ലോ​ക​ത്തി​ലെ ഏ​റ്റ​വും ദൈ​ര്‍​ഘ്യ​മേ​റി​യ നി​ധി വേ​ട്ട അ​വ​സാ​നി​​ച്ചിരിക്കുന്നു...
Monday, October 7, 2024 12:03 PM IST
നി​ധി തേ​ട​ല്‍ എ​ന്ന​ത് എ​ന്നും മ​നു​ഷ്യ​രെ ഹ​രം കൊ​ള്ളി​ക്കു​ന്ന ഒ​ന്നാ​ണ​ല്ലൊ. പൂ​ര്‍​വ​ത​ല​മു​റ​യി​ലെ രാ​ജ​ക്ക​ന്‍​മാ​രും കൊ​ള്ള​ക്കാ​രും അ​വ​രു​ടെ സ​മ്പ​ത്ത് പ​ല​യി​ട​ത്തും കു​ഴി​ച്ചി​ട്ടി​ട്ടു​ണ്ട് എ​ന്ന അ​റി​വാ​ണ് പ​ല​രെ​യും ഇ​ക്കാ​ര്യ​ത്തി​ല്‍ പ്ര​ചോ​ദി​പ്പി​ക്കു​ന്ന​ത്. ചി​ല​ര്‍ അ​പൂ​ര്‍​വ​മാ​യി ഇ​ത്ത​രം നി​ധി​ക​ള്‍ ക​ണ്ടെ​ത്തി​യി​ട്ടു​​മു​ണ്ട്. അ​തി​നാ​ല്‍​ത്ത​ന്നെ നി​ധി​ക​ളി​ലേ​ക്ക് കൈ​ചൂ​ണ്ടു​ന്ന ഏ​ത് ചു​രു​ളും ആ​ളു​ക​ളെ ആ​ക​ര്‍​ഷി​ക്കു​ന്നു.

ലോ​ക​ത്തി​ലെ ഏ​റ്റ​വും ദൈ​ര്‍​ഘ്യ​മേ​റി​യ നി​ധി വേ​ട്ട 1993-ല്‍ ​പ്ര​സി​ദ്ധീ​ക​രി​ച്ച ക​ട​ങ്ക​ഥ​ക​ളു​ടെ ഒ​രു ചി​ത്ര​പു​സ്ത​ക​ത്തെ അ​ടി​സ്ഥാ​ന​മാ​ക്കി​യു​ള്ള​താ​ണ്. "ഓ​ണ്‍ ദി ​ട്ര​യ​ല്‍ ഓ​ഫ് ദി ​ഗോ​ള്‍​ഡ​ന്‍ ഔ​ള്‍' എ​ന്നാ​ണീ പു​സ്ത​ക​ത്തി​ന്‍റെ പേ​ര്.

ഒ​രു സ്വ​ര്‍​ണ മൂ​ങ്ങ​യെ തേ​ടി​യു​ള്ള യാ​ത്ര​യാ​ണ് പു​സ്ത​കം സ​മ്മാ​നി​ക്കു​ന്ന​ത്. അ​തും മൂ​ന്ന് കി​ലോ സ്വ​ര്‍​ണ​വും ഏ​ഴ് കി​ലോ വെ​ള്ളി​യും കൊ​ണ്ട് നി​ര്‍​മി​ച്ച മൂ​ങ്ങ. ​മൂ​ങ്ങയു​ടെ മു​ഖ​ത്ത് ഡ​യ​മ​ണ്ട് ചി​പ്പു​ക​ളു​മു​ണ്ട്. 12 പ​സി​ലു​ക​ള്‍ പ​രി​ഹ​രി​ച്ചാ​ണ് ഇ​തി​നെ ക​ണ്ടെ​ത്താ​ന്‍ ക​ഴി​യു​ക.

റെ​ജി​സ് ഹൗ​സ​റും ആ​ര്‍​ട്ടി​സ്റ്റ് മൈ​ക്ക​ല്‍ ബെ​ക്ക​റും ചേ​ര്‍​ന്ന് പ്ര​സി​ദ്ധീ​ക​രി​ച്ച ഈ ​പു​സ്ത​കം വ​ലി​യ ആ​രാ​ധ​ക​രെ​യാ​ണ് സൃ​ഷ്ടി​ച്ച​ത്. ഇ​ത്ത​ര​ത്തി​ല്‍ നി​ധി തേ​ടി ഇ​റ​ങ്ങി​യ​വ​രെ "മൂ​ങ്ങ​ക​ള്‍' എ​ന്നാ​ണ് പ​റ​യാ​റ്.

സ​മ്മാ​നം ക്ലെ​യിം ചെ​യ്യാ​ന്‍ ആ​വ​ശ്യ​മാ​യ ടോ​ക്ക​ണ്‍ ക​ണ്ടെ​ത്തി​യ​താ​യി തി​ര​ച്ചി​ലിന്‍റെ ഔ​ദ്യോ​ഗി​ക വെ​ബ്സൈ​റ്റ് അ​ടു​ത്തി​ടെ അ​റി​യി​ച്ചു. ആ​രോ സ്വ​ര്‍​ണ മൂ​ങ്ങ​യു​ടെ പ​ക​ര്‍​പ്പ് കു​ഴി​ച്ചെ​ടു​ത്തു​വെ​ന്നും അ​യ​ച്ചി​ട്ടു​ണ്ടെ​ന്നും ഇ​ത് സ്ഥി​രീ​ക​രി​ക്കു​ന്ന​താ​യും അ​ധി​കൃ​ത​ര്‍ പ​റ​ഞ്ഞു. 31 വ​ര്‍​ഷ​ങ്ങ​ള്‍​ക്കി​പ്പു​റ​മാ​ണ് ഈ ​വേ​ട്ട​യാ​ട​ല്‍ അ​വ​സാ​നി​ക്കു​ന്ന​ത്.


ഈ ​ക​ട​ങ്ക​ഥ നി​ര്‍​മ്മാ​താ​വാ​യ റെ​ജി​സ് ഹൗ​സ​ര്‍, നി​ധി വേ​ട്ട​ക്കാ​ര്‍ ത​ന്നെ അ​ന്വേ​ഷി​ക്കു​ന്ന​ത് ത​ട​യാ​ന്‍ മാ​ക്‌​സ് വാ​ലന്‍റെെ​ന്‍ എ​ന്ന തൂ​ലി​കാ​നാ​മം ആ​ദ്യം ഉ​പ​യോ​ഗി​ച്ചു. 2009-ല്‍ ​അ​ദ്ദേ​ഹം മ​രി​ച്ച​താ​യി ഫ്ര​ഞ്ച് പ​ത്ര​മാ​യ ലെ ​മോ​ണ്ടെ റി​പ്പോ​ര്‍​ട്ട് ചെ​യ്തു.

യ​ഥാ​ര്‍​ത്തി​ല്‍ "ഓ​ണ്‍ ദി ​ട്ര​യ​ല്‍ ഓ​ഫ് ദി ​ഗോ​ള്‍​ഡ​ന്‍ ഔ​ള്‍' കി​റ്റ് വി​ല്യം​സി​ന്‍റെ 1979 ലെ ​ക​ട​ങ്ക​ഥ​ക​ളു​ടെ പു​സ്ത​ക​മാ​യ "ദി ​മാ​സ്‌​ക്വ​റേ​ഡി​ല്‍' നി​ന്ന് പ്ര​ചോ​ദ​നം ഉ​ള്‍​ക്കൊ​ണ്ട​താ​ണ്. ഈ ​പു​സ്ത​ക​ത്തി​ല്‍ ഒ​രു സ്വ​ര്‍​ണ മു​യ​ലി​നെ ക​ണ്ടെ​ത്താ​ന്‍ നി​ര​വ​ധി പ​സി​ലു​ക​ലു​ക​ളാ​ണു​ണ്ടാ​യി​രു​ന്ന​ത്.

ഫ്ര​ഞ്ച് ക​ലാ​കാ​ര​നാ​യ മൈ​ക്ക​ല്‍ ബെ​ക്ക​ര്‍ പു​സ്ത​ക​ത്തി​ലു​ള്ള​ത് പ്ര​കാ​ര​മു​ള്ള ഒ​രു ശി​ല്‍​പം തീ​ര്‍​ക്കു​വാ​ന്‍ തീ​രു​മാ​നി​ച്ചു. അ​മൂ​ല്യ​മാ​യ ഒ​റി​ജി​ന​ല്‍ സു​ര​ക്ഷി​ത​മാ​യ സ്ഥ​ല​ത്ത് സൂ​ക്ഷി​ക്കു​ന്ന​തി​നി​ട​യി​ല്‍ മൂ​ങ്ങ​യു​ടെ ഒ​രു പ​ക​ര്‍​പ്പ് കു​ഴി​ച്ചി​ടാ​ന്‍ ബെ​ക്ക​റും ഹൗ​സ​റും തീ​രു​മാ​നി​ച്ചു. അ​താ​ണി​പ്പോ​ള്‍ ഒ​രാ​ള്‍ ക​ണ്ടെ​ത്തി​യ​ത്. 1.39 കോ​ടി രൂ​പ​യാ​ണ് ഈ ​മൂ​ങ്ങ​യു​ടെ മൂ​ല്യ​മാ​യി ക​ണ​ക്കാ​ക്കു​ന്ന​ത്.

അ​തേ​സ​മ​യം, ലോ​ക​ത്തി​ലെ ഏ​റ്റ​വും ദൈ​ര്‍​ഘ്യ​മേ​റി​യ നി​ധി വേ​ട്ട 1982-ല്‍ ​പ്ര​സി​ദ്ധീ​ക​രി​ച്ച ബൈ​റ​ണ്‍ പ്രി​സി​ന്‍റെ "ദി ​സീ​ക്ര​ട്ട്' ആ​ണെ​ന്ന് വി​ശ്വ​സി​ക്ക​പ്പെ​ടു​ന്നു. യു​എ​സി​ലെ​യും കാ​ന​ഡ​യി​ലെ​യും ര​ഹ​സ്യ സ്ഥ​ല​ങ്ങ​ളി​ല്‍ കു​ഴി​ച്ചി​ട്ടി​രി​ക്കു​ന്ന നി​ധി​യു​ടെ 12 പെ​ട്ടി​ക​ള്‍​ക്കാ​യു​ള്ള അ​ന്വേ​ഷ​ണ​മാ​ണി​ത്. നി​ല​വി​ല്‍ ഇ​തി​ല്‍ മൂ​ന്നെ​ണ്ണം മാ​ത്ര​മേ ഇ​തു​വ​രെ ക​ണ്ടെ​ത്തി​യി​ട്ടു​ള്ളൂ...
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.