കടുക് പാത്രത്തിലെ ഉയിർപ്പ്
ഉ​യി​ർ​പ്പെ​ന്നൊ​ക്കെ പ​റ​ഞ്ഞാ​ൽ പാ​റ ത​ക​ര​ണ​മെ​ന്നോ ഭൂ​ക​ന്പ​മു​ണ്ടാ​ക​ണ​മെ​ന്നോ പാ​തി​രാ​ത്രി​യാ​ക​ണ​മെ​ന്നോ ഒ​രു നി​ർ​ബ​ന്ധ​വു​മി​ല്ല. ആ​രു​ടെ​യെ​ങ്കി​ലു​മൊ​ക്കെ സ​ങ്ക​ട​ത്തി​ന്‍റെ നേര​ത്ത​്ഇ​തു​പോ​ലെ സ്നേ​ഹ​ത്തി​ന്‍റെ ചെ​റു ക​ടു​ക് പാ​ത്ര​ങ്ങ​ൾ തു​റ​ക്കാ​നാ​യാ​ൽ അ​വി​ടെ ഉ​യി​ർ​പ്പാ​യി!

കു​ടും​ബ യൂ​ണി​റ്റ് വാ​ർ​ഷി​ക​ങ്ങ​ളു​ടെ പ​ല​ക​ത്ത​ട്ടി​ലും പ​ള്ളിപ്പെ​രു​ന്നാ​ൾ നേ​ര​ത്തെ സ്റ്റേ​ജു​ക​ൾ​ക്കും മേ​ലെ​യും മാ​ത്ര​മേ ഞാ​ന​ട​ങ്ങു​ന്ന കു​റ​ച്ചു​പേ​ർ​ക്ക് അ​ന്നൊ​ക്കെ ഡാ​ൻ​സ് ക​ളി​ക്കാ​ൻ ക​ഴി​ഞ്ഞിരു​ന്ന​ത്. "ഇ​തൊ​ന്നും പോ​ര' എ​ന്ന് അ​ന്നാ​ദ്യം പ​റ​ഞ്ഞ​തു ഞ​ങ്ങ​ളു​ടെ കൂ​ട്ട​ത്തി​ൽ​നി​ന്നും കോ​ള​ജി​ൽ പ​ഠി​ക്കാ​ൻ പോ​യൊ​രു​ത്ത​നാ​ണ്.

"പ്രഫഷ​ണ​ലാ​യി ന​മു​ക്ക് ഡാ​ൻ​സ് പ​ഠി​ക്ക​ണം... എ​ന്നി​ട്ട് മ​ത്സ​രി​ക്കാ​നൊ​ക്കെ പോ​ണം... ക​പ്പ​ടി​ക്ക​ണം'.

അ​വ​ന്‍റെ ഈ ​ഡ​യ​ലോ​ഗൊ​ക്കെ കേ​ട്ട​പ്പോ​ൾ എ​ല്ലാ​വ​ർ​ക്കും വ​ലി​യ ഉ​ത്സാ​ഹം. സം​ഗ​തി പെ​ട്ടെ​ന്ന് തീ​രു​മാ​ന​വു​മാ​യി. എ​ല്ലാ ഞാ​യ​റാ​ഴ്ച​യും ഉ​ച്ച​ക​ഴി​ഞ്ഞു വൈ​റ്റി​ല​യി​ൽ പോ​യി ഡാ​ൻ​സ് പ​ഠി​ത്തം! അ​ട​ക്ക​യും വെ​റ്റി​ല​യും നൂ​റ്റൊ​ന്നു രൂ​പ​യും വ​ച്ച് ആ​ശാ​നേ​ന്നു വി​ളി​ച്ചു ഡാ​ൻ​സ് പ​ഠ​നം തു​ട​ങ്ങാ​ൻ പോ​കു​ന്ന​തു വ​ലി​യ വാ​ർ​ത്ത​യാ​യി.

സ​ന്തോ​ഷം സ​ങ്ക​ട​മാ​യി മാ​റാ​ൻ അ​ധി​ക​നേ​ര​മൊ​ന്നും വേ​ണ്ടി​വ​ന്നി​ല്ല. ദ​ക്ഷി​ണ​വ​യ്ക്കാ​നു​ള്ള നൂ​റു രൂ​പ എ​ങ്ങ​നെ ഒ​പ്പി​ക്കും? ഊ​ര് തെ​ണ്ടി​യു​ടെ ഓ​ട്ട​ക്കീ​ശ​യി​ൽ ഒ​ന്നു​മി​ല്ല​ല്ലോ! അ​തും​പേ​രാ​ഞ്ഞി​ട്ട് എ​ല്ലാ ഞാ​യ​റാ​ഴ്ച​യും പോ​യി​വ​രാ​നു​ള്ള ബ​സ് കാ​ശും വേ​ണം. കാ​ര്യ​ങ്ങ​ളെ​ഴു​തി ഒ​പ്പി​ട്ട നി​വേ​ദ​നം വീ​ട് മാ​നേ​ജ​രാ​യ അ​പ്പ​ന്‍റെ മേ​ശ​പ്പു​റ​ത്തു​വ​ച്ച​പ്പോ​ൾ ടി​വി​യി​ൽ മൈ​ക്കി​ൾ ജാ​ക്സ​ന്‍റെ ഡാ​ൻ​സ് വ​രു​ന്പോ​ൾ ക​ണ്ടു​പ​ഠി​ച്ചാ​ൽ മ​തീ​ന്ന് പ​റ​ഞ്ഞ് അ​പ്പ​ൻ പ​ടം മ​ട​ക്കി.

ആ​ദ്യ​ത്തെ ഞാ​യ​റാ​ഴ്ച കൂ​ട്ടു​കാ​രെ​ല്ലാ​വ​രും കൂ​ടി ഡാ​ൻ​സ് പ​ഠി​ക്കാ​ൻ പോ​കു​ന്ന​തു ഞാ​ൻ ക​ര​ഞ്ഞു​കൊ​ണ്ട് നോ​ക്കി​നി​ന്നു. എ​ന്നെ​ക്കൂ​ടെ കൊ​ണ്ടു​പോ​കാ​നു​ള്ള സാ​ന്പ​ത്തി​കം കൂ​ട്ട​ത്തി​ലു​ള്ള ആ​ർ​ക്കും അ​ന്നു​ണ്ടാ​യി​രു​ന്നി​ല്ല.

അ​ന്ന് ആ​ദ്യ​മാ​യി​ട്ടാ​ണ് ദൂ​ര​ദ​ർ​ശ​നി​ലെ നാ​ലു​മ​ണി സി​നി​മ വേ​ണ്ടെ​ന്നു​വ​ച്ച് ഞാ​ൻ മു​റ്റ​ത്തു ത​നി​ച്ചി​രു​ന്ന​ത്. മ​ന​സ് മു​ഴു​വ​ൻ ന​ഷ്ട​മാ​യി​പ്പോ​യ പു​തി​യ നൃ​ത്ത​ച്ചു​വ​ടു​ക​ൾ താ​ളം​തെ​റ്റി ന​ട​ന്നു!

വൈ​കീ​ട്ട​ത്തെ കു​ളീം ക​ഴി​ഞ്ഞ്... ഉ​മ്മ​റ​ത്തെ അ​ര​മ​തി​ലി​ൽ ചാ​രി കു​ട്ടി​നി​ക്ക​റി​ട്ടി​രി​ക്കു​ന്ന എ​ന്‍റെ​യ​രു​കി​ലേ​ക്ക് അ​മ്മ വ​ന്ന​തു കൈ​യി​ൽ ക​ടു​കു പാ​ത്ര​വു​മാ​യാ​ണ്. അ​ര​മ​തി​ലി​നു മേ​ലെ ഒ​രു പ​ഴ​യ തു​ണി​വി​രി​ച്ച് ക​ടു​ക് അ​തി​ലേ​ക്കു കു​ട​യ​വേ ചു​ക്കി​ച്ചു​രു​ണ്ട കു​റ​ച്ചു പ​ത്തു​രൂ​പ അ​ഞ്ചു​രൂ​പ നോ​ട്ടു​ക​ളും പൊ​ട്ടി​ച്ചി​രി​ച്ചു​കൊ​ണ്ട് ചി​ല ചി​ല്ല​റ​ത്തു​ട്ടു​ക​ളും നൃ​ത്തം​ചെ​യ്തി​റ​ങ്ങി! എ​ല്ലാം​കൂ​ടി ഏ​താ​ണ്ട് 90 രൂ​പ​യോ​ള​മു​ണ്ടാ​യി​രു​ന്നു.

"ന്‍റെ കൊ​ച്ച് ഇ​ങ്ങ​നെ സ​ങ്ക​ട​പ്പെ​ട്ടി​രി​ക്ക​ണ്ട. അ​ടു​ത്ത ഞാ​യ​റാ​ഴ്ച​യ്ക്കു മു​ന്പ് അ​മ്മ ബാ​ക്കി പൈ​സ​കൂ​ടി ശ​രി​യാ​ക്കി​ത്ത​രാ​ട്ടാ. എ​ന്‍റെ മോ​ൻ പോ​യി ഡാ​ൻ​സ് പ​ഠി​ച്ചോ.'

മ​ക​നെ മൈ​ക്കി​ൾ ജാ​ക്സ​നാ​ക്കാ​നാ​യി​രു​ന്നി​ല്ല, മ​ക​ന്‍റെ മ​ന​സ് നോ​വാ​തി​രി​ക്കാ​നാ​യി​രു​ന്നു അ​മ്മ ത​ന്‍റെ കൊ​ച്ചു ലോ​ക്ക​ർ അ​ന്ന് ത​ക​ർ​ത്ത​ത്. ഉ​യി​ർ​പ്പെ​ന്നൊ​ക്കെ പ​റ​ഞ്ഞാ​ൽ പാ​റ ത​ക​ര​ണ​മെ​ന്നോ ഭൂ​ക​ന്പ​മു​ണ്ടാ​ക​ണ​മെ​ന്നോ പാ​തി​രാ​ത്രി​യാ​ക​ണ​മെ​ന്നോ ഒ​രു നി​ർ​ബ​ന്ധ​വു​മി​ല്ല. ആ​രു​ടെ​യെ​ങ്കി​ലു​മൊ​ക്കെ സ​ങ്ക​ട​ത്തി​ന്‍റെ നേ​രത്ത​് ഇ​തു​പോ​ലെ സ്നേ​ഹ​ത്തി​ന്‍റെ ചെ​റു ക​ടു​ക് പാ​ത്ര​ങ്ങ​ൾ തു​റ​ക്കാ​നാ​യാ​ൽ അ​വി​ടെ ഉ​യി​ർ​പ്പാ​യി!

റേ​ഷ​ന​രി വാ​ങ്ങി​ച്ച​തി​ന്‍റെ ബാ​ക്കി​യും അ​പ്പ​ന്‍റെ കു​പ്പാ​യ​മ​ല​ക്കാ​നെ​ടു​ക്കു​ന്പോ​ൾ ത​ട​യു​ന്ന ചി​ല്ല​റ തു​ട്ടു​ക​ളും ആ​ങ്ങ​ള​മാ​രു​ടെ കൈ​നീ​ട്ട നോ​ട്ടു​ക​ളും കൂ​ട്ടി​വ​ച്ചി​ട്ടാ​ണ് അ​മ്മ എ​ന്‍റെ സ​ങ്ക​ട​ത്തി​ന്‍റെ ക​ല്ല​റ​യു​ടെ ക​ല്ലു​രു​ട്ടി​മാ​റ്റി​യ​ത്.

അ​ന്ന്, ആ ​അ​ര​മ​തി​ലി​ന്‍റെ മേ​ലെ സ​ങ്ക​ട​പ്പെ​ട്ടി​രു​ന്ന എ​ന്‍റെ മു​ഖ​ത്ത് സ​ന്തോ​ഷ​ത്തി​ന്‍റെ ച​ന്ദ​നം ചാ​ർ​ത്തി​യ അ​മ്മ​യു​ടെ മു​ഖ​ത്തി​ന് തു​ള​സി​ത്ത​റ​യി​ൽ വി​ള​ക്കു​കൊ​ളു​ത്തി നി​ൽ​ക്കു​ന്ന ഏ​തോ ദേ​വി​യു​ടെ മു​ഖ​പ്ര​സാ​ദ​മാ​ണ്!

ആ​രു​ടെ​യെ​ങ്കി​ലു​മൊ​ക്കെ ഉ​യി​ർ​ത്തെ​ഴു​ന്നേ​ല്പി​നു ഞാ​നും നീ​യും കാ​ര​ണ​ക്കാ​രാ​യി​ട്ടു​ണ്ടെ​ങ്കി​ൽ അ​വ​രു​ടെ ഓ​ർ​മ​ക​ളു​ടെ ഇ​ടി​മി​ന്ന​ൽ പ്ര​കാ​ശ​ത്തി​ൽ ധ​വ​ള​വ​സ്ത്ര​ധാ​രി​ക​ളാ​യ ഞാ​നും നീ​യും ന​ട​ന്നു നീ​ങ്ങു​ന്ന​ത് അ​വ​ർ കാ​ണും. അ​താ​ണ് എ​ന്‍റേ​യും നി​ന്‍റേ​യും ഉ​യി​ർ​പ്പ്!

ത​നി​ച്ചാ​യി​പ്പോ​യ മ​ക​ളു​ടെ അ​രി​കി​ലി​രു​ന്ന് ഒ​ര​മ്മ താ​രാ​ട്ടു പാ​ടു​ന്ന​തും ഇ​രു​ട്ടി​ലാ​യി​പ്പോ​യ പു​രു​ഷ​ന്‍റെ ജീ​വി​ത​ത്തി​ൽ ഒ​രു​വ​ൾ മി​ന്നാ​മി​നു​ങ്ങി​ന്‍റെ പ്ര​ഭ​യേ​കു​ന്ന​തും, വാ​ടി​പ്പോ​യ കു​ഞ്ഞു​മു​ഖ​ങ്ങ​ളു​ടെ മു​ർ​ധാ​വി​ൽ ചി​ല​ർ വാ​ത്സ​ല്യ​ത്തി​ന്‍റെ മു​ത്തമി​ടു​ന്ന​തും ഉ​മ്മ​റ​ത്ത് ഒ​റ്റ​യ്ക്കി​രി​ക്കു​ന്ന നേ​ര​ത്തു കാ​ലു​രു​മ്മി വ​ള​ർ​ത്തു​നാ​യ കൂ​ടെ​യി​രി​ക്കു​ന്ന​തും എ​ല്ലാം ഉ​യി​ർ​പ്പു​ത​ന്നെ​യാ​ണ്.

നി​ബി​ൻ കു​രി​ശി​ങ്ക​ൽ


Copyright @ 2022 , Rashtra Deepika Ltd.