ജി​യോ​ഷ്രെ​ഡ് തു​റ​ന്നി​ട്ട സം​ഗീ​ത​ജാ​ല​കം
ബി​ച്ചു തി​രു​മ​ല​യു​ടെ വ​രി​ക​ൾ ഓ​ർ​മി​ക്കു​ക​യാ​ണ്-
ഒ​റ്റ​ക്ക​ന്പി നാ​ദം മാ​ത്രം മൂ​ളും
വീ​ണാ​ഗാ​നം ഞാ​ൻ
ഏ​ക​ഭാ​വം ഏ​തോ താ​ളം
മൂ​ക​രാ​ഗ ഗാ​നാ​ലാ​പം...
(തേ​നും വ​യ​ന്പും/ ര​വീ​ന്ദ്ര​ൻ/ യേ​ശു​ദാ​സ്)

ഒ​റ്റ​ക്ക​ന്പി അ​ഥ​വാ ഏ​ക് താ​ര​യി​ൽ​നി​ന്നു​തി​ർ​ന്ന സം​ഗീ​ത​കാ​ല​ങ്ങ​ൾ. അ​തി​ന്‍റെ കൂ​ട്ടൊ​പ്പി​ച്ചു മു​ഴ​ങ്ങി​യ മ​ന്ത്ര​ഗീ​ത​ങ്ങ​ൾ, സൂ​ഫി സം​ഗീ​തം, ബാ​വു​ൾ ഗാ​ന​ങ്ങ​ൾ... രൂ​പ​ഭേ​ദ​ങ്ങ​ൾ വ​ന്നെ​ങ്കി​ലും ഏ​ക്‌താ​ര​യു​ടെ ഭാ​വം ത​നി​മ​വി​ട്ടി​ല്ല. ര​ണ്ടു ക​ന്പി​ക​ളു​ള്ള ദോതാ​ര​യാ​ണൊ​ന്ന്. വ​ഴി​യേ എ​ത്ര​യെ​ത്ര ത​ന്ത്രി​വാ​ദ്യ​ങ്ങ​ൾ സം​ഗീ​ത​ലോ​ക​ത്ത് ദേ​ശാ​ട​ന​ങ്ങ​ൾ ന​ട​ത്തി! ഓ​രോ​ന്നി​ലും എ​ത്ര​യെ​ത്ര സ്ട്രിം​ഗു​ക​ൾ, എ​ന്തെ​ന്തു ശ​ബ്ദ​ങ്ങ​ൾ! പു​തി​യ കാ​ല​ത്തി​ന്‍റെ ഭാ​ഷ​യി​ൽ എ​ന്തെ​ല്ലാം ഇ​ഫ​ക്ടു​ക​ൾ!
ബി​ച്ചു തി​രു​മ​ല​യു​ടെ പാ​ട്ടി​ന്‍റെ ര​ണ്ടു​വ​രി​കൂ​ടി കേ​ൾ​ക്കു​ക:
നി​ൻ​വി​ര​ൽ​ത്തു​ന്പി​ലെ
വി​നോ​ദ​മാ​യ് വി​ള​ങ്ങീ​ടാ​ൻ
നി​ന്‍റെ​യി​ഷ്ട ഗാ​ന​മെ​ന്ന
പേ​രി​ലൊ​ന്ന​റി​ഞ്ഞീ​ടാ​ൻ...
ക​ലാ​കാ​ര​ന്‍റെ വി​ര​ൽ​ത്തു​ന്പി​ൽ ചേ​രു​ന്പോ​ഴാ​ണ് ഏ​തു ത​ന്ത്രി​യും സു​ന്ദ​ര​വാ​ദ്യ​മാ​കു​ന്ന​ത്.

വി​ര​ൽ​ത്തു​ന്പി​ൽ ജി​യോ​ഷ്രെ​ഡ്

ഇ​ല​ക്ട്രോ​ണി​ക് ഉ​പ​ക​ര​ണ​ങ്ങ​ൾ സം​ഗീ​ത​സൃ​ഷ്ടി​യേ​യും ആ​സ്വാ​ദ​ന​ത്തെ​യും വി​പ്ല​വ​ക​ര​മാ​യി മാ​റ്റി​മ​റി​ച്ചു. ഗു​ണ​ങ്ങ​ളും ദോ​ഷ​ങ്ങ​ളു​മു​ണ്ടാ​യി. ഒ​രു​പ​ക്ഷേ ഒ​ട്ടേ​റെ വ​ർ​ഷ​ങ്ങ​ൾ​കൊ​ണ്ടു സം​ഭ​വി​ച്ച മാ​റ്റ​ങ്ങ​ളേ​ക്കാ​ൾ അ​തി​ശ​യ​ക​ര​മാ​ണ് മൂ​ന്നേ​മൂ​ന്നു കൊ​ല്ലം​കൊ​ണ്ട് ജി​യോ​ഷ്രെ​ഡ് എ​ന്ന ആ​പ്പ് ഉ​ണ്ടാ​ക്കി​യ​ത്. ക​വി എ​ഴു​തി​യ​പോ​ലെ വി​ര​ൽ​ത്തു​ന്പി​ലെ വി​നോ​ദ​മെ​ന്നു പ​റ​യാ​മെ​ങ്കി​ലും കാ​ര്യം അ​ത്ര ല​ളി​ത​മ​ല്ല.

ഐ​പാ​ഡി​ന്‍റെ സ്ക്രീ​നി​ൽ​ത്തൊ​ട്ട് സം​ഗീ​ത​മു​ണ്ടാ​ക്കാ​വു​ന്ന ആ​പ്ലി​ക്കേ​ഷ​നാ​ണ് ജി​യോ​ഷ്രെ​ഡ്. അ​ടി​സ്ഥാ​ന​പ​ര​മാ​യി ഗി​റ്റാ​റി​ന്‍റെ ശ​ബ്ദ​വും ഇ​ഫ​ക്ടു​ക​ളു​മാ​ണ് ഈ ​ആ​പ്പ് ന​ൽ​കു​ന്ന​ത്.

പ്രോ​ഗ്ര​സീ​വ് റോ​ക്ക്/ മെ​റ്റ​ൽ രാ​ജാ​ക്കന്മാ​രാ​യ ഡ്രീം ​തി​യ​റ്റ​റി​ന്‍റെ കീ​ബോ​ർ​ഡി​സ്റ്റ് ജോ​ർ​ദാ​ൻ റൂ​ഡസി​ന്‍റെ നേ​തൃ​ത്വ​ത്തി​ലു​ള്ള വി​സ്ഡം മ്യൂ​സി​ക് ആ​ണ് ജി​യോ​ഷ്രെ​ഡി​ന്‍റെ ഉ​പ​ജ്ഞാ​താ​ക്ക​ൾ. പ്ര​ശ​സ്ത​രാ​യ മോ​ഫോ​ർ​ട്ടി​ന്‍റെ ഫി​സി​ക്ക​ൽ മോ​ഡ​ലിം​ഗ് സൗ​ണ്ട് സി​ന്ത​സി​സാ​ണ് ഈ ​ആ​പ്പി​ൽ ഉ​പ​യോ​ഗ​പ്പെ​ടു​ത്തി​യി​രി​ക്കു​ന്ന​ത്. ആ​ൻ​ഡ്രോ​യ്ഡ് പ്ലേ ​സ്റ്റോ​റി​ൽ സു​ല​ഭ​മാ​യി കാ​ണു​ന്ന കീ​ബോ​ർ​ഡ്, ഗി​റ്റാ​ർ ആ​പ്പു​ക​ളെ​പ്പോ​ലെ വെ​റും ക​ളി​യ​ല്ല ജി​യോ​ഷ്രെ​ഡ്. ഇ​ത് ആ​ൻ​ഡ്രോ​യ്ഡി​ൽ നി​ല​വി​ൽ ല​ഭ്യ​വു​മ​ല്ല.

തീ​ർ​ത്തും റി​യ​ലി​സ്റ്റി​ക് ആ​യ ഗി​റ്റാ​ർ ശ​ബ്ദ​ങ്ങ​ളെ ബെ​ൻ​ഡ് ചെ​യ്യാ​നും സ്ട്രെ​ച്ച് ചെ​യ്യാ​നും അ​ന​ന്ത​സാ​ധ്യ​ത​ക​ളി​ലേ​ക്കു മാ​നി​പ്പു​ലേ​റ്റ് ചെ​യ്യാ​നും ജി​യോ​ഷ്രെ​ഡി​നു ക​ഴി​യും. നൈ​ലോ​ണ്‍, മെ​റ്റ​ൽ എ​ന്നി​ങ്ങ​നെ സ്ട്രിം​ഗ് ഭേ​ദ​മി​ല്ലാ​തെ, സോ​ളി​ഡ്/ ഹോ​ളോ ബോ​ഡി വ്യ​ത്യാ​സ​മി​ല്ലാ​തെ വി​വി​ധ​യി​നം ഗി​റ്റാ​റു​ക​ളി​ൽ എ​ന്തൊ​ക്കെ ശ​ബ്ദ​സാ​ധ്യ​ത​ക​ളു​ണ്ടോ അ​തൊ​ക്കെ ഇ​തു ന​ൽ​കും. ഫിം​ഗ​ർ വി​ബ്രാ​റ്റോ, സ്ലൈ​ഡു​ക​ൾ തു​ട​ങ്ങി യ​ഥാ​ർ​ഥ ഗി​റ്റാ​റി​ന്‍റെ ഫ്രെ​റ്റ്ബോ​ർ​ഡി​ൽ സം​ഭ​വി​ക്കു​ന്ന​തെ​ല്ലാം ആ​പ്ലി​ക്കേ​ഷ​നി​ലും ചെ​യ്യാം.

മ​ൾ​ട്ടി-​ട​ച്ച് പെ​ർ​ഫോ​മ​ൻ​സ് സ​ർ​ഫ​സു​ള്ള എ​ക്സ്പ്ര​സീ​വാ​യ സം​ഗീ​തോ​പ​ക​ര​ണ​മാ​യാ​ണ് ക​ന്പ​നി ജി​യോ​ഷ്രെ​ഡി​നെ വി​ശേ​ഷി​പ്പി​ക്കു​ന്ന​ത്. ഐ​പാ​ഡ് സ്ക്രീ​നി​ൽ തെ​ളി​യു​ന്ന​ത് ഒ​രു സം​ഗീ​ത​സാ​ഗ​ര​മാ​ണെ​ന്നു ചു​രു​ക്കം. വ​ള​രെ കാ​ര്യ​ക്ഷ​മ​മാ​യ മി​ഡി സ​പ്പോ​ർ​ട്ടു​കൂ​ടി​യു​ള്ള​തി​നാ​ൽ സം​ഗീ​തോ​പ​ക​ര​ണം എ​ന്ന​തി​നൊ​പ്പം അ​തി​ശ​യി​പ്പി​ക്കു​ന്ന മി​ഡി ക​ണ്‍​ട്രോ​ള​റു​മാ​ണ് ജി​യോ​ഷ്രെ​ഡ്.
ഫി​സി​ക്ക​ൽ മോ​ഡ​ലിം​ഗ് സി​ന്ത​സി​സ് എ​ന്ന ക​ല​യി​ലെ ഏ​താ​ണ്ടു മു​പ്പ​തു​വ​ർ​ഷ​ത്തെ പ​ഠ​ന​ങ്ങ​ളു​ടെ ഫ​ല​മാ​ണ് ഈ ​സൗ​ണ്ട് എ​ൻ​ജി​ൻ എ​ന്ന് ഗ​വേ​ഷ​ക​നാ​യ ഡോ. ​ജൂ​ലി​യ​സ് ഒ. ​സ്മി​ത്ത് പ​റ​യു​ന്നു.

ജോ​ർ​ദാ​ൻ റൂ​ഡ​സ്

ന്യൂ​യോ​ർ​ക്കി​ൽ ജ​നി​ച്ച ജോ​ർ​ദാ​ൻ ചാ​ൽ​സ് റൂ​ഡ​സ് ഒ​രു മ​ൾ​ട്ടി ഇ​ൻ​സ്ട്ര​മെ​ന്‍റ​ലി​സ്റ്റാ​ണ്. ഒ​ന്പ​താം വ​യ​സി​ൽ ജൂ​ലി​യാ​ർ​ഡ് സ്കൂ​ൾ ഓ​ഫ് മ്യൂ​സി​ക്കി​ൽ ചേ​ർ​ന്ന് ക്ലാ​സി​ക്ക​ൽ പി​യാ​നോ പ​ഠ​നം തു​ട​ങ്ങി. കൗ​മാ​ര​ത്തി​ലെ​ത്തി​യ​തോ​ടെ പ്രോ​ഗ്ര​സീ​വ് റോ​ക്ക് മ്യൂ​സി​ക്കി​ലും സി​ന്ത​സൈ​സ​റു​ക​ളി​ലു​മാ​യി താ​ത്പ​ര്യം. മാ​താ​പി​താ​ക്ക​ളു​ടെ​യും ഗു​രു​ക്കന്മാ​രു​ടെ​യും ഇ​ഷ്ട​ക്കേ​ടു വ​ക​വ​യ്ക്കാ​തെ ക്ലാ​സി​ക്ക​ൽ പി​യാ​നോ​യി​ൽ​നി​ന്ന് ജോ​ർ​ദാ​ൻ വ​ഴി​മാ​റി​ന​ട​ന്നു.

പ്രോ​ഗ്ര​സീ​വ് റോ​ക്ക് സോ​ളോ പെ​ർ​ഫോ​മ​ൻ​സി​ന് ഒ​ട്ടേ​റെ കീ​ബോ​ർ​ഡു​ക​ൾ നി​ര​ത്തി​വ​ച്ചാ​ണ് മി​ക്ക​വാ​റും​പേ​ർ സ്റ്റേ​ജി​ലെ​ത്തു​ക പ​തി​വ്. എ​ന്നാ​ൽ അ​വി​ടെ​യും ജോ​ർ​ദാ​ൻ പു​തു​വ​ഴി ക​ണ്ടെ​ത്തി. വി​വി​ധ കീ​ബോ​ർ​ഡു​ക​ളി​ൽ​നി​ന്നു​ള്ള ശ​ബ്ദ​ങ്ങ​ൾ ഒ​റ്റ​യെ​ണ്ണ​ത്തി​ലേ​ക്കു മാ​പ്പ് ചെ​യ്താ​യി​രു​ന്നു അ​ദ്ദേ​ഹ​ത്തി​ന്‍റെ പ്ര​ക​ട​നം. കാ​ലു​കൊ​ണ്ടു നി​യ​ന്ത്രി​ക്കാ​വു​ന്ന സ്വി​ച്ചി​ൽ അ​ദ്ദേ​ഹം ശ​ബ്ദ​ങ്ങ​ളെ മാ​റ്റി​മ​റി​ക്കു​ക​യും ചെ​യ്തു. റൊ​ട്ടേ​റ്റ് ചെ​യ്യു​ന്ന കീ​ബോ​ർ​ഡ് സ്റ്റാ​ൻ​ഡു​ക​ൾ സ്റ്റേ​ജി​ലെ​ത്തി​ച്ച​തും ജോ​ർ​ദാ​നാ​ണ്. ക​ണ്ടി​നു​വം ഫിം​ഗ​ർ​ബോ​ർ​ഡ്, ലാ​പ് സ്റ്റീ​ൽ ഗി​റ്റാ​ർ, ഹാ​ർ​പെ​ജ്ജി എ​ന്നി​വ​യാ​ണ് ഐ​പാ​ഡി​നു പു​റ​മേ അ​ദ്ദേ​ഹം ഇ​പ്പോ​ൾ സ്റ്റേ​ജി​ൽ ഉ​പ​യോ​ഗി​ക്കു​ന്ന​ത്. ജി​യോ​ഷ്രെ​ഡി​ന്‍റെ വി​കാ​സ​ത്തി​നു മു​ന്പ് വേ​റെ​യും സോ​ഫ്റ്റ് വെ​യ​റു​ക​ൾ ജോ​ർ​ദാ​ൻ ലൈ​വ് ഷോ​ക​ൾ​ക്ക് പ്ര​യോ​ജ​ന​പ്പെ​ടു​ത്തി​യി​രു​ന്നു.

വ​ക​ഭേ​ദ​മി​ല്ലാ​തെ

എ​ല്ലാ​ത്ത​രം സം​ഗീ​ത​വും ജി​യോ​ഷ്രെ​ഡി​ലൂ​ടെ വായിക്കാ​മെ​ന്ന​താ​ണ് ഏ​റ്റ​വും വ​ലി​യ സ​വി​ശേ​ഷ​ത. അ​വ​ത​രി​പ്പി​ക്ക​പ്പെ​ട്ട് അ​ധി​കം വൈ​കാ​തെ ക​ർ​ണാ​ട​ക സം​ഗീ​ത​വും ഇ​തി​ലൂ​ടെ ഒ​ഴു​കി​ത്തു​ട​ങ്ങി. വീ​ണ​യു​ടെ​യോ മാ​ൻ​ഡ​ലി​ന്‍റെ​യോ ഒ​ക്കെ ശ​ബ്ദ​ത്തി​ൽ ക​ച്ചേ​രി​ക​ൾ​ക്ക് അ​തി​സു​ന്ദ​ര​മാ​യി അ​ക്ക​ന്പ​നി ചെ​യ്യാ​നും ജി​യോ​ഷ്രെ​ഡ് ഉ​പ​യോ​ഗി​ക്കാം. ക്ലാ​സി​ക്ക​ൽ, ഫ്യൂ​ഷ​ൻ രം​ഗ​ത്ത് പ്ര​ശ​സ്ത​നാ​യ ത​മി​ഴ്നാ​ട് സ്വ​ദേ​ശി സം​ഗീ​ത​സം​വി​ധാ​യ​ക​ൻ ന​വ​നീ​ത് സു​ന്ദ​ർ ജി​യോ​ഷ്രെ​ഡി​ന്‍റെ സാ​ധ്യ​ത​ക​ൾ കൃ​ത്യ​മാ​യി ഉ​പ​യോ​ഗി​ക്കു​ന്നു. സാ​ക്ഷാ​ൽ എ.​ആ​ർ. റ​ഹ്്മാ​ൻ​ത​ന്നെ ഇക്കാര്യത്തിൽ ന​വ​നീ​തി​നെ പു​ക​ഴ്ത്തി​യി​രു​ന്നു.

ഐ​പാ​ഡ്, ഐ​ഫോ​ണ്‍, ഐ​പോ​ഡ് ട​ച്ച് എ​ന്നി​വ​യി​ൽ ജി​യോ​ഷ്രെ​ഡ് പ്ര​വ​ർ​ത്തി​പ്പി​ക്കാം. ഇ​തി​ന​കം ഒ​ട്ടേ​റെ വേ​ർ​ഷ​നു​ക​ളും അ​നു​ബ​ന്ധ ആ​പ്ലി​ക്കേ​ഷ​നു​ക​ളും പു​റ​ത്തി​റ​ങ്ങി. ഇ​വ​യെ​ല്ലാം ആ​പ്പ്സ്റ്റോ​റി​ൽ​നി​ന്നു വി​ല​കൊ​ടു​ത്ത് ഡൗ​ണ്‍​ലോ​ഡ് ചെ​യ്യാം. എ​ന്താ​യാ​ലും ഐ​പാ​ഡു​ള്ള​വ​ർ​ക്ക് ഒ​രു​കൈ നോ​ക്കാം, ഇനിയെങ്ങാനും സ്വയം ഒരു സംഗീതജ്ഞ നായാലോ!!

ഹരിപ്രസാദ്‌


Copyright @ 2022 , Rashtra Deepika Ltd.