ഉടമയും കുടുംബവും കൊ​ലക്കു​റ്റ​ത്തി​ന് ജ​യി​ലി​ലാ​യി; അ​നാ​ഥനായ വ​ള​ർ​ത്തുനാ​യ​യ്ക്ക് സം​ര​ക്ഷ​ണ​മൊ​രു​ക്കി പോ​ലീ​സ്
Wednesday, July 3, 2019 3:31 PM IST
കൊ​ല​പാ​ത​ക കേ​സി​ൽ ഒ​രു കു​ടും​ബ​ത്തെ മു​ഴു​വ​ൻ പോ​ലീ​സ് അ​റ​സ്റ്റ് ചെ​യ്ത​പ്പോ​ൾ അ​നാ​ഥ​മാ​യ വ​ള​ർ​ത്ത് നാ​യ​യ്ക്ക് സം​ര​ക്ഷ​ണം ന​ൽ​കി പോ​ലീ​സ് ഉ​ദ്യോ​ഗ​സ്ഥ. മ​ധ്യ​പ്ര​ദേ​ശി​ലാ​ണ് സം​ഭ​വം.

ഭൂ​മി ത​ർ​ക്ക​ത്തെ തു​ട​ർ​ന്ന ഒ​രു കു​ടും​ബ​ത്തി​ലെ അ​ഞ്ചു പേ​രെ കൊ​ല​പ്പെ​ടു​ത്തി​യ കേ​സി​ലാ​ണ് മ​റ്റൊ​രു കു​ടും​ബ​ത്തി​ലെ ആ​റു പേ​രെ പോ​ലീ​സ് അ​റ​സ്റ്റ് ചെ​യ്ത​ത്. കു​ടും​ബ​ത്തി​ലെ എ​ല്ലാ​വ​രും അ​ഴി​ക്കു​ള്ളി​ലാ​യ​പ്പോ​ൾ വീ​ട്ടി​ലെ വ​ള​ർ​ത്തു​നാ​യ​യെ പ​രി​പാ​ലി​ക്കു​വാ​ൻ ആ​രു​മി​ല്ലാ​താ​യി.

ഇ​തോ​ടെ ചോ​തി ബ​ജാ​രി​യ പോ​ലീ​സ് സ്റ്റേ​ഷ​നി​ലെ ഉ​ദ്യോ​ഗ​സ്ഥ​യാ​യ മ​നീ​ഷ തി​വാ​രി ഈ ​നാ​യ​യു​ടെ സം​ര​ക്ഷ​ണം ഏ​റ്റെ​ടു​ക്കു​ക​യാ​യി​രു​ന്നു. ലാ​ബ്രോ​ഡ​ർ ഇ​ന​ത്തി​ൽ​പ്പെ​ട്ട ഈ ​നാ​യ​യു​ടെ പേ​ര് സു​ൽ​ത്താ​ൻ എ​ന്നാ​ണ്. നാ​യ​യ്ക്ക് ആ​വ​ശ്യ​മാ​യ പ​രി​ച​ര​ണ​വും ഭ​ക്ഷ​ണ​വും വെ​ള്ള​വു​മെ​ല്ലാം ഞ​ങ്ങ​ൾ ന​ൽ​കാ​റു​ണ്ടെ​ന്ന് മ​നീ​ഷ വാ​ർ​ത്ത ഏ​ജ​ൻ​സി​യാ​യ എ​എ​ൻ​ഐ​യോ​ട് പ​റ​ഞ്ഞു.

കു​റ്റ​വാ​ളി​ക​ളെ അ​റ​സ്റ്റ് ചെ​യ്ത് അ​ഞ്ച് ദി​വ​സ​ങ്ങ​ൾ​ക്കു ശേ​ഷ​മാ​ണ് ഈ ​വീ​ട്ടി​ൽ നാ​യ​യു​ണ്ടെ​ന്ന് ഉ​ദ്യോ​ഗ​സ്ഥ​ർ​ക്ക് മ​ന​സി​ലാ​യ​ത്. തു​ട​ർ​ന്നാ​ണ് ഇ​വ​ർ നാ​യ​യു​ടെ സം​ര​ക്ഷ​ണം ഏ​റ്റെ​ടു​ത്ത​ത്. വ​ള​ർ​ത്തു​വാ​ൻ താ​ത്പ​ര്യ​മു​ള്ള​വ​ർ​ക്ക് ഈ ​നാ​യ​യെ വി​ട്ട് ന​ൽ​കു​മെ​ന്നും പോ​ലീ​സ് ഉ​ദ്യോ​ഗ​സ്ഥ​ർ അ​റി​യി​ച്ചു.


Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.