Deepika.com Career News :കേരളാ പോലീസിൽ ഹവിൽദാർ.......

കേരളാ പോലീസിൽ ഹവിൽദാർ

കേരള പോലീസ് ഹവിൽദാർ തസ്തികയിലെ ഒഴിവുകളിലേക്ക് അപേക്ഷ ക്ഷണിച്ചു. കായിക താരങ്ങൾക്കാണ് അവസരം. 63 ഒഴിവുകളുണ്ട്. ബാസ്കറ്റ് ബോൾ (സ്ത്രീ, പുരുഷൻ), വോളിബോൾ (സ്ത്രീ, പുരുഷൻ), സ്വിമ്മിംഗ് (സ്ത്രീ) എന്നീ ഇനങ്ങളിലാണ് അവസരം.
അപേക്ഷ സ്വീകരിക്കുന്ന അവസാന തീയതി ജൂൺ 10.

വിദ്യാഭ്യാസ യോഗ്യത: ഹയർ സെക്കൻഡറി പരീക്ഷ ജയം അല്ലെങ്കിൽ തത്തുല്യ പരീക്ഷാ ജയം.

കായിക യോഗ്യത: 2016 ജനുവരി ഒന്നിനോ അതിനു മുന്പോ വ്യക്തിഗത ഇനങ്ങളിൽ ഗവൺമെന്‍റ് അംഗീകരിച്ച കായികമേളകളിൽ (യൂണിവേഴ്സിറ്റി/ജൂണിയർ/യൂത്ത്/സീനിയർ/സ്കൂൾ തലം നാഷണൽ ചാന്പ്യൻഷിപ്പ്) സംസ്ഥാന തലത്തിൽ മത്സരിച്ച് ഒന്നാം സ്ഥാനമോ രണ്ടാം സ്ഥാനമോ നേടുകയും കൂടാതെ ദേശീയ തലത്തിൽ സംസ്ഥാനത്തെ പ്രതിനിധീകരിക്കുന്നതിനുള്ള യോഗ്യതയും നേടിയിരിക്കണം. കൂടുതൽ വിവരങ്ങൾക്ക് www.keralapolice.gov.in എന്ന വെബ്സൈറ്റ് സന്ദർശിക്കുക.

പ്രായം: 2019 ജനുവരി ഒന്നിന് 18- 26 വയസ്. അർഹരായവർക്ക് ഉയർന്ന പ്രായത്തിൽ ചട്ടപ്രകാരം ഇളവ് ലഭിക്കും.

അപേക്ഷിക്കേണ്ട വിധം: അപേക്ഷാഫോം www.keralapol ice.gov.in എന്ന വെബ്സൈറ്റിൽ ലഭിക്കും. പൂരിപ്പിച്ച അപേക്ഷയോടൊപ്പം പ്രായം, വിദ്യാഭ്യാസ യോഗ്യത, കായിക മേഖലയിലെ പ്രകടനം എന്നിവ തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകർപ്പുകളും സഹിതം തപാലിലോ നേരിട്ടോ അയയ്ക്കുക. അപേക്ഷ ഫോമിന്‍റെ മാതൃകയ്ക്കും വിലാസത്തിനും വെബ്സൈറ്റ് സന്ദർശിക്കുക. അപേക്ഷ സ്വീകരിക്കുന്ന അവസാനതീയതി ജൂൺ 10.