ക്യാ​ന്പി​ലെ ആ​ദ്യ​ത്തെ വി​ശു​ദ്ധ കു​ർ​ബാ​ന
അ​ൾ​ത്താ​ര​യാ​യി ര​ണ്ടു മേ​ശ​ക​ൾ. ഒ​രു പു​ത​പ്പാ​ണ് അ​ൾ​ത്താ​ര​വി​രി. അ​ൾ​ത്താ​ര​യ്ക്കു പി​ന്നി​ൽ ഭി​ത്തി​യി​ൽ ഒ​രു കു​രി​ശു വ​ര​ച്ചി​ട്ടു​ണ്ട്. ഓ​രോ ത​ടി​ക്ക​ഷ​ണ​ത്തി​ൽ ഉ​റ​പ്പി​ച്ച ര​ണ്ടു മെ​ഴു​കു​തി​രി​ക​ൾ. ഒ​രു ക്രൂ​ശി​ത​രൂ​പ​വും അ​ൾ​ത്താ​ര​യി​ലു​ണ്ട്.

ര​ണ്ടാം ലോ​ക​മ​ഹാ​യു​ദ്ധ​കാ​ല​ത്ത് നാ​സി​സ​ത്തെ എ​തി​ർ​ത്ത​തി​ന്‍റെ പേ​രി​ൽ ത​ട​വ​റ​ക​ളി​ൽ അ​ട​യ്ക്ക​പ്പെ​ട്ട ക​ത്തോ​ലി​ക്കാ​വൈ​ദി​ക​ർ ആ​യി​ര​ക്ക​ണ​ക്കി​നാ​ണ്. ജ​ർ​മ​നി​യി​ലെ മ്യൂ​ണി​ക്കി​ന​ടു​ത്ത് ഡാ​ഹാ​വ് പ​ട്ട​ണ​ത്തി​ലെ കോ​ൺ​സ​ൻ​ട്രേ​ഷ​ൻ ക്യാ​ന്പി​ലെ അന്തേവാസിയായിരുന്ന ല​ക്സം​ബ​ർ​ഗ് സ്വ​ദേ​ശി​ ഫാ. ​ജീ​ൻ ബ​ർ​ണാ​ർഡിന്‍റെ അ​നു​ഭ​വ​ങ്ങ​ളാ​ണ് ത​ട​വ​റ സ്മ​ര​ണ​ക​ൾ എ​ന്ന അ​ത്മ​ക​ഥാ കു​റി​പ്പു​ക​ൾ.

അ​ങ്ങ​നെ ആ ​സു​ദി​നം വ​ന്നെ​ത്തി. ഞാ​ൻ ആ​കാം​ക്ഷ​യോ​ടെ കാ​ത്തു​കാ​ത്തി​രു​ന്ന ദി​നം: കോ​ണ്‍​സ​ൻ​ട്രേ​ഷ​ൻ ക്യാ​ന്പി​ലെ എ​ന്‍റെ ആ​ദ്യ​ത്തെ വി​ശു​ദ്ധ കു​ർ​ബാ​ന​യു​ടെ ദി​നം.

അ​ന്നു ത​ല​യെ​ണ്ണ​ലി​നു​ശേ​ഷം ഞ​ങ്ങ​ളെ​ല്ലാ​വ​രും- അ​താ​യ​ത് വൈ​ദി​ക​ർ​ക്കു​വേ​ണ്ടി​യു​ള്ള ബാരക്കുക​ളി​ലെ അം​ഗ​ങ്ങ​ളെ​ല്ലാം- 26-ാം ന​ന്പ​ർ ബാ​ര​ക്കി​ലെ ഒ​ന്നാം​ന​ന്പ​ർ മു​റി​യി​ലെ​ത്തി. പ​ക​ൽ​മു​റി​യും കി​ട​പ്പു​മു​റി​യും ത​മ്മി​ൽ വേ​ർ​തി​രി​ക്കു​ന്ന താത്കാ​ലി​ക​ഭി​ത്തി മാ​റ്റി​യി​രി​ക്കു​ന്നു. ഈ ​മു​റി​ക്ക് ഇ​പ്പോ​ൾ 60 അ​ടി നീ​ള​വും 30 അ​ടി വീ​തി​യും കാ​ണും.

നെ​ടി​യ വ​ശ​ത്തെ ഭി​ത്തി​ക​ളി​ൽ ജ​നാ​ല​ക​ൾ. അ​ൾ​ത്താ​ര​യാ​യി ര​ണ്ടു മേ​ശ​ക​ൾ. ഒ​രു പു​ത​പ്പാ​ണ് അ​ൾ​ത്താ​ര​വി​രി. അ​ൾ​ത്താ​ര​യ്ക്കു പി​ന്നി​ൽ ഭി​ത്തി​യി​ൽ ഒ​രു കു​രി​ശു വ​ര​ച്ചി​ട്ടു​ണ്ട്. ഓ​രോ ത​ടി​ക്ക​ഷ​ണ​ത്തി​ൽ ഉ​റ​പ്പി​ച്ച ര​ണ്ടു മെ​ഴു​കു​തി​രി​ക​ൾ. ഒ​രു ക്രൂ​ശി​ത​രൂ​പ​വും അ​ൾ​ത്താ​ര​യി​ലു​ണ്ട്.

ഇ​തെ​ല്ലാം ശ​ര​വേ​ഗ​ത്തി​ൽ പൂ​ർ​ത്തി​യാ​യി. ഹാ​ൾ നി​റ​ഞ്ഞു. വാ​തി​ല​ന​രി​കെ ഒ​രു ചെ​റി​യ പാ​ത്ര​ത്തി​ൽ തീ​രെ​ച്ചെ​റി​യ ഓ​സ്്തി​ക്ക​ഷ​ണ​ങ്ങ​ൾ. ചെ​റി​യ ഓ​സ്തി​യു​ടെ നാ​ലി​ലൊ​ന്നു​പോ​ലും വ​രി​ല്ല. മു​റി​യി​ലേ​ക്കു ക​യ​റു​ന്ന​വ​ർ അ​തി​ലോ​രോ​ന്ന് എ​ടു​ത്തു. ന​ല്ല തി​ര​ക്കു​ള്ള ബ​സി​ൽ യാ​ത്ര​ക്കാ​ർ തി​ങ്ങി​ഞെ​രു​ങ്ങി നി​ൽ​ക്കും​പോ​ലെ ഞ​ങ്ങ​ൾ ഹാ​ളി​ൽ നി​ല​യു​റ​പ്പി​ച്ചു.

പോ​ളീ​ഷ് പ​ട്ടാ​ള​ത്തി​ലെ മു​ൻ ചാ​പ്ലൈ​ൻ ആ​യി​രു​ന്ന ഒ​രു പോ​ള​ണ്ടു​കാ​ര​ൻ അ​ച്ച​നാ​ണ് എ​ല്ലാ​ത്ത​വ​ണ​യും മു​ഖ്യ​കാ​ർ​മി​ക​ൻ. അ​ദ്ദേ​ഹ​ത്തി​നു മാ​ത്ര​മാ​ണ് അ​തി​നു​ള്ള അ​നു​വാ​ദം. അ​ത്യാ​വ​ശ്യം വേ​ണ്ട തി​രു​വ​സ്ത്ര​ങ്ങ​ളും ഓ​സ്തി​യും വീ​ഞ്ഞും ഡാ​ഹാ​വ് പ​ട്ട​ണ​ത്തി​ലെ ഇ​ട​വ​ക​പ്പ​ള്ളി​ക​ളു​ടെ സ​മ്മാ​ന​മാ​ണ്.

തി​രു​ക്ക​ർ​മം ആ​രം​ഭി​ക്കു​ന്നു. വേ​ഗ​ം കൂ​ടു​ത​ലാ​ണ്. ഞ​ങ്ങ​ളെ​ല്ലാ​വ​രും അ​സ്വ​സ്ഥ​രും ഉ​ൽ​ക്ക​ണ്ഠാ​കു​ല​രും. വി​ശു​ദ്ധ കു​ർ​ബാ​ന അ​നു​വ​ദി​ക്ക​പ്പെ​ട്ടി​ട്ടി​ല്ല, അ​ധി​കാ​രി​ക​ൾ ക​ണ്ണ​ട​യ്ക്കു​ന്ന​തേ ഉ​ള്ളു എ​ന്ന് എ​ല്ലാ​വ​ർ​ക്കും അ​റി​യാം. എ​പ്പോ​ൾ വേ​ണ​മെ​ങ്കി​ലും വി​ശു​ദ്ധ കു​ർ​ബാ​ന ത​ട​സ​പ്പെ​ടാം.

ഏ​റ്റ​വും പി​ന്നി​ൽ മേ​ൽ​നോ​ട്ട​ചു​മ​ത​ല​യു​ള്ള മു​ഖ്യ​​ൻ നി​ല്പു​ണ്ട്. തൊ​പ്പി അ​യാ​ൾ ത​ല​യി​ൽ​നി​ന്നു മാ​റ്റി​യി​ട്ടി​ല്ല. ഒ​രു പ്ര​ശ്ന​മു​ണ്ടാ​ക്കാ​ൻ അ​യാ​ൾ കാ​ത്തു​നി​ൽ​ക്കു​ക​യാ​ണെ​ന്നു തോ​ന്നു​ന്നു.

മു​ഖ്യ​കാ​ർ​മി​ക​ൻ പ്രാ​ർ​ഥ​ന​ക​ളെ​ല്ലാം ഉ​ച്ച​ത്തി​ലാ​ണു ചൊ​ല്ലു​ന്ന​ത്. ഞ​ങ്ങ​ളെ​ല്ലാ​വ​രും ശ​ബ്ദം കു​റ​ച്ചും. കാ​ഴ്ച​വ​യ്പി​ന്‍റെ സ​മ​യ​മാ​യ​പ്പോ​ൾ ഞ​ങ്ങ​ൾ ഓ​സ്തി​ക്ക​ഷ​ണ​ങ്ങ​ളു​മാ​യി കൈ​ക​ൾ ഉ​യ​ർ​ത്തി. കൂ​ദാ​ശാ​വ​ച​ന​ങ്ങ​ൾ ഉ​ച്ച​രി​ക്കും​മു​ന്പ് ആ​രോ എ​ന്‍റെ ഉ​ടു​പ്പി​ൽ വ​ലി​ക്കു​ന്ന​തു​പോ​ലെ തോ​ന്നി.

"പ്രോ​ഷെ,’ അ​ദ്ദേ​ഹം പോ​ളീ​ഷ് ഭാ​ഷ​യി​ൽ പ​റ​യു​ക​യാ​ണ്; "പ്ലീ​സ്’. പി​ന്നെ അ​ദ്ദേ​ഹം ത​ന്‍റെ കൈ​യി​ലു​ണ്ടാ​യി​രു​ന്ന ഓ​സ്തി​ക്ക​ഷ​ണം എ​ന്‍റെ കൈ​യി​ൽ​വ​ച്ചു​ത​ന്നു. അ​ദ്ദേ​ഹം ഒ​രു വൈ​ദി​ക​ൻ ആ​യി​രു​ന്നി​ല്ലെ​ന്നു തോ​ന്നു​ന്നു. ഒ​രു ശെ​മ്മാ​ശ്ശ​നോ സ​ന്യാ​സാ​ർ​ഥി​യോ ആ​യി​രി​ക്കാം. കാ​ര​ണം വൈ​ദി​ക​രു​ടെ കൈ​യി​ലു​ള്ള ഓ​സ്തി​ക​ളു​ടെ​മേ​ൽ മാ​ത്ര​മേ മു​ഖ്യ​കാ​ർ​മി​ക​ൻ നി​യോ​ഗം വ​ച്ചി​ട്ടു​ള്ളു.

"ഇ​ത് എ​ന്‍റെ ശ​രീ​ര​മാ​കു​ന്നു.’ എ​ന്‍റെ കൈ​വെ​ള്ള​യി​ലെ ര​ണ്ട് ഓ​സ്തി​ക്ക​ഷ​ണ​ങ്ങ​ളി​ലേ​ക്കു ഞാ​ൻ നോ​ക്കി. ആ​ർ​ക്കു​വേ​ണ്ടി​യാ​ണോ ഞ​ങ്ങ​ൾ ഈ ​സ​ഹ​ന​ങ്ങ​ൾ ഏ​റ്റു​വാ​ങ്ങു​ന്ന​ത്, അ​വി​ടു​ന്ന് ഇ​താ ഞ​ങ്ങ​ളു​ടെ മ​ധ്യ​ത്തി​ൽ. അ​തു​പോ​ലെ ദി​വ്യ​ര​ക്ഷ​ക​ന്‍റെ ദി​വ്യ​യാ​ഗ​ത്തോ​ട് ഹൃ​ദ​യ​ങ്ങ​ളി​ൽ സാ​ത്മീ​ഭ​വി​ച്ചു​കൊ​ണ്ടി​രി​ക്കു​ന്ന നൂ​റു​ക​ണ​ക്കി​നു വൈ​ദി​ക​ർ. എ​ന്‍റെ ക​വി​ളി​ലൂ​ടെ ക​ണ്ണീ​ർ പ്ര​വ​ഹി​ച്ചു. ഇ​വ​യെ​ല്ലാം​കൂ​ടി, സ്വ​ർ​ഗ​ത്തെ​യും ഭൂ​മി​യെ​യും കൂ​ട്ടി​യി​ണ​ക്കു​ന്ന ഒ​രേ​യൊ​രു ദി​വ്യാ​ർ​ച്ച​ന​യാ​യി ഭ​വി​ക്കു​ക​യാ​ണ്.

വൈ​ദി​ക​ര​ല്ലാ​ത്ത ത​ട​വു​കാ​രാ​ണ് വി​ശു​ദ്ധ കു​ർ​ബാ​ന സ്വീ​ക​രി​ക്കാ​നു​ള്ള അ​ല്മാ​യ​ർ. ചെ​റി​യ ചെ​റി​യ തി​രു​വോ​സ്തി​ക്ക​ഷ​ണ​ങ്ങ​ൾ അ​വ​ർ​ക്കു ന​ൽ​കി.

ആ ​വൈ​ദി​ക​ക്കൂ​ട്ടാ​യ്മ​യി​ൽ ആ​ശ്വാ​സ​ത്തി​ന്‍റെ ഒ​രു സ​മു​ദ്രം​ത​ന്നെ വ​ർ​ഷി​ക്ക​പ്പെ​ട്ട​തു​പോ​ലെ. പു​തി​യ സ​ഹ​ന​ങ്ങ​ൾ സ​ന്തോ​ഷ​പൂ​ർ​വം ഏ​റ്റെ​ടു​ക്കാ​നു​ള്ള സാ​ന്ത്വ​ന​വും പ്ര​ത്യാ​ശ​യും ശ​ക്തി​യും കൈ​വ​ന്ന​തു​പോ​ലെ.
****

"പേ​ൻ​പ​രി​ശോ​ധ​ന.’

വി​ശു​ദ്ധ കു​ർ​ബാ​ന​യ്ക്കു​ശേ​ഷം ഞ​ങ്ങ​ൾ ഉ​പ​കാ​ര​സ്മ​ര​ണ ന​ട​ത്തു​ന്പോ​ൾ ബാ​ര​ക്ക് ത​ല​വ​ൻ വി​ളി​ച്ചു​പ​റ​യു​ന്ന​തു​കേ​ട്ടു. അ​തി​വേ​ഗം ഞ​ങ്ങ​ൾ ഹാ​ൾ പ​ഴ​യ പ​ടി​യി​ലാ​ക്കി. എ​ല്ലാ​വ​രും പു​റ​ത്തേ​ക്കു ക​ട​ക്കാ​ൻ തി​ര​ക്കു​കൂ​ട്ടി.

ഞ​ങ്ങ​ളു​ടെ മു​റി​യി​ൽ മേ​ലാ​ൾ ത​ട​വു​കാ​ര​ൻ ഒ​രു സ്റ്റൂ​ളിൽ അ​തി​പ്ര​ധാ​ന​മാ​യ​തെ​ന്തോ ചെ​യ്യു​ക​യാ​ണെ​ന്ന ഭാ​വ​ത്തി​ൽ ഇ​രി​പ്പു​ണ്ട്. എ​ല്ലാ​വ​രു​ടെ​യും പേ​രെ​ഴു​തി​യ ഒ​രു ക​ട​ലാ​സും പേ​ന​യും കൈ​യി​ലു​ണ്ട്. തി​രു​മ​ന​സി​ന്‍റെ മു​ന്പാ​കെ വ​സ്ത്ര​ങ്ങ​ളെ​ല്ലാ​മ​ഴി​ച്ച് ഞ​ങ്ങ​ൾ ഓ​രോ​രു​ത്ത​രും നി​ര​യാ​യി നീ​ങ്ങ​ണം. ശ​രീ​ര​ത്തി​ന്‍റെ ചി​ല ഭാ​ഗ​ങ്ങ​ൾ അ​വ​ർ​ക്കു സൂ​ക്ഷ്മ​മാ​യി പ​രി​ശോ​ധി​ക്ക​ണം. പേ​നോ ചൊ​റി​യോ ഇ​ല്ലെ​ന്നു ബോ​ധ്യ​പ്പെ​ട​ണ​മ​ല്ലോ.

ചി​ല​പ്പോ​ൾ അ​യാ​ൾ അ​യ​ൽ​ബാ​ര​ക്കി​ലെ മേ​ലാ​വി​നെ​ക്കൂ​ടി വി​ളി​ക്കും. ഈ ​വി​ചി​ത്ര പ​രി​ശോ​ധ​ന​യ്ക്ക്. അ​യാ​ളു​ടെ കീ​ഴി​ലു​ള്ള ത​ട​വു​കാ​ർ പ​ണി​സ്ഥ​ല​ത്താ​യ​തി​നാ​ൽ പ്ര​ത്യേ​കി​ച്ചു പ​ണി​യൊ​ന്നു​മി​ല്ല. അ​വ​രു​ടെ ത​മാ​ശ​ക​ൾ ഇ​വി​ടെ ഉ​ദ്ധ​രി​ക്കാ​ൻ മാ​ത്രം സ​ഭ്യ​മ​ല്ല.

"ഈ ​പ​രി​ശോ​ധ​ന കൂ​ടെ​ക്കൂ​ടെ​യു​ണ്ടോ?’ ഞാ​നൊ​രു സ​ഹ​ത​ട​വു​കാ​ര​നോ​ടു ചോ​ദി​ച്ചു.
"മ​റ്റു ബാ​ര​ക്കു​ക​ളി​ൽ വ​ല്ല​പ്പോ​ഴും മാ​ത്രം. ചി​ല​പ്പോ​ൾ ഞാ​യ​റാ​ഴ്ച​ക​ളി​ൽ. ഇ​വി​ടെ ദി​വ​സേ​ന​യു​ണ്ട്. അ​ച്ച​ന്മാ​ർ ഈ ​പ​രി​ശോ​ധ​ന​യു​ടെ ഇ​ര​ക​ളാ​ണ്.’

പ​ക്ഷേ, ഈ ​പ​രി​ശോ​ധ​ന​ക​ൾ ഞ​ങ്ങ​ൾ​ക്ക് ഒ​രു​പ​ദ്ര​വവും ചെ​യ്യു​ന്നി​ല്ല. സ്വ​ർ​ഗം ഞ​ങ്ങ​ളു​ടെ ഹൃ​ദ​യ​ങ്ങ​ളി​ലു​ണ്ട്. അ​ടു​ത്ത മു​റി​യി​ൽ നാ​ഥ​ൻ വ​സി​ക്കു​ന്നു​ണ്ട് (ഒ​രു മേ​ശ​വ​ലി​പ്പി​ൽ); ഞ​ങ്ങ​ളു​ടെ മ​ധ്യ​ത്തി​ൽ​ത്ത​ന്നെ. (തുടരും)

തടവറ സ്മരണകൾ /
ഫാ. ​ജീ​ൻ ബെ​ർ​നാ​ർ​ഡ്
പരിഭാഷ: ഡോ. ​വ​ർ​ഗീ​സ് പു​ളി​മ​രം


Copyright @ 2022 , Rashtra Deepika Ltd.