രാജ്യത്തെ പ്രശസ്ത സർവകലാശാലയായ വാരാണസിയിലെ ബനാറസ് ഹിന്ദു യൂണിവേഴ്സിറ്റിയിൽ ബിരുദ, ബിരുദാനന്തര ബിരുദ കോഴ്സുകളിലേക്കുള്ള അഡ്മിഷന് പൊതു പ്രവേശന പരീക്ഷ നടത്തുന്നു. പ്രവേശന പരീക്ഷാ തീയതികൾ: ബിരുദ കോഴ്സുകൾക്ക് ഏപ്രിൽ 26 മുതൽ മേയ് 25 വരെയും. ബിരുദാനന്തര ബിരുദ കോഴ്സുകൾക്ക് ഏപ്രിൽ 26 മുതൽ മേയ് 29 വരെയും. ഫെബ്രുവരി 29 വരെ ഓണ്‍ലൈനായി രജിസ്റ്റർ ചെയ്യാം. അപേക്ഷാ ഫീസ് പൊതുവിഭാഗത്തിന് 600 രൂപ. പട്ടിക ജാതി -വർഗക്കാർക്ക് 300 രൂപ. ഒരാൾക്ക് ഒന്നിലധികം കോഴ്സുകൾക്ക് അപേക്ഷിക്കാം. അധിക കോഴ്സുകൾക്ക് ഒാരോന്നിനും 400 രൂപ (പട്ടിക ജാതിവർഗക്കാർക്ക് 200 രൂപ) വീതം അധികം നൽകണം.
പരീക്ഷാ കേന്ദ്രങ്ങൾ: കൊച്ചി, കണ്ണൂർ. കൊല്ലം, കോട്ടയം, കോഴിക്കോട്, പാലക്കാട്, തിരുവനന്തപുരം, തൃശൂർ.
ബിരുദ കോഴ്സുകൾ: ബിഎ ആർട്സ്, ബിഎ സോഷ്യൽ സയൻസ്, ബികോം, ബിഎസ്‌സി, ബിഎഡ്, ബിഎഡ് സ്പെഷൽ എഡ്യൂക്കേഷൻ, ബിഎസ്‌സി അഗ്രിക്കൾച്ചർ, എൽഎൽബി, ബിപിഎഡ്, ബിമ്യൂസ്, ബിപിഎ, ബിഎഫ്എ. നാലു വർഷത്തെ ബിഎസ്‌സി അഗ്രിക്കൾച്ചർ കോഴ്സിന് മെയിൻ കാന്പസിലും രാജീവ് ഗാന്ധി സൗത്ത് കാന്പസിലുമായി 163 സീറ്റുകളുണ്ട്. സയൻസ് വിഷയമെടുത്ത് പ്ലസ്ടു വിന് 50 ശതമാനം മാർക്ക് നേടിയവർക്ക് അപേക്ഷക്കാം. അഞ്ചു വർഷത്തെ എൽഎൽബി കോഴ്സിന് പ്ലസ്ടു പാസായവർക്കും അവസാന വർഷ പരീക്ഷ എഴുതുന്നവർക്കും അപേക്ഷിക്കാവുന്നത്.
റീട്ടെയിൽ മാനേജ്മെന്‍റ്, ലോജിസ്റ്റിക്സ് മാനേജ്മെന്‍റ്, ഹോസ്പിറ്റാലിറ്റി ആൻഡ് ടൂറിസം മാനേജ്മെന്‍റ് , ഫുഡ് പ്രോസസിംഗ് ആൻഡ് മാനേജ്മെന്‍റ്, മെഡിക്കൽ ലാബ് ടെക്നോളജി എന്നീ വൊക്കേഷണൽ കോഴ്സുകൾക്കും അപേക്ഷ ക്ഷണിച്ചിട്ടുണ്ട്. മൂന്നു വർഷമാണു കോഴ്സിന്റെ കാലാവധി.
ഹിന്ദി, ഇംഗ്ലീഷ്, സംസ്കൃതം, ബോട്ടണി, സുവോളജി, കെമിസ്ട്രി, ഹോംസയൻസ്, മാത്തമാറ്റിക്സ്, സ്റ്റാറ്റിസ്റ്റിക്സ്, ഹിസ്റ്ററി, ജ്യോഗ്രഫി, ഇക്കണോമിക്സ്, കൊമേഴ്സ്, പൊളിറ്റിക്കൽ സയൻസ്, ഹോംസയൻസ് എന്നീ വിഷയങ്ങളിലാണ് ബിഎഡ് കോഴ്സ്. 50 ശതമാനം മാർക്കോടെ ബിരുദമാണ് അപേക്ഷിക്കാനുള്ള യോഗ്യത. ബാച്ചിലർ ഓഫ് വെറ്ററിനറി സയൻസ് ആൻഡ് ആനിമൽ ഹസ്ബൻഡറി കോഴ്സിനു ബയോളജി പഠിച്ച് പ്ലസ്ടുവിന് 50 ശതമാനം മാർക്കു നേടിയവർക്ക് അപേക്ഷിക്കാം. നീറ്റ് ലിസ്റ്റിൽ നിന്നായിരിക്കും അഡ്മിഷൻ.
ശ്രവണ, ബധിര വൈകല്യമുള്ളവർക്കു ശിക്ഷണം നൽകുന്നതിനുള്ള പഠന രീതിയാണു സ്പെഷൽ എഡ്യൂക്കേഷൻ ബിഎഡുകൊണ്ട് ഉദ്ദേശിക്കുന്നത്. തെരഞ്ഞെടുക്കപ്പെടുന്നവർക്ക് പ്രതിമാസം 300 രൂപ സ്റ്റൈപ്പൻഡിന് അർഹതയുണ്ടായിരിക്കും.
ബിരുദാനന്തര ബിരുദ കോഴ്സുകൾ: ഇംഗ്ലീഷ്, ഫിലോസഫി, ലിംഗ്വിസ്റ്റിക്സ്, ഹിസ്റ്ററി, ഇക്കണോമിക്സ്, എനർജി ഇക്കണോമിക്സ്, പൊളിറ്റിക്കൽ സയൻസ്, സ്റ്റാറ്റിസ്റ്റിക്സ്, ജ്യോഗ്രഫി, ഫിസിക്സ്, കെമിസ്ട്രി, ബോട്ടണി, സുവോളജി, ബയോകെമിസ്ട്രി, കംപ്യൂട്ടർ സയൻസ്, മോളിക്യൂളാർ ആൻഡ് ഹ്യൂമൻ ജെനിറ്റിക്സ്, ജിയോഫിസിക്സ്, ജിയോളജി, പെട്രോളിയം ജിയോസയൻസ്, ഹെൽത്ത് സ്റ്റാറ്റിസ്റ്റിക്സ്, അഗ്രിക്കൾച്ചർ, ഫോറസ്ട്രി, എംപിഎ, എംഎഫ്എ, എംമ്യൂസിക്, കമ്യൂണിക്കേഷൻ, എംഎഡ്, മാനുസ്ക്രിപ്റ്റ്, സോഷ്യൽ വർക്ക്, പബ്ലിക് അഡ്മിനിസ്ട്രേഷൻ, പേഴ്സണൽ മാനേജ്മെന്‍റ് ആൻഡ് ഇൻഡസ്ട്രിയൽ റിലേഷൻസ്, ടൂറിസം അഡ്മിനിസ്ട്രേഷൻ, കോർപറേറ്റ് കമ്യൂണിക്കേഷൻ ആൻഡ് മാനേജ്മെന്‍റ് , അപ്ലൈഡ് മൈക്രോ ബയോളജി, എൻവയണ്‍മെന്‍റൽ സയൻസ്, എംസിഎ, ബയോഇൻഫർമാറ്റിക്സ്, സ്റ്റാറ്റിസ്റ്റിക്സ് ആൻഡ് കംപ്യൂട്ടിംഗ്, മാസ്റ്റർ ഓഫ് ഫിനാൻഷൽ മാനേജ്മെന്‍റ്, ഫുഡ് സയൻസ് ആൻഡ് ടെക്നോളജി, എംടെക് അഗ്രിക്കൾച്ചർ എൻജിനിയറിംഗ്, എംഎഡ്, എൽഎൽഎം, എംടെക് എൻവയണ്‍മെന്‍റൽ സയൻസ് ആൻഡ് ടെക്നോളജി, ഫോറൻസിക് സയൻസ്, എംഎസ്‌സി കംപ്യൂട്ടേഷണൽ സയൻസ് ആൻഡ് ആപ്ലിക്കേഷൻ ഇൻ സിഗ്നൽ, എൽഎൽഎം, എംഎ എഡ്യൂക്കേഷൻ, എംഎസ്‌സി അഗ്രോ ഫോറസ്ട്രി, സോയിൽ സയൻസ്.അഗ്രി ബിസിനസ് മാനേജ്മെന്‍റിൽ എംബിഎ. റീട്ടെയിൽ ആൻഡ് ലോജിസ്റ്റിക്സ് മാനേജ്മെന്‍റ്, ഹോസ്പിറ്റാലിറ്റി ആൻഡ് ടൂറിസം മാനേജ്മെന്‍റ്, ഫുഡ് പ്രോസസിംഗ് മാനേജ്മെന്‍റ്, മെഡിക്കൽ ലബോറട്ടിറി ടെക്നോളജി എന്നിവിയിൽ എംവോക് കോഴ്സുകളുമുണ്ട്.