ഇന്ത്യൻ ഓവർസീസ് ബാങ്കിൽ 550 അപ്രന്‍റിസുമാരുടെയും യൂണിയൻ ബാങ്ക് ഓഫ് ഇന്ത്യയിൽ 500 അപ്രന്‍റിസുമാരുടെയും ഒഴിവ്. ഒരു വർഷമാണു പരിശീലനം. കേരളത്തിൽ ഐഒബി- 24, യൂണിയൻ ബാങ്ക്-22 എന്നിങ്ങനെയാണ് ഒഴിവ്.
യോഗ്യത: ബിരുദം. അപേക്ഷിക്കുന്ന സംസ്‌ഥാനത്തെ പ്രാദേശികഭാഷയിൽ പ്രാവീണ്യം വേണം. യോഗ്യതാനന്തര പരിശീലനമോ ജോലിപരിചയമോ ലഭിച്ചവർ അപേക്ഷിക്കേണ്ട.
പ്രായം: (2024 ഓഗസ്റ്റ് ഒന്നിന്) 20-28. പട്ടികവിഭാഗക്കാർക്ക് അഞ്ചും ഒബിസിക്കാർക്കു മൂന്നും ഭിന്നശേഷിക്കാർക്കു പത്തും വർഷം ഇളവ്. വിധവകൾക്കും വിവാഹമോചിതരായ വനിതകൾക്കും ഇളവുണ്ട്.
തെരഞ്ഞെടുപ്പ്: ഓൺലൈൻ പരീക്ഷയും (ഒബ്ജക്ടീവ്), ലോക്കൽ ലാംഗ്വേജ് ടെസ്റ്റുമുണ്ട്.
പത്താം ക്ലാസ്/ 12-ാം ക്ലാസ് തലത്തിൽ പ്രാദേശിക ഭാഷ പഠിച്ചെന്നു തെളിയിക്കുന്ന സർട്ടിഫിക്കറ്റ് (മാർക്ക് ഷീറ്റ്) ഹാജരാക്കുന്നവർക്ക് ലോക്കൽ ലാംഗ്വേജ് ടെസ്റ്റില്ല. അപേക്ഷാഫീസ്: 800 രൂപ (പട്ടിക വിഭാഗം/വനിതകൾക്ക് 600 രൂപ, ഭിന്നശേഷിക്കാർക്കു 400 രൂപ).
മറ്റുവിവരങ്ങൾ
ഐഒബിയിൽ ഈ മാസം 10 വരെ അപേക്ഷിക്കാം. ആദ്യം www.nats.education. gov.in അപ്രന്റിസ്ഷിപ് പോർട്ടൽ വഴി രജിസ്റ്റർ ചെയ്യണം. തുടർന്ന് എൻഎടിഎസ് എൻറോൾമെന്‍റ് നമ്പർ സഹിതം www. bfsissc.com എന്ന വെബ്സൈറ്റിലെ ഐഒബി അപ്രന്റിസ്ഷിപ് പ്രോഗ്രാമിലേക്ക് അപേക്ഷിക്കാം. വിശദവിവരങ്ങൾക്ക്: www. iob.in.
സ്റ്റൈപൻഡ് മെട്രോ ശാഖകളിൽ മാസം 15,000 രൂപ, അർബൻ ശാഖക ളിൽ 12,000, റൂറൽ/സെമി അർബൻ ശാഖകളിൽ 10,000.
യൂണിയൻ ബാങ്കിൽ
ഈ മാസം 17 വരെ ഓൺലൈനായി അപേക്ഷിക്കാം. www.apprenticeshipindia.gov.in, www.nats.education.gov.in അപ്രന്‍റിസ്ഷിപ്പ് പോർട്ടലുകൾ വഴി രജിസ്റ്റർ ചെയ്യണം.
ഓൺലൈൻ രജിസ്ട്രേഷനും വിജ്‌ഞാപനത്തിന്‍റെ വിശദവിവരങ്ങൾക്കും: www.unionbankofindia.co.in.സ്വന്തം സംസ്ഥാനത്തേക്കു മാത്രം അപേക്ഷിക്കണം. സ്റ്റൈപ്പൻഡ്: 15,000 രൂപ.