ഒരു രൂപ ഇഡ്ഡലിയമ്മ
കോ​യ​ന്പ​ത്തൂ​ർ വ​ടി​വേ​ലം​പാ​ള​യ​ത്തെ​യും സ​മീ​പ​ങ്ങ​ളി​ലെ​യും നി​ർ​ധ​ന കൂ​ലി​വേ​ല​ക്കാ​രു​ടെ വി​ശ​പ്പ​ട​ക്കാ​ൻ കാ​ല​ങ്ങ​ളാ​യി തു​ട​രു​ന്ന പു​ണ്യ​മാ​ണ് ഒ​രു രൂ​പ നി​ര​ക്കി​ലെ ഇ​ഡ്ഡ​ലി​യെ​ന്നാ​ണ് അ​മ്മാ​ളു​ടെ നി​ല​പാ​ട്.

ഒ​രു രൂ​പ നി​ര​ക്കി​ൽ ഇ​ഡ്ഡ​ലി​യും രു​ചി​ക്കൂ​ട്ടാ​യി തേ​ങ്ങാ​ച്ച​മ്മ​ന്തി​യും സാ​ന്പാ​റും. പ്രാ​യം എ​ണ്‍​പ​ത്തി​യ​ഞ്ചി​ലെ​ത്തി​യ ക​മ​ല​ത്താ​ൾ കോ​യ​ന്പ​ത്തൂ​രി​ലെ വീ​ടി​നോ​ടു ചേ​ർ​ന്ന് നാ​ൽ​പ​തു വ​ർ​ഷ​മാ​യി ഇ​ഡ്ഡ​ലി ത​യാ​റാ​ക്കി വി​ൽ​ക്കു​ക​യാ​ണ്. പ​ത്ത് വ​ർ​ഷം മു​ന്പ് വ​രെ 50 പൈ​സ നി​ര​ക്കി​ലാ​യി​രു​ന്നു ക​മ​ല​ത്താ​ളി​ന്‍റെ ഇ​ഡ്ഡ​ലി വി​ൽ​പ​ന. ഹോ​ട്ട​ലു​ക​ളി​ലും ത​ട്ടു​ക​ട​ക​ളി​ലും ഇ​ക്കാ​ല​ത്ത് ഇ​ഡ്ഡ​ലി​ക്കു പ​ത്തു രൂ​പ​വ​രെ നി​ര​ക്കു​ള്ള​പ്പോ​ൾ വി​ല കാലത്തിനൊത്തു വ​ർ​ധി​പ്പി​ച്ചു​കൂ​ടേ​യെ​ന്ന് ക​ഴി​ക്കാ​നെ​ത്തു​ന്ന​വരും ചോ​ദി​ക്കാ​റു​ണ്ട്. ഒ​ന്നാം ത​രം പ​ച്ച​രി മാ​വി​ൽ ത​യാ​റാ​ക്കു​ന്ന ഇ​ഡ്ഡ​ലി​ക്ക് ന്യാ​യ​മാ​യി ആ​റു രൂ​പ​യെ​ങ്കി​ലും വാ​ങ്ങാ​വു​ന്ന​താ​ണ്. നി​ര​ക്ക് കൂ​ട്ടു​ന്നി​ല്ലെ​ന്ന ഉ​റ​ച്ച നി​ല​പാ​ടി​ലാ​ണ് ‘ഒ​രു രൂ​പ ഇ​ഡ്ഡ​ലി​യ​മ്മ’ എ​ന്ന് അ​റി​യ​പ്പെ​ടു​ന്ന ക​മ​ല​ത്താ​ൾ.

കോ​യ​ന്പ​ത്തൂ​ർ വ​ടി​വേ​ലം​പാ​ള​യ​ത്തെ​യും സ​മീ​പ​ങ്ങ​ളി​ലെ​യും നി​ർ​ധ​ന കൂ​ലി​വേ​ല​ക്കാ​രു​ടെ വി​ശ​പ്പ​ട​ക്കാ​ൻ കാ​ല​ങ്ങ​ളാ​യി തു​ട​രു​ന്ന പു​ണ്യ​മാ​ണ് ഒ​രു രൂ​പ നി​ര​ക്കി​ലെ ഇ​ഡ്ഡ​ലി​യെ​ന്നാ​ണ് അ​മ്മാ​ളു​ടെ നി​ല​പാ​ട്. തൊ​ഴി​ലാ​ളി​ക​ളും വി​ദ്യാ​ർ​ഥി​ക​ളു​മാ​ണ് ഇ​ഡ്ഡ​ലി ക​ഴി​ക്കാ​ൻ പ​തി​വു​കാ​ർ.
വൈ​കു​ന്നേ​രം ആ​റ് കി​ലോ പ​ച്ച​രി​യും ഉ​ഴു​ന്നും അ​ര​ച്ച് വ​യ്ക്കും. പു​ല​ർ​ച്ചെ നാ​ലി​നു​ണ​ർ​ന്ന് ഇ​ഡ്ഡ​ലി​ ചെ​ന്പി​ൽ വേ​വി​ച്ചെ​ടു​ക്കും. പ്ലേ​റ്റു​ക​ളി​ല​ല്ല, തേ​ക്കി​ല​യി​ലും ആ​ലി​ല​യി​ലു​മാ​ണ് ഇ​ഡ്ഡ​ലി​യും ക​റി​ക​ളും വി​ള​ന്പി​ക്കൊ​ടു​ക്കു​ക. വെ​റും അ​ഞ്ചോ ആ​റോ രൂ​പ​യ്ക്ക് വി​ശ​പ്പ​ട​ക്കാ​വു​ന്ന ഭോ​ജ​ന​ശാ​ല​യി​ൽ ഭ​ക്ഷ​ണം ക​ഴി​ക്കാ​നെ​ത്തു​ന്ന​വ​രു​ടെ ക്യൂ ​പ​തി​വാ​ണ്. രാ​വി​ലെ ആ​റു​മു​ത​ൽ വ​ടി​വേ​ല​പ്പാ​ള​യ​ത്തെ കാ​ല​പ്പ​ഴ​ക്കം ചെ​ന്ന ചെ​റി​യ വീ​ട്ടി​ൽ ജ​ന​ങ്ങ​ൾ വ​രി​വ​രി​യാ​യി നി​ൽ​പ്പു​ണ്ടാ​കും.

പ​ത്തു മ​ണി​യോ​ടെ വി​ൽ​പ​ന ക​ഴി​യേ​ണ്ട താ​മ​സം ക​മ​ല​ത്താ​ൾ മ​ക​നെ​ക്കൂ​ട്ടി മാ​ർ​ക്ക​റ്റി​ൽ​പോ​യി അടുത്ത ദിവസത്തെ പാചകത്തിനുള്ള അ​രി​യും ഉ​ഴു​ന്നും പ​ച്ച​ക്ക​റി​യും നാ​ളി​കേ​ര​വും വാ​ങ്ങി​ക്കൊ​ണ്ടു​വ​രും. തേ​ങ്ങ​യും മ​റ്റും ഉ​ച്ച​യോ​ടെ അ​ര​ച്ചെ​ടു​ക്കും. സാ​ന്പാ​റി​നു​ള്ള കൂ​ട്ടു​ക​ളും ത​യ്യാ​റാ​ക്കി​വ​യ്ക്കും.



‘കോ​യ​ന്പ​ത്തൂ​രി​ലെ സാ​ധാ​ര​ണ​മാ​യൊ​രു ക​ർ​ഷ​ക​കു​ടും​ബ​ത്തി​ലാ​ണ് ഞാ​ൻ ജ​നി​ച്ച​ത്. ഞ​ങ്ങ​ളു​ടേ​ത് വ​ലി​യൊ​രു കൂ​ട്ടു​കു​ടും​ബ​മാ​യി​രു​ന്നു . അ​ച്ഛ​നും അ​മ്മ​യും ബ​ന്ധു​ക്ക​ളും പാ​ട​ത്തേ​ക്കു പോ​കു​ന്പോ​ൾ വീ​ട്ടി​ൽ ഞാ​ൻ ത​നി​ച്ചാ​വും. നേ​ര​ന്പോ​ക്കി​ന് ഇ​ഡ്ഡ​ലി​യു​ണ്ടാ​ക്കി വി​ൽ​ക്കാ​ൻ തു​ട​ങ്ങി​യ​താ​ണ്. അ​തി​പ്പോ​ഴും തു​ട​രു​ന്നു’ - ക​മ​ല​ത്താ​ൾ പ​റ​ഞ്ഞു.

അ​രി​യ്ക്കും ഉ​ഴു​ന്നി​നും തേ​ങ്ങ​യ്ക്കു​മൊ​ക്കെ കൂ​ടെ​ക്കൂ​ടെ വി​ല ക​യ​റു​ന്പോ​ഴും സാ​ന്പ​ത്തി​ക നേ​ട്ടം ആ​ഗ്ര​ഹി​ക്കാ​തെ അ​ന്ന​ദാ​നമെ​ന്ന പു​ണ്യ​മാ​ണ് ചെ​യ്യു​ന്ന​തെ​ന്നാ​ണ് ഇ​ഡ്ഡ​ലി​യ​മ്മ​യു​ടെ പ​ക്ഷം.

ആ​യി​രം ഇ​ഡ്ഡ​ലി വി​ൽ​ക്കു​ന്പോ​ൾ 200 രൂ​പ​വ​രെ​യാ​ണ് പ​ര​മാ​വ​ധി ലാ​ഭം. ഇ​തി​ൽ തൃ​പ്ത​യാ​യ​തി​നാ​ൽ വി​ല​കൂ​ട്ടാ​ൻ ഉ​ദ്ദേ​ശ്യ​മി​ല്ലെ​ന്ന് ക​മ​ല​ത്താ​ൾ തീ​ർ​ച്ച​യാ​ക്കി​യി​രി​ക്കു​ന്നു. കോ​വി​ഡ് നി​യ​ന്ത്ര​ണ​കാ​ല​ത്തും അ​മ്മാ​ൾ ഇ​ഡ്ഡ​ലി ത​യാ​റാ​ക്കി പ​തി​വു​കാ​ർ​ക്ക് പാ​ഴ്സ​ൽ കൊ​ടു​ത്തി​രു​ന്നു. കൂ​ടെ ഉ​ഴു​ന്നു​വ​ട കൂ​ടി വേ​ണ​മെ​ന്ന പൊ​തു താ​ൽ​പ​ര്യം പ​രി​ഗ​ണി​ച്ച് ഈ​യി​ട​യാ​യി ചൂ​ടു വ​ട​യും ത​യാ​റാ​ക്കു​ന്നു​ണ്ട്. വ​ട​യൊ​ന്നി​ന് 2.50 രൂ​പ മാ​ത്രം. നാ​ൽ​പ​തു കൊ​ല്ല​മാ​യി തു​ട​രു​ന്ന ഈ ​ജോ​ലി നി​ർ​ത്താ​നും ആ​രോ​ഗ്യം ശ്ര​ദ്ധി​ക്കാ​നും മ​ക്ക​ളും പേ​ര​ക്കു​ട്ടി​ക​ളും അ​മ്മാ​ളി​നോ​ട് ആ​വ​ശ്യ​പ്പെ​ടു​ന്നു​ണ്ട്.

എ​ന്നാ​ൽ അ​ന്ന​ദാ​നം പു​ണ്യ​വും സ​ന്തോ​ഷ​വും പ​ക​രു​ന്ന​താ​ണെ​ന്നും ആ​വും കാ​ല​ത്തോ​ളം ജോ​ലി തു​ട​രു​മെ​ന്നും ഇ​ഡ്ഡ​ലി​യ​മ്മ തീ​ർ​ച്ച​യാ​ക്കി​യി​രി​ക്കു​ന്നു. ലാ​ഭേ​ച്ഛ​യി​ല്ലാ​തെ ജീ​വി​ത​മ​ത്രെ​യും അ​ന്നം കൊ​ടു​ക്കു​ന്ന ക​മ​ല​ത്താ​ളി​നെ​ക്കു​റി​ച്ച​റ​ഞ്ഞ് മ​ഹീ​ന്ദ്ര വ്യ​വ​സാ​യ ഗ്രൂ​പ്പ് ചെ​യ​ർ​മാ​ൻ ആ​ന​ന്ദ് മ​ഹീ​ന്ദ്ര ഉ​ദാ​ര​മാ​യ സ​ഹാ​യ​വു​മാ​യി മു​ന്നോ​ട്ടു​വ​ന്നു.

ആ​യി​രം ഇ​ഡ്ഡ​ലി ത​യാ​റാ​ക്കാ​നു​ള്ള വി​റ​ക് അ​മ്മാ​ൾ വി​ല​യ്ക്കു വാ​ങ്ങു​ന്ന​താ​യും അ​തി​നു​ള്ള മാ​വ് ആ​ട്ടു​ക​ല്ലി​ൽ അ​ര​ച്ച് ത​യാ​റാ​ക്കു​ന്ന​തും അ​റി​യാ​നി​ട​യാ​യ ആ​ന​ന്ദ് മ​ഹീ​ന്ദ്ര അ​മ്മാ​ളി​ന് എ​ൽ​പി​ജി ഗ്യാ​സ് ക​ണ​ക്ഷ​നും സി​ലി​ണ്ട​റു​ക​ളും മി​ക്സി​യും ഗ്രൈ​ൻ​ഡ​റും മു​ൻ​പ് സ​മ്മാ​നി​ച്ചി​രു​ന്നു. ഗ്യാ​സ് അ​ടു​പ്പ് കി​ട്ടി​യ​തി​നു​ശേ​ഷ​വും വി​റ​ക​ടു​പ്പ് പൊ​ളി​ച്ചു ക​ള​യാ​ൻ അ​മ്മാ​ളി​ന് മ​ന​സു വ​ന്നി​ല്ല. മാ​തൃ​ദി​ന സ​മ്മാ​ന​മാ​യി വീ​ടി​നോ​ടു ചേ​ർ​ന്ന് ര​ണ്ടു സെ​ന്‍റ് സ്ഥ​ലം മ​ഹീ​ന്ദ്ര വാ​ങ്ങി 12 ല​ക്ഷം രൂ​പ ചെ​ല​വി​ൽ ക​ഴി​ഞ്ഞ​യാ​ഴ്ച ക​മ​ല​ത്താ​ളി​ന് പു​തി​യ വീ​ടു നി​ർ​മി​ച്ചു​കൊ​ടു​ത്തു.

അ​നി​ൽ കെ ​പൂ​ത്തൂ​ർ


Copyright @ 2022 , Rashtra Deepika Ltd.