തൊഴിലിനൊപ്പം പഠനം ആഗ്രഹിക്കുന്നതെങ്കിൽ ഇഗ്നോയിൽ തന്നെ ചേരണം. മോഡുലാർ രീതിയിലുള്ള പാഠ്യപദ്ധതിയും പഠിതാക്കളുടെ ഇഷ്ടാനുസരണം പഠന കാലയളവും പരീക്ഷാ കേന്ദ്രങ്ങളും തെരഞ്ഞെടുക്കുതിനുള്ള സൗകര്യവും ഇന്ത്യയിൽ എവിടെയും പഠനം തുടരാൻ കഴിയുമെന്നതുമാണ് ഇഗ്നോ കോഴ്സുകളെ വേറിട്ടതാക്കുന്നത്. ഒപ്പം സർട്ടിഫിക്കറ്റിന്റെ അംഗീകാരവും പഠനത്തിന്റെ ഗുണമേന്മയും ഓപ്പൺ യൂണിവേഴ്സിറ്റികൾക്കിടയിൽ ഇഗ്നോക്ക് ഗ്ലാമർ പരിവേഷമാണു ചാർത്തി നൽകുന്നത്.
മികച്ച പാഠ്യ പദ്ധതി
മോഡുലാർ രീതിയിലുള്ള പാഠ്യപദ്ധതിയാണ് മിക്ക ഇഗ്നോ കോഴ്സുകൾക്കും പിന്തുടരുന്നത്. വ്യത്യസ്തമായ സ്പെഷലൈസേഷനുകളും മറ്റൊരു ആകർഷണീയതയാണ്. പഠിതാക്കളുടെ ഇഷ്ടാനുസരണം പഠനം പൂർത്തിയാക്കാനുള്ള കാലയളവ്, പഠന/ പരീക്ഷാ കേന്ദ്രങ്ങൾ തെരഞ്ഞെടുക്കാനും മാറ്റാനുമുള്ള സൗകര്യം ഔദ്യോഗികമായോ അല്ലാതെയോ സ്ഥലം മാറ്റം ഉണ്ടായാൽ ഇന്ത്യയിൽ എവിടെയും പഠനം തുടരാനും പരീക്ഷ എഴുതാനുമുള്ള സൗകര്യം എന്നിവയും ഇഗ്നോ കോഴ്സുകളുടെ പ്രത്യേകതയാണ്.
ഉന്നത നിലവാരം പുലർത്തുന്ന സ്റ്റഡി മറ്റീരിയലുകളാണ് മറ്റൊരു പ്രത്യേകത. മറ്റ് യൂണിവേഴ്സിറ്റികളിലെയും ഉന്നത വിദ്യാഭ്യാസ സ്ഥാപനങ്ങളിലെയും വിദഗ്ധർ തയാറാക്കുന്ന സ്റ്റഡി മെറ്റീരിയലുകൾ ലോകോത്തര നിലവാരം പുലർത്തുന്നവയാണ്. ഗുണമേന്മയുടെ കാര്യത്തിൽ കോമണ്വെൽത്ത് ഓഫ് ലേണിംഗിന്റെ പുരസ്കാരം ലഭിച്ച ഇഗ്നോ സ്റ്റഡി മെറ്റീരിയലുകൾ മത്സര പരീക്ഷയ്ക്കു തയാറെടുക്കുന്നവർ റഫറൻസിനായി ഉപയോഗിക്കുന്നുണ്ട്.
മാസ്റ്റേഴ്സ് പ്രോഗ്രാമുകൾ
കൊമേഴ്സ്, എംസിഎ, ലൈബ്രറി സയൻസ്, സോഷ്യൽ വർക്ക്, ടൂറിസം ആൻഡ് ട്രാവൽ മാനേജ്മെന്റ്, അന്ത്രപ്പോളജി, ഡവലപ്മെന്റ് സ്റ്റഡീസ്, ഡിസ്റ്റൻസ് എഡ്യൂക്കേഷൻ, ഇക്കണോമിക്സ്, എഡ്യൂക്കേഷൻ, ഇംഗ്ലീഷ്, ഗാന്ധി ആൻഡ് പീസ് സ്റ്റഡീസ്, ജെൻഡർ ആൻഡ് ഡവലപ്മെന്റ് സ്റ്റഡീസ്, ഹിന്ദി, ഹിസ്റ്ററി, ട്രാൻസ്ലേഷൻ സ്റ്റഡീസ്, ഫിലോസഫി, പൊളിറ്റിക്കൽ സയൻസ്, സൈക്കോളജി, പബ്ലിക് അഡ്മിനിസ്ട്രേഷൻ, റൂറൽ ഡവലപ്മെന്റ്, സോഷ്യോളജി, ഡയറ്റിക്സ് ആൻഡ് ഫുഡ് സർവീസ് മാനേജ്മെന്റ്, കൗൺസലിംഗ് ആൻഡ് ഫാമിലി തെറാപ്പി, അഡൾട്ട് എഡ്യൂക്കേഷൻ, വിമൻസ് സ്റ്റഡീസ്. കൊമേഴ്സ് ബിസിനസ് പോളിസി ആൻഡ് കോർപറേറ്റ് ഗവേണൻസ്, കൊമേഴ്സ് ഫിനാൻസ് ആൻഡ് ടാക്സേഷൻ, കൊമേഴ്സ് മാനേജ്മെന്റ് ആൻഡ് അക്കൗണ്ടിംഗ് ആൻഡ് ഫിനാൻഷൽ സ്റ്റാറ്റജീസ് എന്നീ സ്പേഷലൈസേഷനുകളോടു കൂടിയതാണ് കൊമേഴ്സ് പ്രോഗ്രാം.
ബാച്ചിലേഴ്സ് പ്രോഗ്രാമുകൾ
ആർട്സ്, സയൻസ്, കൊമേഴ്സ്, കംപ്യൂട്ടർ സയൻസ്, ലൈബ്രറി സയൻസ്, സോഷ്യൽ വർക്ക്, ബിസിനസ് അഡ്മിനിസ്ട്രേഷൻ. അക്കൗണ്ടൻസി ആൻഡ് ഫിനാൻസ്, കോർപറേറ്റ് അഫയേഴ്സ് ആൻഡ് അഡ്മിനിസ്ട്രേഷൻ, ഫിനാൻഷൽ ആൻഡ് കോസ്റ്റ് അക്കൗണ്ടിംഗ് എന്നീ സ്പെഷലൈസേഷനുകൾ കൊമേഴ്സ് പ്രോഗ്രാമിനുണ്ട്.
കേരളത്തിലെ ഇഗ്നോ സ്റ്റഡി സെന്ററുകൾ
ഇഗ്നോ റീജിയണൽ സെന്റർ തിരുവനന്തപുരം, സെക്കന്ഡ് ഫ്ളോർ, രാജധാനി ബിൽഡിംഗ്, കിള്ളിപ്പാലം, കരമന പി.ഒ, തിരുവനന്തപുരം - 695002. ഫോണ്: 0471 - 2344113, 2344120, 9447044132.
തിരുവനന്തപുരം: മാർ ഈവാനിയോസ് കോളജ് (1441), നാലാഞ്ചിറ, ഫോണ്: 0471 - 2543838. സി. അച്യുതമേനോൻ സ്റ്റഡി സെന്റർ ആൻഡ് ലൈബ്രറി (1464), പൂജപ്പുര, ഫോണ്: 0471 - 2345850. ഭാരതീയ ഇൻസ്റ്റിറ്റ്യൂട്ട് ഫോർ അഡ്വാൻസ്ഡ് സ്റ്റഡി ആൻഡ് റിസർച്ച് (ബിഐഎആർ) (1473), ജിപിഒ ലെയിൻ, ഫോണ്: 0471 - 2461567. ഓൾ സെയിന്റ്സ് കോളജ് ഫോർ വുമണ് (40028), ചാക്ക, ഫോണ്: 0471 - 2501153. സരസ്വതി കോളജ് ഓഫ് ആർട്സ് ആൻഡ് സയൻസ് (40037), വിളപ്പിൽശാല, ഫോണ്: 0471 - 2360601.
കൊല്ലം: എസ്.എൻ. കോളജ് (1413) കൊല്ലം, ഫോണ്: 0474 - 2749312. സെന്റർ ഫോർ കരിയർ റിസർച്ച് ആൻഡ് ഡെവലപ്മെന്റ് (40021), കിളികൊല്ലൂർ ഫോണ്: 0474 - 2766552. ശ്രീനികേതൻ സെന്റർ ഫോർ സോഷ്യൽ ഡെവലപ്മെന്റ് (40033), ചാത്തന്നൂർ, ഫോണ്: 0474 - 2593952. പത്തനംതിട്ട: കത്തോലിക്കേറ്റ് കോളജ് (1404), പത്തനംതിട്ട. ഫോണ്: 0468 - 2226300.