മിലിട്ടറി എന്‍ജിനിയറിംഗ് സര്‍വീസില്‍ 502 ഒഴിവുകളിലേക്കുള്ള വിജ്ഞാപനം പ്രസിദ്ധീകരിച്ചു. ഓണ്‍ലൈനായി അപേക്ഷിക്കണം. എഴുത്തുപരീക്ഷയുടെ അടിസ്ഥാനത്തിലാണ് തെരഞ്ഞെടുപ്പ്. മേയ് 16 നു കേരളത്തില്‍ കൊച്ചിയില്‍ വച്ചു പരീക്ഷ നടത്തും.
ഡ്രോട്സ്മാൻ, സൂപ്പര്‍വൈസര്‍ തസ്തികയിലാണ് ഒഴിവ്.
യോഗ്യത: ഡ്രോട്സ്മാൻ- ആര്‍ക്കിടെക്ചറല്‍ അസിസ്റ്റന്‍റ്ഷിപ് ഡിപ്ലോമ. ഒരു വര്‍ഷത്തെ പ്രവൃത്തിപരിചയം അഭിലഷണീയം.
സൂപ്പര്‍വൈസർ- ഇക്കണോമിക്‌സ്/ കൊമേഴ്‌സ്/ സ്റ്റാസ്റ്റിസ്റ്റിക്‌സ്/ ബിസിനസ് സ്റ്റഡീസ്/ പബ്ലിക് അഡ്മിനിസ്‌ട്രേഷന്‍ ബിരുദാനന്തരബിരുദവും ഒരു വര്‍ഷത്തെ പ്രവൃത്തിപരിചയവും. അല്ലെങ്കില്‍ മേല്‍പ്പറഞ്ഞ വിഷയത്തില്‍ ബിരുദവും മെറ്റീരിയല്‍സ് മാനേജ്‌മെന്‍റ്/പര്‍ച്ചേസിംഗ്/ ലോജിസ്റ്റിക്‌സ്/ പബ്ലിക് പ്രൊക്യൂര്മെന്റ് ഡിപ്ലോമയും രണ്ടു വര്‍ഷത്തെ പ്രവൃത്തിപരിചയവും.
പ്രായം: 18- 30 വയസ്. സംവരണ വിഭാഗക്കാര്‍ക്ക് വയസിളവ് ലഭിക്കും.
വിശദവിവരങ്ങള്‍ക്ക് www.mes.gov.in കാണുക. അപേക്ഷാ ഫീസ് 100 രൂപ. വനിത/ എസ്‌സി/ എസ്ടി/ ഭിന്നശേഷിക്കാർ/ വിമുക്തഭടന്‍മാര്‍ എന്നിവര്‍ക്ക് ഫീസില്ല. അപേക്ഷ സ്വീകരിക്കുന്ന അവസാന തീയതി ഏപ്രില്‍ 12.