സമർപ്പിക്കാം.

യോഗ്യത: 1. ബിഎസ്‌സി (ഓണേഴ്സ്) നഴ്സിംഗ്/ബിഎസ്‌സി നഴ്സിംഗ് അല്ലെങ്കിൽ ബിഎസ്‌സി (പോസ്റ്റ് സർട്ടിഫിക്കറ്റ്)/പോസ്റ്റ് ബേസിക് ബിഎസ്‌സി നഴ്സിംഗ്. സ്റ്റേറ്റ്/ഇന്ത്യൻ നഴ്സിംഗ് കൗൺസിലിൽ നഴ്സസ് ആൻഡ് മിഡ്‌വൈഫ് രജിസ്ട്രേഷൻ. 2. ജനറൽ നഴ്സിംഗ് ആൻഡ് മിഡ്‌വൈഫറി ഡിപ്ലോമ. സ്റ്റേറ്റ്/ഇന്ത്യൻ നഴ്സിംഗ് കൗൺസിലിൽ നഴ്സസ് ആൻഡ് മിഡ്‌വൈഫ് രജിസ്ട്രേഷൻ. കുറഞ്ഞത് അന്പതു കിടക്കകളുള്ള ആശുപത്രിയിൽ ഒരു വർഷത്തെ പ്രവൃത്തിപരിചയം.

പ്രായം: 18- 35 വയസ്. സംവരണ വിഭാഗക്കാർക്ക് ഉ‍യർന്ന പ്രായത്തിൽ ഇളവ് ലഭിക്കും.
ശന്പളം: 44,900- 1,42,400 രൂപ.

അപേക്ഷാ ഫീസ്: 3,000 രൂപ. പട്ടികവിഭാഗം/ഇഡബ്ല്യുഎസ് 2,500 രൂപ. ഭിന്നശേഷിക്കാർക്ക് ഫീസില്ല.

തെരഞ്ഞെടുപ്പ്: നവംബർ 20 ന് ഓൺലൈൻ പരീക്ഷ നടക്കും. കൂടു തൽ വിവര ങ്ങൾക്ക് www.aiims exams.ac.in.