സംസ്ഥാനത്തെ വിവിധ സഹകരണ ബാങ്കുകളിലെയും പ്രാഥമിക സഹകണസംഘങ്ങളിലെയും 194 ജൂണിയർ ക്ലാർക്ക്/ കാഷ്യർ ഒഴിവുകളിലേക്ക് സഹകരണ സർവീസ് പരീക്ഷാ ബോർഡ്് അപേക്ഷ ക്ഷണിച്ചു. തിരുവനന്തപുരം-ഏഴ്, കൊല്ലം- എട്ട്, പത്തനംതിട്ട- ഒന്പത്, ആലപ്പുഴ- മൂന്ന്, കോട്ടയം- 34, ഇടുക്കി- അഞ്ച്, എറണാകുളം- 36, തൃശൂർ- 38, പാലക്കാട്- ഒന്ന്, മലപ്പുറം- 14, കോഴിക്കോട്- 12, വയനാട്- ആറ്, കണ്ണൂർ- 17, കാസർഗോഡ്- അഞ്ച് എന്നിങ്ങനെയാണ് ഒഴിവുകൾ.
പ്രായപരിധി: 01.01.2020ൽ 18- 40 വയസ്. പട്ടികജാതി/പട്ടികവർഗത്തിൽപ്പെട്ടവർക്ക് അഞ്ചുവർഷവും മുറ്റു പിന്നാക്കവിഭാഗക്കാർക്കും വിമുക്തഭടൻമാർക്കും മൂന്നുവർഷവും അംഗപരിമിതർക്ക് പത്തുവർഷവും ഉയർന്ന പ്രായപരിധിയിൽ ഒഴിവ് ലഭിക്കും.
ഏതെങ്കിലും ഒരു ബാങ്ക്/ സംഘത്തിൽ പ്രവർത്തനപരിധിയിൽ വരുന്ന ജില്ലയിൽനിന്നുള്ള ഉദ്യോഗാർഥികൾക്ക് പ്രസ്തു സംഘത്തിൽനിന്ന് ലഭിക്കുന്ന പരമാവധി 15 മാർക്കിനു പുറമേ അധിക ആനുകൂല്യമായി അഞ്ചു മാർക്ക് കൂടി ലഭിക്കും. അപേക്ഷാ ഫോമിൽ സ്വന്തം ജില്ല വ്യക്തമാക്കേണ്ടതും ഇന്റർവ്യൂ സമയത്ത് ബന്ധപ്പെട്ട അധികാരിയിൽനിന്ന് ലഭിക്കുന്ന നേറ്റിവറ്റി സർട്ടിഫിക്കറ്റ് ഹാജരാക്കേണ്ടതുമാണ്.
ഉദ്യോഗാർഥികൾക്ക് ഒന്നിൽ കൂടുതൽ ബാങ്ക്/ സംഘങ്ങളിലേക്ക് അപേക്ഷിക്കാം. ഒരു ബാങ്ക്/ സംഘത്തിലേക്ക് അപേക്ഷിക്കാൻ 150 രൂപയാണ് ഫീസ്. (എസ്്സി/ എസ്ടി വിഭാഗത്തിന് 50 രൂപ). അധികമായി അപേക്ഷിക്കുന്ന ഓരോ ബാങ്ക് /സംഘത്തിലേക്ക് 50 രൂപ അധികമായി അടയ്ക്കണം. ഒന്നിൽ കൂടുതൽ ബാങ്ക് സംഘത്തിലേക്ക് അപേക്ഷിക്കുന്നതിന് ഒരു അപേക്ഷാ ഫോമും ഒരു ഡിമാൻഡ് ഡ്രാഫ്റ്റും മതി.
അപേക്ഷാ ഫീസ് ഫെഡറൽ ബാങ്ക്, കേരള സംസ്ഥാന സഹകരണ ബാങ്ക് എന്നിവയുടെ ശാഖ വഴി അടിയ്ക്കാം. ഫീസ് അടയക്കുന്നതിന് ആവശ്യമായ ചെലാൻ സഹകരണ സർവീസ് പരീക്ഷാ ബോർഡിന്റെ വെബ്സൈറ്റിൽ നൽകിയിട്ടുണ്ട്. വിജ്ഞാപനത്തിയതിക്കു ശേഷം മാത്രം എടുത്ത ചെലാൻ മാത്രമേ സ്വീകരിക്കുകയുള്ളൂ. അപേക്ഷയുടെ മാതൃക www.csebkerala.org എന്ന സഹകരണ സർവീസ് പരീക്ഷാ ബോർഡിന്റെ വെബ്സൈറ്റിൽ ലഭിക്കും.
അപേക്ഷയും അനുബന്ധ രേഖകളും മാർച്ച് 31 വൈകിട്ട് അഞ്ചിനു മുന്പായി സഹകരണ സർവീസ് പരീക്ഷാ ബോർഡിൽ ലഭിക്കണം.
വിലാസം: സഹകരണ സർവീസ് പരീക്ഷാ ബോർഡ്, കേരള സംസ്ഥാന സഹകരണ ബാങ്ക് ബിൽഡിംഗ്, ഓവർ ബ്രിഡ്ജ്, തിരുവനന്തപുരം- 695001. ഫോണ്: 0471- 2468690, 2468670.