സാമൂഹ്യ, സാന്പത്തിക മേഖലകളിൽ നടത്തുന്ന ഗവേഷണ,പഠന പ്രവർത്തനങ്ങളിലൂടെ അന്തർദേശീയ പ്രശസ്തി പിടിച്ചു പറ്റിയ സ്ഥാപനമാണ് തിരുവനന്തപുരത്തെ സെന്‍റർ ഫോർ ഡവലപ്മെന്‍റ് സ്റ്റഡീസ് (സിഡിഎസ്). സിഡിഎസ് നടത്തുന്ന എംഎ, എംഫിൽ,പിഎച്ച്ഡി പ്രോഗ്രാമുകൾ സാന്പത്തിക ശാസ്ത്രവുമായി ബന്ധപ്പെട്ട അധ്യാപന, ഗവേഷണ രംഗങ്ങളിലും മികച്ച സന്നദ്ധ സംഘടനകളിലും കരിയർ ഉറപ്പാക്കുന്നതാണ്. അധ്യാപന രംഗത്തും ഗവേഷണ പ്രവർത്തനങ്ങളിലും പ്രാഗത്ഭ്യം തെളിയിച്ചവരുമായി ഇടപഴകാൻ കിട്ടുന്ന അവസരം വിദ്യാർഥികൾക്ക് മികച്ച അനുഭവ പരിചയമായിരിക്കും നൽകുക.
സിഡിഎസ് നടത്തുന്ന അപ്ലൈഡ് ഇക്കണോമിക്സ് എംഎ കോഴ്സിന് ഇപ്പോൾ അപേക്ഷിക്കാം.
നാലു സെമസ്റ്ററായി രണ്ടു വർഷം ദൈർഘ്യമുള്ള കോഴ്സ് വിജയകരമായി പൂർത്തിയാക്കുന്നവർക്കു ന്യൂഡൽഹിയിലെ ജവഹർലാൽ നെഹ്റു യൂണിവേഴ്സിറ്റിയുടെ ബിരുദമാണു നൽകുക.
ഏതെങ്കിലും വിഷയത്തിൽ 50 ശതമാനം മാർക്കോടെ ബിരുദം നേടിയവർക്കും അവസാനവർഷ വിദ്യാർഥികൾക്കും അപേക്ഷിക്കാം. സംവരണ വിഭാഗങ്ങൾക്ക് 40 ശതമാനം മാർക്കു മതി. മേയ് 17 ന് തിരുവനന്തപുരം, കോഴിക്കോട്, ഹൈദരാബാദ്, കോൽക്കത്ത, പൂന, ന്യൂഡൽഹി എന്നിവിടങ്ങളിൽ നടത്തുന്ന പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ. പ്രവേശന പരീക്ഷയ്ക്ക് ബിഎ ഇക്കണോമിക്സ് സിലബസിനെ അടിസ്ഥാനമാക്കിയുള്ളതും ദേശീയ, അന്തർ ദേശീയ സാന്പത്തിക സ്ഥിതി അടിസ്ഥാനമാക്കിയുള്ളതുമായ ചോദ്യങ്ങൾ ഉണ്ടായിരിക്കും.
മാതൃകാ ചോദ്യപേപ്പർ വെബ്സൈറ്റിൽ. കോഴ്സ് ഫീസ് സെമസ്റ്റർ ഒന്നിന് 8000 രൂപ. ഓണ്‍ലൈനായി വേണം അപേക്ഷിക്കാൻ. അപേക്ഷയുടെ പ്രിന്‍റൗട്ട് ബന്ധപ്പെട്ട രേഖകളും സിഡിഎസിന്‍റെ പേരിൽ തിരുവനന്തപുരത്തു മാറാവുന്ന 500 രൂപയുടെ ഡിഡിയും സഹിതം ഏപ്രിൽ എട്ടിനകം ലഭിക്കണം. അപേക്ഷ ലഭിക്കേണ്ട മേൽവിലാസം: അക്കാഡമിക് പ്രോഗ്രാം ഓഫീസ്, സെന്‍റർ ഫോർ ഡവലപ്മെന്‍റ് സ്റ്റഡീസ്, മെഡിക്കൽ കോളജ് പിഒ, ഉള്ളൂർ, തിരുവനനന്തപുരം 695001.വെബ്സൈറ്റ്: http://cds.edu. ഫോണ്: 471 – 2774253/4.