Deepika.com Career News :സിഐഎസ്എഫിൽ എഎസ്ഐ, ഹെഡ് കോൺസ്റ്റബിൾ.......

സിഐഎസ്എഫിൽ എഎസ്ഐ, ഹെഡ് കോൺസ്റ്റബിൾ

സെൻട്രൽ ഇൻഡസ്ട്രിയൽ സെക്യൂരിറ്റി ഫോഴ്സിലേക്ക് സ്പോർട്സ് ക്വോട്ട നിയമനത്തിന് അപേക്ഷ ക്ഷണിച്ചു. അസിസ്റ്റന്‍റ് സബ് ഇൻസ്പെക്ടർ/എക്സിക്യൂട്ടീവ് ഒഴിവുകളും ഹെഡ്കോൺസ്റ്റബിൾ ജനറൽ ഡ്യൂട്ടി ഒഴിവുകളുമാണുള്ളത്. വിവിധ കായിക ഇനങ്ങളിൽ ദേശീയ/ അന്തർദേശീയ മികവ് തെളിയിച്ച് സ്ത്രീകൾക്കും പുരുഷൻമാർക്കും അപേക്ഷിക്കാം.

യോഗ്യത: എഎസ്ഐ തസ്തികയ്ക്ക് ബിരുദവും ഹെഡ്കോൺസ്റ്റബിൾ തസ്തികയ്ക്ക് പ്ലസ്ടുവും.

പ്രായം: എഎസ്ഐ- 01-08-2018ന് 20 നും 25നും മധ്യേ.
ഹെഡ്കോൺസ്റ്റബിൾ- 01-08-2018ന് 18നും 23നും മധ്യേ.
രണ്ടു തസ്തികകളിലും എസ്‌സി, എസ്ടി വിഭാഗക്കാർക്ക് അഞ്ചും ഒബിസി വിഭാഗക്കാർക്ക് മൂന്നും വർഷം ഉയർന്ന പ്രായത്തിൽ ഇളവ് ലഭിക്കും. സർക്കാർ ഉദ്യോഗസ്ഥർക്ക് ചട്ടപ്രകാരം ഇളവ് ലഭിക്കും.

ശന്പളം: 5,200- 20,200 രൂപ. ഗ്രേഡ് പേ 2,800 (എഎസ്ഐ), 2,400 (ഹെഡ് കോൺസ്റ്റബിൾ).
ശാരീരികയോഗ്യത (എഎസ്ഐ)

പുരുഷൻമാർക്ക് ഉയരം 170 സെമി. നെഞ്ചളവ് 80-85 സെമി. സ്ത്രീകൾക്ക് ഉയരം 157 സെമീ. നെഞ്ചളവ് ബാധകമല്ല.

എസ്ടി വിഭാഗം പുരുഷൻമാർക്ക് ഉയരം 162.5 സെമീ. നെഞ്ചളവ് 77- 82 , സ്ത്രീകൾക്ക് 154 സെമീ. നെഞ്ചളവ് ബാധകമല്ല.

ശാരീരികയോഗ്യത (ഹെഡ്കോൺസ്റ്റബിൾ)
പുരുഷൻമാർക്ക് ഉയരം 167 സെമീ നെഞ്ചളവ് 81-86 സെമീ. സ്ത്രീകൾക്ക് ഉയരം 153 സെമീ. നെഞ്ചളവ് ബാധകമല്ല.

അപേക്ഷകർക്ക് കണ്ണട കൂടാതെ നല്ല കാഴ്ചശക്തി വേണം. വർണാന്ധത, കോങ്കണ്ണ്, കൂട്ടിമുട്ടുന്ന കാൽമുട്ടുകൾ, പരന്ന പാദങ്ങൾ എന്നിവ പാടില്ല.

അപേക്ഷിക്കേണ്ട വിധം: www.cisfrectt.in എന്ന വെബ്സൈറ്റിൽ ഒഴിവുകൾ സംബന്ധിച്ച വിജ്ഞാപനം ഉടൻ പ്രസിദ്ധീകരിക്കും.