സിഗ്നേച്ചർ ബ്രിഡ്ജ്; ഡൽഹി കയ്യൊപ്പ്
ഡ​ൽ​ഹി​യു​ടെ ത​ല​യെ​ടു​പ്പാ​യ കു​ത്ത​ബ് മി​നാ​റി​നേ​ക്കാ​ൾ ഉ​യ​ര​ത്തി​ലൊ​രു തൂ​ണ്‍, ആ ​തൂ​ണി​ൽ താ​ങ്ങി ഡ​ൽ​ഹി​യു​ടെ കൈ​യൊ​പ്പാ​യി സി​ഗ്നേ​ച്ച​ർ പാ​ലം. ഗു​ജ​റാ​ത്തി​ൽ ന​ർ​മ​ദാ തീ​ര​ത്തെ സ​ർ​ദാ​ർ വ​ല്ല​ഭ്ഭാ​യി പ​ട്ടേ​ലി​ന്‍റെ ലോ​കോ​ത്ത​ര പ്ര​തി​മ​യു​ടെ ഉ​ദ്ഘാ​ട​ന കൊ​ഴു​പ്പി​ൽ സി​ഗ്നേ​ച്ച​ർ പാ​ല​ത്തി​ന്‍റെ പൊ​ലി​മ മ​ങ്ങി​യെ​ങ്കി​ലും ഡ​ൽ​ഹി​യു​ടെ ജീ​വി​ത​ത്തി​ൽ ഇ​നി സി​ഗ്നേ​ച്ച​ർ പാ​ലം ശ​രി​ക്കും കൈ​യൊ​പ്പു ചാ​ർ​ത്തി​യി​രി​ക്കു​ക​യാ​ണ്.

ക​ഴി​ഞ്ഞ ഞാ​യ​റാ​ഴ്ച ഡ​ൽ​ഹി മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ളാ​ണ് സി​ഗ്നേ​ച്ച​ർ പാ​ലം തു​റ​ന്ന​ത്. ദീ​ർ​ഘ​കാ​ല​മാ​യി ഗ​താ​ഗ​ത​ക്കു​രു​ക്കി​ൽ വ​ല​യു​ന്ന ഡ​ൽ​ഹി​ക്ക്, പ്ര​ത്യേ​കി​ച്ച് വ​സീ​രാ​ബാ​ദ് പാ​ല​ത്തി​ലെ ട്രാ​ഫി​ക് കു​രു​ക്കി​ന് പു​തി​യ പാ​ലം വ​ലി​യ ആ​ശ്വാ​സ​മാ​ണ്. കൂ​ടാ​തെ യ​മു​ന​യു​ടെ പ​ടി​ഞ്ഞാ​റ​ൻ തീ​ര​ത്തു​ള്ള ഒൗ​ട്ട​ർ റിം​ഗ് റോ​ഡു​മാ​യും പാ​ലം ബ​ന്ധി​പ്പി​ച്ച​ത് യാ​ത്ര​ക്കാ​ർ​ക്ക് ഏ​റെ ഗു​ണ​ക​ര​മാ​കും.

14 വ​ർ​ഷ​ത്തി​ലേ​റെ നീ​ണ്ട നി​ർ​മാ​ണ​പ്ര​ക്രി​യ​ക​ൾ​ക്കൊ​ടു​വി​ലാ​ണ് ഡ​ൽ​ഹി​യി​ലെ ആ​ദ്യ സ​സ്പെ​ൻ​ഷ​ൻ ബ്രി​ഡ്ജ് സാ​ധ്യ​മാ​യ​ത്. സ്വ​ച്ഛ​മാ​യൊ​ഴു​കു​ന്ന യ​മു​നാ ന​ദി​ക്കു കു​റു​കെ വ​ട​ക്കു-​കി​ഴ​ക്ക​ൻ ഡ​ൽ​ഹി​യെ യോ​ജി​പ്പി​ക്കു​ന്ന പാ​ലം വി​നോ​ദ​സ​ഞ്ചാ​രി​ക​ൾ​ക്കും കൗ​തു​ക​മാ​ണ്.

ല​ണ്ട​ൻ ബ്രി​ഡ്ജി​ന്‍റെ മാ​തൃ​ക​യി​ൽ നി​ർ​മി​ച്ച പാ​ല​ത്തി​ന്‍റെ ഗോ​പു​ര​ത്തി​ന്‍റെ ഉ​യ​രം 154 മീ​റ്റ​റാ​ണ്. കു​ത്ത​ബ് മി​നാ​റി​നേ​ക്കാ​ൾ ഇ​ര​ട്ടി​യോ​ളം ഉ​യ​രം വ​രു​ന്ന ഈ ​ഗോ​പു​ര​ത്തി​നു മു​ക​ളി​ലേ​ക്ക് ക​യ​റാ​നു​ള്ള ലി​ഫ്റ്റ് ഉ​ട​ൻ ത​യാ​റാ​കും. കൂ​ടാ​തെ ആ​കാ​ശം​മു​ട്ടെ ഉ​യ​ർ​ന്നു നി​ൽ​ക്കു​ന്ന ഗോ​പു​ര​ത്തി​ന്‍റെ മു​ക​ളി​ൽ ഭ​ക്ഷ​ണ​ശാ​ല തു​ട​ങ്ങാ​നും പ​ദ്ധ​തി​യു​ണ്ട്. ചു​രു​ക്കി​പ്പ​റ​ഞ്ഞാ​ൽ പാ​രീ​സി​ലെ ഈ​ഫ​ൽ ട​വ​റി​ന്‍റെ ഇ​ന്ത്യ​ൻ പ​തി​പ്പാ​ണ് ഈ ​ഗോ​പു​രം. ഇ​വി​ടെ നി​ന്നാ​ൽ ഉ​ത്ത​ര​ഡ​ൽ​ഹി​യു​ടെ വി​ശാ​ല​മാ​യ കാ​ഴ്ച ആ​സ്വ​ദി​ക്കാം.

ന​മ​സ്തേ

ഒ​രു​പോ​ലെ​യു​ള്ള ര​ണ്ടു വ​ശ​ങ്ങ​ൾ കൂ​ട്ടി​യോ​ജി​പ്പി​ക്കു​ന്ന രീ​തി​യി​ലു​ള്ള ഇ​ന്ത്യ​യി​ലെ ആ​ദ്യ​ത്തെ പാ​ല​മാ​ണി​ത്. ഒ​റ്റ നോ​ട്ട​ത്തി​ൽ ഡ​ൽ​ഹി ന​മ​സ്തേ പ​റ​ഞ്ഞ് ഏ​വ​രെ​യും സ്വാ​ഗ​തം ചെ​യ്യു​ക​യും യാ​ത്ര​യ​യ​യ്ക്കു​ക​യു​മാ​ണെ​ന്നു തോ​ന്നും. ഡ​ൽ​ഹി ടൂ​റി​സം വ​കു​പ്പും ട്രാ​ൻ​സ്പോ​ർ​ട്ട് കോ​ർ​പ്പ​റേ​ഷ​നും ചേ​ർ​ന്ന് 1518.37 കോ​ടി രൂ​പ മു​ത​ൽ​മു​ട​ക്കി​യാ​ണ് അ​തി​മ​നോ​ഹ​ര​മാ​യ ഈ ​പാ​ലം നി​ർ​മി​ച്ചി​രി​ക്കു​ന്ന​ത്. 2010ൽ ​ഡ​ൽ​ഹി​യി​ൽ ന​ട​ന്ന കോ​മ​ണ്‍​വെ​ൽ​ത്ത് ഗെ​യിം​സി​നു മു​ന്നോ​ടി​യാ​യി പാ​ലം പൂ​ർ​ത്തി​യാ​ക്കാ​നാ​യി​രു​ന്നു പ​ദ്ധ​തി. എ​ന്നാ​ൽ, ന​ട​പ​ടി​ക്ര​മ​ങ്ങ​ളി​ലെ കാ​ല​താ​മ​സ​വും ഫ​ണ്ടി​ന്‍റെ ല​ഭ്യ​ത​ക്കു​റ​വു​മൊ​ക്കെ നി​ർ​മാ​ണം താ​മ​സി​പ്പിച്ചു. 459 കോ​ടി രൂ​പ ചെ​ല​വു പ്ര​തീ​ക്ഷി​ച്ചു നി​ർ​മാ​ണം ആ​രം​ഭി​ച്ച പാ​ലം പൂ​ർ​ത്തി​യാ​യ​പ്പോ​ൾ ചെ​ല​വ് 1518 കോ​ടി​യാ​യതി​നു പ്ര​ധാ​ന കാ​ര​ണ​വും ഈ ​കാ​ല​താ​മ​സം ത​ന്നെ.

ക​ണ്ണു തു​റ​പ്പി​ച്ച ആ ​അ​പ​ക​ടം

1998ലാ​യി​രു​ന്നു ഡ​ൽ​ഹി​യെ ന​ടു​ക്കി​യ ആ ​അ​പ​ക​ട​മു​ണ്ടാ​യ​ത്. വ​ള​രെ ഇ​ടു​ങ്ങി​യ വ​സി​രാ​ബാ​ദ് പാ​ല​ത്തി​ലു​ണ്ടാ​യ ബ​സ് അ​പ​കട​ത്തി​ൽ 22 വി​ദ്യാ​ർ​ഥി​ക​ൾ മ​രി​ച്ചു. അ​തി​നു മു​ന്പും പ​ല ത​വ​ണ അ​പ​ക​ട​ങ്ങ​ൾ ഇ​വി​ടെ​യു​ണ്ടാ​യി​ട്ടു​ണ്ട്. ഇ​തേ​ത്തു​ട​ർ​ന്നാ​ണ് പു​തി​യ പാ​ലം എ​ന്ന ആ​ശ​യം ഉ​ദി​ച്ച​ത്. വ​സി​രാ​ബാ​ദ് പാ​ല​ത്തി​നു സ​മാ​ന്ത​ര​മാ​യി പു​തി​യ പാ​ല​മു​ണ്ടാ​ക്കു​മെ​ന്ന് 2004ലെ ​ഡ​ൽ​ഹി സ​ർ​ക്കാ​ർ തീ​രു​മാ​നി​ച്ചു.

എ​ന്നാ​ൽ, 2007ൽ ​മാ​ത്ര​മാ​ണ് പാ​ലം നി​ർ​മാ​ണം ആ​രം​ഭി​ച്ച​ത്. അ​ന്ന​ത്തെ മു​ഖ്യ​മ​ന്ത്രി​ ഷീ​ല ദീ​ക്ഷി​താ​ണ് പാ​ലം നി​ർ​മാ​ണ​ത്തി​ന്‍റെ ത​റ​ക്ക​ല്ലി​ട്ട​ത്. എ​ന്നാ​ൽ, വി​വാ​ദ​ങ്ങ​ളും സാ​ന്പ​ത്തി​ക പ്ര​ശ്ന​ങ്ങ​ളും മൂ​ലം പാ​ലം പ​ണി നീ​ണ്ടു. കോ​മ​ണ്‍​വെ​ൽ​ത്ത് ഗെ​യിം​സി​നു മു​ന്പ് പാ​ലം പ​ണി പൂ​ർ​ത്തി​യാ​ക്കു​മെ​ന്ന മു​ഖ്യ​മ​ന്ത്രി​യു​ടെ വാ​ക്ക് പാ​ഴ് വാ​ക്കാ​യി. വ​സി​രാ​ബാ​ദ് പാ​ല​ത്തി​ലൂ​ടെ​യു​ള്ള യാ​ത്ര വീ​ണ്ടും ദു​ഷ്ക​ര​മാ​യി. ജ​നം ത​ള​ർ​ന്നു, ഒ​ടു​വി​ൽ ഡ​ൽ​ഹി​യു​ടെ സ്വ​പ്ന​മെ​ന്നോ​ണം പാ​ലം ജ​ന​ങ്ങ​ൾ​ക്കാ​യി തു​റ​ന്നു​കൊ​ടു​ത്തി​രി​ക്കു​ന്നു. അ​തും രാ​ഷ്ട്രീ​യ വി​പ്ല​വ​ത്തി​ലൂ​ടെ അ​ധി​കാ​ര​ത്തി​ലെ​ത്തി​യ അ​ര​വി​ന്ദ് കേ​ജ​രി​വാ​ൾ.

നി​ർ​മാ​ണ​ത്തി​ന് ജ​ർ​മ​ൻ ക​ന്പ​നി

ഏ​തെ​ങ്കി​ലും ഒ​രു വ്യ​ക്തി​യാ​യി​രു​ന്നി​ല്ല, പാ​ല​ത്തി​ന്‍റെ രൂ​പ​ക​ല്പ​ന. ജ​ർ​മ​നി​യി​ലെ ഏ​റ്റ​വും പേ​രു​കേ​ട്ട സ്ലാ​യി​ഷ് ബെ​ർ​ജ​ർ​മ​ൻ പാ​ർ​ട്ന​റാ​ണ് പാ​ലം ഡിസൈ​ൻ ചെ​യ്ത​ത്. ഇ​ന്ത്യ​യി​ൽ​നി​ന്നു​ള്ള പ​ല ഡി​സൈ​നേ​ഴ്സി​നെ​യും പ​രി​ഗ​ണി​ച്ചെ​ങ്കി​ലും ജ​ർ​മ​ൻ ക​ന്പ​നി​ക്കു ന​റു​ക്കു വീ​ഴു​ക​യാ​യി​രു​ന്നു. മും​ബൈ ആ​സ്ഥാ​ന​മാ​യ ആ​ർ​ക്കി​ടെ​ക്ട്സ് പ്രൈ​വ​റ്റ് ലി​മി​റ്റ​ഡി​ലെ ആ​ർ​കി​ടെ​ക്‌ട്‌ ര​ത്ത​ൻ ജെ. ​ബ​ത്‌ലിബോ​യ് ആ​ണ് ഇ​ക്കാ​ര്യ​ത്തി​ൽ സ​ർ​ക്കാ​രി​ന് ഉ​പ​ദേ​ശ​ങ്ങ​ൾ ന​ൽ​കി​യ​ത്. ഭൂ​ക​ന്പ​ത്തെ പ്ര​തി​രോ​ധി​ക്കു​ന്ന ത​ര​ത്തി​ലാ​ണ് പാ​ല​ത്തി​ന്‍റെ രൂ​പ​ക​ല്പ​ന. ഇ​തി​നാ​യി ഐ​ഐ​ടി റൂ​ർ​ക്കി​യു​ടെ സേ​വ​ന​വും ഉ​പ​യോ​ഗി​ച്ചു. ഡ​ൽ​ഹി ടൂ​റി​സം ട്രാ​ൻ​സ്പോ​ർ​ട്ടേ​ഷ​ൻ മ​ന്ത്രാ​ല​യ​ത്തി​ന്‍റെ കീ​ഴി​ലാ​ണ് പാ​ലം ഇ​പ്പോ​ൾ.

പാ​ല​ത്തി​ന്‍റെ മെ​യ്ന്‍റ​ന​ൻ​സ് അ​ട​ക്ക​മാ​ണ് നി​ർ​മാ​താ​ക്ക​ൾ ചെ​യ്യു​ന്ന​ത്. പാ​ല​ത്തെ താ​ങ്ങി​നി​ർ​ത്തു​ന്ന​ത് വ​ലി​യ കേ​ബി​ളു​ക​ളാ​ണ്. അ​ക്ഷ​രാ​ർ​ഥ​ത്തി​ൽ തൂ​ക്കു​പാ​ലം എ​ന്ന​തി​നു നി​ർ​വ​ച​ന​മാ​ണ് സി​ഗ്നേ​ച്ച​ർ. 13,200 ട​ണ്‍ സ്റ്റീ​ലാ​ണ് ച​ട്ട​ക്കൂ​ട് നി​ർ​മി​ക്കാ​ൻ മാ​ത്രം ഉ​പ​യോ​ഗി​ച്ച​ത്. കൂ​ടാ​തെ ജ​ർ​മ​നി​യി​ൽ​നി​ന്നെ​ത്തി​ച്ച കേ​ബി​ളു​ക​ളും നി​ർ​മാ​ണ​ത്തി​ന് ഉ​പ​യോ​ഗി​ച്ചു. പാ​ല​ത്തി​ൽ എ​ട്ടു​വ​രി​യി​ലാ​യാ​ണ് ഗ​താ​ഗ​ത സൗ​ക​ര്യ​മു​ള്ള​ത്.

പാ​ല​ത്തി​ന്‍റെ മ​റ്റ് പ്ര​ത്യേ​ക​ത​ക​ൾ

നീ​ളം 575 മീ​റ്റ​ർ, വീ​തി 35.2 മീ​റ്റ​ർ, പാ​ല​ത്തി്ന്‍റെ മൊ​ത്തം ഉ​യ​രം 165 മീ​റ്റ​ർ. ഗോ​പു​ര​ത്തി​ന്‍റെ ഉ​യ​രം 154 മീ​റ്റ​ർ സൈ​ക്കി​ൾ യാ​ത്രി​ക​ർ​ക്കും കാ​ൽ​ന​ട​യാ​ത്രി​ക​ർ​ക്കും പ്ര​ത്യേ​ക പാ​ത. പാ​ല​ത്തെ ബ​ന്ധി​പ്പി​ക്കാ​ൻ 36 സ്പാ​നു​ക​ൾ, പ്ര​ധാ​ന സ്പാ​നി​ന്‍റെ നീ​ളം 251 മീ​റ്റ​ർ. സെ​ൽ​ഫി​യെ​ടു​ക്കാ​ൻ പ്ര​ത്യേ​ക സ്ഥ​ല​ങ്ങ​ൾ.

ഡ​ൽ​ഹി​യു​ടെ വ​ട​ക്കു മേ​ഖ​ല​യി​ൽ​നി​ന്ന് വ​ട​ക്കു​കി​ഴ​ക്ക​ൻ മേ​ഖ​ല​യി​ലേ​ക്ക് എ​ത്താ​ൻ മു​ന്പ് 45 മി​നി​റ്റ് വേ​ണ​മാ​യി​രു​ന്നെ​ങ്കി​ൽ ഇ​പ്പോ​ൾ 10 മി​നി​റ്റ് മ​തി. ഗോ​പു​ര​ത്തി​നു മു​ക​ളി​ലേ​ക്ക് ഒ​രേ​സ​മ​യം 50 പേ​രെ എ​ത്തി​ക്കാ​ൻ സൗ​ക​ര്യ​മു​ള്ള എ​ല​വേ​റ്റ​റു​ക​ളു​ണ്ട്. എ​ല​വേ​റ്റ​റു​ക​ളി​ലൂ​ടെ മു​ക​ളി​ലേ​ക്ക് ഉ​യ​രു​ന്പോ​ൾ ഡ​ൽ​ഹി​യു​ടെ സൗ​ന്ദ​ര്യം ആ​സ്വ​ദി​ക്കാ​ൻ പാ​ക​ത്തി​ന് ഗ്ലാ​സ് ലി​ഫ്റ്റാ​ണു​ള്ള​ത്. ന​ഗ​ര​വി​ക​സ​ന​ത്തി​നൊ​പ്പം ടൂ​റി​സ​ത്തെ​യും പ്രോ​ത്സാ​ഹി​പ്പി​ക്കു​ക എ​ന്ന​താ​ണ് ല​ക്ഷ്യം.

​വിവാ​ദ​ങ്ങ​ൾ

പാ​ല​ത്തി​ന്‍റെ ഉ​ദ്ഘാ​ട​നം ഞാ​യ​റാ​ഴ്ച ന​ട​ന്ന​പ്പോ​ൾ പ്ര​തി​പ​ക്ഷ​ക​ക്ഷി​യാ​യ ബി​ജെ​പി പ്ര​തി​ഷേ​ധ​വു​മാ​യി പാ​ല​ത്തി​ലെ​ത്തി. ഇ​തേ​ത്തു​ട​ർ​ന്ന് എ​എ​പി പ്ര​വ​ർ​ത്ത​ക​രും ബി​ജെ​പി പ്ര​വ​ർ​ത്ത​ക​രും ത​മ്മി​ൽ വാ​ക്കേ​റ്റ​വും കൈ​യാ​ങ്ക​ളി​യുമു​ണ്ടാ​യി. ഉ​ദ്ഘാ​ട​ന​ച്ച​ട​ങ്ങി​ലേ​ക്കു ക്ഷ​ണി​ച്ചി​ല്ലെ​ന്ന് ആ​രോ​പി​ച്ച് ബി​ജെ​പി സം​സ്ഥാ​ന അ​ധ്യ​ക്ഷ​ൻ മ​നോ​ജ് തി​വാ​രി എം​പി​യും അ​നു​യാ​യി​ക​ളും ന​ട​ത്തി​യ മാ​ർ​ച്ച് സം​ഘ​ർ​ഷ​ത്തി​ൽ ക​ലാ​ശി​ക്കു​ക​യാ​യി​രു​ന്നു. ഇ​തു​മാ​യി ബ​ന്ധ​പ്പെ​ട്ട് ഡ​ൽ​ഹി പോ​ലീ​സ് മൂ​ന്നു പേ​ർ​ക്കെ​തി​രേ കേ​സെ​ടു​ത്തു.

സി.​കെ. രാ​ജേ​ഷ്കു​മാ​ർ


Copyright @ 2022 , Rashtra Deepika Ltd.