കേന്ദ്ര പ്രതിരോധ മന്ത്രാലയത്തിനു കീഴിലുള്ള ഡിഫൻസ് റിസർച്ച് ആൻഡ് ഡെവലപ്മെന്‍റ് ഓർഗനൈസേഷനിൽ (ഡിആർഡിഒ) മൾട്ടി ടാസ്കിംഗ് സ്റ്റാഫ് തസ്തികിയിലെ 1817 ഒഴിവുകളിലേക്ക് അപേക്ഷ ക്ഷണിച്ചു. സെന്‍റർ ഫോർ പഴ്സണേൽ ടാലന്‍റ് മാനേജ്മെന്‍റ് നടത്തുന്ന പരീക്ഷ മുഖേനയാണു തെരഞ്ഞെടുപ്പ്. കൊച്ചിയിൽ നിയമത്തിനു സാധ്യതയുണ്ട്. വിജ്ഞാപനം ഉടൻ പുറപ്പെടുവിക്കും. അപേക്ഷ സ്വീകരിക്കുന്ന അവസാന തീയതി ജനുവരി 23.
യോഗ്യത: പത്താംക്ലാസ് ജയം/തത്തുല്യം അല്ലെങ്കിൽ ഐടിഐ ജയം.
പ്രായം: 18-25 വയസ്. അർഹരായവർക്ക് ഇളവുണ്ടായിരിക്കും.
ശന്പളം: 18,000- 56,900 രൂപ.
തെരഞ്ഞെടുപ്പ്: രണ്ടു ഘട്ടമായാണ് തെരഞ്ഞെടുപ്പ്. രണ്ടും കംപ്യൂട്ടർ അധിഷ്ഠിത പരീക്ഷയാണ്. ഒന്നാം ഘട്ടപരീക്ഷയ്ക്ക് തിരുവനന്തപുരത്തും കൊച്ചിയിലും പരീക്ഷാ കേന്ദ്രങ്ങൾ ഉണ്ട്. അപേക്ഷയിൽ മൂന്നു പരീക്ഷാ കേന്ദ്രങ്ങൾ തെരഞ്ഞെടുത്ത് മുൻഗണനാ ക്രമത്തിൽ രേഖപ്പെടുത്തണം.
അപേക്ഷാ ഫീസ്: 100 രൂപ. എസ്‌സി, എസ്ടി, ഭിന്നശേഷി, വിമുക്തഭടൻ എന്നിവർക്ക് ഫീസില്ല. ഓൺലൈനായി ഫീസ് അടയ്ക്കണം. നെറ്റ് ബാങ്കിംഗ്/ക്രെഡിറ്റ് കാർഡ്/ഡെബിറ്റ് കാർഡ് എന്നിവ ഉപയോഗിച്ച് ഫീസ് അടയ്ക്കാം.
അപേക്ഷിക്കേണ്ട വിധം: www.drdo.gov.in എന്ന വെബ്സൈറ്റ് വഴിയാണ് അപേക്ഷിക്കേണ്ടത്. വിശദവിവരങ്ങൾ വെബ്സൈറ്റിൽ പ്രസിദ്ധീകരിക്കും.
ഹിമിർപുർ എൻഐടിയിൽ ഫാക്കൽറ്റി
ഹിമാചൽപ്രദേശിലെ ഹിമിർപുർ നാഷണൽ ഇൻസ്റ്റിറ്റ്യൂട്ട് ഓഫ് ടെക്നോളജിയിൽ പ്രഫസർ, അസോസിയേറ്റ് പ്രഫസർ, അസിസ്റ്റന്‍റ് പ്രഫസർ തസ്തികയിലാണ് 76 ഒഴിവ്. ജനുവരി 20 വരെ അപേക്ഷിക്കാം.
സിവിൽ എൻജിനിയറിംഗ്, ഇലക്‌ട്രിക്കൽ എൻജിനിയറിംഗ്, മെക്കാനിക്കൽ എൻജിനിയറിംഗ്, ഇലക്‌ട്രോണിക്സ് ആൻഡ് കമ്യൂണിക്കേഷൻ എൻജിനിയറിംഗ്, കംപ്യൂട്ടർ സയൻസ് ആൻഡ് എൻജിനിയറിംഗ്, കെമിക്കൽ എൻജിനിയറിംഗ്, മെറ്റീരിയൽ സയൻസ് ആൻഡ് എൻജിനിയറിംഗ്, ആർക്കിടെക്ചർ, മാത്തമാറ്റിക്സ് ആൻഡ് സയന്‍റഫിക്സ് കംപ്യൂട്ടിംഗ്, ഫിസിക്സ് ആൻഡ് ഫൊട്ടോണിക്സ് ആൻഡ് സയൻസ്, കെമിസ്ട്രി, ഹ്യൂമാനിറ്റീസ് ആൻഡ് സോഷ്യൽ സയൻസ്, മാനേജ്മെന്‍റ് സ്റ്റഡീസ് വകുപ്പുകളിലാണ് ഒഴിവ്. കൂടുതൽ വിവരങ്ങൾക്ക് www.nith.ac.in.
ഡിയുവിൽ അസി. പ്രഫസർ
ഡൽഹി യൂണിവേഴ്സിറ്റിക്കു കീഴിലുള്ള വിവിധ കോളജുകളിൽ അസിസ്റ്റന്‍റ് പ്രഫസർ തസ്തികയിൽ അപേക്ഷ ക്ഷണിച്ചു.
ഹിന്ദു കോളജ്: 51 ഒഴിവ്. ഡിസംബർ 30 വരെ അപേക്ഷിക്കാം. ലക്ഷ്മിഭായ് കോളജ്: 70 ഒഴിവ്
ഡിസംബർ 27 വരെ അപേക്ഷിക്കാം.
ശ്രീ വെങ്കിടേശ്വര കോളജ്: 89 ഒഴിവ്. ഡിംസബർ 28 വരെ അപേക്ഷിക്കാം.
വെബ്സൈറ്റ്: www.svc. ac.in.