മൂ​ന്നു നി​ല​ക​ളു​ള്ള പ​ള്ളി അ​പ്പാ​ടെ നീ​ക്കു​ന്നു, പൊളിക്കാതെ; ഏ​ഴു മീ​റ്റ​ർ പി​ന്നി​ലേ​ക്ക്
Wednesday, March 6, 2019 4:26 PM IST
ആ​രും നേ​രി​ൽ ക​ണ്ടാ​ൽ അ​തി​ശ​യ​ത്തോ​ടെ ത​ല​യി​ൽ കൈ​വ​ച്ചു പോ​കും. ഒ​രു പ​ള്ളി​യു​ടെ ഭാ​ഗം അ​ങ്ങ​നെ ത​ന്നെ നീ​ക്കി​വ​യ്ക്കു​ക​യാ​ണ്. അ​ധി​ക​മാ​രും കാ​ണാ​ത്ത വി​സ്മ​യം കാ​ണാ​ൻ നെ​ടു​പു​ഴ​യി​ലേ​ക്ക് ആ​ളു​ക​ൾ എ​ത്തി​ക്കൊ​ണ്ടി​രി​ക്ക​യാ​ണ്. നെ​ടു​പു​ഴ സെ​ന്‍റ് ജോ​ണ്‍​സ് ബാ​പ്റ്റി​സ്റ്റ് പ​ള്ളി​യി​ലാ​ണ് ഈ ​അ​ത്ഭു​ത കാ​ഴ്ച.

പ​ള്ളി​യു​ടെ ന​വീ​ക​ര​ണ​ത്തി​ന്‍റെ ഭാ​ഗ​മാ​യാ​ണ് 3100 ച​തു​ര​ശ്ര​യ​ടി വി​സ്തീ​ർ​ണ​മു​ള്ള മൂ​ന്നു നി​ല പ​ള്ളി​യു​ടെ സ​ങ്കീ​ർ​ത്തി ഉ​ൾ​പ്പെ​ടു​ന്ന കെ​ട്ടി​ടം ഇ​ള​ക്കി മാ​റ്റി ഏ​ഴു മീ​റ്റ​ർ പി​ന്നി​ലേ​ക്ക് നീ​ക്കി വ​യ്ക്കു​ന്ന​ത്. ഏ​റെ സാ​ഹ​സം നി​റ​ഞ്ഞ ഈ ​ജോ​ലി ഹ​രി​യാ​ന​യി​ലെ പ്ര​ശ​സ്ത​മാ​യ ടി​ഡി​ബി​ഡി എ​ൻ​ജി​നി​യ​റിം​ഗ് വ​ർ​ക്സി​ലെ വി​ദ​ഗ്ധ​രാ​യ എ​ൻ​ജി​നി​യ​ർ​മാ​രും ജോ​ലി​ക്കാ​രു​മാ​ണ് ചെ​യ്തു​കൊ​ണ്ടി​രി​ക്കു​ന്ന​ത്. കേ​ര​ള​ത്തി​ൽ ഇ​തി​നു​മു​ന്പ് തി​രു​വ​ന​ന്ത​പു​ര​ത്ത് ര​ണ്ടാ​യി​രം ച​തു​ര​ശ്ര​യ​ടി​യു​ള്ള ഒ​രു ഇ​രു​നി​ല കെ​ട്ടി​ടം ഇ​തി​നു​മു​ന്പ് മാ​റ്റി സ്ഥാ​പി​ച്ചി​ട്ടു​ണ്ടെ​ങ്കി​ലും ഒ​രു പ​ള്ളി​യു​ടെ ഭാ​ഗം നീ​ക്കി​വ​യ്ക്കു​ന്ന​ത് ആ​ദ്യ​മാ​യാ​ണ്.

കെ​ട്ടി​ടം ഒ​ന്നാ​കെ മെ​ക്കാ​നി​ക്ക​ൽ ജാ​ക്കി വ​ച്ചു​യ​ർ​ത്തി ത​ള്ളി​നീ​ക്കി​യാ​ണ് പ​ള്ളി​യു​ടെ ഭാ​ഗം പി​ന്നി​ലേ​ക്ക് നീ​ക്കി​കൊ​ണ്ടി​രി​ക്കു​ന്ന​ത്. 100 അ​ടി നീ​ള​വും 50 അ​ടി വീ​തി​യു​മു​ള്ള പ​ള്ളി ഹാ​ളി​നോ​ട് ചേ​ർ​ന്നാ​ണ് 50 അ​ടി വീ​തി​യി​ൽ മൂ​ന്ന് നി​ല​ക​ളി​ലാ​യു​ള്ള കെ​ട്ടി​ടം. താ​ഴെ നി​ല അ​ൾ​ത്താ​ര ഉ​ൾ​പ്പ​ടെ മ​ദ്​ബ​ഹ​യാ​ണ്. മു​ക​ളി​ലെ ര​ണ്ടു നി​ല​ക​ളി​ൽ ആ​റ് മ​ത​ബോ​ധ​ന ക്ലാ​സ് മു​റി​ക​ളാ​ണ്.



ര​ണ്ട​ര മാ​സം സ​മ​യ​മാ​ണ് പ​ള്ളി പി​ന്നി​ലേ​ക്ക് മാ​റ്റി സ്ഥാ​പി​ക്കാ​ൻ ക​ന്പ​നി ചോ​ദി​ച്ചി​രി​ക്കു​ന്ന​ത്. പ​ള്ളി​യു​ടെ കെ​ട്ടി​ടം നീ​ക്കു​ന്ന​തി​നാ​യി ഏ​ഴ​ര ഇ​ഞ്ച് ഉ​യ​ർ​ത്തി ചാ​ന​ൽ റെ​യി​ലു​ക​ളും റോ​ള​റു​ക​ളും ജാ​ക്കി​ക​ളി​ലും കെ​ട്ടി​ടം ഇ​രു​ത്തി​യ​തി​നു​ശേ​ഷ​മാ​ണ് പി​ന്നി​ലേ​ക്ക് നീ​ക്കി​കൊ​ണ്ടി​രി​ക്കു​ന്ന​ത്. ഇ​തി​ന​കം പ​ത്ത​ടി​യോ​ളം പി​ന്നി​ലേ​ക്ക് കെ​ട്ടി​ടം നീ​ക്കി ക​ഴി​ഞ്ഞു. കെ​ട്ടി​ടം പി​ന്നി​ലേ​ക്ക് നീ​ക്കു​ന്ന​തോ​ടെ 25 അ​ടി​യോ​ളം പ​ള്ളി​ക്ക് നീ​ളം കൂ​ടു​ത​ൽ കി​ട്ടും. 22 വ​ർ​ഷം പ​ഴ​ക്ക​മു​ള്ള കെ​ട്ടി​ട​മാ​ണ് ഒ​ര​ന​ക്ക​വു​മി​ല്ലാ​തെ നീ​ക്കി​ക്കൊ​ണ്ടി​രി​ക്കു​ന്ന​ത്. 450 ജാ​ക്കി​ക​ളും അ​നു​ബ​ന്ധ ഉ​പ​ക​ര​ണ​ങ്ങ​ളു​മാ​യാ​ണ് പ​ള്ളി​യു​ടെ ഭാ​ഗം പി​ന്നി​ലേ​ക്ക് മാ​റ്റു​ന്ന​ത്.

പു​തി​യ​ത് പ​ണി​യു​ന്ന​തി​ലും ലാ​ഭം

പു​തി​യ കെ​ട്ടി​ടം പ​ണി​യു​ന്ന​തി​നെ കു​റി​ച്ച് ആ​ലോ​ചി​ച്ച​പ്പോ​ഴാ​ണ് പ​ള്ളി​യു​ടെ ഒ​രു ഭാ​ഗം പി​ന്നി​ലേ​ക്ക് നീ​ക്കി​യാ​ലോ എ​ന്ന് ചി​ന്തി​ച്ച​തെ​ന്ന് വി​കാ​രി ഫാ. ​ജോ​ഷി ആ​ളൂ​ർ പ​റ​ഞ്ഞു. നാ​ലു വ​ർ​ഷം മു​ന്പ് തൃ​ശൂ​ർ കേ​ര​ള​വ​ർ​മ കോ​ള​ജി​ന​ടു​ത്ത് ഒ​രു കെ​ട്ടി​ടം ഇ​തു​പോ​ലെ ജാ​ക്കി​വ​ച്ച് ഉ​യ​ർ​ത്തു​ന്ന​ത് നേ​രി​ൽ ക​ണ്ട​താ​ണ് ഇ​ങ്ങ​നെ​യൊ​രു ചി​ന്ത​യി​ലേ​ക്ക് ന​യി​ച്ച​തെ​ന്ന് ഫാ. ​ജോ​ഷി പ​റ​ഞ്ഞു. ഇ​ട​വ​കാം​ഗ​ങ്ങ​ളോ​ട് ഇ​ക്കാ​ര്യം പ​റ​ഞ്ഞ​പ്പോ​ൾ ആ​ദ്യം പ​ല​രും സം​ശ​യം പ്ര​ക​ടി​പ്പി​ച്ചെ​ങ്കി​ലും താ​ൻ ഉ​റ​പ്പു ന​ൽ​കി. നേ​രി​ൽ ക​ണ്ട സം​ഭ​വ​മാ​ണ് ഇ​ങ്ങ​നെ ഉ​റ​പ്പ് ന​ൽ​കാ​ൻ പ്രേ​രി​പ്പ​ച്ച​തെ​ന്ന് ഫാ. ​ജോ​ഷി പ​റ​ഞ്ഞു.



3100 ച​തു​ര​ശ്ര​യ​ടി വ​ലി​പ്പ​മു​ള്ള കെ​ട്ടി​ടം പ​ണി​യ​ൻ 46 ല​ക്ഷം രൂ​പ​യാ​ണ് ക​ണ​ക്കാ​ക്കി​യ​ത്. എ​ന്നാ​ൽ 22 ല​ക്ഷം രൂ​പ മു​ട​ക്കി​യാ​ൽ പ​ള്ളി പി​ന്നി​ലേ​ക്ക് യാ​തൊ​രു കു​ഴ​പ്പ​വു​മി​ല്ലാ​തെ മാ​റ്റി സ്ഥാ​പി​ക്കാ​നാ​കും. ഇ​ട​യി​ലു​ള്ള 25 അ​ടി​യോ​ളം ഭാ​ഗ​ത്ത് പു​തി​യ മ​ദു​ബ​ഹ പ​ണി​യാ​നും സ്ഥ​ലം കി​ട്ടും. ഈ ​ആ​ശ​യം പ്രാ​വ​ർ​ത്തി​ക​മാ​ക്കാ​ൻ തീ​രു​മാ​നി​ച്ച​തോ​ടെ​യാ​ണ് കേ​ര​ള​ത്തി​ൽ ആ​ദ്യ​മാ​യി ഒ​രു പ​ള്ളി അ​ങ്ങ​നെ ത​ന്നെ മാ​റ്റി​വ​യ്ക്കു​ന്ന ച​രി​ത്രം നെ​ടു​പു​ഴ സെ​ന്‍റ് ജോ​ണ്‍​സ് ബാ​പ്റ്റി​സ്റ്റ് പ​ള്ളി​ക്ക് സ്വ​ന്ത​മാ​കു​ന്ന​ത്.

കൂ​ടാ​തെ പു​തി​യ കെ​ട്ടി​ടം പ​ണി​യാ​ൻ ചു​രു​ങ്ങി​യ​ത് ആ​റു മാ​സം വേ​ണം. എ​ന്നാ​ൽ കെ​ട്ടി​ടം മാ​റ്റി​വ​യ്ക്കു​ന്ന​തോ​ടെ പ​ണം ലാ​ഭം മാ​ത്ര​മ​ല്ല, സ​മ​യ ലാ​ഭ​വും ല​ഭി​ക്കും. ര​ണ്ട​ര മാ​സം കൊ​ണ്ട് പ​ള്ളി ഏ​ഴ​ര മീ​റ്റ​ർ പി​ന്നി​ലേ​ക്ക് മാ​റ്റി സ്ഥാ​പി​ക്കാ​മെ​ന്നാ​ണ് ക​രാ​ർ.

1,2,3....പ​ള​ളി നീ​ങ്ങു​ക​യാ​ണ്

ഓ​രോ ന​ന്പ​ർ എ​ണ്ണു​ന്പോ​ൾ പ​ള്ളി നീ​ങ്ങി​ക്കൊ​ണ്ടി​രി​ക്കും. റോ​ള​റു​ക​ളി​ൽ ഉ​യ​ർ​ത്തി​വ​ച്ചി​രി​ക്കു​ന്ന കെ​ട്ടി​ടം ജാ​ക്കി​ക​ൾ വ​ച്ചാ​ണ് പി​ന്നീ​ലേ​ക്ക് നീ​ക്കു​ന്ന​ത്. 1,2,3 എ​ന്നി​ങ്ങ​നെ എ​ണ്ണു​ന്പോ​ൾ ജോ​ലി​ക്കാ​ർ ജാ​ക്കി​ക​ൾ ഒ​രേ സ​മ​യം തി​രി​ച്ചു​കൊ​ണ്ടി​രി​ക്കും. അ​ങ്ങ​നെ ഒ​റ്റ​ത്ത​വ​ണ 130 വ​രെ എ​ണ്ണു​ന്പോ​ൾ പ​ള്ളി അ​ഞ്ച് ഇ​ഞ്ച് നീ​ങ്ങു​മെ​ന്നാ​ണ് ക​ണ​ക്ക്.

പ​ള്ളി മാ​റ്റി സ്ഥാ​പി​ക്കു​ന്ന​ത് വി​ദ​ഗ്ധ സം​ഘം

രാ​ജ്യ​ത്ത് നി​ര​വ​ധി കെ​ട്ടി​ട​ങ്ങ​ൾ മാ​റ്റി​സ്ഥാ​പി​ച്ച സ്ഥാ​പ​ന​മാ​ണ് ഹ​രി​യാ​ന യ​മു​ന ന​ഗ​റി​ലെ സു​ശീ​ൽ സി​സോ​ദ​യു​ടെ ഉ​ട​മ​സ്ഥ​ത​യി​ലു​ള്ള ടി​ഡി​ബി​ഡി എ​ൻ​ജി​നി​യ​റിം​ഗ് വ​ർ​ക്സ് പ്രൈ​വ​റ്റ് ലി​മി​റ്റ​ഡ് ക​ന്പ​നി. നേ​ര​ത്തെ തി​രു​വ​ന​ന്ത​പു​ര​ത്ത് ഒ​രു വീ​ട് മാ​റ്റി സ്ഥാ​പി​ച്ചി​രു​ന്നു. പ​ല വീ​ടു​ക​ളും ത​റ​നി​ര​പ്പി​ൽ​നി​ന്നും ഉ​യ​ർ​ത്തി​യി​ട്ടു​ണ്ട്. സേ​ലം കാ​ല​ക്കു​റി​ശ്ശി​യി​ൽ 400 വ​ർ​ഷം പ​ഴ​ക്ക​മു​ള്ള ക്ഷേ​ത്രം 65 അ​ടി മാ​റ്റി 60 ഡി​ഗ്രി​യി​ൽ ചെ​രി​ച്ച് ഇ​വ​ർ സ്ഥാ​പി​ച്ച​ത് ലിം​ക ബു​ക്ക് ഓ​ഫ് റി​ക്കാ​ർ​ഡ്സി​ലു​ണ്ട്. ഇ​തൊ​ക്കെ ബോ​ധ്യ​മാ​യ​തും പ​ള്ളി മാ​റ്റം ഇ​വ​രെ ത​ന്നെ ഏ​ൽ​പ്പി​ക്കാ​ൻ തീ​രു​മാ​നി​ച്ച​ത്.

ര​ണ്ട് മാ​സം മു​ന്പാ​ണ് പ​ത്തം​ഗ അം​ഗ വി​ദ​ഗ്ദ​സം​ഘം നെ​ടു​പു​ഴ​യി​ലെ​ത്തി പ​ള്ളി​മാ​റ്റം സം​ബ​ന്ധി​ച്ച സാ​ങ്കേ​തി​ക ന​ട​പ​ടി​ക​ൾ ആ​രം​ഭി​ച്ച​ത്. ര​ണ്ടാ​ഴ്ച മു​ന്പ് 25 അം​ഗ​സം​ഘം കൂ​ടി എ​ത്തി മെ​ക്കാ​നി​ക്ക​ൽ ജാ​ക്കി​ക​ൾ വ​ച്ച് കെ​ട്ടി​ടം ത​റ​യി​ൽ​നി​ന്നും ഉ​യ​ർ​ത്തി്. ഇ​പ്പോ​ൾ പി​ന്നി​ലേ​ക്ക് ത​ള്ളി നീ​ക്കി​കൊ​ണ്ടി​രി​ക്ക​യാ​ണ്. ഒ​ന്നി​ട​വി​ട്ട ദി​വ​സ​ങ്ങ​ളി​ലാ​ണ് ത​ള്ളി നീ​ക്കു​ന്ന​ത്. ഇ​നി ഒ​രാ​ഴ്ച​ക്ക​കം നീ​ക്കം പൂ​ർ​ണ​മാ​കു​മെ​ന്നാ​ണ് പ്ര​തീ​ക്ഷ​യെ​ന്ന് ഫാ. ​ജോ​ഷി പ​റ​ഞ്ഞു. വി​വ​ര​മ​റി​ഞ്ഞ് കേ​ര​ള​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ നി​ന്ന് ആ​ളു​ക​ൾ പ​ള്ളി മാ​റ്റി സ്ഥാ​പി​ക്കു​ന്ന​ത് കാ​ണാ​ൻ ഇ​വി​ടെ എ​ത്തു​ന്നു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.