വെസ്റ്റേണ്
കോള് ഇന്ത്യയുടെ കീഴില് നാഗ്പുര് ആസ്ഥാനമായി പ്രവര്ത്തിക്കുന്ന വെസ്റ്റേണ് കോള്ഫീല്ഡ്സില് 1281 അപ്രന്റിസ് ഒഴിവുകളിലേക്ക് അപേക്ഷ ക്ഷണിച്ചു. ഗ്രാജ്വേറ്റ്, ടെക്നീഷ്യന്, ട്രേഡ് അപ്രന്റിസ് വിഭാഗങ്ങളിലാണ് അവസരം. ഓണ്ലൈനായി അപേക്ഷിക്കണം. ഒരുവര്ഷത്തെ പരിശീലനം ഉണ്ടായിരിക്കും.
ട്രേഡ് അപ്രന്റിസ്- 965, ഗ്രാജ്വേറ്റ് അപ്രന്റിസ്-101, ടെക്നീഷ്യന് അപ്രന്റിസ്-215.
യോഗ്യത
ഗ്രാജ്വേറ്റ് അപ്രന്റിസ്: മൈന് എന്ജിനിയറിംഗില് ബിഇ/ ബിടെക്. എന്എടിഎസ് പോര്ട്ടലില് എൻറോള് ചെയ്യണം.
ടെക്നീഷ്യന് അപ്രന്റിസ്: മൈനിംഗ്/ മൈനിംഗ് ആന്ഡ് മൈന് സര്വേയിംഗ് ഡിപ്ലോമ. എന്എടിഎസ് പോര്ട്ടലില് എൻറോള് ചെയ്യണം.
ട്രേഡ് അപ്രന്റിസ്; കംപ്യൂട്ടര് ഓപ്പറേറ്റര് ആന്ഡ് പ്രോഗ്രാമിംഗ് അസിസ്റ്റന്റ്, ഡ്രോട്ട്സ്മാന് (സിവില്), ഇലക്ട്രീഷ്യന്, ഫിറ്റര്, മെക്കാനിക്ക് (ഡീസല്), മെഷനിസ്റ്റ്, മേസണ് (ബില്ഡിംഗ് കോണ്ട്രാക്ടര്), പമ്പ് ഓപ്പറേറ്റര് കം മെക്കാനിക്ക്, സര്വേയര്, ടര്ണര്, വെല്ഡര് (ഗ്യാസ് ആന്ഡ് ഇലക്ട്രിക്കല്), വയര്മാന് എന്നിവയില് ഏതെങ്കിലും ട്രേഡില് എന്സിവിടി/ എസ്സിവിടി സര്ട്ടിഫിക്കറ്റ്.
പ്രായപരിധി: ട്രേഡ് അപ്രന്റിസിന് 18- 25 വയസ്. സംവരണവിഭാഗക്കാര്ക്ക് ഉയര്ന്ന പ്രായത്തില് ഇളവ് ലഭിക്കും.
സ്റ്റെപ്പെന്ഡ്: ഗ്രാജ്വേറ്റ് അപ്രന്റിസ്-9,000 രൂപ, ടെക്നീഷ്യന് അപ്രന്റിസ്- 8,000 രൂപ, ട്രേഡ് അപ്രന്റിസ് (ഒരു വർഷം ഐടിഐ യോഗ്യതയുള്ളവര്ക്ക്)- 7,700 രൂപ. ട്രേഡ് അപ്രന്റിസ് (രണ്ടുവര്ഷ ഐടിഐ യോഗ്യതയുള്ളവര്ക്ക്)-8050 രൂപ.
തെരഞ്ഞെടുപ്പ്: യോഗ്യതാ മാര്ക്കിന്റെ അടിസ്ഥാനത്തില് തയ്യാറാക്കുന്ന മെറിറ്റ് ലിസ്റ്റിലൂടെയാണ് തെരഞ്ഞെടുപ്പ്. ട്രേഡ് അപ്രന്റിസ് തസ്തികയിൽ കോള്ഫീല്ഡിനടുത്തുള്ള പ്രദേശവാസികള്ക്കും ബന്ധപ്പെട്ട സംസ്ഥാനങ്ങളിലുള്ളവര്ക്കും മുന്ഗണന ലഭിക്കും.
അപേക്ഷിക്കേണ്ട വിധം: വിശദവിവരങ്ങള്ക്ക് www.westerncoal.in സന്ദര്ശിക്കുക. അപേക്ഷ സ്വീകരിക്കുന്ന അവസാന തീയതി സെപ്റ്റംബര് 21.
സെൻട്രൽ
സെൻട്രൽ കോള് ഫീല്ഡ് ലിമിറ്റഡില് അപ്രന്റീസ് തസ്തികയിലെ ഒഴിവുകളിലേക്ക് അപേക്ഷ ക്ഷണിച്ചു. വിജ്ഞാപനം വൈകാതെ പുറപ്പെടുവിക്കും.
ഫിറ്റര്, വെല്ഡര്, ഇലക്ട്രീഷ്യന്, മെക്കാനിക്ക് (റിപ്പയര് ആന്ഡ് മെയിന്റനന്സ് ഓഫ് ഹെവി വെഹിക്കിള്), കംപ്യൂട്ടര് ഓപ്പറേറ്റര് ആന്ഡ് പ്രോഗ്രാമിംഗ് അസിസ്റ്റന്റ്, ഇന്ഫര്മേഷന് ആന്ഡ് കമ്യൂണിക്കേഷന് ടെക്നോളജി സിസ്റ്റം മെയിന്റനന്സ്, മെഷനിസ്റ്റ്, ടര്ണര് തസ്തികകളിലാണ് അവസരം.
പ്രായം: 18 - 30 വയസ്. 2021 ഒക്ടോബര് അടിസ്ഥാനമാക്കിയാണ് പ്രായം കണക്കാക്കുന്നത്. എസ്സി, എസ്ടി വിഭാഗക്കാര്ക്ക് അഞ്ചും ഒബിസി വിഭാഗക്കാര്ക്ക് മൂന്നും വര്ഷം ഉയര്ന്ന പ്രായത്തില് ഇളവ് ലഭിക്കും.
സ്റ്റൈപ്പന്ഡ്: 7,000 രൂപ.
യോഗ്യത: പത്താംക്ലാസും ഐടിഐ പാസും.
അപേക്ഷിക്കേണ്ട വിധം: www.apprenticesh ip.gov.in എന്ന വെബ്സൈറ്റിലൂടെ ഓണ്ലൈനായി അപേക്ഷ സമര്പ്പിക്കുക. വെബ്സൈറ്റ് സന്ദര്ശിക്കുക.