Deepika.com Career News :കരസേനയിൽ മതാധ്യാപകർ.......

കരസേനയിൽ മതാധ്യാപകർ

കരസേനയിൽ മതാധ്യാപകരാകാം. പണ്ഡിറ്റ്, ഗ്രന്ഥി, മൗലവി. പാതിരി, ബുദ്ധ് മോങ്ക് തുടങ്ങി ആർആർടി 87, 88 കോഴ്സുകളിൽ ജൂണിയർ കമ്മീഷൻഡ് ഓഫീസർമാരുടെ 96 ഒഴിവുകളാണുള്ളത്. പരുഷന്മാർ മാത്രം അപേക്ഷിച്ചാൽ മതി. ഓൺലൈനിൽ അപേക്ഷിക്കണം.
അപേക്ഷ സ്വീകരിക്കുന്ന അവസാനതീയതി: നവംബർ മൂന്ന്.

പ്രായം: സിവിലിയൻ അപേക്ഷകർ: 25- 34. 2019 ഒക്ടോബർ ഒന്ന് അടിസ്ഥാനമാക്കിയാണ് പ്രായം കണക്കാക്കുന്നത്.

തെരഞ്ഞെടുപ്പ്: സ്ക്രീനിംഗ് ടെസ്റ്റ്, സർട്ടിഫിക്കറ്റ് വേരിഫിക്കേഷൻ, ഫിസിക്കൽ ഫിറ്റ്നെസ് ടെസ്റ്റ്, മെഡിക്കൽ പരിശോധന, എഴുത്തു പരീക്ഷ, ഇന്‍റർവ്യൂ എന്നിവയുണ്ടാകും. എഴുത്തുപരീക്ഷ ഫെബ്രുവരി 24 ന് നടത്തും.

അപേക്ഷിക്കേണ്ട വിധം: www.joinindianarmy.nic. in എന്ന വെബ്സൈറ്റിലൂടെ ഓൺലൈനായി അപേക്ഷ സമർപ്പിക്കുക.

കരസേനയിൽ ഹവിൽദാർ

കരസേനയിൽ ഹവിൽദാർ സർവേയർ ഓട്ടമേറ്റഡ് കാർട്ടോഗ്രാഫർ ഒഴിവുകളിലേക്ക് പുരുഷൻമാർക്ക് അപേക്ഷിക്കാം. 20 ഒഴിവുകളാണുള്ളത്. ഓൺലൈനായി അപേക്ഷിക്കാം.
അപേക്ഷ സ്വീകരിക്കുന്ന അവസാന തീയതി: നവംബർ മൂന്ന്.

പ്രായം: 20- 25. 2018 ഒക്ടോബർ ഒന്ന് അടിസ്ഥാനമാക്കി പ്രായം കണക്കാക്കും.
യോഗ്യത: മാത്തമാറ്റിക്സ് പഠിച്ച് ബിഎ/ബിഎസ്‌സി ബിരുദം. പ്ലസ്ടു തലത്തിൽ ഫിസിക്സ്, കെമിസ്ട്രി, മാത്തമാറ്റിക്സ് എന്നിവ പഠിച്ചവരായിരിക്കണം.
അപേക്ഷിക്കേണ്ട വിധം: www.joinindianarmy.nic.in എന്നവെബ്സൈറ്റ് മുഖേന ഓൺലൈനായി അപേക്ഷ സമർപ്പിക്കണം.