Latest News
അ​റു​ന്നൂ​റി​ല​ധി​കം പ​ല​സ്തീ​ൻ ത​ട​വു​കാ​രെ ഇ​ന്ന് മോ​ചി​പ്പി​ക്കും; പ​ക​രം നാ​ലു മൃ​ത​ദേ​ഹ​ങ്ങ​ൾ കൈ​മാ​റാ​ൻ ഹ​മാ​സ്
Thursday, February 27, 2025 8:38 AM IST
ക​യ്റോ: ക​ഴി​ഞ്ഞ ശ​നി​യാ​ഴ്ച മോ​ചി​പ്പി​ക്കേ​ണ്ടി​യി​രു​ന്ന അ​റു​ന്നൂ​റി​ല​ധി​കം പ​ല​സ്തീ​ൻ ത​ട​വു​കാ​രെ ഇ​ന്നു വി​ട്ട​യ​യ്ക്കാ​ൻ ഇ​സ്ര​യേ​ൽ സ​മ്മ​തി​ച്ച​താ​യി റി​പ്പോ​ർ​ട്ട്. ഇ​തി​നു പ​ക​ര​മാ​യി ഹ​മാ​സ് നാ​ല് ഇ​സ്രേ​ലി ബ​ന്ദി​ക​ളു​ടെ മൃ​ത​ദേ​ഹ​ങ്ങ​ൾ കൈ​മാ​റും. ഇ​സ്ര​യേ​ലും ഹ​മാ​സും, മ​ധ്യ​സ്ഥ ച​ർ​ച്ച​ക​ൾ ന​ട​ത്തി​യ ഈ​ജി​പ്തും ഇ​ക്കാ​ര്യം സ്ഥി​രീ​ക​രി​ച്ചു.

ക​ഴി​ഞ്ഞ ശ​നി​യാ​ഴ്ച ഹ​മാ​സ് ആ​റു ബ​ന്ദി​ക​ളെ വി​ട്ട​യ​ച്ച​തി​നു പ​ക​ര​മാ​യി ഇ​സ്രേ​ലി ജ​യി​ലു​ക​ളി​ലു​ള്ള 602 പ​ല​സ്തീ​ൻ ത​ട​വു​കാ​ർ മോ​ചി​ത​രാ​കേ​ണ്ട​താ​യി​രു​ന്നു. എ​ന്നാ​ൽ, ബ​ന്ദി​ക​ളെ പ​ല​സ്തീ​ൻ ജ​ന​ത​യ്ക്കു മു​ന്നി​ൽ പ്ര​ദ​ർ​ശി​പ്പി​ച്ചു നാ​ണം​കെ​ടു​ത്തു​ന്ന ച​ട​ങ്ങ് അ​വ​സാ​നി​പ്പി​ക്കാ​തെ പ​ല​സ്തീ​ൻ ത​ട​വു​കാ​രെ മോ​ചി​പ്പി​ക്കി​ല്ലെ​ന്ന് ഇ​സ്ര​യേ​ൽ നി​ല​പാ​ടെ​ടു​ത്തു.

ഒ​ന്നാം ഘ​ട്ട വെ​ടി​നി​ർ​ത്ത​ൽ അ​വ​സാ​നി​ക്കാ​ൻ ദി​വ​സ​ങ്ങ​ൾ ബാ​ക്കി​നി​ൽ​ക്കേ​യു​ണ്ടാ​യ ത​ർ​ക്കം പ​രി​ഹ​രി​ക്കാ​ൻ മ​ധ്യ​സ്ഥ​ർ ന​ട​ത്തി​യ ഊ​ർ​ജി​ത ച​ർ​ച്ച​ക​ൾ ബുധനാഴ്ച വി​ജ​യം കാ​ണു​ക​യാ​യി​രു​ന്നു. ഇ​ന്ന് ഈ​ജിപ്തിന്‍റെ മേ​ൽ​നോ​ട്ട​ത്തി​ലാ​യി​രി​ക്കും ഹ​മാ​സ് ഭീ​ക​ര​ർ നാ​ല് ഇ​സ്രേ​ലി ബ​ന്ദി​ക​ളു​ടെ മൃ​ത​ദേ​ഹ​ങ്ങ​ൾ കൈ​മാ​റു​ക​യെ​ന്നാ​ണു സൂ​ച​ന.

ഇ​തേസ​മ​യ​ത്തു​ത​ന്നെ ഇ​സ്രേ​ലി ജ​യി​ലു​ക​ളി​ൽ​നി​ന്നു പ​ല​സ്തീ​ൻ ത​ട​വു​കാ​രെ​യും മോ​ചി​പ്പി​ക്കും. ഇ​തോ​ടെ വെ​ടി​നി​ർ​ത്ത​ൽ ധാ​ര​ണ​യു​ടെ ഒ​ന്നാം​ഘ​ട്ട​ത്തി​ൽ ഇ​രുപ​ക്ഷ​വും പൂ​ർ​ത്തീ​ക​രി​ക്കേ​ണ്ട നി​ബ​ന്ധ​ന​ക​ൾ പൂ​ർ​ണ​മാ​കും. വ​രു​ന്ന ഞാ​യ​റാ​ഴ്ച​യാ​ണ് ഒ​ന്നാം​ഘ​ട്ട വെ​ടി​നി​ർ​ത്ത​ൽ അ​വ​സാ​നി​ക്കു​ന്ന​ത്.

മൂ​ന്നു ഘ​ട്ട​മാ​യി​ട്ടാ​ണു വെ​ടി​നി​ർ​ത്ത​ൽ വി​ഭാ​വ​നം ചെ​യ്തി​രി​ക്കു​ന്ന​ത്. യു​ദ്ധം സ്ഥി​ര​മാ​യി അ​വ​സാ​നി​പ്പി​ക്കു​ന്ന​ത് ര​ണ്ടാം​ഘ​ട്ട​ത്തി​ലാ​ണ്.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2018 , Rashtra Deepika Ltd.