അങ്ങനെ അതൊരു വായനശാലയായി
അ​തൊ​രു വേ​റി​ട്ട ഉ​ദ്യ​മ​മാ​യി​രു​ന്നു. പ​ല​രി​ൽ​നി​ന്നു വാ​ങ്ങി​യ ഒ​ന്നു​ം ര​ണ്ടും പു​സ്ത​ക​ങ്ങ​ൾ ചേ​ർ​ത്തു വെ​ച്ചൊ​രു ലൈ​ബ്ര​റി .ഒ​രു വേ​ള, ഒ​രി​ക്ക​ലും ന​ട​പ്പി​ലാ​ക്കാ​നാ​കി​ല്ലെ​ന്ന് വി​ചാ​രി​ച്ച സ്വ​പ്നം. പ​ക്ഷെ, തീ​രു​മാ​നം ഉ​റ​ച്ച​താ​യി​രു​ന്നു. കോ​വി​ഡ്-19 തീ​ർ​ത്ത ലോ​ക്ഡൗ​ണ്‍ കാ​ല​മാ​ണ്. പു​റ​ത്തി​റ​ങ്ങാ​ൻ പ​റ്റാ​ത്ത നി​മി​ഷ​ങ്ങ​ൾ. പക്ഷേ, അ​ത് തി​രു​വ​ന​ന്ത​പു​രം ക​ര​മ​ന, മേ​ലാ​റ​ന്നൂ​ർ ഗ​വ. ക്വാ​ർ​ട്ടേ​ഴ്സി​നു ന​ൽ​കി​യ​ത് ര​ണ്ടാ​യി​ര​ത്തോ​ളം പു​സ്ത​ക​ങ്ങ​ളു​ള്ള ലൈ​ബ്ര​റി​യാ​ണ്.

തു​ട​ക്കം

തി​രു​വ​ന​ന്ത​പു​രം പ​ബ്ലി​ക് ലൈ​ബ്ര​റി​യി​ലെ സീ​നി​യ​ർ ലൈ​ബ്രേ​റി​യ​ൻ അ​ശോ​ക​ൻ പു​തു​പ്പാ​ടി​യാ​ണ് കോ​വി​ഡ് കാ​ല​ത്തെ വി​ജ്ഞാ​ന​ത്തി​നു നീ​ക്കി​വെ​ച്ച​ത്. താ​ൻ താ​മ​സി​ക്കു​ന്ന ഗ​വ. ക്വാ​ർ​ട്ടേ​ഴ്സി​ൽ ഒ​രു ലൈ​ബ്ര​റി തു​ട​ങ്ങ​ണ​മെ​ന്ന ആ​ഗ്ര​ഹം റെ​സി​ഡ​ൻ​സ് അ​സോ​സി​യേ​ഷ​നെ അ​ശോ​ക​ൻ അ​റി​യി​ച്ച​ത് മൂ​ന്ന് വ​ർ​ഷ​ങ്ങ​ൾ​ക്കു മു​ന്പാ​ണ്. ലൈ​ബ്ര​റി എ​ന്ന ആ​ശ​യം പ​റ​ഞ്ഞ​പ്പോ​ൾ വാ​യ​ന​ക്കാ​രി​യാ​യ ജി. ​ഗോ​മ​തി 600 പു​സ്ത​ക​ങ്ങ​ൾ ത​ന്നു. ആ ​പു​സ്ത​ക​ങ്ങ​ൾ വെ​ച്ച് 2017ൽ ​ത​ന്നെ ലൈ​ബ്ര​റി തു​ട​ങ്ങി. അ​തി​ന്‍റെ പ്ര​വ​ർ​ത്ത​നം സാ​വ​കാ​ശം നി​ല​ച്ചു. ഒ​രു ലൈ​ബ്ര​റി ഉ​ണ്ടാ​യി​രു​ന്നു എ​ന്ന കാ​ര്യംപോലും എ​ല്ലാ​വ​രും മ​റ​ന്നു.

കോവിഡ് സമയം

മ​ഹാ​മാ​രി നാ​ടാ​കെ ന​ടു​ക്കം വി​ത​ച്ച​പ്പോ​ൾ മു​ട​ങ്ങി​പ്പോ​യ ത​ന്‍റെ ലൈ​ബ്ര​റി സ്വ​പ്ന​ങ്ങ​ളു​ടെ ഇ​ഴ​ക​ൾ ചേ​ർ​ത്തു മു​ട്ടി​ക്കു​ന്ന ജോ​ലി​യി​ലാ​യി​രു​ന്നു അ​ശോ​ക​ൻ. ദി​വ​സ​വും ജോ​ലി​ക്കി​റ​ങ്ങു​ന്ന​തു​പോ​ലെ രാ​ജീ​വ് ന​ഗ​ർ റെ​സി​ഡ​ൻ​സ് അ​സോ​സി​യേ​ഷ​ൻ ഹാ​ളി​ൽ​ചെ​ന്ന് കി​ട്ടി​യ പു​സ്ത​ങ്ങ​ൾ ര​ജി​സ്റ്റ​റി​ൽ ചേ​ർ​ത്തു തു​ട​ങ്ങി. പി​ന്നീ​ട് ക​ന്പ്യു​ട്ട​റൈ​സ്ഡ് ചെ​യ്യ​ണ​മെ​ങ്കി​ലും ഉ​പ​കാ​ര​പ്പെ​ടു​ന്ന​ത​ര​ത്തി​ൽ പ​ത്തോ​ളം വി​വ​ര​ങ്ങ​ൾ വെ​ച്ചാ​ണ് ര​ജി​സ്റ്ററി​ൽ എ​ഴു​തി​ച്ചേ​ർ​ത്ത​ത്. നോ​വ​ൽ, ക​ഥ, ക​വി​ത, ലേ​ഖ​ന​ങ്ങ​ൾ, മ​ത്സ​ര​പ​രീ​ക്ഷാ​ഗ്ര​ന്ഥ​ങ്ങ​ൾ ഉ​ൾ​പ്പെ​ടെ ആ​യി​ര​ത്തോ​ളം പു​സ്ത​ങ്ങ​ളാ​ണ് ആ​ദ്യ​ഘ​ട്ട​ത്തി​ൽ ഉ​ണ്ടാ​യി​രു​ന്ന​ത്. കൂ​ടു​ത​ൽ പു​സ്ത​ങ്ങ​ൾ​ക്കാ​യി സ​മീ​പി​ച്ച​ത് തി​രു​വ​ന​ന്ത​പു​ര​ത്തെ എ​ഴു​ത്തു​കാ​രെ​യാ​ണ്. പു​സ്ത​ങ്ങ​ൾ ത​ര​ണ​മെ​ന്ന അ​ഭ്യ​ർ​ഥ​ന എ​ല്ലാ പ​ത്ര​ങ്ങ​ളി​ലും കൊ​ടു​ത്തു. അ​തി​നു ഫ​ല​മു​ണ്ടാ​യി. എ​ഴു​ന്നൂ​റോ​ളം പു​സ്ത​ക​ങ്ങ​ളാ​ണ് പ​ല​രും സം​ഭാ​വ​ന​യാ​യി ന​ൽ​കി​യ​ത്. പ​ല​തും പ​ഴ​യ പു​സ്ത​ക​ങ്ങ​ളാ​യ​തി​നാ​ൽ ബൈ​ൻ​ഡിം​ഗ് ജോ​ലി ത​ന്നെ ധാ​രാ​ള​മാ​യു​ണ്ടാ​യി​രു​ന്നു. ബൈ​ൻ​ഡ് ചെ​യ്ത്, ര​ജി​സ്റ്റ​റി​ൽ ചേ​ർ​ത്ത് ഷെ​ൽ​ഫി​ൽ അ​ടു​ക്കി​യ​പ്പോ​ൾ എ​ന്തെ​ന്നി​ല്ലാ​ത്ത ഭം​ഗി. ഇ​ത്ത​ര​മൊ​രു ശേ​ഖ​ര​മു​ണ്ടാ​യ​പ്പോ​ൾ റ​സി​ഡ​ൻ​സ് അ​സോ​സി​യേ​ഷ​നും ഉ​ത്സാ​ഹ​മാ​യി. ഷെ​ൽ​ഫു​ക​ൾ വാ​ങ്ങാ​നും പു​സ്ത​ക​ശേ​ഖ​ര​ണ​ത്തി​നും ഭാ​ര​വാ​ഹി​ക​ൾ നേ​രി​ട്ടി​റ​ങ്ങി. അ​സോ​സി​യേ​ഷ​ൻ പ്ര​സി​ഡ​ന്‍റ് എ. ​എ​സ് അ​ജ​യ​കു​മാ​ർ, സെ​ക്ര​ട്ട​റി ആ​ർ. ര​വീ​ന്ദ്ര​ൻ, ര​ക്ഷാ​ധി​കാ​രി എം.​എ ബാ​ല​കൃ​ഷ്ണ​ൻ, വ​നി​താ​വി​ഭാ​ഗം ക​ണ്‍​വീ​ന​ർ റീ​ജാ നാ​വ​ല്ലൂ​ർ, മു​ൻ പ്ര​സി​ഡ​ന്‍റ് കാ​സ​ർ​ഗോ​ഡ് വി​ജ​യ​ൻ, ഭാ​ര​വാ​ഹി​ക​ളാ​യ ബി​ജു​മോ​ൻ, ര​മേ​ശ​ൻ എ​ന്നി​വ​ർ ഒ​ത്തുചേ​ർ​ന്ന് പ്ര​വ​ർ​ത്തി​ച്ച​പ്പോ​ൾ പു​സ്ത​ക​ങ്ങ​ളും ഷെ​ൽ​ഫു​ക​ളു​മാ​യി.

വാ​യ​ന​യെ​ന്ന യാ​ഥാ​ർ​ഥ്യം

2020 ലെ ​വാ​യ​നാ​ദി​ന​ത്തി​ൽ ലൈ​ബ്ര​റി വാ​യ​ന​ക്കാ​ർ​ക്കാ​യി തു​റ​ന്നു കൊ​ടു​ത്ത​ത് ഡോ. ​ശ​ശി ത​രൂ​ർ എം.പി യാ​യി​രു​ന്നു. ഡ​ൽ​ഹി​യി​ൽ നി​ന്ന് സൂം ​ആ​പ്പ് വ​ഴി​യാ​ണ് അ​ദ്ദേ​ഹം ഉ​ദ്ഘാ​ട​നം നി​ർ​വ​ഹി​ച്ച​ത്. ഡോ. ​എം.ആ​ർ ത​ന്പാ​ൻ, ഡോ. ​വി​ള​ക്കു​ടി രാ​ജേ​ന്ദ്ര​ൻ, എ​ൻ .ബാ​ല​ഗോ​പാ​ൽ, ജി. ​ഗോ​മ​തി, കെ.​ആ​ർ ക്ലീ​റ്റ​സ് എ​ന്നി​വ​ർ ച​ട​ങ്ങി​ൽ സം​ബ​ന്ധി​ച്ചു.

കേ​ര​ള​ത്തി​ലെ സ​ർ​ക്കാ​ർ ജീ​വ​ന​ക്കാ​രു​ടെ ഏ​റ്റ​വും വ​ലി​യ പാ​ർ​പ്പി​ട​സ​മു​ച്ച​യ​മാ​ണ് മേ​ലാ​റ​ന്നൂ​ർ ഗ​വ. ക്വാ​ർ​ട്ടേ​ഴ്സ്. വ്യ​ത്യ​സ്ത ത​ല​ത്തി​ലു​ള്ള 650 കു​ടും​ബ​ങ്ങ​ൾ​ക്കും അ​തി​ലെ ര​ണ്ടാ​യി​ര​ത്തോ​ളം വാ​യ​ന​ക്കാ​ർ​ക്കു​മാ​യി വ്യ​ത്യ​സ്ത ത​ല​ത്തി​ലു​ള്ള ലൈ​ബ്ര​റി​യാ​ണ് അ​ശോ​ക​ൻ വി​ഭാ​വ​നം ചെ​യ്ത​ത്. അ​തി​നാ​യി സാ​ധാ​ര​ണ ലൈ​ബ്ര​റി​യി​ൽ നി​ന്നു വ​ഴി​മാ​റി ഇ- ​വാ​യ​ന​യി​ലേ​ക്കും കൂ​ടി വാ​യ​ന​ക്കാ​രെ ന​യി​ക്കാ​നു​ള്ള ശ്ര​മ​ത്തി​ലാ​ണ് ഭാ​ര​വാ​ഹി​ക​ൾ. നാ​ഷ​ണ​ൽ ഡി​ജി​റ്റ​ൽ ലൈ​ബ്ര​റി​യു​ടെ അ​ഞ്ച് കോ​ടി​യോ​ള​മു​ള്ള ഗ്ര​ന്ഥ​ശേ​ഖ​ര​ങ്ങ​ളി​ൽ​നി​ന്ന് ഇ- ​ലേ​ണിം​ഗിനു​ള്ള സെ​ന്‍റ​ർ ന​ട​ത്താ​നു​ള്ള ശ്ര​മവും പൂ​ർ​ത്തി​യാ​യി വ​രു​ന്നു. കോ​വി​ഡ് ഭീ​തി​യി​ൽ നാ​ടാ​കെ വി​റ​ങ്ങ​ലി​ച്ചു നി​ൽ​ക്കു​ന്പോ​ൾ ചെ​റു​തെ​ങ്കി​ലും വ്യ​ത്യ​സ്ത​മാ​യ ലൈ​ബ്ര​റി ഒ​രു​ക്കി​യ​തി​ന്‍റെ സ​ന്തോഷ​ത്തി​ലാ​ണ് ഭാ​ര​വാ​ഹി​ക​ൾ.

പി. ​ശോ​ഭ​ന ഉ​ണ്ണി





Copyright @ 2021 , Rashtra Deepika Ltd.