പാ​ട്ട്, കൈ​പി​ടി​ക്കാ​നും ക​ണ്ണീ​രൊ​പ്പാ​നും...
സ​ഫ​ർ എ​ന്ന ചി​ത്ര​ത്തി​ന്‍റെ ക​ഥ സം​ഗീ​ത​സം​വി​ധാ​യ​ക​രാ​യ ക​ല്യാ​ണ്‍​ജി- ആ​ന​ന്ദ്ജി ദ്വ​യ​ത്തെ പ​റ​ഞ്ഞു​കേ​ൾ​പ്പി​ക്കു​ക​യാ​ണ് സം​വി​ധാ​യ​ക​ൻ അ​സി​ത് സെ​ൻ. ക​ഥ​യ​റി​ഞ്ഞു വേ​ണ​മ​ല്ലോ പാ​ട്ടു​ണ്ടാ​ക്കാ​ൻ. ഇ​ട​യ്ക്കെ​പ്പോ​ഴോ അ​സി​ത് ഇ​ങ്ങ​നെ പ​റ​ഞ്ഞു: വി​ധി എ​ന്താ​ണെ​ന്ന് ആ​ർ​ക്കു​മ​റി​യി​ല്ല.. ഞാ​നൊ​രു ബം​ഗാ​ളി​യാ​ണ്. നി​ങ്ങ​ൾ ഗു​ജ​റാ​ത്തി​ൽ​നി​ന്നു​ള്ള​വ​ർ.. നോ​ക്കൂ, ന​മ്മ​ൾ ഒ​രു​മി​ച്ചി​രു​ന്ന് ഒ​രു ഹി​ന്ദി പാ​ട്ടി​നെ​ക്കു​റി​ച്ച് ച​ർ​ച്ച​ചെ​യ്യു​ക​യാ​ണ്. ഇ​തി​നെ​യാ​ണ് ശ​രി​ക്കും യാ​ദൃ​ച്ഛി​ക​മെ​ന്നൊ​ക്കെ പ​റ​യു​ന്ന​ത്! അ​ങ്ങ​നെ​യാ​ണ് കി​ഷോ​ർ കു​മാ​ർ പാ​ടി​യ പ്ര​ശ​സ്ത​മാ​യ സി​ന്ദ​ഗീ കാ ​സ​ഫ​ർ എ​ന്ന പാ​ട്ടു​ണ്ടാ​യ​ത്.

വി​ധി, അ​ല്ലെ​ങ്കി​ൽ നി​യോ​ഗം അ​വി​ടം​കൊ​ണ്ട് തീ​രു​ന്നി​ല്ല. ബം​ഗാ​ളി​യു​ടെ സി​നി​മ​യ്ക്കു​വേ​ണ്ടി ഗു​ജ​റാ​ത്തി​ക​ൾ ഉ​ണ്ടാ​ക്കി​യ ഹി​ന്ദി പാ​ട്ട് അ​ടു​ത്ത ശ​നി​യാ​ഴ്ച കോ​ഴി​ക്കോ​ട്ടു​കാ​ർ പാ​ടി​ക്കേ​ൾ​ക്കാ​ൻ പോ​കു​ന്നു. ക​ല്യാ​ണ്‍​ജി- ആ​ന​ന്ദ്ജി സ​ഹോ​ദ​രന്മാ​രി​ലെ ക​ല്യാ​ണ്‍​ജി ഇ​ന്നി​ല്ല. എ​ന്നാ​ൽ ആ​ന​ന്ദ്ജി എ​ന്ന പ​ത്മ​ശ്രീ ആ​ന​ന്ദ്ജി വീ​ർ​ജി ഷാ ​ശ​നി​യാ​ഴ്ച കോ​ഴി​ക്കോ​ടി​ന്‍റെ ക​ട​പ്പു​റ​ത്തു​ണ്ടാ​വും. ത​ന്‍റെ പാ​ട്ടു​ക​ളു​ടെ ആ​വി​ഷ്കാ​രം എ​ണ്‍​പ​ത്താ​റു​കാ​ര​നാ​യ അ​ദ്ദേ​ഹം സം​ഗീ​ത​പ്രേ​മി​ക​ൾ​ക്കൊ​പ്പം മ​ന​സു​നി​റ​യെ കേ​ൾ​ക്കും. അ​ദ്ദേ​ഹ​ത്തോ​ടൊ​പ്പം ഓ​ർ​ക്ക​സ്ട്ര ക​ണ്ട​ക്ട് ചെ​യ്ത് ഒ​രു തൃ​ശൂ​ർ​ക്കാ​ര​നു​മു​ണ്ടാ​വും.

സരിഗ ​"മാ'

കോ​ഴി​ക്കോ​ട് ആ​സ്ഥാ​ന​മാ​യു​ള്ള മ്യൂ​സി​ക് ആ​ർ​ട്ടി​സ്റ്റ്സ് അ​സോ​സി​യേ​ഷ​ൻ (മാ) ​പ​ത്തു​വ​യ​സി​ന്‍റെ നി​റ​വി​ലാ​ണ്. സം​ഘ​ട​ന​യു​ടെ പ്ര​സി​ഡ​ന്‍റ് കെ. ​സ​ലാം പ​റ​യു​ന്ന​ത് കേ​ൾ​ക്കു​ക:
സം​ഗീ​ത ക​ലാ​കാ​രന്മാ​രു​ടെ ക്ഷേ​മ​ത്തി​നു​വേ​ണ്ടി മാ​ത്രം നി​ല​കൊ​ള്ളു​ന്ന സം​ഘ​ട​ന​യാ​ണ് മാ. ​അ​ടു​ത്ത​കാ​ല​ത്ത് കേ​ര​ള​ത്തെ ദു​രി​ത​ത്തി​ലാ​ഴ്ത്തി​യ പ്ര​ള​യ​ങ്ങ​ളി​ൽ സം​ഗീ​ത​ക​ലാ​കാ​രന്മാ​രു​ടെ വീ​ടു​ക​ൾ​ക്കും നാ​ശ​ന​ഷ്ടം സം​ഭ​വി​ച്ചു. സം​ഗീ​ത​പ​രി​പാ​ടി സം​ഘ​ടി​പ്പി​ച്ചു​ത​ന്നെ അ​വ​ർ​ക്ക് സ​ഹാ​യ​മെ​ത്തി​ക്കാ​നാ​യി. മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്കും ചെ​റു​ത​ല്ലാ​ത്ത ഒ​രു തു​ക സം​ഭാ​വ​ന ന​ൽ​കി. വീ​ടി​ല്ലാ​ത്ത ഒ​രു ആ​ദ്യ​കാ​ല ഗാ​യി​ക​യ്ക്കും, പ​ക്ഷാ​ഘാ​തം വ​ന്ന ഒ​രു ഗി​റ്റാ​റി​സ്റ്റി​നും സം​ഗീ​ത പ​രി​പാ​ടി​ക​ളി​ലൂ​ടെ​ത്ത​ന്നെ സ​ഹാ​യ​മെ​ത്തി​ക്കാ​നാ​യി. സം​ഗീ​ത​രം​ഗ​ത്തു​ള്ള​വ​ർ​ക്ക് എ​ന്തു പ്ര​യാ​സം വ​ന്നാ​ലും ഒ​പ്പം നി​ൽ​ക്കാ​നാ​ണ് സം​ഘ​ട​ന​യു​ടെ ശ്ര​മം.

പ​ത്താം വാ​ർ​ഷി​ക​ത്തി​ന്‍റെ ഭാ​ഗ​മാ​യാ​ണ് കോ​ഴി​ക്കോ​ട് ബീ​ച്ചി​ൽ ക​ല്യാ​ണ്‍​ജി- ആ​ന​ന്ദ്ജി മെ​ഗാ മ്യൂ​സി​ക്ക​ൽ ഷോ ​ന​ട​ത്താ​ൻ തീ​രു​മാ​നി​ച്ച​ത്. അ​തി​നാ​യി ആ​ന​ന്ദ്ജി​യെ സ​മീ​പി​ച്ച​പ്പോ​ൾ യാ​തൊ​രു പ്ര​തി​ഫ​ല​വും വേ​ണ്ട, ഞാ​ൻ വ​രാം എ​ന്നാ​യി​രു​ന്നു മ​റു​പ​ടി. സം​ഗീ​ത​ക​ലാ​കാ​രന്മാ​ർ എ​ല്ലാ​വ​രും ഒ​രു കു​ടും​ബ​മാ​ണെ​ന്നാ​ണ് അ​ദ്ദേ​ഹം പ​റ​ഞ്ഞ​ത്. ന​മ്മു​ടെ അ​ഭി​മാ​ന​മാ​യ ഉ​ണ്ണി മേ​നോ​ൻ അ​ട​ക്കം പ​ന്ത്ര​ണ്ടോ​ളം ഗാ​യ​ക​ർ പ​രി​പാ​ടി​ക്കു​ണ്ടാ​കും. മും​ബൈ​യി​ൽ​നി​ന്നു​ള്ള പു​തു ത​ല​മു​റ സി​നി​മാ പി​ന്ന​ണി ഗാ​യ​ക​രും ഇ​തി​ൽ പ​ങ്കെ​ടു​ക്കു​ന്നു​ണ്ട്. ആ​ന​ന്ദ്ജി​യു​ടെ അ​സി​സ്റ്റ​ന്‍റാ​യി ഓ​ർ​ക്ക​സ്ട്ര ക​ണ്ട​ക്ട് ചെ​യ്യു​ന്ന​ത് പ്ര​ശ​സ്ത സം​ഗീ​ത​ജ്ഞ​ൻ സ​ണ്ണി പി. ​സോ​ണ​റ്റ് ആ​ണ്. ഈ ​ഷോ​യി​ൽ​നി​ന്നു ല​ഭി​ക്കു​ന്ന വ​രു​മാ​നം ഉ​പ​യോ​ഗി​ച്ച് സം​ഘ​ട​ന​യി​ലെ അം​ഗ​ങ്ങ​ളാ​യ ക​ലാ​കാ​രന്മാ​ർ​ക്ക് ഒ​രു ഇ​ൻ​ഷ്വ​റ​ൻ​സ് പ​ദ്ധ​തി തു​ട​ങ്ങാ​നാ​ണ് ആ​ഗ്ര​ഹി​ക്കു​ന്ന​ത്.

ക​ല്യാ​ണ്‍​ജി വീ​ർ​ജി ആ​ൻ​ഡ് പാ​ർ​ട്ടി

ക​ച്ച​വ​ട​ക്കാ​ര​നാ​യി​രു​ന്നു ക​ല്യാ​ണ്‍​ജി-​ആ​ന​ന്ദ്ജി​യു​ടെ പി​താ​വ്. ക​ച്ചി​ലെ ഒ​രു ചെ​റു പ​ട്ട​ണ​ത്തി​ൽ​നി​ന്ന് ക​ട​തു​ട​ങ്ങാ​ൻ മും​ബൈ​യി​ലേ​ക്കു കു​ടി​യേ​റി​യ അ​ദ്ദേ​ഹം മ​ക്ക​ളെ സം​ഗീ​തം പ​ഠി​പ്പി​ക്കാ​ൻ ഒ​രു അ​ധ്യാ​പ​ക​നെ ഏ​ർ​പ്പാ​ടാ​ക്കി. അ​ന​ലോ​ഗ് സി​ന്ത​സൈ​സ​റി​ന്‍റെ മു​ൻ​ഗാ​മി​യാ​യ ക്ലാ​വി​യോ​ലൈ​ൻ എ​ന്ന ഇ​ല​ക്ട്രോ​ണി​ക് കീ​ബോ​ർ​ഡ് വാ​യി​ച്ചു​കൊ​ണ്ടാ​ണ് ക​ല്യാ​ണ്‍​ജി സം​ഗീ​ത​രം​ഗ​ത്ത് സ​ജീ​വ​മാ​യ​ത്. ഹേ​മ​ന്ദ് കു​മാ​റി​ന്‍റെ ഈ​ണ​ങ്ങ​ളോ​ടെ പു​റ​ത്തി​റ​ങ്ങി​യ നാ​ഗി​ൻ എ​ന്ന ചി​ത്ര​ത്തി​നു​വേ​ണ്ടി ക​ല്യാ​ണ്‍​ജി ഈ ​ഉ​പ​ക​ര​ണം വാ​യി​ച്ചി​രു​ന്നു. സ​ഹോ​ദ​ര​ൻ ആ​ന​ന്ദ്ജി​യെ​ക്കൂ​ടി ചേ​ർ​ത്ത് ക​ല്യാ​ണ്‍​ജി തു​ട​ങ്ങി​വ​ച്ച ക​ല്യാ​ണ്‍​ജി വീ​ർ​ജി ആ​ൻ​ഡ് പാ​ർ​ട്ടി എ​ന്ന ഓ​ർ​ക്ക​സ്ട്ര ഗ്രൂ​പ്പ് ശ്ര​ദ്ധേ​യ​മാ​യി​രു​ന്നു. രാ​ജ്യ​ത്ത് ലൈ​വ് മ്യൂ​സി​ക് ഷോ​ക​ൾ​ക്ക് തു​ട​ക്ക​മി​ട്ട ആ​ദ്യ ചു​വ​ടു​വ​യ്പ്പു​ക​ളി​ലൊ​ന്നാ​യി​രു​ന്നു അ​ത്.


എ​സ്.​ഡി. ബ​ർ​മ​ൻ, മ​ദ​ൻ മോ​ഹ​ൻ, ഹേ​മ​ന്ദ് കു​മാ​ർ, നൗ​ഷാ​ദ്, ശ​ങ്ക​ർ-​ജ​യ്കി​ഷ​ൻ, ര​വി തു​ട​ങ്ങി​യ താ​ര​ങ്ങ​ൾ തി​ള​ങ്ങി​നി​ന്ന കാ​ല​ത്ത് ഹി​ന്ദി സി​നി​മാ​രം​ഗ​ത്തെ​ത്തി​യി​ട്ടും ക​ല്യാ​ണ്‍​ജി-​ആ​ന​ന്ദ്ജി ത​രം​ഗ​മു​ണ്ടാ​ക്കി., സ്വ​ന്ത​മാ​യ ഇ​ടം​നേ​ടി. ല​ളി​ത​മാ​യ ഈ​ണ​ങ്ങ​ളാ​യി​രു​ന്നു അ​വ​രു​ടെ മു​ഖ​മു​ദ്ര. 250ലേ​റെ ചി​ത്ര​ങ്ങ​ൾ​ക്കു​വേ​ണ്ടി അ​വ​ർ പാ​ട്ടു​ക​ളൊ​രു​ക്കി.

മു​ൻ​നി​ര​ക്കാ​രാ​യ ഗാ​യ​ക​രെ വേ​ണ്ട​വി​ധം ഉ​പ​യോ​ഗി​ച്ച​പ്പോ​ഴും കു​മാ​ർ സാ​നു, അ​ൽ​ക്ക യാ​ഗ്നി​ക്, ഉ​ദി​ത് നാ​രാ​യ​ണ്‍ തു​ട​ങ്ങി​യ പു​തു​ത​ല​മു​റ​ക്കാ​ർ​ക്ക് ഒ​ന്നാ​ന്ത​രം ബ്രേ​ക്കു​ക​ൾ ന​ൽ​കാ​നും അ​വ​ർ​ക്കാ​യി. ആ​ന​ന്ദ് ബ​ക്ഷി, ഗു​ൽ​ഷ​ൻ ബാ​വ​ര, അ​ൻ​ജാ​ൻ തു​ട​ങ്ങി​യ ഗാ​ന​ര​ച​യി​താ​ക്ക​ൾ​ക്കും മി​ക​ച്ച അ​വ​സ​ര​ങ്ങ​ൾ ന​ൽ​കി.

വാ​ദാ ക​ർ​ലേ സാ​ജ്നാ, സി​ന്ദ​ഗീ കാ ​സ​ഫ​ർ, ഖാ​യി​കേ പാ​ൻ ബ​നാ​റ​സ് വാ​ലാ, പ​ൽ പ​ൽ ദി​ൽ കേ ​പാ​സ്, സ​മാ ഹേ ​സു​ഹാ​ന സു​ഹാ​ന, ജീ​വ​ൻ സേ ​ഭ​രീ തേ​രി ആം​ഖേ, ഓ ​സാ​ഥീ രേ, ​മേ​രേ അം​ഗ​നേ മേ, ​ച​ന്ദ​ൻ സാ ​ബ​ദ​ൻ, ക​സ്മേ വാ​ദേ പ്യാ​ർ വ​ഫാ, ഫൂ​ൽ തു​മേ ഭേ​ജാ ഹേ, ​മേ​രേ ദേ​ശ് കീ ​ധ​ർ​തീ, യേ ​മേ​രാ ദി​ൽ, ഓ​ർ ഇ​സ് ദി​ൽ മേ, ​മേ​രാ ജീ​വ​ൻ കോ​റാ കാ​ഗ​സ്... സു​ന്ദ​ര​ഗാ​ന​ങ്ങ​ളു​ടെ നി​ര നീ​ളു​ന്നു...

ഹി​ന്ദി​ഗാ​ന പ്രേ​മി​ക​ളു​ടെ ഈ​റ്റി​ല്ല​മാ​യ കോ​ഴി​ക്കോ​ട്ട് ആ​ന​ന്ദ്ജി​യെ​പ്പോ​ലു​ള്ള മ​ഹാ​നോ​ടൊ​പ്പം പ്ര​വ​ർ​ത്തി​ക്കാ​ൻ ക​ഴി​യു​ന്ന​ത് മ​ഹാ​ഭാ​ഗ്യ​മാ​ണെ​ന്ന് മ്യൂ​സി​ക് ക​ണ്ട​ക്ട​റും സം​ഗീ​ത​സം​വി​ധാ​യ​ക​നു​മാ​യ സ​ണ്ണി പി. ​സോ​ണ​റ്റ് പ​റ​യു​ന്നു. പാ​ട്ടു​ക​ൾ ത​നി​മ​യോ​ടെ സ്റ്റേ​ജി​ൽ അ​വ​ത​രി​പ്പി​ക്കാ​ൻ ന​ന്നാ​യി ഹോം​വ​ർ​ക്ക് ചെ​യ്യ​ണം. സാ​ങ്കേ​തി​ക​ത​യും വൈ​കാ​രി​ക​ത​യും കൃ​ത്യ​മാ​ക്കാ​ൻ പാ​ട്ടു​ക​ൾ എ​ത്ര​വ​ട്ടം കേ​ട്ടാ​ലും മ​തി​യാ​വി​ല്ല. യു​ൻ ഹി ​തും മു​ജ്സേ പ്യാ​ർ പോ​ലു​ള്ള പാ​ട്ടു​ക​ൾ ചെ​റു​പ്പം​മു​ത​ൽ ഹൃ​ദ​യ​ത്തോ​ടു ചേ​ർ​ന്ന​താ​ണ്. മി​ക​ച്ച ഉ​പ​ക​ര​ണ​വാ​ദ​ക​രെ ഉ​ൾ​പ്പെ​ടു​ത്തി 40 പീ​സ് ഓ​ർ​ക്ക​സ്ട്ര​യാ​ണ് ഈ ​പ​രി​പാ​ടി​ക്കാ​യി ഒ​രു​ക്കു​ക. ശ​നി​യാ​ഴ്ച​ത്തെ സാ​യാ​ഹ്നം കോ​ഴി​ക്കോ​ട്ടെ സം​ഗീ​ത​പ്രേ​മി​ക​ൾ​ക്ക് മ​റ​ക്കാ​നാ​വാ​ത്ത ഒ​ന്നാ​കു​മെ​ന്ന് ഉ​റ​പ്പ്.

ഒ​ട്ടേ​റെ മി​ക​വു​റ്റ സം​ഗീ​ത പ​രി​പാ​ടി​ക​ൾ ക​ണ്ട​ക്ട് ചെ​യ്തി​ട്ടു​ള്ള സ​ണ്ണി മാ​സ്റ്റ​ർ തൃ​ശൂ​ർ സ്വ​ദേ​ശി​യാ​ണ്. സം​ഗീ​ത ക്ലാ​സു​ക​ളും ല​ളി​ത​ക​ല​ക​ൾ​ക്കു​ള്ള വേ​ദി​യും സ​മ​ന്വ​യി​പ്പി​ച്ച് ഒ​രു ആ​ർ​ട്ട് ക​ഫേ​യും അ​ദ്ദേ​ഹം ന​ട​ത്തു​ന്നു. ഒ​ട്ടേ​റെ ഗാ​ന​ങ്ങ​ൾ​ക്ക് സം​ഗീ​ത​സം​വി​ധാ​നം നി​ർ​വ​ഹി​ച്ചി​ട്ടു​ണ്ട്.

ഹരിപ്രസാദ്‌



Copyright @ 2019 , Rashtra Deepika Ltd.