വ്യോമസേനയുടെ വിവിധ യൂണിറ്റുകളിലായി 1515 സിവിലിയൻ ഓഫീസർമാരുടെ ഒഴിവുകളിലേക്ക് അപേക്ഷ ക്ഷണിച്ചു. വ്യോമസേനയുടെ വിവിധ യൂണിറ്റുകളിലും സ്റ്റേഷനുകളിലാണ് നിയമനം.
വെസ്റ്റേൺ എയർ കമാൻഡ് യൂണിറ്റ്- 362, ട്രെയിനിംഗ് കമാൻഡ് യൂണിറ്റ്- 398, മെയിന്റനൻസ് കമാൻഡ് യൂണിറ്റ്- 479, സെൻട്രൽ എയർ കമാൻഡ്-116, ഈസ്റ്റേൺ എയർ കമാൻഡ്- 132, സതേൺ എയർ കമാൻഡ്- 28 ഒഴിവുകളാണ് ഉള്ളത്.
സീനിയർ കംപ്യൂട്ടർ ഓപ്പറേറ്റർ, സൂപ്രണ്ട് (സ്റ്റോർ), സ്റ്റെനോഗ്രാഫർ ഗ്രേഡ് രണ്ട്, ലോവർ ഡിവിഷൻ ക്ലാർക്ക്, ഹിന്ദി ടൈപ്പിസ്റ്റ്, സ്റ്റോർ കീപ്പർ, സിവിലയൻ മെക്കാനിക്കൽ ട്രാൻസ്പോർട്ട് ഡ്രൈവർ (ഓർഡിനറി ഗ്രേഡ്), കുക്ക് (ഓർഡിനറി ഗ്രേഡ്), പെയിന്റർ (സ്കിൽഡ്), കാർപെന്റർ (സ്കിൽഡ്), ആയ/വാർഡ് സഹായിക, ഹൗസ്കീപ്പിംഗ് സ്റ്റാഫ്, ലോൺഡ്രിമാൻ, മെസ് സ്റ്റാഫ്, മൾട്ടിടാസ്കിംഗ് സ്റ്റാഫ്, വൾക്കനൈസർ, ടെയ്ലർ, ടിൻസ്മിത്ത് (സ്കിൽഡ്), കോപ്പർ സ്മിത്ത് ആൻഡ് ഷീറ്റ് മെറ്റൽ വർക്കർ, ഫയർമാൻ, ഫയർ എൻജിൻ ഡ്രൈവർ, ട്രേഡ്സ്മാൻ മേറ്റ്, ലെതർ വർക്കർ, ടർണർ, വയർലെസ് ഓപ്പറേറ്റർ മെക്കാനിക്ക് തസ്തികകളിലാണ് അവസരം. കൂടുതൽ വിവരങ്ങൾക്ക് www.joinindianairforce.nic.in സന്ദർശിക്കുക. അപേക്ഷ സ്വീകരിക്കുന്ന അവസാന തീയതി മേയ് രണ്ട്.