ശ്വാ​സ​ത്തി​ന് ഒ​രാ​ശ്വാ​സ​വും ഇ​ല്ലാ​ത്ത ഡൽഹി
മ​റ്റൊ​രു സം​സ്ഥാ​ന​ത്തും ഇ​ല്ലാ​ത്തൊ​രു വ​ല്ലാ​ത്ത സ്ഥി​തി​വി​ശേ​ഷം ത​ല​സ്ഥാ​ന​മാ​യ ഡ​ൽ​ഹി​യി​ലു​ണ്ട്. അ​ന്ത​രീ​ക്ഷ മ​ലി​നീ​ക​ര​ണ​ത്തി​ൽ പൊ​റു​തി മു​ട്ടു​ന്ന​വ​രാ​ണ് ഇ​വി​ട​ത്തെ ജ​ന​ത. ദീ​പാ​വ​ലി ക​ഴി​ഞ്ഞാ​ലു​ട​ൻ ഉ​ത്ത​രേ​ന്ത്യ​യി​ൽ ശൈ​ത്യം ക​ട​ന്നു​വ​രേ​ണ്ട​താ​ണ്. എ​ന്നാ​ൽ, ദീ​പാ​വ​ലി​യ്ക്കു​ശേ​ഷ​വും ഡ​ൽ​ഹി അ​ത്ര ത​ണു​ത്തു തു​ട​ങ്ങി​യി​ട്ടി​ല്ല. ഇ​തി​നെ ഏ​റ്റ​വും ല​ളി​ത​മാ​യി നി​ർ​വ​ചി​ച്ച​ത് ഐ​എ​ൻ​എ​സ് ബി​ൽ​ഡിം​ഗി​ലെ ഈ​നാ​ട് തെ​ലു​ങ്ക് പ​ത്ര​ത്തി​ൽ വ​ർ​ഷ​ങ്ങ​ളാ​യി ജോ​ലി ചെ​യ്യു​ന്ന യു​പി സ്വ​ദേ​ശി ത്രി​ലോ​ക് പ​ണ്ഡി​റ്റ്ജി​യാ​ണ്.

ര​ണ്ടു കാ​ര​ണ​ങ്ങ​ളാ​ണ് ശൈ​ത്യ​കാ​ലം വൈ​കു​ന്ന​തി​നു കാ​ര​ണ​മാ​യി അ​ദ്ദേ​ഹം ചൂ​ണ്ടി​ക്കാ​ട്ടി​യ​ത്. ഒ​ന്ന് പ്ര​ദോ​ഷ​ണ്‍ (മ​ലി​നീ​ക​ര​ണം). ര​ണ്ട് ഡ​ൽ​ഹി​ക്ക് ഉ​ൾ​ക്കൊ​ള്ളാ​നാ​കു​ന്ന​തി​ന്‍റെ പ​തി​ൻ​മ​ട​ങ്ങാ​ണ് ജ​ന​സം​ഖ്യ. ഇ​തി​ന​നു​സ​രി​ച്ച് വാ​ഹ​ന​ങ്ങ​ൾ പെ​രു​കു​ന്നു. നി​ർ​മാ​ണ, ഉ​ത്പാ​ദ​ന പ്ര​വ​ർ​ത്ത​ന​ങ്ങ​ൾ കൂ​ടു​ന്നു. അ​ന്ത​രീ​ക്ഷ​ത്തി​ന് താ​ങ്ങാ​വു​ന്ന​തി​ലേ​റെ മാ​ലി​ന്യം പു​റ​ന്ത​ള്ള​പ്പെ​ടു​ന്നു. ര​ണ്ട​ടി മു​ന്നി​ൽ നി​ൽ​ക്കു​ന്ന ആ​ളെ​പ്പോ​ലും തി​രി​ച്ച​റി​യാ​ൻ ക​ഴി​യാ​ത്ത​വി​ധം പു​ക​യും പൊ​ടി​യും മൂ​ടു​ന്നു.

ഈ ​ദു​ര​വ​സ്ഥ​യ്ക്ക് ആ​ക്കം കൂ​ട്ടാ​നെ​ന്ന പോ​ലെ​യാ​ണ് അ​യ​ൽ സം​സ്ഥാ​ന​ങ്ങ​ളാ​യ പ​ഞ്ചാ​ബ്, ഹ​രി​യാ​ന, യു​പി എ​ന്നി​വി​ട​ങ്ങ​ളി​ൽ കൊ​യ്ത്തു ക​ഴി​ഞ്ഞ പാ​ട​ങ്ങ​ളി​ൽ വൈ​ക്കോ​ൽ കൂ​ട്ടി​യി​ട്ടു ക​ത്തി​ക്കു​ന്ന​തി​ന്‍റെ പു​ക പ​റ​ന്നെ​ത്തി ന​ഗ​ര​ത്തെ മൂ​ടു​ന്ന​ത്. ന​ഗ​ര​വാ​സി​ക​ളു​ടെ ശ്വാ​സ​കോ​ശം സ്പോ​ഞ്ചി​നേ​ക്കാ​ൾ മോ​ശം അ​വ​സ്ഥ​യി​ലാ​ണ്. ഗ്യാ​സ് ചേം​ബ​റി​നേ​ക്കാ​ൾ ന​ര​ക​തു​ല്യം എ​ന്നാ​ണ് ഡ​ൽ​ഹി​യി​ലെ മ​ലി​നീ​ക​ര​ണ​ത്തെ​ക്കു​റി​ച്ചു സു​പ്രീം​കോ​ട​തി വി​ശേ​ഷി​പ്പി​ച്ചി​ട്ടു​ള്ള​ത്.

വൈ​ക്കോ​ൽ ക​ത്തി​ക്കു​ന്ന​ത് ത​ട​യ​ണ​മെ​ന്നാ​വ​ശ്യ​പ്പെ​ട്ടു ന​ൽ​കി​യ ഹ​ർ​ജി​ക​ൾ ഇ​നി​യും തീ​ർ​പ്പാ​കാ​തെ സു​പ്രീം​കോ​ട​തി​യി​ൽ വി​ധി കാ​ത്തു ക​ഴി​യു​ന്നു. ഒ​രു ഉ​ത്ത​ര​വു​കൊ​ണ്ടൊ​ന്നും ഇ​ക്കാ​ര്യ​ത്തി​ന് പ​രി​ഹാ​ര​മു​ണ്ടാ​കി​ല്ലെ​ന്ന് കോ​ട​തി ക​ഴി​ഞ്ഞ ദി​വ​സ​വും വ്യ​ക്ത​മാ​ക്കി​യി​രു​ന്നു.

അ​ന്ത​രീ​ക്ഷ മ​ലി​നീ​ക​ര​ണം അ​തി​രൂ​ക്ഷ​മാ​യ​തോ​ടെ സ്കൂ​ളു​ക​ൾ​ക്ക് ക​ഴി​ഞ്ഞ​യാ​ഴ്ച അ​വ​ധി പ്ര​ഖ്യാ​പി​ച്ചി​രു​ന്നു. വാ​ഹ​ന ഉ​പ​യോ​ഗം കു​റ​യ്ക്ക​ണ​മെ​ന്നും സ​ർ​ക്കാ​ർ നി​ഷ്ക​ർ​ഷി​ച്ചി​രു​ന്നു. മു​ൻ​കാ​ല​ങ്ങ​ളി​ൽ ഒ​റ്റ അ​ക്ക, ഇ​ര​ട്ട അ​ക്ക വാ​ഹ​ന ന​ന്പ​ർ പ്ര​കാ​രം നി​യ​ന്ത്ര​ണം ഏ​ർ​പ്പെ​ടു​ത്തി​യി​രു​ന്നു. നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കും ക​ർ​ശ​ന വി​ല​ക്കു​ണ്ടാ​യി​രു​ന്നു. പു​റ​ത്തി​റ​ങ്ങി ന​ട​ക്കു​ന്ന മ​നു​ഷ്യ​ർ​ക്ക് മ​ലി​നീ​ക​ര​ണ​ത്തി​ന്‍റെ എ​ല്ലാ ദു​ര​വ​സ്ഥ​ക​ളും നേ​രി​ട്ട് അ​നു​ഭ​വി​ച്ച​റി​യാ​ൻ ക​ഴി​യും. ക​ണ്ണു​ക​ൾ എ​രി​യും, ശ്വാ​സം മു​ട്ടും, ആ​കെ അ​സ്വ​സ്ഥ​ത.

ശൈ​ത്യ​കാ​ല​ത്തി​ന് മു​ന്നോ​ടി​യാ​യി ന​ല്ല മ​ഴ പെ​യ്താ​ൽ മാ​ത്ര​മേ ഈ ​ദു​രി​ത​ത്തി​ന് അ​റു​തി വ​രി​ക​യു​ള്ളൂ. കോ​വി​ഡ് ലോ​ക്ക് ഡൗ​ണ്‍ കാ​ല​ത്ത് ഡ​ൽ​ഹി​യു​ടെ അ​ന്ത​രീ​ക്ഷം ഒ​ട്ടൊ​ന്നു തെ​ളി​ഞ്ഞി​രു​ന്നു. അ​ന്ന് പ​ഞ്ചാ​ബി​ലെ ഉ​ൾ​നാ​ട​ൻ ഗ്രാ​മ​ത്തി​ൽ നി​ന്നു നോ​ക്കി​യാ​ൽ നൂ​റു​ക​ണ​ക്കി​ന് മൈ​ലു​ക​ൾ അ​ക​ലെ ഹി​മാ​ല​യ മ​ഞ്ഞു മ​ല​നി​ര​ക​ൾ തെ​ളി​ഞ്ഞു വ​ന്ന​ത് വ​ലി​യ വാ​ർ​ത്ത​യാ​യി​രു​ന്നു.

ഒ​രു മ​ഴ​യോ​ടെ തെ​ളി​യു​ന്ന അ​ന്ത​രീ​ക്ഷം ഡ​ൽ​ഹി​യെ പി​ന്നീ​ട് മാ​സ​ങ്ങ​ളോ​ളം ക​ടു​ത്ത ശൈ​ത്യ​ത്തി​ൽ ആ​ഴ്ത്തി​ക്ക​ള​യും. ട്രെ​യി​ൻ, വ്യോ​മ ഗ​താ​ഗ​തം ത​ട​സ​പ്പെ​ടും. ഡി​സം​ബ​ർ, ജ​നു​വ​രി മാ​സ​ങ്ങ​ളി​ൽ പ​ഞ്ചാ​ബ്, രാ​ജ​സ്ഥാ​ൻ സം​സ്ഥാ​ന​ങ്ങ​ളി​ൽ താ​പ​നി​ല പൂ​ജ്യം ഡി​ഗ്രി​യു​ടെ​യും താ​ഴെ​പോ​കും. അ​തോ​ടെ ട്രെ​യി​നു​ക​ൾ കൂ​ട്ട​ത്തോ​ടെ റ​ദ്ദാ​ക്ക​പ്പെ​ടും. ഡ​ൽ​ഹി​യി​ൽ വി​മാ​ന​ങ്ങ​ളും മു​ട​ങ്ങും. ടേ​ക്ക് ഓ​ഫ് വ​ലി​യ വെ​ല്ലു​വി​ളി​യ​ല്ലെ​ങ്കി​ലും ലാ​ൻ​ഡിം​ഗ് അ​പ​ക​ട​ക​ര​മാ​ണ്. ഡ​ൽ​ഹി​യു​ടെ ആ​കാ​ശ​ത്തു​നി​ന്നു നോ​ക്കി​യാ​ൽ താ​ഴെ വി​മാ​ന​ത്താ​വ​ളം കാ​ണാ​ൻ ക​ഴി​യാ​തെ മ​റ്റു സ്ഥ​ല​ങ്ങ​ളി​ലേ​ക്കു വ​ഴി തി​രി​ഞ്ഞു പോ​കു​ന്ന നി​ര​വ​ധി വി​മാ​ന​ങ്ങ​ളു​ണ്ട്.

അ​ന്ത​രീ​ക്ഷ മ​ലി​നീ​ക​ര​ണ​വും അ​തി​ശൈ​ത്യ​വും ഡ​ൽ​ഹി​യി​ലേ​ക്ക് എ​ത്തി​ച്ച വി​ശേ​ഷ​മാ​ണ് ഓ​ക്സി​ജ​ൻ പാ​ർ​ല​റു​ക​ൾ. 2019 ന​വം​ബ​റി​ലാ​ണ് ഡ​ൽ​ഹി​യി​ൽ ആ​ദ്യ​മാ​യി ഒ​രു ഓ​ക്സി​ജ​ൻ പാ​ർ​ല​ർ തു​റ​ക്കു​ന്ന​ത്. ഒ​രു വെ​നീ​ഷ്യ​ൻ റി​സോ​ർ​ട്ടി​ൽ ഈ ​സം​വി​ധാ​നം ക​ണ്ട​തി​നു​പി​ന്നാ​ലെ യു​വാ​ക്ക​ളാ​യ ആ​ര്യ​വീ​ർ കു​മാ​റും മാ​ർ​ഗ​രീ​റ്റ​യും കൂ​ടി​യാ​ണ് സാ​കേ​തി​ൽ ഓ​ക്സി​ജ​ൻ പാ​ർ​ല​ർ തു​ട​ങ്ങി​യ​ത്. ഇ​തി​ന്‍റെ ചു​വ​ടു പി​ടി​ച്ച് ന​ഗ​ര​ത്തി​ൽ മ​റ്റു ചി​ല​യി​ട​ങ്ങ​ളി​ലും ഓ​ക്സി​ജ​ൻ പാ​ർ​ല​റു​ക​ൾ തു​ട​ങ്ങി​യി​രു​ന്നു.

ഓ​ക്സി​ജ​ൻ പാ​ർ​ല​റി​ൽ വി​വി​ധ ഫ്ളേ​വ​റു​ക​ളി​ൽ പ്രാ​ണ​വാ​യു വി​ൽ​പ​ന​യ്ക്കു വെ​ച്ച​ത് വ​ലി​യ കൗ​തു​ക​മാ​യി​രു​ന്നു. സാ​കേ​ത് സെ​ല​ക്ട് സി​റ്റി വാ​ക്കി​ൽ ആ​രം​ഭി​ച്ച പാ​ർ​ല​റി​ൽ പ​തി​ന​ഞ്ച് മി​നി​റ്റ് ഓ​ക്സി​ജ​ൻ ശ്വ​സി​ക്കാ​ൻ 299 രൂ​പ​യാ​യി​രു​ന്നു തു​ട​ക്ക​ത്തി​ലെ റേ​റ്റ്. 499 രൂ​പ കൊ​ടു​ത്താ​ൽ വി​വി​ധ സു​ഗ​ന്ധ​ത്തി​ലും പ​ല​വി​ധ രു​ചി​യി​ലും ശ്വ​സി​ക്കാം. ലെ​മ​ണ്‍, ഓ​റ​ഞ്ച്, സി​ന​മോ​ണ്‍, സ്പി​യ​ർ​മി​ന്‍റ്, പെ​പ്പ​ർ​മി​ന്‍റ്, യൂ​ക്കാ​ലി​പ്റ്റ​സ്, ലാ​വ​ൻ​ഡ​ർ, ചെ​റി, വാ​നി​ല ഫ്ളേ​വ​റു​ക​ളി​ൽ ശ്വ​സി​ച്ച് ആ​ശ്വ​സി​ച്ചു പോ​കാം.

ഒ​രു പ്ര​ത്യേ​ക ഫ്ളേ​വ​റി​ലു​ള്ള ഓ​ക്സി​ജ​ൻ ശ്വ​സി​ച്ചു കൊ​ണ്ടി​രി​ക്കു​ന്പോ​ൾ അ​തി​ന്‍റെ മ​ണ​വും രു​ചി​യും പി​ടി​ച്ചി​ല്ലെ​ങ്കി​ൽ ഒ​രു സ്വി​ച്ചി​ൽ ഞെ​ക്കി​യാ​ൽ അ​ടു​ത്ത ഫ്ളേ​വ​റി​ലേ​ക്ക് മാ​റ്റു​ക​യും ചെ​യ്യാം. യൂ​ക്കാ​ലി​പ്റ്റ​സ് ശ്വാ​സ​നാ​ള​ത്തി​ന്‍റെ അ​സ്വ​സ്ഥ​ത നീ​ക്കു​ക​യും തൊ​ണ്ട​യ്ക്കു കു​ളി​ർ​മ ന​ൽ​കു​ക​യും ചെ​യ്യും. വാ​നി​ല മ​ന​സി​നെ ശാ​ന്ത​മാ​ക്കും. സ്പി​യ​ർ​മി​ന്‍റ് പേ​ശി​ക​ൾ​ക്ക് അ​യ​വേ​കും. പെ​പ്പ​ർ​മി​ന്‍റ് ഓ​ക്കാ​നം, ഛർ​ദി തു​ട​ങ്ങി​വ​യ അ​ക​റ്റും.

സാ​ധാ​ര​ണ ആ​ശു​പ​ത്രി​ക​ളി​ൽ ന​ൽ​കു​ന്ന​തു പോ​ലെ​യു​ള്ള മ​രു​ന്നു​ക​ൾ ചേ​ർ​ത്ത ഓ​ക്സി​ജ​ന​ല്ല. വാ​യു​വി​ൽ നി​ന്ന് വേ​ർ​തി​രി​ച്ച് ശു​ദ്ധീ​ക​രി​ച്ച ഈ ​ഓ​ക്സി​ജ​ൻ 90 ശ​ത​മാ​ന​വും ശു​ദ്ധ​മാ​ണ്. ശ്വാ​സ​കോ​ശ അ​സു​ഖ​ങ്ങ​ൾ ഉ​ള്ള​വ​ർ ഡോ​ക്ട​റു​ടെ നി​ർ​ദേ​ശം അ​നു​സ​രി​ച്ചു മാ​ത്ര​മേ ഈ ​ബാ​റി​ൽ ക​യ​റി ഓ​ക്സി​ജ​ന​ടി​ച്ചു ശ്വാ​സ​കോ​ശം ഫി​റ്റാ​ക്കാ​ൻ വ​രാ​വൂ എ​ന്നും മു​ന്ന​റി​യി​പ്പു​ണ്ടാ​യി​രു​ന്നു.

സെബി മാത്യു


Copyright @ 2022 , Rashtra Deepika Ltd.