സ്നേഹവും അറിവില്ലായ്മയും; നാല് വയസുകാരന് വളർത്തു മത്സ്യത്തെ നഷ്ടമായി

Sunday, March 10, 2019 4:46 PM IST

കൊച്ചുകുട്ടികൾക്ക് വളർത്തു മൃഗങ്ങളോടു തോന്നുന്ന സ്നേഹം വളരെ കൗതുകം നിറഞ്ഞതായിരിക്കം. എന്നാൽ കൗതുകത്തിന്‍റെ അവസാനം താൻ ഏറെ സ്നേഹിച്ച മത്സ്യത്തെ തനിക്ക് എന്നന്നേക്കുമായി നഷ്ടപ്പെടുമെന്ന് ജോർജിയ സ്വദേശിയായ നാല് വയസുകാരൻ എവറെറ്റ് അറിഞ്ഞിരുന്നില്ല.

കുറെ നാളുകൾക്കു മുമ്പാണ് മാതാപിതാക്കൾ എവറെറ്റിന് വളർത്തു മത്സ്യത്തെ വാങ്ങി നൽകിയത്. തന്‍റെ പ്രിയപ്പെട്ട മത്സ്യത്തിന് അവൻ നീമോ എന്ന പേരും നൽകി. ഒരു ദിവസത്തെ മുഴുവൻ സമയവും അവ നീമോയുടെ അടുക്കലായിരുന്നു എവറെറ്റ് ചെലവഴിച്ചിരുന്നത്.

ഒരു ദിവസം എവറെറ്റിന്‍റെ അമ്മ നോക്കുമ്പോൾ കാണുന്നത് നീമോയെ അടുക്കൽ കിടത്തി ഉറങ്ങുന്ന എവറെറ്റിനെയാണ്. മത്സ്യത്തെ വെള്ളത്തിൽ നിന്ന് എടുത്താൽ അത് ചത്തു പോകുമെന്ന് എവറെറ്റിന് അറിയില്ലായിരുന്നു.

അമ്മയും അച്ഛനും നീമോ ഇനിയില്ലെന്നു പറഞ്ഞപ്പോൾ സങ്കടം സഹിക്കാനാവാതെ എവറെറ്റ് പൊട്ടിക്കരയുകയും ചെയ്തു. നിഷ്ക്കളങ്കമായ സ്നേഹവും അറിവില്ലായ്മയും കാരണം തന്‍റെ പ്രിയപ്പെട്ട മത്സ്യത്തെ നഷ്ടപ്പെട്ട എവറെറ്റിന്‍റെ സങ്കടം മാറ്റുവാൻ പുതിയ മത്സ്യകുഞ്ഞുങ്ങളെ വാങ്ങി നൽകിയിരിക്കുകയാണ് മാതാപിതാക്കൾ എവറെറ്റിന്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.