ക​ക്ക​യും കാ​യ​ലും ജീ​വി​ത​വും
ശാ​ന്ത​മാ​യി കാ​ണു​ന്ന കാ​യ​ൽ എ​പ്പോ​ൾ വേ​ണ​മെ​ങ്കി​ലും രൗ​ദ്ര​രൂ​പം പൂ​ണ്ട് വി​റ​പ്പി​ക്കും. അ​ടി​ത്ത​ട്ടി​ലെ ഒ​ഴു​ക്കു​പോ​ലും അ​പ്ര​തീ​ക്ഷി​ത​മാ​യി​രി​ക്കും. ചി​ല​പ്പോ​ൾ ജീ​വി​ത​ത്തെ ത​ന്നെ അ​പ​ക​ട​പ്പെ​ടു​ത്തു​ന്ന ക്ഷു​ദ്ര​ജീ​വി​ക​ളു​ടെ സാ​ന്നി​ധ്യ​വും ഉ​ണ്ടാ​വും. അ​ങ്ങ​നെ കാ​യ​ലി​ൽ വ​ച്ചു​ത​ന്നെ അ​പ​ക​ട​ത്തി​ൽ​പ്പെ​ടു​ന്ന​വ​ർ നി​ര​വ​ധി​യാ​ണ്.

പു​ന്ന​മ​ട മു​ത​ൽ ത​ണ്ണീ​ർ​മു​ക്കം വ​രെ വേ​ന്പ​നാ​ട് കാ​യ​ലി​ന്‍റെ പ​ടി​ഞ്ഞാ​റ​ൻ ഭാ​ഗ​ങ്ങ​ളി​ലെ നി​ര​വ​ധി​യാ​യ ഗ്രാ​മ​ങ്ങ​ൾ. മ​ത്സ്യ​ബ​ന്ധ​ന​വും ക​ക്കാ​വാ​ര​ലും ക​യ​ർ​പി​രി​ക്ക​ലും കാ​യ​ൽ​കൃ​ഷി​യു​മാ​യി ജീ​വി​തം ക​ഴി​ക്കു​ന്ന ജ​ന​ത​തി.

മ​ത്സ്യ​ത്തൊ​ഴി​ലാ​ളി​ക​ൾ സ​ന്ധ്യ​യോ​ടെ വ​ള്ള​ങ്ങ​ളി​ൽ വ​ല​യും ഒ​രു നേ​ര​ത്തെ ഭ​ക്ഷ​ണ​വു​മാ​യി കാ​യ​ലി​ലേ​ക്കു പു​റ​പ്പെ​ട്ടാ​ൽ മീ​നും കൊ​ഞ്ചും മ​റ്റു​മാ​യി പി​റ്റേ​ന്നു പു​ല​ർ​ച്ചെ​യാ​ണ് ക​ര​യി​ലെ​ത്തു​ന്ന​ത്. ഇ​വ​രെ​ത്തി​ക്കു​ന്ന ക​രി​മീ​നും കാ​രി​യും കു​റു​വ​യും ഉ​ൾ​പ്പെ​ടെ വി​വി​ധ​യി​നം മ​ത്സ്യ​ങ്ങ​ൾ വ​ലി​യ ചെ​രു​വ​ത്തി​ലും കു​ട്ട​യി​ലും ത​ല​യി​ല്‌ ചു​മ​ന്ന് വീ​ടു​വീ​ടാ​ന്ത​രം ക​യ​റി​യി​റ​ങ്ങി വി​ൽ​ക്കു​ന്ന​വ​രേ​റെ​യും സ്ത്രീ​ക​ളാ​യി​രി​ക്കും. ചെ​റു​പ്പ​ക്കാ​രാ​യ പു​രു​ഷ​ൻ​മാ​ർ​ക്കും പ​ഴ​യ ത​ല​മു​റ​യി​ലെ കു​റെ സ്ത്രീ​ക​ൾ​ക്കും ഉ​പ​ജീ​വ​നം കാ​യ​ലി​ന്‍റെ ആ​ഴ​ങ്ങ​ളി​ൽ മു​ങ്ങി​യും പൊ​ങ്ങി​യും ക​ക്ക വാ​രു​ന്ന​താ​ണ്.

ഏ​റെ മാ​സ​ങ്ങ​ളി​ലും മീ​നി​നേ​ക്കാ​ൾ സാ​ന്പ​ത്തി​ക​നേ​ട്ടം ക​ക്ക​യി​ൽ​നി​ന്ന് ല​ഭി​ച്ചി​രു​ന്ന​തി​നാ​ൽ പ​ല​രും കാ​യ​ലി​ൽ സാ​ഹ​സി​ക​മാ​യി മു​ങ്ങി​വാ​രാ​ൻ പോ​യി​രു​ന്നു. പു​ല​ർ​ച്ചെ മൂ​ന്നു മ​ണി​യോ​ടെ വീ​ടു​ക​ളി​ൽ നി​ന്നി​റ​ങ്ങി ര​ണ്ടു പേ​രു​ടെ സം​ഘം വ​ള്ള​മൂ​ന്നി ക​ക്കാ​ത്ത​ട്ടു​ള്ള ഇ​ടം ക​ണ്ടെ​ത്തി വ​ള്ളം നാ​ട്ടി​ക്കെ​ട്ടി ചൂ​ര​ൽ കു​ട്ട​യു​മാ​യി കാ​യ​ലാ​ഴ​ങ്ങ​ളി​ലേ​ക്കു മു​ങ്ങു​ക​യാ​യി.

ചെ​വി തു​ള​യ്ക്കു​ന്ന അ​സ​ഹ​നീ​യ ത​ണു​പ്പും വി​റ​യ​ലും സ​ഹി​ച്ചാ​ണ് കൂ​രി​രു​ട്ടി​ൽ ആ​ഴ​ങ്ങ​ളി​ലെ ചെ​ളി​യി​ൽ ഇ​വ​ർ ക​ക്ക തെ​ര​യു​ക. അ​ടി​ത്ത​ട്ടി​ൽ​നി​ന്ന് ക​ക്ക​യും ചെ​ളി​യും മ​ണ്ണും ഒ​ന്നി​ച്ച് കോ​രി കു​ട്ട​യി​ലാ​ക്കി മു​ക​ൾ​പ്പ​ര​പ്പി​ലേ​ക്ക് ഉ​യ​ർ​ന്നു​വ​രും. വ​ള്ള​ത്തോ​ടു​ചേ​ർ​ത്ത് നാ​ട്ടി​യി​രി​ക്കു​ന്ന ക​ഴു​ക്കോ​ലി​ൽ പി​ടി​ച്ചു​കി​ട​ന്ന് കു​ട്ട​യി​ലെ ക​ക്ക ചെ​ളി​യും മ​ണ്ണും വേ​ർ​തി​രി​ച്ച് വ​ള്ള​ത്തി​ലേ​ക്ക് നി​ക്ഷേ​പി​ക്കും.

വ​ള്ള​ത്തി​ൽ മോ​ശ​മ​ല്ലാ​ത്ത രീ​തി​യി​ൽ ക​ക്ക നി​റ​യാ​ൻ ര​ണ്ടു പേ​രും ഇ​ട​ത​ട​വി​ല്ലാ​തെ നൂ​റു ത​വ​ണ​യെ​ങ്കി​ലും വെ​ള്ള​ത്തി​ൽ മു​ങ്ങി പൊ​ങ്ങേ​ണ്ടി വ​രും. മി​നി​റ്റു​ക​ളോ​ളം ശ്വാ​സം അ​ട​ക്കി​പ്പി​ടി​ച്ചാ​ണ് കാ​യ​ലാ​ഴ​ങ്ങ​ളി​ൽ ക​ക്ക തെ​ര​ഞ്ഞു​വാ​രു​ന്ന​ത്. ഇ​ത് വ​ള​രെ അ​പ​ക​ട​മേ​റി​യ​തും ധൈ​ര്യം വേ​ണ്ട​തു​മാ​യ ജോ​ലി​യാ​ണ്. ക​ട​ൽ പോ​ലെ പ​ര​ന്ന കാ​യ​ലി​ന്‍റെ ഇ​രു​ൾ​പ്പ​ര​പ്പി​ൽ രാ​ത്രി വ​ള്ള​ത്തി​ലു​ണ്ടാ​വു​ക ര​ണ്ടു പേ​ർ മാ​ത്രം. മൂ​ന്നും നാ​ലും ആ​ൾ​ത്താ​ഴ്ച (15-20 അ​ടി)​യി​ൽ മു​ങ്ങി​യാ​ണ് മ​ഴ​യും മ​ഞ്ഞും വ​ക​വ​യ്ക്കാ​തെ ക​ക്ക വാ​രി തൊ​ഴി​ലാ​ളി​ക​ൾ വീ​ടു​പോ​റ്റു​ന്ന​ത്.

അ​പ​ക​ടം കൂ​ടെ​യു​ണ്ട്

ശാ​ന്ത​മാ​യ കാ​യ​ൽ എ​പ്പോ​ൾ വേ​ണ​മെ​ങ്കി​ലും രൗ​ദ്ര​രൂ​പം പൂ​ണ്ട് വി​റ​പ്പി​ക്കും. അ​ടി​ത്ത​ട്ടി​ലെ ഒ​ഴു​ക്കു​പോ​ലും അ​പ്ര​തീ​ക്ഷി​ത​മാ​യി​രി​ക്കും. ചി​ല​പ്പോ​ൾ ജീ​വ​നെ​ത്ത​ന്നെ അ​പ​ക​ട​പ്പെ​ടു​ത്തു​ന്ന ക്ഷു​ദ്ര​ജീ​വി​ക​ളു​ടെ സാ​ന്നി​ധ്യ​വും ഉ​ണ്ടാ​വും. അ​ങ്ങ​നെ കാ​യ​ലി​ൽ ജീ​വ​ൻ ന​ഷ്ട​പ്പെ​ടു​ന്ന​വ​രും നി​ര​വ​ധി​യാ​ണ്.

കാ​യ​ൽ തെ​ര​ണ്ടി​യു​ടെ വാ​ലു​കൊ​ണ്ട് കൈ​യ്യും മെ​യ്യും അ​പ​ക​ട​ത്തി​ൽ​പ്പെ​ടു​ന്ന​വ​ർ പ​ല​രാ​ണ്. തെ​ര​ണ്ടി​വാ​ൽ​കൊ​ണ്ട് മാ​ര​ക​മാ​യി മു​റി​വേ​റ്റ​യാ​ൾ വ​ള്ളം ഉൗ​ന്നി തീ​ര​ത്ത് എ​ത്തി അ​ടു​ത്തു​ള്ള വീ​ട്ടി​ൽ​നി​ന്ന് ക​ല്ലു​പ്പും, മു​ള​കും വാ​ങ്ങി മു​റി​വി​ൽ പൊ​തി​ഞ്ഞു​കെ​ട്ടി മു​റി​വ് ഉ​ണ​ക്കു​ന്ന അ​നു​ഭ​വ​ങ്ങ​ൾ മു​ൻ​പൊ​ക്കെ പ​തി​വാ​യി​രു​ന്നു. ചി​ല​യി​നം വി​ഷ​പ്പാ​ന്പു​ക​ളു​ടെ ക​ടി​യും അ​പ​ക​ടം വ​രു​ത്തും. ചു​വ​ന്ന ചൊ​റി അ​ഥ​വാ ജെ​ല്ലി ഫി​ഷ് മു​ഖ​ത്തും മ​റ്റും പ​റ്റി​പ്പി​ടി​ച്ചാ​ൽ അ​ന്ന​ത്തെ പ​ണി മു​ട​ങ്ങും.

ജീ​വ​ൻ പ​ണ​യ​പ്പെ​ടു​ത്തി ചെ​ളി​നി​റ​ഞ്ഞ കു​ട്ട​യു​ടെ ക​ന​ത്ത ഭാ​ര​വു​മാ​യി ഉ​യ​ർ​ന്നു വ​രു​ന്പോ​ൾ മു​ക​ൾ​പ്പ​ര​പ്പി​ലൂ​ടെ ഒ​ഴു​കി വ​രു​ന്ന വ​ല​യി​ലും വ​ള്ളി​പ്പ​ട​ർ​പ്പി​ലും പോ​ള​ക്കെ​ട്ടി​ലും ഉ​ട​ക്കി അ​പ​ക​ട​ത്തി​ൽ​പ്പെ​ടു​ന്ന​തും സാ​ധാ​ര​ണം. വ​ള്ള​ത്തി​ന്‍റെ മ​റു​വ​ശ​ത്ത് ക​ക്ക വാ​രു​ന്ന കൂ​ട്ടാ​ളി പോ​ലും അ​റി​യാ​തെ മ​ര​ണ​ത്തി​ലേ​ക്ക് ആ​ഴ്ന്നു​പോ​യ​വ​രു​മു​ണ്ട്.

കാ​റ്റി​ലും കോ​ളി​ലും പ​ല​പ്പോ​ഴും വ​ള്ള​ങ്ങ​ൾ അ​പ​ക​ട​ത്തി​ൽ പെ​ടു​ന്പോ​ൾ ദി​വ​സം മു​ഴു​വ​ൻ ക​ഷ്ട​പ്പെ​ട്ട് വാ​രി​യെ​ടു​ത്ത ക​ക്ക അ​പ്പാ​ടെ കാ​യ​ലി​ൽ​ത​ന്നെ വാ​രി​ക്ക​ള​യേ​ണ്ടി​യും വ​രാം. ക​ക്ക​യോ​ടു​കൂ​ടി വ​ള്ളം കാ​യ​ലി​ന്‍റെ അ​ടി​ത്ത​ട്ടി​ലേ​ക്ക് താ​ഴ്ന്നു പോ​യ​തും തൊ​ഴി​ലാ​ളി​ക​ൾ നി​ന്തി മ​റ്റ് വ​ള്ള​ങ്ങ​ളി​ൽ പി​ടി​ച്ച് ര​ക്ഷ​പ്പെ​ട്ട​തു​മൊ​ക്കെ ഇ​വ​രു​ടെ തൊ​ഴി​ൽ  അ​നു​ഭ​വ​ങ്ങ​ളി​ൽ​പ്പെ​ടും.

കൊ​ടും​ത​ണു​പ്പി​ൽ കൈ​കാ​ലു​ക​ൾ കോ​ച്ചി​യും ചെ​വി​ക​ള​ട​ഞ്ഞും ക​ണ്ണു​നീ​റി​യും ദു​രി​ത​പ്പെ​ട്ടാ​ണ് അ​ന്ന​ത്തി​നു​ള്ള വ​ക ഇ​വ​ർ ത​പ്പി​പ്പെ​റു​ക്കു​ന്ന​ത്. അ​പ​ക​ട​ത്തി​ൽ​പ്പെ​ട്ട് ക​മി​ഴ്ന്നു​പോ​യ വ​ള്ള​ത്തി​ൽ പി​ടി​ച്ചു​കി​ട​ന്ന് ഒ​ന്നും ര​ണ്ടും ദി​വ​സ​ത്തി​നു​ശേ​ഷം ത​ണ്ണീ​ർ​മു​ക്ക​ത്തും കു​മ​ര​ക​ത്തും എ​ത്തി ക​ര​ക​യ​റി​യ പു​ന്ന​മ​ട​ക്കാ​രു​ണ്ട്. പ​ല​പ്പോ​ഴും കാ​യ​ലി​ൽ ഉ​ണ്ടാ​കു​ന്ന വ​ലി​യ അ​പ​ക​ട​ങ്ങ​ളി​ലും ര​ക്ഷ​ക​രാ​യി പാ​ഞ്ഞെ​ത്തു​ന്ന​ത് മു​ങ്ങ​ൽ വി​ദ​ഗ്ധ​രാ​യ ക​ക്കാ​ത്തൊ​ഴി​ലാ​ളി​ക​ളാ​ണ്.

ക​ക്കാ ചൂ​ള​ക​ൾ

വേ​ന്പ​നാ​ട് കാ​യ​ലി​ന്‍റെ പ​ടി​ഞ്ഞാ​റെ തീ​ര​ത്ത് നി​ര​നി​ര​യാ​യി ക​ക്കാ ചൂ​ള​ക​ൾ മൂ​ന്ന് പ​തി​റ്റാ​ണ്ടു​ക​ൾ​ക്ക​പ്പു​റം​വ​രെ സാ​ധാ​ര​ണ കാ​ഴ്ച​യാ​യി​രു​ന്നു. തീ​ര​ങ്ങ​ളി​ലും തു​രു​ത്തു​ക​ളി​ലും നി​റ​യെ ഓ​ല​കെ​ട്ടി​യ ക​ക്കാ ചൂ​ള​ക​ൾ. അ​ടു​പ്പു​കൂ​ട്ടി ക​ക്ക സം​സ്ക​രി​ക്കു​ന്ന സ്ത്രീ​ക​ൾ. കു​ട്ട​നാ​ട്ടി​ലെ നി​ല​ങ്ങ​ളി​ലും കാ​യ​ൽ​നി​ല​ങ്ങ​ളി​ലും ആ​ണ്ടു വ​ട്ട​ത്തി​ലൊ​രി​ക്ക​ൽ ചെ​യ്യു​ന്ന പു​ഞ്ച​കൃ​ഷി​ക്ക് ഒ​രു​ക്ക​മാ​യി മ​ണ്ണി​നെ പോ​ഷി​പ്പി​ക്കാ​ൻ പാ​ട​ങ്ങ​ളി​ൽ ക​ക്ക വി​ത​റു​ന്ന​ത് പ​തി​വാ​യി​രു​ന്നു.

പ​ല​പ്പോ​ഴും കൃ​ഷി​ക്ക് ഇ​ട​യി​ലും ഇ​ട​വേ​ള​ക​ളി​ലും ക​ക്കാ പ്ര​യോ​ഗം ന​ട​ത്തു​മാ​യി​രു​ന്നു. അ​തു​പോ​ലെ​ത​ന്നെ നി​ർ​മാ​ണ​സാ​മ​ഗ്രി​യാ​യി സി​മ​ന്‍റ് പ്ര​ചാ​ര​ത്തി​ൽ എ​ത്തു​ന്ന​തി​ന് മു​ൻ​പ് കെ​ട്ടി​ട​ങ്ങ​ളു​ടെ ഭി​ത്തി കെ​ട്ടു​ന്ന​തും തേ​യ്ക്കു​ന്ന​തും കു​മ്മാ​യം ക​ല​ർ​ത്തി ആ​യി​രു​ന്നു.

ഭി​ത്തി​ക​ളി​ൽ വെ​ള്ള​പൂ​ശു​ന്ന​തും കു​മ്മാ​യം ക​ല​ക്കി​യാ​യി​രു​ന്നു​വെ​ന്ന് പ​റ​ഞ്ഞാ​ൽ പു​തി​യ ത​ല​മു​റയ്ക്ക് കൗ​തു​കം തോ​ന്ന​യേ​ക്കാം. ക​ക്ക​യും ക​രി​യും ചേ​ർ​ത്ത് നീ​റ്റി​യും കു​മ്മാ​യ​മാ​യും പ്ര​ത്യേ​കം ചാ​ക്കു​ക​ളി​ലാ​ക്കി കാ​യ​ലോ​ര​ത്തെ ചൂ​ള​ക​ളി​ൽ നി​ന്ന് വി​വി​ധ പ്ര​ദേ​ശ​ങ്ങ​ളി​ലേ​ക്ക് നി​ര​വ​ധി വ​ള്ള​ങ്ങ​ളാ​ണ് ദി​വ​സ​വും പോ​യി​രു​ന്ന​ത്. ക​ക്ക വാ​ങ്ങാ​ൻ ദൂ​ര​ങ്ങ​ളി​ൽ നി​ന്നു​വ​രെ ക​ച്ച​വ​ട​ക്കാ​രും ക​ർ​ഷ​ക​രും കാ​യ​ൽ തീ​ര​ങ്ങ​ളി​ലെ​ത്തി​യി​രു​ന്നു.

വ​ള്ളം നി​റ​യെ ക​ക്ക​യു​മാ​യി തീ​ര​ത്തെ​ത്തി​യാ​ൽ ആ​ണു​ങ്ങ​ൾ അ​ത് കോ​രി തീ​ര​ത്ത് ഇ​ട്ടു​കൊ​ടു​ക്കും. പി​ന്നീ​ടു​ള്ള വേ​ർ​തി​രി​ക്ക​ൽ പ​ണി​യി​ൽ പ്ര​ധാ​ന ഭാ​ഗം സ്ത്രീ​ക​ളും കു​ട്ടി​ക​ളും കൂ​ടി​യാ​ണ് ചെ​യ്യു​ക. ഒ​രു കി​ലോ ക​ക്ക സം​സ്ക​രി​ച്ചാ​ൽ പ​ര​മാ​വ​ധി നാ​നൂ​റു ഗ്രാം ​വ​രെ ഇ​റ​ച്ചി​യാ​ണ് കി​ട്ടു​ക. കാ​യ​ലി​ന്‍റെ അ​ടി​ത്ത​ട്ടി​ൽ പ്ലാ​സ്റ്റി​ക് നി​റ​ഞ്ഞ​തോ​ടെ ക​റു​ത്ത ക​ക്ക​യു​ടെ ല​ഭ്യ​ത ന​ന്നേ കു​റ​ഞ്ഞി​ട്ടു​ണ്ട്. മ​ലി​നീ​ക​ര​ണം രൂ​ക്ഷ​മാ​യ​തോ​ടെ കോ​ളി​ഫോം ബാ​ക്ടീ​രി​യ​യു​ടെ തോ​തും ഏ​റെ​ക്കൂ​ടു​ത​ലാ​ണ്.

പോ​കു​ന്പോ​ൾ ക​ഴു​ക്കോ​ല് കു​ത്തി ഉൗ​ന്നി പോ​യി​രു​ന്ന​വ​ർ വ​ള്ളം നി​റ​യെ ക​ക്ക​യു​മാ​യി മ​ര​ത്തു​ഴ​കൊ​ണ്ട് തു​ഴ​ഞ്ഞാ​യി​രി​ക്കും ക​ര​യി​ലേ​ക്ക് വ​രു​ക. അ​തി​ന് ര​ണ്ടാ​ണ് കാ​ര​ണം. ഒ​ന്ന് മ​ണി​ക്കൂ​റു​ക​ളോ​ളം വെ​ള്ള​ത്തി​ൽ മു​ങ്ങി പൊ​ങ്ങി​യ​തി​ന്‍റെ ക്ഷീ​ണം. നി​റ​ഞ്ഞ വ​ള്ള​ത്തി​ൽ നി​ന്ന് ക​ഴു​ക്കോ​ൽ​കൊ​ണ്ട് ഉൗ​ന്നു​ന്ന​തി​നേ​ക്കാ​ൾ സു​ര​ക്ഷി​ത​വും ആ​ശ്വാ​സ​ക​ര​വും ഇ​രു​ന്ന് തു​ഴ​യു​ന്ന​താ​ണ്. തു​ഴ​യു​ന്ന​തോ​ടൊ​പ്പം ക​വു​ങ്ങി​ൻ പാ​ള കൊ​ണ്ട് വ​ള്ള​ത്തി​ലെ ചെ​ളി​വെ​ള്ള​വും തേ​വി പ​റ്റി​ക്കും. വ​ള്ളം നി​റ​യെ ക​ക്ക​യു​മാ​യി ഉ​ച്ച​ക​ഴി​യു​ന്പോ​ൾ നി​ര​നി​ര​യാ​യി വ​ള്ള​ങ്ങ​ൾ കാ​യ​ലി​ന്‍റെ പ​ടി​ഞ്ഞാ​റെ തി​ര​ത്തേ​ക്ക് എ​ത്തു​ക​യാ​യി.

ക​ക്ക വേ​ർ​തി​രി​ക്ക​ൽ

ക​ക്ക ര​ണ്ടു ത​ര​മു​ണ്ട്. വെ​ള്ള​ക്ക​ക്ക​യും ഇ​റ​ച്ചി ക​ക്ക​യും. വെ​ള്ള​ക്ക​ക്ക​യി​ൽ നി​ന്ന് ഇ​റ​ച്ചി​ക്ക​ക്ക വേ​ർ​തി​രി​ച്ച് വ​ലി​യ ച​രു​വ​ത്തി​ലും കു​ട്ട​ക​ത്തി​ലും വെ​ള്ളം ഒ​ഴി​ച്ച് ചൂ​ടാ​ക്കു​ന്പോ​ൾ ക​ക്ക പൊ​ട്ടി ഇ​റ​ച്ചി വേ​ർ​തി​രി​ഞ്ഞു കി​ട്ടും. ഇ​ത് ന​ല്ല വെ​ള്ള​ത്തി​ൽ വൃ​ത്തി​യാ​ക്കി വി​റ്റാ​ണ് ക​ക്കാ​വാ​ര​ൽ തൊ​ഴി​ലാ​ളി​ക​ളു​ടെ അ​നു​ദി​ന ചെ​ല​വു​ക​ൾ ന​ട​ത്തി​പ്പോ​കു​ന്ന​ത്.

ആ​ഴ്ച​യി​ലൊ​രി​ക്ക​ൽ ക​ക്കാ ചൂ​ള​യി​ലെ ആ​ളു​ക​ൾ വ​ന്ന് വേ​ർ​തി​രി​ച്ചി​ട്ടി​രി​ക്കു​ന്ന വെ​ള്ള ക​ക്ക​യും ഇ​റ​ച്ചി​ക്ക​ക്ക​യു​ടെ തോ​ടാ​യ ക​റു​ത്ത ക​ക്ക​യും വെ​വ്വേ​റെ അ​ള​ന്നെ​ടു​ക്കും. ഇ​വി​ടെ അ​ള​വു​ക​ൾ പാ​ട്ട​ക്ക​ണ​ക്കി​നാ​ണ്. ക​ക്ക അ​ള​ക്കു​ന്ന​തി​ന്‍റെ അ​ള​വ​നു​സ​രി​ച്ച് ക​ക്കാ വാ​ര​ലു​കാ​രു​ടെ കു​ടി​ലു​ക​ളി​ൽ സ​ന്തോ​ഷം കാ​യ​ലി​ലെ ഓ​ള​ങ്ങ​ൾ പോ​ലെ അ​ല​യ​ടി​ക്കും.

രോ​ഗ​ങ്ങ​ളു​ടെ​യും ദു​രി​ത​ങ്ങ​ളു​ടെ​യും ജീ​വി​ത​മാ​ണ് ക​ക്കാ വാ​ര​ൽ തൊ​ഴി​ലാ​ളി​ക​ളു​ടേ​ത്. ചെ​റു​പ്പം മു​ത​ൽ കാ​യ​ലാ​ഴ​ങ്ങ​ളി​ൽ മി​നി​റ്റു​ക​ളോ​ളം ശ്വാ​സം അ​ട​ക്കി പ​ര​തു​ന്ന​വ​രാ​ണി​വ​ർ. ശ്വാ​സ​ത​ട​സം, കാ​ഴ്ച​മ​ങ്ങ​ൽ, ചെ​വി​വേ​ദ​ന, കൈ​കാ​ലു​ക​ളി​ൽ മ​ര​വി​പ്പ്, ത​ള​ർ​ച്ച തു​ട​ങ്ങി അ​കാ​ല​മ​ര​ണ​ത്തി​നി​ര​യാ​കു​ന്ന​വ​ർ ഏ​റെ​പ്പേ​രാ​ണ്. അ​ൻ​പ​ത് വ​യ​സ് എ​ത്തു​ന്പോ​ൾ​ത​ന്നെ പ​ല​ത​ത്തി​ലു​ള്ള രോ​ഗ​ങ്ങ​ൾ ​ഇ​വ​രെ ബാ​ധി​ച്ചു​തു​ട​ങ്ങും. കൊ​ടും ചൂ​ടി​ൽ പാ​ത്ര​ങ്ങ​ളി​ൽ ക​ക്ക തി​ള​പ്പി​ച്ച് ത​ല്ലി​വേ​ർ​തി​രി​ക്കു​ന്ന​തും ഏ​റെ ദു​രി​തം​പി​ടി​ച്ച ജോ​ലി​ത​ന്നെ.

യ​ന്ത്ര​വ​ത്ക​ര​ണ​വും ക​ക്ക​വാ​ര​ൽ നി​യ​ന്ത്ര​ണ​ങ്ങ​ളും വ​ന്ന​തോ​ടെ ക​ക്ക​വാ​ര​ൽ തൊ​ഴി​ലാ​ളി​ക​ളും കു​ടും​ബ​ങ്ങ​ളും മ​റ്റ് തൊ​ഴി​ലു​ക​ളി​ലേ​ക്ക് തി​രി​ഞ്ഞു. പു​തി​യ ത​ല​മു​റ ഈ ​ദു​രി​ത​ത്തൊ​ഴി​ലി​ലേ​ക്ക് ക​ട​ന്നു വ​രു​ന്നു​മി​ല്ല. മാ​ത്ര​വു​മ​ല്ല ക​ക്ക​യു​ടെ ല​ഭ്യ​ത ന​ന്നേ കു​റ​യു​ക​യും ചെ​യ്യു​ന്നു. അ​വ​ശേ​ഷി​ക്കു​ന്ന ക​ക്കാ​വാ​ര​ൽ തൊ​ഴി​ലാ​ളി​ക​ൾ വേ​ന്പ​നാ​ട് കാ​യ​ലി​ൽ ക​ക്ക തേ​ടി മു​ങ്ങി​പ്പൊ​ങ്ങു​ന്ന​തു കാ​ണു​ന്പോ​ൾ അ​പ​ക​ടം നി​റ​ഞ്ഞ​തും അ​സാ​മാ​ന്യ ധൈ​ര്യം വേ​ണ്ട​തു​മാ​യ ഈ ​തൊ​ഴി​ലി​ന്‍റെ സാ​ഹ​സം മ​ന​സി​ലാ​കും.

ആ​ഴ​ങ്ങ​ളി​ൽ വെ​ള്ള​യും ക​റു​പ്പു​മാ​യി മ​റ​ഞ്ഞി​രി​ക്കു​ന്ന നി​ധി​യാ​ണ് കാ​യ​ൽ തൊ​ഴി​ലാ​ളി​ക​ൾ​ക്ക് ക​ക്ക. മു​ൻ​പ് ക​ക്കാ ചൂ​ള​ക​ളാ​യി​രു​ന്ന കാ​യ​ൽ തീ​ര​ങ്ങ​ളി​ൽ പ​ല ഇ​ട​ങ്ങ​ളി​ലും ഇ​ന്ന് റി​സോ​ർ​ട്ടു​ക​ളും ഹോം ​സ്റ്റേ​ക​ളും സ്ഥാ​നം പി​ടി​ച്ചി​രി​ക്കു​ന്നു. പ​തി​ന​ഞ്ചും ഇ​രു​പ​തും അ​ടി താ​ഴ്ച ഉ​ണ്ടാ​യി​രു​ന്ന ക​ക്കാ അ​ടി​ത്ത​ട്ടു​ക​ൾ എ​ട്ടും പ​ത്തും അ​ടി താ​ഴ്ച​യി​ലേ​ക്ക് ചു​രു​ങ്ങി.

ഓ​രോ വ​ർ​ഷ​ത്തെ​യും പ്ര​ള​യ​ങ്ങ​ൾ​ക്കു​പി​ന്ന​ലെ കാ​യ​ലി​ന്‍റെ സം​ഭ​ര​ണ​ശേ​ഷി​യു​ടെ പ​കു​തി​പോ​ലും വെ​ള്ളം വേ​ന്പ​നാ​ട് കാ​യ​ലി​ൽ സം​ഭ​രി​ക്ക​പ്പെ​ടു​ന്നി​ല്ല എ​ന്ന​താ​ണ് പ​ഴ​യ തൊ​ഴി​ലാ​ളി​ക​ളു​ടെ അ​നു​ഭ​വം. പ്ര​കൃ​തി​ക്ക് സ​ഹാ​യ​ക​ര​മാ​യ ഒ​രു തൊ​ഴി​ൽ ചെ​യ്തു​വ​ന്നി​രു​ന്ന​വ​രു​ടെ ഒ​രു ഗ്രാ​മ നി​ര​യാ​യി​രു​ന്നു വേ​ന്പ​നാ​ടി​ന്‍റെ പ​ടി​ഞ്ഞാ​റ​ൻ തീ​ര​ങ്ങ​ൾ.

ആ​ന്‍റ​ണി ആ​റി​ൽ​ചി​റച​ന്പ​ക്കു​ളം


Copyright @ 2022 , Rashtra Deepika Ltd.