തുറിച്ചുനോട്ടം സഹിക്കുന്നില്ല; "ബാർബി ഡോൾ' പണി നിർത്തി

Monday, July 13, 2020 7:39 PM IST

നമ്മൾ എന്തു ചെയ്യുന്പോഴും ആസ്വദിച്ച് വേണം ചെയ്യാൻ. അല്ലെങ്കിൽ അത് പെട്ടെന്ന് മടുക്കും. ഭക്ഷണം ആസ്വദിച്ച് കഴിക്കുന്പോൾ നല്ല രൂചികരമായി തോന്നും. കൂടുതൽ ഭക്ഷണം കഴിക്കും. ജോലി ആസ്വദിച്ച് ചെയ്യുന്പോൾ ജോലി സമയം നാം മറക്കും, കൂടുതൽ സമയം ജോലി ചെയ്യും.

ഇപ്പോൾ ഇതുപോലെ ഒരു മടുപ്പാണ് ബാർബറ ലൂണ സിപ്പോസിനും. ബാർബറയെ അറിയില്ലെ? ബാർബി ഡോളിനെപ്പോലെ ആകാൻ നിരവധി ശസ്ത്രക്രിയ നടത്തിയ ഇരുപത്തിരണ്ടുകാരിയായ യുവതിയാണ് ലൂണ സിപ്പോസ്.

മുഖം, ചുണ്ട്, മാറിടം തുടങ്ങി ശരീരത്തിൽ പത്തിലധികം ശസ്ത്രക്രിയകൾ നടത്തിയിട്ടുണ്ട്. ജീവനുള്ള പാവയെന്നാണ് ഇപ്പോൾ അവർ അറിയപ്പെടുന്നത്. ഒരു കോടിയിലധികം രൂപയാണ് ഇവർ ശസ്ത്രക്രിയയ്ക്കായി ചെലവഴിച്ചത്. ബാർബറ ലൂണയുടെ മുൻ ഭർത്താവാണ് ശസ്ത്രക്രിയ്ക്ക് പണം മുടക്കിയത്.

ചെറുപ്പത്തിലെ തനിക്ക് ബാർബി പാവയെ ഇഷ്ടമായിരുന്നെന്നാണ് ലൂണ പറയുന്നത്. ആ ഇഷ്ടം കൊണ്ടാണ്രതേ ശരീരം ബാർബി ഡോളിനെപ്പോലെയാക്കിയത്. തന്നെക്കാൾ തന്‍റെ ബാർബി രൂപത്തെ ഭർത്താവാണ് ഏറെ ഇഷ്ടപെട്ടിരുന്നതെന്ന് ലൂണ പറയുന്നു.

ഏതായാലും ഒരു സ്ഥാപനത്തിൽ റിസംപ്ഷനിൽ ജോലി ചെയ്യുകയായിരുന്നു ലൂണ. ഇപ്പോൾ ആ ജോലി ഉപേക്ഷിച്ചിരിക്കുകയാണ് അവർ. ഒരു ഹോട്ട് ഗേൾ എന്നതുപോലെയാണ് ആളുകൾ തന്നോട് പെരുമാറുന്നതെന്നാണ് ലൂണയുടെപരാതി. മാത്രമല്ല, ഉന്നതരുമായി ലൈംഗിക ബന്ധത്തിൽ ഏർപ്പെടാതെ പ്രമോഷൻ ലഭിക്കാൻ ബുദ്ധിമുട്ടാണെന്നും അവർ പറയുന്നു. ജോലി ഉപേക്ഷിച്ചെങ്കിലും വിശാല മനസ്കരായ ആളുകളുമായി ചങ്ങാത്തം കൂടുന്നതിന് തനിക്ക് മടിയില്ലെന്ന് ലൂണ തുറന്നു പറയുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.