കാര്യവട്ടം സ്പോർട്സ് ഹബ് (ഗ്രീൻഫീൽഡ്സ്റ്റേഡിയം) ആസ്ഥാനമായി പ്രവർത്തിക്കുന്ന സ്പോർട്സ് മാനേജ്മെന്റ്, സ്പോർട്സ് എൻജിനിയറിംഗ് ഗവേഷണ പരിശീലന സ്ഥാപനമായ സ്പോർട്സ് ആൻഡ് മാനേജ്മെന്റ റിസർച്ച് ഇൻസ്റ്റിറ്റ്യൂട്ട് (എസ്എംആർഐ), കേരള സർക്കാരിന്റെ നൈപ്യുണ്യവികസന മിഷനായ കേരള അക്കാഡമി ഫോർ സ്ക്കിൽസ് എക്സലൻസിന്റെ (കെയ്സ്) അക്രഡിറ്റേഷനോടുകൂടി നടത്തുന്ന വിവിധ തൊഴിലധിഷ്ഠിതസ്പോർട്സ് മാനേജ്മെന്റ്, സ്പോർട്സ് എൻജിനിയറിംഗ്കോഴ്സുകളുടെ ജനുവരി ബാച്ചിലേക്ക് അഡ്മിഷന് അപേക്ഷ ക്ഷണിച്ചു
കായികതാരങ്ങൾ, പ്രഫഷണൽ ക്ലബ്ബുകൾ, ടൂർണമെന്റുകൾ, സ്പോർട്സ്ലീഗുകൾ എന്നിവയടക്കമുള്ളസ്പോർട്സ് പ്രോപ്പർട്ടികൾ സൃഷ്ടിക്കുന്നതിനും, അവയെ ഫലപ്രദമായികൈകാര്യംചെയ്യുന്നതിനും ആവശ്യമായ അറിവുകളും, കഴിവുകളും, അഭിരുചിയും, മനോഭാവവുമുള്ള പ്രഫഷണലുകളെ സൃഷ്ടിക്കുന്ന സ്വതന്ത്ര പഠന മേഖലയാണ് സ്പോർട്സ് മാനേജ്മെന്റ്. കളിക്കോപ്പുകളും, കളിക്കളങ്ങളും, മറ്റു കായികാനുബന്ധിയായ ഉപകരണങ്ങളും, സങ്കേതങ്ങളുംരൂപകല്പന ചെയ്യുകയും, നിർമിക്കുകയും, കൈകാര്യംചെയ്യുകയുംചെയ്യുന്ന എൻജിനിയറിംഗ് ശാഖയാണ് സ്പോർട്സ് എൻജിനിയറിംഗ്.
പ്ലസ്ടു പൂർത്തിയാക്കിയവർക്ക് അഡ്വാൻസ്ഡ് ഡിപ്ലോമാ ഇൻ സ്പോർട്സ് ബിസിനസ്, ബിരുദധാരികൾക്ക് പിജി ഡിപ്ലോമാ ഇൻ സ്പോർട്സ് മാനേജ്മെന്റ്, എൻജിനിയറിംഗുകാർക്ക് അഡ്വാൻസ്ഡ് ഡിപ്ലോമാ ഇൻ സ്പോർട്സ് എൻജിനിയറിംഗ്, എംബിഎക്കാർക്ക് സർട്ടിഫൈഡ് സ്പോർട്സ് മാനേജർ എന്നീ കോഴ്സുകളിലേക്ക് അപേക്ഷിക്കാം. സ്പോർട്സ് ഏജന്റ്, സ്പോർട്സ് ക്ലബ് മാനേജർ, സ്പോർട്സ്ലീഗ് മാനേജർ, സ്പോർട്സ് അനലിസ്റ്റ്, സ്ക്കൗട്ട്, സ്പോർട്സ് ഡവലപ്മെന്റ് ഓഫീസർ, സ്പോർട്സ് എൻജിനിയർ, സ്പോർട്സ് ഫെസിലിറ്റി എൻജിനിയർ, സ്പോർട്സ് ഫ്ളോറിംഗ്, സ്പോർട്സ്ലൈറ്റിംഗ്, സ്പോർട്സ് അക്കൗസ്റ്റിക്സ് എന്നിങ്ങനെ സ്പോർട്സ് അനുബന്ധിയായ വിവിധ കരിയറുകൾക്കുള്ള പരിശീലനം ഈ കോഴ്സുകളിൽ നിന്നും ലഭിക്കും. ക്ലാസുകൾ 28 ന് ആരംഭിക്കും. കൂടുതൽ വിവരങ്ങൾക്ക് 8891675259, 9995675259. വെബ്സൈറ്റ്: vwww.smri.in.