ഭാഗ്യമല്ലിതു കഠിനാധ്വാനം
ആ​ദ്യ വി​ജ​യ​ത്തി​നു ശേ​ഷം വി​ശ്ര​മി​ക്ക​രു​ത്. കാ​ര​ണം, ര​ണ്ടാ​മ​ത്തേ​തി​ൽ നി​ങ്ങ​ൾ പ​രാ​ജ​യ​പ്പെ​ട്ടാ​ൽ നി​ങ്ങ​ളു​ടെ ആ​ദ്യ​വി​ജ​യം വെ​റും ഭാ​ഗ്യം കൊ​ണ്ടാ​ണെ​ന്നു പ​റ​യാ​ൻ ഒ​ട്ടേ​റെ നാ​വു​ക​ളു​ണ്ടാ​കും.’ - എ.​പി.​ജെ. അ​ബ്ദു​ൾ ക​ലാം

ആ​ദ്യ വി​ജ​യാ​ഹ്ലാ​ദ​ത്തി​ന്‍റെ ആ​ര​വ​ങ്ങ​ള​ട​ങ്ങും മു​ന്പേ അ​ഭി​മാ​ന​ക​ര​മാ​യ ര​ണ്ടാ​മ​ത്തെ വി​ജ​യ​ത്തി​ള​ക്കം തേ​ടി​യെ​ത്തി​യ ജെ​സ് മ​രി​യ​യെ അ​ടു​ത്ത​റി​യു​ന്ന​വ​ർ, തോ​ളി​ൽ ത​ട്ടി ഒ​രേ സ്വ​ര​ത്തി​ൽ പ​റ​ഞ്ഞു: ഭാ​ഗ്യ​മ​ല്ലി​ത്, വി​ശ്ര​മ​മി​ല്ലാ​ത്ത ക​ഠി​നാ​ധ്വാ​ന​ത്തി​ന്‍റെ​യും ഈ​ശ്വ​രാ​നു​ഗ്ര​ഹ​ത്തി​ന്‍റെ​യും സാ​ഫ​ല്യം; നീ ​ഞ​ങ്ങ​ളു​ടെ അ​ഭി​മാ​നം; ഇ​നി​യും വ​ള​ര​ണം ഉ​യ​ര​ങ്ങ​ളി​ലേ​ക്ക്.

അ​ഖി​ലേ​ന്ത്യാ മെ​ഡി​ക്ക​ൽ പ്ര​വേ​ശ​ന പ​രീ​ക്ഷ​യി​ൽ (നീ​റ്റ്) 56-ാം റാ​ങ്കും സം​സ്ഥാ​ന മെ​ഡി​ക്ക​ൽ എ​ൻ​ട്ര​ൻ​സി​ൽ ഒ​ന്നാം റാ​ങ്കും സ്വ​ന്ത​മാ​ക്കി​യ ജെ​സ് മ​രി​യ​യു​ടെ വി​ജ​യ​ത്തി​നു മാ​റ്റേ​റെ​യാ​ണ്. നി​ര​ന്ത​രം പു​സ്ത​ക​ങ്ങ​ൾ വാ​യി​ച്ചു മ​ന​പാ​ഠ​മാ​ക്കി ഉ​ത്ത​ര​ക്ക​ട​ലാ​സി​ലേ​ക്കു പ​ക​ർ​ത്താ​ൻ ജെ​സി​നെ കി​ട്ടി​ല്ല. പ​രീ​ക്ഷാ​ത്ത​ലേ​ന്നു രാ​ത്രി വൈ​കി ഉ​റ​ക്ക​മൊ​ഴി​വാ​ക്കി കു​ത്തി​യി​രു​ന്നു പ​ഠി​ക്കാ​നും ത​യാ​റ​ല്ല. മു​ൻ വ​ർ​ഷ​ങ്ങ​ളി​ലെ ചോ​ദ്യ​ങ്ങ​ളു​ടെ ശൈ​ലി​യ​റി​ഞ്ഞു വ്യ​ക്ത​മാ​യ ക​ണ​ക്കു​കൂ​ട്ട​ലു​ക​ളോ​ടെ ചി​ട്ട​യാ​യ പ​ഠ​നം, സു​നി​ശ്ചി​ത​മാ​യ ല​ക്ഷ്യ​ബോ​ധം. കു​ടും​ബാം​ഗ​ങ്ങ​ളു​ടെ നി​സീ​മ​മാ​യ പി​ന്തു​ണ​യും അ​ടി​യു​റ​ച്ച ദൈ​വാ​ശ്ര​യ​ബോ​ധ​വും കൂ​ടി ചേ​രു​ന്പോ​ൾ അ​ങ്ക​മാ​ലി വ​ള​വ​ഴി മേ​നാ​ച്ചേ​രി വീ​ട്ടി​ൽ ജെ​സ് മ​രി​യ ബെ​ന്നി​യു​ടെ വി​ജ​യ​ഗാ​ഥ പൂ​ർ​ണം.

720ൽ 664

​നീ​റ്റ് പ​രീ​ക്ഷ​യി​ൽ ദേ​ശീ​യ​ത​ല​ത്തി​ൽ 56-ാം റാ​ങ്ക് നേ​ടി​യ ജെ​സ് മ​രി​യ ബെ​ന്നി സം​സ്ഥാ​ന ത​ല​ത്തി​ൽ ഒ​ന്നാം​സ്ഥാ​ന​ക്കാ​രി​യാ​യി​രു​ന്നു. 720 ൽ 664 ​മാ​ർ​ക്കു നേ​ടി​യാ​യി​രു​ന്നു മി​ന്നും ജ​യം. പോ​യ​വ​ർ​ഷം അ​ഖി​ലേ​ന്ത്യാ​ത​ല​ത്തി​ൽ ല​ഭി​ച്ച 17493 -ാം റാ​ങ്കി​ൽ നി​ന്നാ​ണു ക​ഠി​നാ​ധ്വാ​നത്തി​ലൂ​ടെ 56-ാം റാ​ങ്കി​ലേ​ക്കു​ള്ള കു​തി​പ്പ്. ഇ​ക്കു​റി സം​സ്ഥാ​ന​ത​ല​ത്തി​ൽ ഒ​ന്നാം സ്ഥാ​ന​ത്തേ​ക്കെ​ത്തി​യ ജെ​സ് ക​ഴി​ഞ്ഞ വ​ർ​ഷം സം​സ്ഥാ​ന​ത്തെ പ​രീ​ക്ഷാ​ർ​ഥി​ക​ളി​ൽ 2650-ാം സ്ഥാ​ന​ത്താ​യി​രു​ന്നു.
എ​ല്ലാ​വ​രും പ്ര​തീ​ക്ഷി​ച്ച​താ​ണു മി​ക​ച്ച വി​ജ​യം. അ​ത്ര​ത​ന്നെ പ്ര​തീ​ക്ഷ എ​നി​ക്കു​മു​ണ്ടാ​യി​രു​ന്നു. എ​ല്ലാ​വ​രു​ടെ​യും പ്ര​തീ​ക്ഷ​ക​ൾ​ക്കൊ​ത്തു നേ​ട്ട​മു​ണ്ടാ​ക്ക​ണ​മെ​ന്നു പ്രാ​ർ​ഥി​ച്ചി​രു​ന്നു. പ​ക്ഷേ 56-ാം റാ​ങ്ക് ഏ​റെ സ​ന്തോ​ഷം പ​ക​രു​ന്ന​താ​യി - ജെ​സ് പ​റ​യു​ന്നു.

പ​ത്താം ക്ലാ​സി​ലും മി​ടു​ക്കി

പ​ഠ​ന​വ​ഴി​ക​ളി​ലെ​ല്ലാം മി​ക​വി​ന്‍റെ വ​ഴി​ക​ളി​ലൂ​ടെ സ​ഞ്ച​രി​ച്ചു തി​ള​ക്ക​മാ​ർ​ന്ന മാ​ർ​ക്കും വി​ജ​യ​വും ജെ​സ് സ്വ​ന്ത​മാ​ക്കി​യി​ട്ടു​ണ്ട്. 96.5 ശ​ത​മാ​നം മാ​ർ​ക്കോ​ടെ​യാ​ണു പ​ത്താം ക്ലാ​സി​ൽ വി​ജ​യി​ച്ച​ത്. മ​ഞ്ഞ​പ്ര സെ​ന്‍റ് പാ​ട്രി​ക് സ്കൂ​ളി​ലാ​യി​രു​ന്നു പ​ഠ​നം. എ​ൻ​ട്ര​ൻ​സ് പ​രീ​ക്ഷ​യു​ടെ മി​ക​ച്ച പ​രി​ശീ​ല​നം ല​ക്ഷ്യ​മാ​ക്കി കാ​ഞ്ഞി​ര​പ്പ​ള്ളി ആനക്കല്ല് സെ​ന്‍റ് ആ​ന്‍റ​ണീ​സ് പബ്ലിക് സ്കൂ​ളി​ൽ ഹ​യ​ർ സെ​ക്ക​ൻ​ഡ​റി പ​ഠ​നം. എ​ൻ​ട്ര​ൻ​സ് പ​രീ​ക്ഷ​യ്ക്കു​ള്ള ഒ​രു​ക്ക​ത്തി​നൊ​പ്പം ഹ​യ​ർ സെ​ക്ക​ൻ​ഡ​റി​യി​ൽ മി​ക​ച്ച പ്ര​ക​ട​ന​ത്തി​ലൂ​ടെ 97.6 ശ​ത​മാ​നം മാ​ർ​ക്കു നേ​ടി. ശേ​ഷം എ​ൻ​ട്ര​ൻ​സി​നു​ള്ള തീ​വ്ര​പ​രി​ശീ​ല​നം.



പ​ഠ​ന​വ​ഴി​ക​ൾ

ഹൈ​സ്കൂ​ൾ കാ​ല​ഘ​ട്ടം മു​ത​ൽ എ​ൻ​ട്ര​ൻ​സ് പ​രീ​ക്ഷ​യും മെ​ഡി​ക്ക​ൽ വി​ദ്യാ​ഭ്യാ​സ​വും ജെ​സ് മ​ന​സി​ലേ​റ്റി​യി​രു​ന്നു. ഹ​യ​ർ സെ​ക്ക​ൻ​ഡ​റി ഒ​ന്നാം വ​ർ​ഷം ത​ന്നെ എ​ൻ​ട്ര​ൻ​സ് പ​രിശീ​ല​നം തു​ട​ങ്ങി. സ്കൂ​ളി​ലെ​യും കോ​ച്ചിം​ഗ് സെ​ന്‍റ​റി​ലെ​യും ക്ലാ​സു​ക​ൾ​ക്കും പ​രി​ശീ​ല​ന പ​രി​പാ​ടി​ക​ൾ​ക്കു​മൊ​പ്പം സ്വ​ന്തം നി​ല​യി​ൽ തീ​ക്ഷ്ണ​മാ​യ പ​ഠ​ന​ശീ​ല​ങ്ങ​ൾ രൂ​പ​പ്പെ​ടു​ത്തി.

മാ​തൃ​കാ ചോ​ദ്യ​പേ​പ്പ​റു​ക​ൾ സ​മാ​ഹ​രി​ച്ച് ഉ​ത്ത​ര​ങ്ങ​ൾ എ​ഴു​തി പ​ഠി​ക്കു​ക​യാ​യി​രു​ന്നു അ​തി​ൽ പ്ര​ധാ​നം. ചോ​ദ്യ​ങ്ങ​ൾ​ക്ക് ഉ​ത്ത​ര​ങ്ങ​ൾ ക​ണ്ടെ​ത്തു​ന്ന​തി​നി​ട​യി​ലു​ണ്ടാ​കു​ന്ന സം​ശ​യ​ങ്ങ​ൾ ദൂ​രീ​ക​രി​ക്കാ​ൻ ന​ട​ത്തു​ന്ന സ്വാ​ഭാ​വി​ക​മാ​യ പ്ര​യ​ത്ന​ങ്ങ​ളും അ​റി​വു​ക​ളി​ൽ ആ​ഴ​പ്പെ​ടാ​ൻ സ​ഹാ​യ​ക​മാ​യി. സം​ശ​യ​ങ്ങ​ളെ സം​ശ​യ​ങ്ങ​ളാ​യി​ത്ത​ന്നെ ബാ​ക്കി​യാ​ക്ക​രു​തെ​ന്നു ജെ​സി​നു നി​ർ​ബ​ന്ധ​മു​ണ്ടാ​യി​രു​ന്നു. എ​ഴു​തി​യു​ള്ള പ​ഠ​നം കൂ​ടു​ത​ൽ പ്ര​യോ​ജ​ന​പ്പെ​ട്ടി​ട്ടു​ണ്ട്.

കെ​മി​സ്ട്രി, ബ​യോ​ള​ജി വി​ഷ​യ​ങ്ങ​ൾ​ക്കു ശേ​ഷം ല​ഭി​ക്കു​ന്ന സ​മ​യ​മ​ത്ര​യും ഫി​സി​ക്സ് പ​ഠ​ന​ത്തി​നാ​ണു മാ​റ്റി​വ​ച്ച​ത്. ഭൗ​തി​ക​ശാ​സ്ത്ര​ത്തി​ലെ പ്രോ​ബ്ല​ങ്ങ​ൾ വി​ശ​ദ​മാ​യി ചെ​യ്തു തീ​ർ​ക്കാ​നും ഹൃ​ദി​സ്ഥ​മാ​ക്കാ​നും ഇ​തു സ​ഹാ​യി​ച്ചു.

കാ​ഞ്ഞി​ര​പ്പ​ള്ളി​യി​ൽ സെന്‍റ് ആന്‍റണീസ് സ്കൂ​ളി​നോ​ട​നു​ബ​ന്ധി​ച്ചു​ള്ള ഹോ​സ്റ്റ​ലി​ൽ താ​മ​സി​ച്ചാ​യി​രു​ന്നു പ​ഠ​നം. സ​ഹ​പാ​ഠി​ക​ളി​ലേ​റെ​യും എ​ൻ​ട്ര​ൻ​സ് പ​രീ​ക്ഷാ​ർ​ഥി​ക​ൾ. സ്വാ​ഭാ​വി​ക​മാ​യി സൃ​ഷ്ടി​ക്ക​പ്പെ​ട്ട തീ​വ്ര​പ​ഠ​നാ​ന്ത​രീ​ക്ഷ​വും തു​ണ​യാ​യി. ര​ണ്ടു മാ​സ​ത്തി​ലൊ​രു​ക്ക​ൽ വീ​ട്ടി​ലേ​ക്കു​ള്ള യാ​ത്ര​യും കു​ടും​ബാം​ഗ​ങ്ങ​ൾ​ക്കൊ​ത്തു​ള്ള നി​മി​ഷ​ങ്ങ​ളു​മാ​ണു റി​ലാ​സ്ക് ചെ​യ്യാ​നു​ള്ള അ​വ​സ​രം. അ​ത് ന​ന്നാ​യി ആ​സ്വ​ദി​ച്ചു. ഒ​പ്പം അ​ടു​ത്ത ര​ണ്ടു മാ​സം തീ​വ്ര​മാ​യി പ​ഠി​ക്കാ​നു​ള്ള ഉൗ​ർ​ജ​വും സം​ഭ​രി​ച്ചാ​ണു സ്കൂ​ളി​ലേ​ക്കു​ള്ള മ​ട​ക്കം.

ടൈം ​മാ​നേ​ജ്മെ​ന്‍റ്

സ​മ​യ​ത്തി​ന്‍റെ പ്രാ​ധാ​ന്യം കൂ​ടു​ത​ൽ മ​ന​സി​ലാ​ക്കി​യ നാ​ളു​ക​ളാ​യി​രു​ന്നു എ​ൻ​ട്ര​ൻ​സ് പ​രി​ശീ​ല​ന​ത്തി​ൽ ശ്ര​ദ്ധി​ച്ച മൂ​ന്നു വ​ർ​ഷ​ങ്ങ​ളെ​ന്നു ജെ​സ് മ​രി​യ പ​റ​യു​ന്നു. പ​രീ​ക്ഷാ സ​മ​യ​ത്തി​ന​നു​സ​രി​ച്ചു ചോ​ദ്യ​പേ​പ്പ​റു​ക​ൾ ഉ​ത്ത​ര​മെ​ഴു​തി പ​രി​ശീ​ലി​ക്കു​ക​യാ​യി​രു​ന്നു ടൈം ​മാ​നേ​ജ്മെ​ന്‍റി​നാ​യി ജെ​സ് ക​ണ്ടെ​ത്തി​യ മാ​ർ​ഗം. പ​രീ​ക്ഷാ ഹാ​ളി​ലി​രു​ന്ന് ഉ​ത്ത​ര​ങ്ങ​ൾ എ​ഴു​തു​ന്ന രീ​തി​യി​ൽ ത​ന്നെ​യാ​യി​രു​ന്നു ഇ​ത്. ചോ​ദ്യ​ങ്ങ​ൾ​ക്കു പ​രമാവ​ധി വേ​ഗ​ത്തി​ൽ ഉ​ത്ത​രം ക​ണ്ടെ​ത്താ​നും ഉ​ത്ത​ര​ക്ക​ട​ലാ​സി​ലേ​ക്കു പ​ക​ർ​ത്താ​നും അ​തി​ലൂ​ടെ സാ​ധി​ച്ചു.

ഹ​യ​ർ സെ​ക്ക​ൻ​ഡ​റി​യും എ​ൻ​ട്ര​ൻ​സ് പ​രി​ശീ​ല​ന​വും ആ​രം​ഭി​ച്ച​ശേ​ഷം ഒ​ഴി​വു​വേ​ള എ​ന്നൊ​ന്നി​ല്ലെ​ങ്കി​ലും ന​ല്ല പു​സ്ത​ക​ങ്ങ​ൾ വാ​യി​ക്കാ​നും ജെ​സ് സ​മ​യം ക​ണ്ടെ​ത്തി. മ​റ്റു​ള്ള​വ​രു​ടെ സ​ങ്ക​ട​ങ്ങ​ൾ കേ​ൾ​ക്കാ​നും പ​ങ്കു​വ​യ്ക്കാ​നും മ​ന​സു​ള്ള ജെ​സി​നു, മ​നു​ഷ്യ​ജീ​വി​ത​ത്തി​ന്‍റെ സം​ഘ​ർ​ഷ​ങ്ങ​ൾ വ​ര​ച്ചി​ടു​ന്ന പു​സ്ത​ക​ങ്ങ​ളും ഏ​റെ ഇ​ഷ്ട​മാ​ണ്. മു​രു​ക​ൻ കാ​ട്ടാ​ക്ക​ട​യു​ടെ ക​വി​ത​ക​ളെ ഏ​റെ ഇ​ഷ്ട​പ്പെ​ട്ട ജെ​സ് അ​ദ്ദേ​ഹ​ത്തി​ന്‍റെ മി​ക്ക ര​ച​ന​ക​ളും വാ​യി​ച്ചു​ക​ഴി​ഞ്ഞു. അ​തി​ലേ​റെ സ്വാ​ധീ​നി​ച്ച ഒ​രു ക​ർ​ഷ​ക​ന്‍റെ ആ​ത്മ​ഹ​ത്യാ കു​റി​പ്പ് വേ​ണ്ടി​വ​ന്നാ​ൽ ആ​ല​പി​ക്കാ​നും ജെ​സി​നു മ​ടി​യി​ല്ല. ക​വി​ത​ക​ളും ക​ഥ​ക​ളും വാ​യി​ക്കാ​ൻ താ​ത്പ​ര്യ​മു​ള്ള ജെ​സ്, എ​ഴു​ത്തി​ലും ചെ​റു​ശ്ര​മ​ങ്ങ​ൾ ന​ട​ത്തി​യി​ട്ടു​ണ്ട്.

കൂ​ടെ​യു​ണ്ടു കു​ടും​ബം

അ​ങ്ക​മാ​ലി മേ​നാ​ച്ചേ​രി വീ​ട്ടി​ൽ ബെ​ന്നി​യു​ടെ​യും ജെ​സീ​ന്ത​യു​ടെ​യും ര​ണ്ടു മ​ക്ക​ളി​ൽ ര​ണ്ടാ​മ​ത്തെ​യാ​ളാ​ണു ജെ​സ് മ​രി​യ. ബെ​ന്നി ദ​ക്ഷി​ണ റെ​യി​ൽ​വേ പാ​ല​ക്കാ​ട് ഡി​വി​ഷ​നി​ലെ ലോ​ക്കോ പൈ​ല​റ്റ്. അ​മ്മ ചെ​ങ്ങ​ൽ സെ​ന്‍റ് ജോ​സ​ഫ്സ് ഗേ​ൾ​സ് ഹൈ​സ്കൂ​ളി​ൽ അ​ധ്യാ​പി​ക. തി​രു​വ​ന​ന്ത​പു​രം ഗ​വ. എ​ൻ​ജി​നി​യ​റിം​ഗ് കോ​ള​ജി​ൽ മൂ​ന്നാം വ​ർ​ഷ ബി​ടെ​ക് വി​ദ്യാ​ർ​ഥി​യാ​ണു സ​ഹോ​ദ​ര​ൻ ജോ​ണ്‍ ബെ​ന്നി. വീ​ട്ടി​ൽ ഒ​പ്പ​മു​ള്ള അ​മ്മാ​മ്മ​യു​ടെ​യും പ്രാ​ർ​ഥ​ന​യും പി​ന്തു​ണ​യും എ​പ്പോ​ഴും ജെ​സി​നൊ​പ്പ​മു​ണ്ട്.

റാ​ങ്കി​ന്‍റെ വ​ഴി​ക​ളി​ലേ​ക്കു കു​തി​ക്കു​ന്ന​തി​നു ചി​ട്ട​യാ​യ പ​ഠ​ന​ത്തി​ന​പ്പു​റം ഏ​റ്റ​വു​മ​ധി​കം തു​ണ​യാ​യ​തെ​ന്ത് എ​ന്ന ചോ​ദ്യ​ത്തി​ന്, എ​പ്പോ​ഴും പി​ന്തു​ണ​യാ​യി കൂ​ടെ​യു​ള്ള കു​ടും​ബാം​ഗ​ങ്ങ​ൾത​ന്നെ എ​ന്ന് ഏ​റെ ആ​ലോ​ചി​ക്കാ​തെ ജെ​സ് ഉ​ത്ത​രം പ​റ​യും. എ​ൻ​ട്ര​ൻ​സ് പ​രീ​ശീ​ല​നം ല​ക്ഷ്യ​മാ​ക്കി ഹ​യ​ർ സെ​ക്ക​ൻ​ഡ​റി​ക്കു കാ​ഞ്ഞി​ര​പ്പള്ളി​യി​ലെ സ്കൂ​ളി​ലേ​ക്കു പ​ഠ​നം മാ​റ്റു​ന്പോ​ൾ, വീ​ട്ടു​കാ​ർ​ക്ക് ആ​ദ്യം അ​ല്പം സ​ങ്ക​ട​മൊ​ക്കെ​യു​ണ്ടാ​യി​രു​ന്നു. എ​ങ്കി​ലും പ​ഠ​ന​ജീ​വി​ത​ത്തി​ന് അ​തു​വ​രെ​യും എ​ല്ലാ പി​ന്തു​ണ​യും ചെ​യ്തു​കൊ​ടു​ത്തു മാ​താ​പി​താ​ക്ക​ളും സ​ഹോ​ദ​ര​ൻ ജോ​ണും.

പ​ഠ​ന​സം​ബ​ന്ധ​മാ​യ കാ​ര്യ​ങ്ങ​ൾ​ക്ക് എ​വി​ടെ പോ​കു​ന്പോ​ഴും ജോ​ണാ​ണ് അ​നു​ഗ​മി​ക്കു​ക. പ​ഠ​ന​ത്തി​ൽ മി​ക​ച്ച വി​ജ​യ​ങ്ങ​ൾ നേ​ടി​യി​ട്ടു​ള്ള ജോ​ണി​ന്‍റെ അ​നു​ഭ​വ​ങ്ങ​ളും ഉ​പ​ദേ​ശ​ങ്ങ​ളും ജെ​സി​നും വ​ഴി​കാ​ട്ടി​യാ​ണ്.

പ​ഠ​ന​കാ​ര്യ​ത്തി​ൽ മാ​ത്ര​മ​ല്ല, ആ​ത്മീ​യ​ത​യി​ലും ജെ​സി​ന് ഒ​ന്നാം റാ​ങ്കു​ത​ന്നെ. പ​ഠ​ന​ത്തി​ന്‍റെ തി​ര​ക്കു​ക​ളി​ലും പ​ള്ളി​യി​ലെ ഭ​ക്ത​സം​ഘ​ട​ന​ക​ളി​ലും അ​നു​ബ​ന്ധ പ്ര​വ​ർ​ത്ത​ന​ങ്ങ​ളി​ലും ജെ​സ് മ​രി​യ സ​ജീ​വ​മാ​ണ്. അ​ങ്ക​മാ​ലി സെ​ന്‍റ് ജോ​ർ​ജ് ബ​സി​ലി​ക്ക ഇ​ട​വ​ക​യി​ലെ സി​എ​ൽ​സി സം​ഘ​ട​ന​യു​ടെ ഭാ​ര​വാ​ഹി​ത്വ​ത്തി​ലും ജെ​സ് ഉ​ണ്ടാ​യി​രു​ന്നു. ഇ​ട​വ​ക​യു​ടെ സ്വ​ന്തം മ​ക​ൾ സ്വ​ന്ത​മാ​ക്കി​യ എ​ൻ​ട്ര​ൻ​സ് പ​രീ​ക്ഷ​യി​ലെ റാ​ങ്കി​ന്‍റെ തി​ള​ക്ക​ത്തി​നു പ​ള്ളി​യി​ൽ വൈ​ദി​ക​രും വി​ശ്വാ​സി​ക​ളും ജെ​സി​നെ ആ​ദ​രി​ച്ചു.

പു​തി​യ ഉ​യ​ര​ങ്ങ​ളി​ലേ​ക്ക്

കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ മെ​ഡി​ക്ക​ൽ ഉ​പ​രി​പ​ഠ​ന​ത്തി​നു ചേ​ർ​ന്നു ജെ​സ് മ​രി​യ ബെ​ന്നി. അ​ർ​ബു​ദ​രോ​ഗി​ക​ളു​ടെ ജീ​വി​താ​വ​സ്ഥ​ക​ൾ ഏ​റെ കാ​ണു​ക​യും കേ​ൾ​ക്കു​ക​യും ചെ​യ്തി​ട്ടു​ള്ള ജെ​സി​ന്, ഓ​ങ്കോ​ള​ജി​യി​ലെ സ്പെ​ഷ​ലൈ​സേ​ഷ​നാ​ണു മ​ന​സി​ൽ.

പി​ന്നാ​ലെ വ​രു​ന്ന​വ​രോ​ട് എ​ന്തു​ണ്ടു പ​റ​യാ​ൻ?

“ക​ഠി​നാ​ധ്വാ​ന​വും ല​ക്ഷ്യ​ബോ​ധ​വും കൂ​ടെ​യു​ണ്ടാ​ക​ണം. ചോ​ദ്യ​ങ്ങ​ളു​ടെ സ്വ​ഭാ​വം തി​രി​ച്ച​റി​ഞ്ഞ് ഉ​ത്ത​ര​മെ​ഴു​ത​ണം. സ​മ​യ​ത്തി​ന്‍റെ പ്രാ​ധാ​ന്യം മ​റ​ക്ക​രു​ത്. ഈ​ശ്വ​ര​വി​ശ്വാ​സം ന​ൽ​കു​ന്ന പ്ര​ത്യാ​ശ കൈ​വി​ട​രു​ത്.... കൂ​ടെ​യെ​ത്തും വി​ജ​യം.” നി​റ​ഞ്ഞ പു​ഞ്ചി​രി​യോ​ടെ ജെ​സ് മ​രി​യ ബെ​ന്നി പ​റ​ഞ്ഞു നി​ർ​ത്തി.

സി​ജോ പൈ​നാ​ട​ത്ത്


Copyright @ 2022 , Rashtra Deepika Ltd.