ഇ​താ, ഒ​രി​ക്ക​ലും ഓ​ർ​മി​ക്കേ​ണ്ടാ​ത്ത ദി​നം...
ഇ​ന്നേ​ക്കു ര​ണ്ടു​വ​ർ​ഷം.., എ​സ്പി​ബി എ​ന്ന പ്രി​യ​ഗാ​യ​ക​ൻ വി​ട​പ​റ​ഞ്ഞ ദി​വ​സം. അ​ദ്ദേ​ഹ​ത്തി​ന്‍റെ ഒ​രു പാ​ട്ടെ​ങ്കി​ലും കേ​ട്ട​വ​ർ ഒ​രി​ക്ക​ലും ഓ​ർ​മി​ക്കേ​ണ്ടെ​ന്നു ക​രു​തു​ന്ന വി​ഷാ​ദ​ഭ​രി​ത​മാ​യ ദി​നം. എ​സ്പി​ബി എ​ന്ന​ത് ജീ​വി​ത​ത്തി​ലെ വി​കാ​ര​ങ്ങ​ളി​ലൊ​ന്നാ​യി കൊ​ണ്ടു​ന​ട​ക്കു​ന്ന ആ​രാ​ധ​ക​ർ​ക്ക് ഇ​ങ്ങ​നെ​യൊ​രു ഓ​ർ​മ​ദി​ന​മി​ല്ല., ഉ​റ​പ്പ്!

ഒ​രു​പാ​ടു വ​ർ​ഷ​ങ്ങ​ൾ​ക്കു മു​ന്പാ​ണ്. ഒ​രു പാ​ട്ടു​മ​ത്സ​ര​ത്തി​നു സ​മ്മാ​ന​ദാ​നം നി​ർ​വ​ഹി​ക്കാ​ൻ എ​ത്തി​യ​താ​ണ് വി​ഖ്യാ​ത ഗാ​യി​ക എ​സ്. ജാ​ന​കി. ര​ണ്ടാം സ്ഥാ​നം നേ​ടി​യ​യാ​ളു​ടെ പാ​ട്ട് ഒ​ന്നു​കൂ​ടി പാ​ടി​ച്ചു​കേ​ട്ട് ജാ​ന​കി മ​ത്സ​ര​ത്തി​ന്‍റെ സം​ഘാ​ട​ക​രോ​ട് ഇ​ങ്ങ​നെ പ​റ​ഞ്ഞു: ഒ​ന്നാം സ​മ്മാ​നം കി​ട്ടി​യ​യാ​ൾ​ക്ക് അ​തി​നു​ള്ള അ​ർ​ഹ​ത​യി​ല്ലെ​ന്ന​ല്ല ഞാ​ൻ പ​റ​യു​ന്ന​ത്. പ​ക്ഷേ ര​ണ്ടാ​മ​തെ​ത്തി​യ​യാ​ൾ​ക്കും ഒ​ന്നാം സ്ഥാ​ന​ക്കാ​ര​നു തു​ല്യ​മാ​യ യോ​ഗ്യ​ത​യു​ണ്ട്.

ബാ​ലു എ​ന്ന എ​സ്.​പി. ബാ​ല​സു​ബ്ര​ഹ്മ​ണ്യ​മാ​യി​രു​ന്നു ആ ​ര​ണ്ടാം സ്ഥാ​ന​ക്കാ​ര​ൻ. മ​ദ്രാ​സി​ൽ പി​ന്നീ​ടൊ​രു പാ​ട്ടു​മ​ത്സ​രം​കൂ​ടി. അ​തി​നു വി​ധി​ക​ർ​ത്താ​ക്ക​ൾ വി​ഖ്യാ​ത ഗാ​യ​ക​ൻ ഘ​ണ്ഡ​ശാ​ല, സം​ഗീ​ത​സം​വി​ധാ​യ​ക​ൻ സു​സ​ര​ള ദ​ക്ഷി​ണാ​മൂ​ർ​ത്തി, നാ​ഗേ​ശ്വ​ര റാ​വു എ​ന്ന​വ​രാ​യി​രു​ന്നു. ഇ​ത്ത​വ​ണ ഒ​ന്നാ​മ​ൻ ഇ​രു​പ​ത്തൊ​ന്നു​കാ​ര​നാ​യ എ​സ്.​പി. ബാ​ല​സു​ബ്ര​ഹ്മ​ണ്യം.

അ​ങ്ങ​നെ​യാ​ണ് തെ​ലു​ഗു സം​ഗീ​ത സം​വി​ധാ​യ​ക​ൻ എ​സ്.​പി. കോ​ത​ണ്ഡ​പാ​ണി ബാ​ലു​വി​നെ ശ്ര​ദ്ധി​ക്കു​ന്ന​ത്. ത​ന്‍റെ അ​ടു​ത്ത ചി​ത്ര​മാ​യ ശ്രീ ​ശ്രീ ശ്രീ ​മ​ര്യാ​ദ​രാ​മ​ണ്ണ (വ​ർ​ഷം 1967)യി​ലെ ഒ​രു പാ​ട്ട് ഇ​യാ​ളെ​ക്കൊ​ണ്ടു പാ​ടി​ക്കാ​മെ​ന്ന് തീ​രു​മാ​നി​ക്കു​ന്നു കോ​ത​ണ്ഡ​പാ​ണി.

പ​ക്ഷേ ഒ​രു പ്ര​ശ്നം. ഈ ​ബാ​ല​സു​ബ്ര​ഹ്മ​ണ്യം എ​ന്ന യു​വാ​വി​ന്‍റെ വീ​ട്ടു​വി​ലാ​സം കി​ട്ടാ​ൻ ഒ​രു വ​ഴി​യു​മി​ല്ല. ബാ​ലു പ​ഠി​ച്ചി​രു​ന്ന കോ​ള​ജി​ലേ​ക്ക് ത​ന്‍റെ ഡ്രൈ​വ​റെ അ​യ​ച്ച് പ്രി​ൻ​സി​പ്പ​ലി​നെ ക​ണ്ടു തി​ര​ക്കി​യാ​ണ് കോ​ത​ണ്ഡ​പാ​ണി പ്ര​ശ്നം പ​രി​ഹ​രി​ച്ച​ത്. നേ​രേ സ്റ്റു​ഡി​യോ​യി​ലേ​ക്കു വ​രു​ത്തി. ചി​ത്ര​ത്തി​ന്‍റെ നി​ർ​മാ​താ​വ് ന​ട​ൻ പ​ത്മ​നാ​ഭം അ​വി​ടെ​യു​ണ്ട്. ഒ​ന്നു​ര​ണ്ടു ഹി​ന്ദി പാ​ട്ടു​ക​ൾ പാ​ടി ബാ​ലു നി​ർ​മാ​താ​വി​നെ കൈ​യി​ലെ​ടു​ക്കു​ക​യും ചെ​യ്തു.

അ​ങ്ങ​നെ ആ ​ചി​ത്ര​ത്തി​ലൂ​ടെ എ​സ്.​പി. ബാ​ല​സു​ബ്ര​ഹ്മ​ണ്യം പി​ന്ന​ണി​ഗാ​യ​ക​നാ​യി അ​ര​ങ്ങേ​റി. പാ​ട്ടി​ൽ ഒ​പ്പ​മു​ണ്ടാ​യി​രു​ന്ന​വ​ർ ആ​രൊ​ക്കെ​യെ​ന്നു​കൂ​ടി കേ​ൾ​ക്കു​ക- പി. ​സു​ശീ​ല, കെ. ​ര​ഘു​രാ​മ​യ്യ, പി.​ബി. ശ്രീ​നി​വാ​സ്! ഇ​തി​നേ​ക്കാ​ൾ സ്വ​പ്ന​തു​ല്യ​മാ​യ ഒ​രു അ​ര​ങ്ങേ​റ്റം വേ​റെ​യാ​ർ​ക്കു കി​ട്ടും?!

ആ​യി​രം നി​ല​വ്

ഭാ​രി​ച്ച തെ​ലു​ഗു ചു​വ​യു​ള്ള ത​മി​ഴ് സം​സാ​രി​ച്ചി​രു​ന്ന എ​സ്.​പി.​ബി എ​ങ്ങ​നെ​യാ​വും ത​മി​ഴ് പാ​ട്ടു​ക​ളി​ൽ ആ​യി​ര​മാ​യി​രം പൂ​ർ​ണ​ച​ന്ദ്ര​ന്മാ​രെ കൊ​ണ്ടു​വ​ന്ന​തെ​ന്ന് അ​ത്ഭു​തം തോ​ന്നാം. ഈ ​തെ​ലു​ഗു ചു​വ ആ​ദ്യം ക​ണ്ടെ​ത്തി​യ​ത് മ​റ്റാ​രു​മ​ല്ല, എം.​എ​സ്. വി​ശ്വ​നാ​ഥ​നാ​ണ്. ത​മി​ഴി​ൽ പാ​ട​ണ​മെ​ങ്കി​ൽ അ​തു മാ​റ്റി​യേ​തീ​രൂ. ഒ​രു വെ​ല്ലു​വി​ളി​യാ​യി അ​തേ​റ്റെ​ടു​ത്ത ബാ​ലു സി​നി​മാ പോ​സ്റ്റ​റു​ക​ളും പ​ര​സ്യ​ബോ​ർ​ഡു​ക​ളും വാ​യി​ച്ചു​പ​ഠി​ച്ചാ​ണ്ര​തേ ത​മി​ഴി​ന്‍റെ മി​ഴി​വ് ത​ന്‍റെ സ്വ​ര​ത്തി​ൽ ല​യി​പ്പി​ച്ച​ത്.

അ​ങ്ങ​നെ​യി​രി​ക്കേ ഒ​രു​നാ​ൾ ബാ​ലു​വി​ന്‍റെ വീ​ടി​നു മു​ന്നി​ൽ ഒ​രു കാ​ർ വ​ന്നു നി​ൽ​ക്കു​ന്നു. ചി​ന്ന​വ​ർ കൂ​പ്പ്ട്റാ​റ് എ​ന്ന​റി​യി​ച്ചു ഡ്രൈ​വ​ർ. ഒ​പ്പം ചെ​ല്ല​ണം. ത​ന്നെ വി​ളി​പ്പി​ച്ചി​രി​ക്കു​ന്ന​ത് സാ​ക്ഷാ​ൽ എം​ജി​ആ​ർ ആ​ണെ​ന്ന് ബാ​ലു ഒ​ട്ടും ക​രു​തി​യി​ല്ല. വ​സ​തി​യി​ലെ​ത്തു​ന്പോ​ൾ അ​വി​ടെ സു​ശീ​ലാ​മ്മ​യും കെ.​വി. മ​ഹാ​ദേ​വ​നു​മു​ണ്ട്. അ​വി​ടെ​വ​ച്ചാ​ണ് ആ​യി​രം നി​ല​വേ വാ (​അ​ടി​മൈ പെ​ണ്‍- 1969) എ​ന്ന സു​ന്ദ​ര​ഗാ​നം പാ​ടി പ​രി​ശീ​ലി​ക്കു​ന്ന​ത്. ബാ​ലു​വി​ന്‍റെ പാ​ട്ടി​ൽ എം​ജി​ആ​ർ സ​ന്തു​ഷ്ട​നാ​യി​രു​ന്നു.

പി​ന്നാ​ലെ ഒ​രു വ​ഴി​ത്തി​രി​വു​മെ​ത്തി. പാ​ട്ട് റെ​ക്കോ​ർ​ഡ് ചെ​യ്യാ​നു​ള്ള ദി​വ​സ​മെ​ത്തി​യ​പ്പോ​ൾ ടൈ​ഫോ​യ്ഡ് ബാ​ധി​ച്ച് കി​ട​ക്ക​യി​ൽ​നി​ന്ന് എ​ഴു​ന്നേ​ൽ​ക്കാ​ൻ​പോ​ലും ക​ഴി​യാ​ത്ത അ​വ​സ്ഥ​യി​ലാ​ണ് ബാ​ലു. ഒ​രു സു​വ​ർ​ണാ​വ​സ​രം ബാ​ലു​വി​നു ന​ഷ്ട​മാ​യി എ​ന്നു നെ​ടു​വീ​ർ​പ്പി​ട്ടു എ​ല്ലാ​വ​രും. എ​ന്നാ​ൽ ഏ​താ​ണ്ട് ഒ​രു​മാ​സം ക​ഴി​ഞ്ഞ് ബാ​ലു​വി​ന് വി​ളി​യെ​ത്തി- അ​തേ പാ​ട്ടി​ന്‍റെ റെ​ക്കോ​ർ​ഡിം​ഗി​നു ചെ​ല്ലാ​ൻ.

ഈ ​സി​നി​മ​യി​ൽ താ​ൻ പാ​ടു​ന്നു​വെ​ന്ന് ബാ​ലു എ​ല്ലാ​വ​രോ​ടും പ​റ​ഞ്ഞി​ട്ടു​ണ്ടാ​വും. അ​തു ന​ട​ന്നി​ല്ലെ​ങ്കി​ൽ അ​യാ​ളു​ടെ ക​രി​യ​റി​ൽ​ത്ത​ന്നെ വ​ലി​യൊ​രു തി​രി​ച്ച​ടി​യാ​യേ​ക്കും എ​ന്നാ​യി​രു​ന്ന​ത്രേ എം​ജി​ആ​റി​ന്‍റെ നി​ല​പാ​ട്. ജ​യ്പൂ​രി​ൽ ന​ട​ത്താ​ൻ നി​ശ്ച​യി​ച്ചി​രു​ന്ന ഗാ​ന​ചി​ത്രീ​ക​ര​ണം ബാ​ലു പാ​ടി​യ​ശേ​ഷം ന​ട​ത്താ​നാ​യി നീ​ട്ടി​വ​യ്ക്കു​ക​യാ​യി​രു​ന്നു എം​ജി​ആ​ർ.

ശി​വാ​ജി ഗ​ണേ​ശ​നും ബാ​ലു​വി​ന് സ്നേ​ഹ​പൂ​ർ​വം പി​ന്തു​ണ ന​ൽ​കി​യി​രു​ന്നു. അ​ദ്ദേ​ഹ​ത്തി​നു​വേ​ണ്ടി ആ​ദ്യ​മാ​യി സു​മ​തി എ​ൻ സു​ന്ദ​രി (1971) എ​ന്ന ചി​ത്ര​ത്തി​ൽ പാ​ടാ​ൻ അ​വ​സ​രം വ​ന്ന​പ്പോ​ൾ ബാ​ലു ചെ​റു​ത​ല്ലാ​ത്ത സ​മ്മ​ർ​ദ്ദ​ത്തി​ലാ​യി​രു​ന്നു.

ശി​വാ​ജി​ക്കു​വേ​ണ്ടി മ​റ്റു ഗാ​യ​ക​ർ പാ​ടു​ന്ന​തു​പോ​ലെ​ത്ത​ന്നെ പാ​ട​ണം എ​ന്നു​ള്ള ഉ​പ​ദേ​ശ​മാ​യി​രു​ന്നു അ​തി​നു കാ​ര​ണം. ഇ​ക്കാ​ര്യം കേ​ട്ട​പ്പോ​ൾ ശി​വാ​ജി നേ​രി​ട്ട് ബാ​ലു​വി​നെ അ​ടു​ത്തു​വി​ളി​ച്ചു പ​റ​ഞ്ഞു- ഞാ​ൻ പാ​ടു​ന്ന​തു​പോ​ലെ​യ​ല്ല, താ​ങ്ക​ൾ പ​തി​വാ​യി ചെ​യ്യു​ന്ന​തു​പോ​ലെ മാ​ത്രം പാ​ടു​ക. അ​തി​ന​നു​സ​രി​ച്ച് ഞാ​ൻ അ​ഭി​ന​യി​ച്ചു​കൊ​ള്ളാം!. അ​തു യാ​ഥാ​ർ​ഥ്യ​മാ​യി​രു​ന്നെ​ന്ന് ഗാ​ന​ചി​ത്രീ​ക​ര​ണം ക​ണ്ടാ​ൽ മ​ന​സി​ലാ​കു​ക​യും ചെ​യ്യും.

ഏ​ക് ദൂ​ജേ കേ ​ലി​യേ

1981ൽ ​കെ. ബാ​ല​ച​ന്ദ​ർ ഏ​ക് ദൂ​ജേ കേ ​ലി​യേ എ​ന്ന ചി​ത്രം ഒ​രു​ക്കു​ന്പോ​ൾ ല​ക്ഷ്മി​കാ​ന്ത്- പ്യാ​രേ​ലാ​ൽ ദ്വ​യ​മാ​ണ് സം​ഗീ​ത​സം​വി​ധാ​യ​ക​ർ. ഗാ​യ​ക​നാ​യി ബാ​ല​സു​ബ്ര​ഹ്മ​ണ്യ​ത്തെ സ്വീ​ക​രി​ക്കാ​ൻ ക​ടു​ത്ത വി​മു​ഖ​ത​യാ​യി​രു​ന്നു അ​വ​ർ​ക്ക്. ബാ​ലു​വി​ന്‍റെ ഹി​ന്ദി ഒ​ട്ടും ശ​രി​യ​ല്ലെ​ന്നാ​യി​രു​ന്നു ല​ക്ഷ്മി-​പ്യാ​രേ​യു​ടെ പ​രാ​തി. എ​ന്നാ​ൽ ബാ​ലു​ത​ന്നെ മ​തി​യെ​ന്ന് ഉ​റ​പ്പി​ച്ചു​പ​റ​ഞ്ഞ ബാ​ല​ച​ന്ദ​റി​ന് ശ​ക്ത​മാ​യ ന്യാ​യം ഉ​ണ്ടാ​യി​രു​ന്നു- ത​ന്‍റെ ക​ഥ​യി​ലെ നാ​യ​ക​ന് ഹി​ന്ദി വ​ശ​മി​ല്ല!

ആ ​ചി​ത്ര​ത്തി​ന്‍റെ പി​ന്ന​ണി​യി​ലാ​യി​രു​ന്നു ബാ​ല​സു​ബ്ര​ഹ്മ​ണ്യം ആ​ദ്യ​മാ​യി ല​താ മ​ങ്കേ​ഷ്ക​റെ ക​ണ്ട​തും. തി​ര​ക്കി​നും പ​രി​ഭ്ര​മ​ത്തി​നു​മി​ട​യി​ൽ ബാ​ലു​വി​ന്‍റെ കൈ​വ​ശ​മി​രു​ന്ന കാ​പ്പി​ക്ക​പ്പ് തൂ​വി ല​താ​ജി​യു​ടെ വെ​ള്ള സാ​രി​യി​ൽ വീ​ണു. പ​തി​വി​ൽ​നി​ന്നു വി​ഭി​ന്ന​മാ​യി ആ ​സം​ഭ​വം ഒ​ട്ടും കാ​ര്യ​മാ​യെ​ടു​ക്കാ​തെ ല​ത പ​റ​ഞ്ഞു- ബാ​ലു ബോ​ളി​വു​ഡി​ലും ഒ​രു പ്ര​തി​ഭാ​സ​മാ​കും. അ​ദ്ദേ​ഹം അ​താ​വു​ക​യും ചെ​യ്തു!

ഏ​താ​നും ആ​ഴ്ച​ക​ൾ​ക്കു​മു​ന്പ് ചെ​ന്നൈ​യി​ൽ ന​ട​ന്ന ച​ട​ങ്ങി​ലാ​ണ് ന​ട​നും സി​നി​മാ ച​രി​ത്ര​കാ​ര​നു​മാ​യ മോ​ഹ​ൻ വി. ​രാ​മ​ൻ എ​സ്പി​ബി​യെ​ക്കു​റി​ച്ചു​ള്ള ക​ഥ​ക​ൾ പ​ങ്കു​വ​ച്ച​ത്. കേ​ട്ട​തും കേ​ൾ​ക്കാ​ത്ത​തു​മാ​യ ക​ഥ​ക​ൾ സു​ന്ദ​ര​ങ്ങ​ളാ​ണ്., പ്ര​ത്യേ​കി​ച്ചും അ​വ സം​ഗീ​ത​പ്രേ​മി​ക​ൾ സ്വ​ന്ത​മെ​ന്നു​റ​പ്പി​ക്കു​ന്ന സ്നേ​ഹ​ഗാ​യ​ക​നെ​ക്കു​റി​ച്ചാ​കു​ന്പോ​ൾ.. ഓ​ർ​മ​ക​ൾ​ക്കും പാ​ട്ടു​ക​ൾ​ക്കും മ​ര​ണ​മി​ല്ല. \

ഹരിപ്രസാദ്‌


Copyright @ 2022 , Rashtra Deepika Ltd.