ര​ണ്ടു വ​ർ​ഷ​ത്തെ അ​ട​ച്ചി​ട​ലി​നൊ​ടു​വി​ൽ പൂ​രം തി​രി​കെ​വ​ന്ന ആ​വേ​ശ​ത്തി​ലാ​ണ് സാം​സ്കാ​രി​ക ത​ല​സ്ഥാ​നം. ലോ​ക​ത്തെ ഏ​റ്റ​വും വ​ർ​ണ്ണ​ശ​ബ​ള​മാ​യ ഉ​ത്സ​വ​മെ​ന്ന് യു​നെ​സ്കോ​യു​ടെ വി​ശേ​ഷ​ണ​മു​ള്ള തൃ​ശൂ​ർ പൂ​ര​ത്തി​ന് ഒ​രു നാ​ൾ ബാ​ക്കി. പൂ​ര​ങ്ങ​ളു​ടെ പൂ​ര​ത്തി​ലെ അ​ത്യാ​ക​ർ​ഷ​ക ഇ​ന​ങ്ങ​ളി​ലൊ​ന്നാ​യ ഇ​ല​ഞ്ഞി​ത്ത​റ മേ​ള​ത്തി​ന് ഇ​ക്കു​റി​യും പ​ത്മ​ശ്രീ പെ​രു​വ​നം കു​ട്ട​ൻമാ​രാ​ർ പ്ര​മാ​ണി​ത്തം വ​ഹി​ക്കു​ന്നു. വാ​ദ്യ​ക​ല​യി​ലെ വി​സ്മ​യ​മാ​യ കു​ട്ട​ൻ​മാ​രാ​ർ ഇ​ല​ഞ്ഞി​ച്ചു​വ​ട്ടി​ലെ​ത്തു​ന്ന​ത് നാ​ൽ​പ്പ​ത്തി​നാ​ലാം വ​ർ​ഷ​മാ​ണ്. ഇ​തി​ൽ ഇ​രു​പ​ത്തി​നാ​ലു വ​ർ​ഷമായി മേ​ള​പ്ര​മാ​ണി.
പൂ​ര ച​രി​ത്ര​ത്തി​ൽ ആ​ദ്യ​മാ​യാ​ണ് ഒ​രു ചെ​ണ്ട വാ​ദ്യ​ക്കാ​ര​ൻ ര​ണ്ടു ദ​ശാ​ബ്ദ​ത്തി​നു​മേ​ൽ തു​ട​ർ​ച്ച​യാ​യി ്ര​പ്രമാ​ണി​ത്തം അ​ല​ങ്ക​രി​ക്കു​ന്ന​ത്. എം. ​ശ​ങ്ക​ര​നാ​രാ​യ​ണ​ൻ എ​ന്ന പെ​രു​വ​നം കു​ട്ട​ൻമാ​രാ​ർ കൊ​ട്ട​നു​ഭ​വ​ങ്ങ​ൾ സൺഡേ ദീപികയോടു പ​ങ്കു​വ​യ്ക്കു​ന്നു.

മഹാ​മാ​രി​ക്കു​ശേ​ഷം വ​രു​ന്ന പൂ​ര​ത്തെ​ക്കു​റി​ച്ച് ‍ ?

• ഞ​ങ്ങ​ളെ​ല്ലാ​വ​രും ഇ​ത്ത​വ​ണ അ​ത്യാ​വേ​ശ​ത്തി​ലാ​ണ്. ചെ​ണ്ട തോ​ളി​ൽ​നി​ന്നി​റ​ക്കി​യി​ട്ട് ര​ണ്ടു കൊ​ല്ല​ത്തി​ലേ​റെ​യാ​യി​. എ​ന്‍റെ കൊ​ട്ടു​ജീ​വി​ത​ത്തി​ൽ ആ​ദ്യ​മാ​യാ​ണ് ഉ​ത്സ​വ​ങ്ങ​ളൊ​ന്നു​മി​ല്ലാ​ത്തൊ​രു കാ​ലം ക​ട​ന്നു​പോ​യ​ത്. സ​ക​ല പൂ​ര​ങ്ങ​ൾ​ക്കും താ​ല​പ്പൊ​ലി​ക​ൾ​ക്കും എ​ഴു​ന്ന​ള്ള​ത്തു​ക​ൾ​ക്കും കോ​വി​ഡ് വി​ല​ങ്ങി​ട്ടു. പൂ​ര​ത്തെ തി​രി​ച്ചു​കൊ​ണ്ടു​വ​രു​ന്പോ​ൾ ഇ​ക്കു​റി ഇ​ര​ട്ടി മ​ധു​ര​മാ​ണ്. കൊ​ട്ടി​ല്ലാ​ത്തൊ​രു കാ​ലം സ​ങ്ക​ൽ​പി​ക്കാ​നേ വ​യ്യ. ര​ണ്ടു നൂ​റ്റാ​ണ്ടി​ന്‍റെ പാ​ര​ന്പ​ര്യ​മു​ള്ള തൃ​ശൂ​ർ പൂ​രം മു​ൻ​പ് ഇ​ന്ത്യാ-​ചൈ​ന യു​ദ്ധം ന​ട​ന്ന 1962ൽ ​സാ​ങ്കേ​തി​ക കാ​ര​ണ​ങ്ങ​ളാൽ മാ​ത്ര​മേ മു​ട​ങ്ങി​യി​ട്ടു​ള്ളൂ. ഏതാനും വർഷങ്ങളിൽ ആഡംബരം ഒഴിവാക്കേണ്ടിയും വന്നു.

മു​ൻ​പ് വ​ർ​ഷ​ത്തി​ൽ എ​ത്ര പ്രമാ​ണി​ത്തംവ​രെ വ​ഹി​ക്കാ​റു​ണ്ടാ​യി​രു​ന്നു?

• പ​ല ക്ഷേ​ത്ര​ങ്ങ​ളി​ലാ​യി ഒ​രേ വ​ർ​ഷം മു​ന്നൂ​റിലേറെ ​പ്രമാ​ണി​ത്തം വ​രെ വ​ഹി​ച്ചി​ട്ടു​ണ്ട്. എ​ന്നി​രു​ന്നാ​ലും, ഇ​ല​ഞ്ഞി​ത്ത​റ​യി​ലെ അ​മ​ര​ക്കാ​ര​ൻ എ​ന്ന​താ​ണ് എ​ക്കാ​ല​ത്തെ​യും പ​ര​മോ​ന്ന​ത പ​ദ​വി. അ​തി​ൽ അ​ഭി​മാ​ന​മു​ണ്ട്, സ​ന്തോ​ഷ​മു​ണ്ട്.

കു​ട്ട​ൻമാ​രാ​രു​ടെ കൊ​ട്ടി​ക്ക​യ​റു​ന്ന ആ​വേ​ശ​ത്തി​ന്‍റെ ര​ഹ​സ്യം?

• കൊ​ള്ളാം, കൊ​ട്ടി​ന്‍റെ ക​ഥ അ​തു ത​ന്നെ​യ​ല്ലേ! ചെ​ണ്ട​പ്പു​റ​ത്ത് കോ​ലു വീ​ഴു​ന്നി​ട​ത്ത് ഓ​ടി​ച്ചെ​ല്ലാ​ത്ത മ​ല​യാ​ളി​യു​ണ്ടോ. അ​ത്ര ക​ണ്ട് ത്ര​സി​പ്പി​ക്കു​ന്ന​ത​ല്ലേ ചെ​ണ്ട​യു​ടെ ത​കൃ​ത കൃ​ത​കൃ​താ ശ​ബ്ദം. ചെ​ണ്ട കൊ​ട്ടി അ​റി​യി​ക്കു​ക എ​ന്നാ​യി​രു​ന്നു ന​മ്മു​ടെ പഴയ രീ​തി. പൊതുവി​ളം​ബ​രങ്ങൾ ചെ​യ്തി​രു​ന്ന​തും ചെ​ണ്ട കൊ​ട്ടി​യാ​യി​രു​ന്ന​ല്ലോ. ചെ​ണ്ട​യു​ടെ ശ​ബ്ദം എ​വി​ടെ കേ​ട്ടാ​ലും അ​വി​ടേ​ക്ക് ഓ​ടി​യെ​ത്തു​ന്ന​തും ചു​റ്റും കൂ​ടി​നി​ന്ന് താ​നെ മ​റ​ന്നു താ​ളം​പി​ടി​ക്കു​ന്ന​തു​മ​ല്ലേ മ​ല​യാ​ളി​ക​ളു​ടെ പൈ​തൃ​കം. പ​തി​നെ​ട്ടു വാ​ദ്യ​ങ്ങ​ളും ചെ​ണ്ട​ക്കു താ​ഴെ എ​ന്ന​താ​ണ് ചൊ​ല്ല്. സ​ർ​വോ​പ​രി, ചെ​ണ്ട ത​നി മ​ല​യാ​ളി​യാ​ണ്. വാ​ദ്യോ​പ​ക​ര​ണ​ങ്ങ​ളി​ൽ ഏ​റ്റ​വും ജ​ന​കീ​യ​നും. ഇ​ത്ര​യും അ​ക​ല​ത്തി​ൽ ശ​ബ്ദം കേ​ൾ​പ്പി​ക്കു​ന്ന മ​റ്റൊ​രു സം​ഗീ​ത സാ​മ​ഗ്രി​യു​മി​ല്ല ലോ​ക​ത്ത്.

കു​ടും​ബ​പ​ശ്ചാ​ത്ത​ല​വും കൊ​ട്ടി​ലേ​ക്കു​ള്ള വ​ര​വും?

• തൃ​ശൂ​ർ ന​ഗ​ര​ത്തി​നു തെ​ക്കു​ള്ള പെ​രു​വ​ന​ത്തെ ചെ​ണ്ട ക​ലാ​കാ​രൻമാ​രു​ടെ കു​ടും​ബ​ത്തി​ലാ​ണ് ഞാ​ൻ ജ​നി​ച്ചു വ​ള​ർ​ന്ന​ത്. മു​ത്ത​ച്ഛ​ൻ പെ​രു​വ​നം നാ​രാ​യ​ണ മാ​രാ​രും അ​ച്ഛ​ൻ പെ​രു​വ​നം അ​പ്പു മാ​രാ​രും പ്ര​സി​ദ്ധ ചെ​ണ്ട​മേ​ള​ക്കാ​രാ​യി​രു​ന്നു. പെ​രു​വ​നം അ​തി​പു​രാ​ത​ന​മാ​യ ഒ​രു സാം​സ്കാ​രി​ക കേ​ന്ദ്ര​വു​മാ​ണ്. കൊ​ച്ചി രാ​ജ്യ​ത്തി​ന്‍റെ മേ​ള ത​ല​സ്ഥാ​ന​മാ​യി​രു​ന്നു പെ​രു​വ​നം. നാ​ട്ടു​രാ​ജ്യ​ത്തി​ന്‍റെ ത​ല​സ്ഥാ​നം തൃ​ശൂ​ർ ആ​യി​രു​ന്ന​പ്പോ​ഴും അ​തു പി​ന്നീ​ട് തൃ​പ്പു​ണി​ത്തു​റ​യി​ലേ​ക്ക് മാ​റ്റി​യ​പ്പോ​ഴും ഇ​തി​നെ​ല്ലാം ഒ​രു​പാ​ടു മു​ന്നെ​യും മേ​ള​ത്തി​ന്‍റെ ഈ​റ്റി​ല്ല​മാ​യി​രു​ന്നു പെ​രു​വ​നം.
പ​ഞ്ചാ​രി​മേ​ളം ഇ​വി​ടെ​യാ​ണ് പി​റ​വി​യെ​ടു​ത്ത​ത്. പെ​രു​വ​നം മ​ഹാ​ദേ​വ ക്ഷേ​ത്ര​ത്തി​ൽ ന​ട​ക്കു​ന്ന പൂ​ര​ത്തി​ലാ​ണ് പ​ഞ്ചാ​രി ആ​ദ്യ​മാ​യി അ​ര​ങ്ങേ​റി​യ​ത്. ഇ​വി​ടെ ജീ​വി​ച്ചി​രു​ന്ന മ​ഹാ​പ്ര​തി​ഭ​ക​ളാ​യ ആ​ചാ​ര്യൻമാ​ർ ഘ​ട്ടംഘ​ട്ട​മാ​യി മേ​ള രീ​തി​ക​ൾ ചി​ട്ട​പ്പെ​ടു​ത്തി. മ​ഴ​മം​ഗ​ലം നാ​രാ​യ​ണ​ൻ ന​ന്പൂ​തി​രി​യും പ​ണ്ടാ​ര​ത്തി​ൽ രാ​മ മാ​രാ​രും മു​ത​ൽ മു​ത്ത​ച്ഛ​നും അ​ച്ഛ​നും വ​രെ​യു​ള്ള​വ​ർ അ​വ​ര​വ​രു​ടെ ശൈ​ലി​ക​ളും മ​നോ​ധ​ർ​മ്മ പ്ര​യോ​ഗ​ങ്ങ​ളും മു​ന്നോ​ട്ടു വ​ച്ച​പ്പോ​ൾ മേ​ള​ങ്ങ​ൾ കൂ​ടു​ത​ൽ ദീ​പ്ത​മാ​യി. അ​ച്ഛ​നാ​ണ് ചെ​ണ്ട കൊ​ട്ടി​ന്‍റെ ബാ​ല​പാ​ഠം എ​ന്നെ പ​ഠി​പ്പി​ച്ച​ത്. പി​ന്നീ​ട് മ​റ്റു ഗു​രു​ക്കൻമാ​രും മേ​ള രീ​തി​ക​ൾ അ​ഭ്യ​സി​പ്പി​ച്ചു. പ​ത്താം വ​യ​സിൽ പെ​രു​വ​നം മ​ഹാ​ദേ​വ ക്ഷേ​ത്ര​ത്തി​ലായിരുന്നു അ​ര​ങ്ങേ​റ്റം. തു​ട​ർ​ന്ന് സ​മീ​പ​ത്തു​ള്ള ക്ഷേ​ത്ര​ങ്ങ​ളി​ലെ ഉ​ത്സ​വ​ങ്ങ​ളി​ൽ കൊ​ട്ടാ​ൻ തു​ട​ങ്ങി. മ​ക​ൻ കാ​ർ​ത്തി​ക് താ​യ​ന്പ​ക​യി​ൽ പ്ര​തീ​ക്ഷ ത​രു​ന്നു. സ​മൂ​ഹ മേ​ള​ങ്ങ​ളി​ലും അവൻ പ​ങ്കെ​ടു​ക്കു​ന്നുണ്ട്.

ഇ​ല​ഞ്ഞി​ത്ത​റ മേ​ള​ത്തി​ന്‍റെ വി​ന്യാ​സ​വും വി​ധാ​ന​വും ?

• ഏ​റ്റ​വും ആ​ക​ർ​ഷ​ക​മാ​യ സ​മൂ​ഹ​മേ​ള​മാ​ണ് ഇ​ല​ഞ്ഞി​ച്ചു​വ​ട്ടി​ൽ അ​ര​ങ്ങേ​റു​ന്ന​ത്. മു​ന്നൂ​റോ​ളം വാ​ദ്യ​ക​ലാ​കാ​രൻമാ​ർ മേ​ള​പ്ര​മാ​ണി​യു​ടെ ഇ​ട​ത്തും വ​ല​ത്തും മു​ന്നി​ലു​മാ​യി വി​ന്യ​സി​ക്ക​പ്പെ​ടു​ന്നു. ര​ണ്ട​ര മ​ണി​ക്കൂ​ർ നീ​ണ്ടു​നി​ൽ​ക്കു​ന്ന പാ​ണ്ടി​മേ​ള​മാ​ണ് തൃ​ശൂ​ർ പൂ​ര​ത്തി​ന്‍റെ അ​ഴ​ക്. മേ​ള​ത്തി​നി​ട​യി​ൽ ദൃ​ഷ്ടി കൊ​ണ്ടാ​ണ് കാ​ല​ങ്ങ​ൾ മാ​റു​ന്ന​തും മ​റ്റു​മാ​യ നി​ർ​ണ്ണാ​യ​ക​ നി​ർ​ദേ​ശ​ങ്ങ​ൾ മേ​ള​പ്ര​മാ​ണി സ​ഹ​കാ​രി​ക​ളെ അ​റി​യി​ക്കു​ന്ന​ത്. ക്ഷേ​ത്ര മ​തി​ൽ​കെ​ട്ടി​നു​ള്ളി​ലെ ഇ​ല​ഞ്ഞി മ​ര​ത്ത​ണ​ലി​ൽ ന​ട​ക്കു​ന്ന​തി​നാ​ലാ​ണ് ഇ​ല​ഞ്ഞി​ത്ത​റ​മേ​ള​മെ​ന്നു പേ​രു വ​ന്ന​ത്. ആ​ദ്യ​കാ​ല​ത്തെ ഇ​ല​ഞ്ഞി നി​ലം​പ​റ്റി​യ​പ്പോ​ൾ പു​തി​യ​ത് ന​ട്ടു​വ​ള​ർ​ത്തി​യ​താ​ണ് ഇ​പ്പോ​ഴു​ള്ള​ത്.

പാ​ണ്ടി​മേ​ള​ത്തി​ലെ സം​ഗീ​ത ഉ​പ​ക​ര​ണ​ങ്ങ​ൾ?

• ചെ​ണ്ട, ഇ​ല​ത്താ​ളം, കൊ​ന്പ്, കു​ഴ​ൽ എ​ന്നി​വ​യാ​ണ് പ്ര​ധാ​നം. ഇ​ല​ഞ്ഞി​ത്ത​റ മേ​ള​ത്തി​ന് കു​റ​ഞ്ഞ​ത് 100 ചെ​ണ്ട​ക​ളും 75 ഇ​ല​ത്താ​ള​ങ്ങ​ളും 25 കൊ​ന്പു​ക​ളും 25 കു​റു​ങ്കു​ഴ​ലു​ക​ളു​മു​ണ്ടാ​കും. സ​മൂ​ഹ​മേ​ള​ങ്ങ​ളി​ൽ പ​ര​മോ​ന്ന​ത​മെ​ന്നാ​ണ് സം​ഗീ​ത​ജ്ഞ​ർ ഈ ​മേ​ള​ത്തെ വി​ല​യി​രു​ത്തു​ന്ന​ത്.

പ​ഞ്ചാ​രി​മേ​ള​വു​മാ​യി പാ​ണ്ടി​മേ​ള​ത്തെ എ​ങ്ങ​നെ​യാ​ണ് താ​ര​ത​മ്യ​പ്പെ​ടു​ത്തു​ക ?

• മേ​ളം പാ​ണ്ടി​യാ​ണോ പ​ഞ്ചാ​രി​യാ​ണോ എ​ന്നു തി​രി​ച്ച​റി​യ​ണ​മെ​ങ്കി​ൽ കൊ​ട്ടി​ന്‍റെ ശാ​സ്ത്രീ​യ വ​ശ​ങ്ങ​ൾ അ​റി​ഞ്ഞേ മ​തി​യാ​കൂ. പെ​ട്ടെ​ന്നു വ​ഴ​ങ്ങാ​ത്ത ചി​ട്ട​ക​ളും താ​ള​വി​ന്യാ​സ​ങ്ങ​ളും ഉ​ള്ള​തു​കൊ​ണ്ടാ​ണി​ത്. ധാ​രാ​ളം കേ​ട്ടു ശീ​ല​മു​ള്ള​വ​ർ​ക്ക് കൊ​ട്ട് അ​വ​സാ​ന ഘ​ട്ട​ത്തി​ലെ​ത്തു​ന്പോ​ൾ മേ​ള​മേ​തെ​ന്ന് തി​രി​ച്ച​റി​യാ​ൻ ക​ഴി​ഞ്ഞേ​ക്കാം. താ​ള​ങ്ങ​ൾ രൂ​പ​പ്പെ​ടു​ത്തി​യെ​ടു​ക്കു​ന്ന​തി​ന് അ​വ​ലം​ബ​മാ​യി ഗ​ണി​ക്കു​ന്ന അ​ടി​സ്ഥാ​ന താ​ള​മാ​യ ചെ​ന്പ​ട​യെ മു​ഴു​വ​നാ​യോ ഭാ​ഗി​ക​മാ​യോ അ​ഞ്ചു​കാ​ല​ത്തി​ൽ കൊ​ട്ടു​ക​യാ​ണ് പ​ഞ്ചാ​രി​യി​ൽ ചെ​യ്യു​ന്ന​ത്.

മേ​ള​ത്തി​ന്‍റെ കാ​ല​മാ​റ്റം ന​ട​ക്കു​ന്ന​ത് 96, 48, 24, 12, 6 എ​ന്ന ക്ര​മ​ത്തി​ലാ​ണ്. ഓ​രോ കാ​ല​ത്തി​നും ഘ​ട്ട​ങ്ങ​ളു​ണ്ട്, ക​ലാ​ശ​മു​ണ്ട്, കൊ​ട്ടു​ന്ന സ​മ​യ​ത്തി​ന് അ​നു​പാ​ത​വു​മു​ണ്ട്. അ​ങ്ങ​നെ അ​ഞ്ചു കാ​ല​ങ്ങ​ൾ ക്ര​മ​മാ​യി കൊ​ട്ടു​ന്ന​തു​കൊ​ണ്ടാ​ണ് പ​ഞ്ചാ​രി എ​ന്ന പേ​രു വ​ന്ന​ത്. പ​ഞ്ചാ​രി​ക്ക് ചെ​ന്പ​ട​യാ​ണെ​ങ്കി​ൽ, പാ​ണ്ടി​യു​ടെ അ​ടി​സ്ഥാ​ന താ​ളം അ​ട​ന്ത​യാ​ണ്. തു​ട​ക്കം മു​ത​ലേ അ​ട​ന്ത​യി​ലാ​ണ് പാ​ണ്ടി. ഇ​തി​ൽ കാ​ല​ങ്ങ​ളു​ടെ ഏ​റ്റ​ക്കു​റ​ച്ചി​ലു​ക​ളി​ല്ല. തു​ട​ർ​ച്ച​യാ​യ ആ​രോ​ഹ​ണം മാ​ത്ര​മാ​ണ്. തു​ട​ക്ക​ത്തി​ലേ കൊ​ട്ടി​ക്കയ​റു​ക​യാ​ണ്. വ​ച്ച​ടി​വ​ച്ച​ടി ക​യ​റ്റം! രൗ​ദ്ര​മാ​ണ് ഇ​തി​ന്‍റെ ആ​വി​ഷ്കാ​രം. ഭാ​വം രൗ​ദ്ര​മാ​യ​തി​നാ​ൽ പാ​ണ്ടി​മേ​ള​ത്തി​ന്‍റെ പ്ര​ത്യേ​ക​ത ശ​ബ്ദ​ഗാം​ഭീ​ര്യ​മാ​ണ്. വി​ദൂ​ര​ത​യി​ൽ നി​ന്നു​പോ​ലും കൊ​ട്ടി​നെ​ക്കു​റി​ച്ച് അ​റി​യാ​വു​ന്ന​വ​രാ​ണെ​ങ്കി​ൽ പ​റ​യും പാ​ണ്ടി​യാ​ണ് മു​ഴ​ങ്ങു​ന്ന​തെ​ന്ന്. അ​ത്ര​യും പ്ര​ത്യേ​ക​ത​യും വ​ശീ​ക​ര​ണ ശ​ക്തി​യു​മാ​ണ് പാ​ണ്ടി​ക്ക്. ഇ​ല​ഞ്ഞി​ത്ത​റ​യാ​ണ് പാ​ണ്ടി​ക്കു കി​ട്ടു​ന്ന ഏ​റ്റ​വും ജ​ന​ബാ​ഹു​ല്യ​മു​ള്ള സ​ദ​സ്.

കൊ​ട്ടേണ്ടതുപോലെ കൊ​ട്ടി​യാ​ൽ ചെ​ണ്ട​യി​ൽ പാ​ണ്ടി ക​ന​ത്ത നാ​ദം പ​ടു​ത്തു​യ​ർ​ത്തും. ഇ​തി​നു താ​ര​ത​മ്യ​ങ്ങ​ളി​ല്ല. ഇ​ത് അ​ത്യാ​ക​ർ​ഷ​ണ​മാ​ണ് ശ്രോ​താ​ക്ക​ളി​ൽ സൃ​ഷ്ടി​ക്കു​ന്ന​തും. ക​ണ്ടും കേ​ട്ടും അ​വ​ർ ആ​വേ​ശ​ഭ​രി​ത​രാ​കും, രോ​മാ​ഞ്ച​മ​ണി​യും. ഇ​ല​ഞ്ഞി​ത്ത​റ മേ​ളം ഒ​രി​ക്ക​ൽ കേ​ട്ട​വ​ർ വീ​ണ്ടും വീ​ണ്ടും ഇ​ല​ഞ്ഞി​ച്ചു​വ​ട്ടി​ലെ​ത്തു​ന്ന​തും ഈ ​വ​ശ്യ​മാ​ന്ത്രി​ക​ത​കൊ​ണ്ടാ​ണ്.

പാ​ണ്ടി​മേ​ള​ത്തി​ന്‍റെ പ്ര​ത്യേ​ക​ത ശ​ബ്ദ ഗാം​ഭീ​ര്യം. പ​ഞ്ചാ​രി​യു​ടേ​തോ?

• പ​ഞ്ചാ​രി​യു​ടെ പ്ര​ത്യേ​ക​ത മാ​ധു​ര്യ​മാ​ണ്. അ​തി​നു കാ​ര​ണം മേ​ള​ത്തി​ന്‍റെ രാ​ഗ​ഘ​ട​ന ക​ർ​ണാ​ട​ക സം​ഗീ​ത​ത്തി​ലെ രൂ​പ​ക​താ​ളം പോ​ലെ​യു​ള്ള ഒ​ന്നാ​യ​താ​ണ്. അ​തി​നാ​ൽ പ​ഞ്ചാ​രി​യു​ടെ അ​ടി​ത്ത​റ വി​പു​ല​മാ​ണ്. പ​ഞ്ചാ​രി​ക്ക് ഒ​രു ക്ലാ​സി​ക്ക​ൽ ട​ച്ചു​ണ്ടെ​ന്ന് സം​ഗീ​തം അ​റി​യാ​വു​ന്ന​വ​ർ പ​റ​യു​ന്ന​ത് ഇ​ക്കാ​ര​ണ​ത്താ​ലാ​ണ്. പ​ഞ്ചാ​രി ന​ന്നാ​യി അ​റി​യു​ന്ന ഒ​രു ക​ലാ​കാ​ര​ന് പാ​ണ്ടി ഒ​ഴി​ച്ചു​ള്ള മേ​ള​ങ്ങ​ളെ​ല്ലാം നി​ഷ്പ്ര​യാ​സം അ​ഭ്യ​സി​ക്കാ​ൻ ക​ഴി​യും. അ​തി​നാ​ൽ, ചെ​ണ്ട​മേ​ള​ങ്ങ​ളി​ൽ മാ​തൃ​കാ സ്ഥാ​ന​ത്താ​യി പ​ഞ്ചാ​രി​യെ കാ​ണു​ന്നു.

ശാ​സ്ത്രീ​യ വ​ശ​ങ്ങ​ൾ അ​റി​യാ​ത്ത​യാ​ൾ​ക്ക് പാ​ണ്ടി​യും പ​ഞ്ചാ​രി​യും എ​ങ്ങ​നെ തി​രി​ച്ച​റി​യാ​നാ​കും?

• പാ​ണ്ടി​യും പ​ഞ്ചാ​രി​യും തി​രി​ച്ച​റി​യാ​ൻ ഒ​രു വ​ഴി​യേ​യു​ള്ളൂ. ര​ണ്ടു കൈ​ക​ളി​ലും കോ​ൽ ഉ​ണ്ടെ​ങ്കി​ൽ, അ​തു പാ​ണ്ടി. ശ​ബ്ദം രൗ​ദ്ര​മാ​ണെ​ന്നു പ​റ​ഞ്ഞി​ല്ലേ, ചെ​ണ്ട​യു​ടെ ഇ​ട​ന്ത​ല​യി​ലും ( ഇ​ട​തു​വ​ശം) വ​ല​ന്ത​ല​യി​ലും (വ​ല​തു​വ​ശം) കോ​ലു​ക​ൾ ഉ​പ​യോ​ഗി​ച്ച് അ​ങ്ങോ​ട്ടു കൊ​ട്ടി​ക്ക​യ​റ​ണം. വ​ല​തു ക​യ്യി​ൽ കോ​ലും, ഇ​ട​തു ക​യ്യു​മാ​ണ് ചെ​ണ്ട​യി​ൽ പ്ര​യോ​ഗി​ക്കു​ന്ന​തെ​ങ്കി​ൽ അ​തു പ​ഞ്ചാ​രി.
താ​യ​ന്പ​ക കൊ​ട്ടാ​ൻ ഒ​രു കൈ​യി​ൽ ഒ​രു കോ​ൽ മാ​ത്ര​മേ ഉ​പ​യോ​ഗി​ക്കാ​റു​ള്ളു. താ​യ​ന്പ​ക മി​ഴാ​വി​ലും കൊ​ട്ടാ​റു​ണ്ട്. അ​പൂ​ർ​വ്വ​മാ​ണെ​ങ്കി​ലും, വ​ട​ക്ക​ൻ കേ​ര​ള​ത്തി​ൽ ര​ണ്ടു കോ​ലു​ക​ൾ ഉ​പ​യോ​ഗി​ച്ചു പ​ഞ്ചാ​രി കൊ​ട്ടു​ന്ന രീ​തി​യു​മു​ണ്ട്. ക​ഥ​ക​ളി​ക്ക് ചെ​ണ്ട കൊ​ട്ടു​ന്പോ​ൾ, മി​ക്ക​വാ​റും ഇ​രു കൈ​യി​ലും കോ​ൽ ഉ​ണ്ടാ​കും. വ​ലി​പ്പം കൂ​ടി​യ​താ​ണ് ക​ഥ​ക​ളി​ച്ചെ​ണ്ട.

പ​ഞ്ചാ​രി​യെ​പ്പോ​ലെ താ​യ​ന്പ​ക​യി​ലും ഒ​രു കോ​ൽ പ്ര​യോ​ഗ​മാ​ണ​ല്ലൊ. ഇ​വ ത​മ്മി​ൽ എ​ന്തെ​ങ്കി​ലും ബ​ന്ധം?

• നേ​രി​ട്ടൊ​രു ബ​ന്ധ​വും കാ​ണു​ന്നി​ല്ല. യ​ഥാ​ർ​ത്ഥ​ത്തി​ൽ, താ​യ​ന്പ​ക പ​ഞ്ചാ​രി​യി​ൽ നി​ന്നോ പാ​ണ്ടി​യി​ൽ നി​ന്നോ രൂ​പം കൊ​ണ്ട​താ​ണെ​ന്നു സ്ഥി​രീ​ക​രി​ക്കാ​ൻ പ​റ്റി​ല്ല. പൊ​തു​വെ​യു​ള്ള ചെ​ണ്ട​മേ​ള​ത്തി​ൽ​നി​ന്ന് ഉ​രു​ത്തി​രി​ഞ്ഞ​താ​വാം എ​ന്ന​താ​ണ് കൂ​ടു​ത​ൽ ശ​രി.
സാ​ധാ​ര​ണ​യാ​യി 90 മു​ത​ൽ 120 മി​നി​റ്റ് വ​രെ നീ​ണ്ടു നി​ൽ​ക്കു​ന്ന​താ​ണ് താ​യ​ന്പ​ക. ആ​റു ഘ​ട്ട​ങ്ങ​ളി​ലാ​യി ച​ന്പ​ക്കൂ​റും അ​ട​ന്ത​ക്കൂ​റും പ​ഞ്ചാ​രി​ക്കൂ​റും ദ്രു​ത​കാ​ല​വു​മെ​ല്ലാം ഇ​തി​ലു​ണ്ട്. മൗ​ലി​ക​മാ​യി നോ​ക്കി​യാ​ൽ, പാ​ണ്ടിയെയും പ​ഞ്ചാ​രി​യെ​യും പോ​ലെ, സ​ന്പൂ​ർ​ണ്ണ​മാ​യൊ​രു സ​മൂ​ഹ​മേ​ള​മെ​ന്നു താ​യ​ന്പ​ക​യെ വി​ളി​ക്കാ​നൊ​ക്കി​ല്ല. എ​ന്നാ​ൽ, ഒ​രു ക്ഷേ​ത്ര​ക​ല എ​ന്ന നി​ല​യി​ൽ ത​ന്നെ​യാ​ണ് താ​യ​ന്പ​ക​യു​ടെയും തു​ട​ക്കം.

അ​ടി​സ്ഥാ​ന​പ​ര​മാ​യി താ​യ​ന്പ​ക​യൊ​രു സോ​ളോ പെ​ർ​ഫോ​ർ​മ​ൻ​സാ​ണ്. മ​റ്റു ചെ​ണ്ട​ക്കാ​രും ഇ​ല​ത്താ​ള​ക്കാ​രും താ​യ​ന്പ​ക​ക്കാ​ര​ന് താ​ളം ന​ൽ​കു​ന്ന​വ​ർ മാ​ത്ര​മാ​ണ്. വ്യ​ക്തി​ഗ​ത ക​ലാ​രൂ​പ​മാ​യ​തി​നാ​ൽ, പ്ര​ധാ​ന ചെ​ണ്ട​വാ​ദ്യ​ക്കാ​ര​ന് ത​ന്‍റെ ക​ഴി​വു​ക​ൾ പ്ര​ക​ട​മാ​ക്കാ​ൻ കൂ​ടു​ത​ൽ അ​വ​സ​രം ല​ഭി​ക്കു​ന്നു. താ​യ​ന്പ​ക​ക്ക് പ്ര​ധാ​ന ക​ലാ​കാ​ര​നെ കൂ​ടാ​തെ ര​ണ്ട് ഇ​ട​ന്ത​ല​ക്കാ​രും ര​ണ്ടു വ​ല​ന്ത​ല​ക്കാ​രും ര​ണ്ട് ഇ​ല​ത്താ​ള​ക്കാ​രു​മാ​ണ് കു​റ​ഞ്ഞ അം​ഗ​സം​ഖ്യ. പി​ന്നെ, ഡ​ബി​ൾ താ​യ​ന്പ​ക​യും ട്രി​പ്പി​ൾ താ​യ​ന്പ​ക​യു​മെ​ല്ലാ​മു​ണ്ട്.

പ​ഞ്ച​വാ​ദ്യ​വും ന​മ്മു​ടെ ത​ന​തു വാ​ദ്യ​ക​ലാ​രൂ​പ​മ​ല്ലേ?

• മ​ദ്ദ​ളം, ഇ​ട​യ്ക്ക, തി​മി​ല, ഇ​ല​ത്താ​ളം, ശം​ഖ് എ​ന്നീ അ​ഞ്ചി​ന​ങ്ങ​ളു​ടെ സ്വ​ര സ​മ്മേ​ള​ന​മാ​ണ് പ​ഞ്ച​വാ​ദ്യം. ചി​ല​യി​ട​ങ്ങ​ളി​ൽ മൃ​ദം​ഗം, കു​ഴ​ൽ, ഓ​ട​ക്കു​ഴ​ൽ എ​ന്നി​വ​യും ഉ​പ​യോ​ഗി​ക്കാ​റു​ണ്ട്. തൃ​ശൂ​ർ പൂ​ര​ത്തി​ന്‍റെ എ​ഴു​ന്ന​ള്ള​ത്തു​ക​ൾ​ക്കാ​ണ് കേ​ര​ള​ത്തി​ൽ പ​ഞ്ച​വാ​ദ്യം ഏ​റ്റ​വും ഗം​ഭീ​ര​മാ​യി അ​വ​ത​രി​പ്പി​ക്ക​പ്പ​ടു​ന്ന​ത്. പി​ന്നെ, തൃ​പ്പൂ​ണി​ത്തു​റ​യി​ലും.

പാ​ണ്ടി​യും പ​ഞ്ചാ​രി​യു​മ​ല്ലാ​ത്ത മേ​ള​ങ്ങ​ളു​ടെ രാ​ഗ​ഘ​ട​ന എ​ങ്ങ​നെ​യാ​ണ്?

• പാ​ണ്ടി അ​ല്ലാ​ത്ത മേ​ള​ങ്ങ​ളെ ചെ​ന്പ​ട​മേ​ള​ങ്ങ​ൾ എ​ന്നാ​ണ് പൊ​തു​വേ വി​ളി​ക്കു​ന്ന​ത്. കാ​ര​ണം, അ​വ ചെ​ന്പ​ട വ​ട്ട​ങ്ങ​ളു​ടെ രൂ​പ​രേ​ഖ​യാ​ണ് തു​ട​ക്ക​ത്തി​ലേ വ​ര​ച്ചു കാ​ട്ടു​ന്ന​ത്. ഓ​രോ കാ​ല​വും ക്ര​മ​മാ​യി കൊ​ട്ടി​ത്തീ​ർ​ത്ത് അ​ടു​ത്ത കാ​ലം തു​ട​ങ്ങു​ന്നു.
അ​തി​നാ​ൽ, അ​വ​യി​ലെ​ല്ലാം ആ​രോ​ഹ​ണ​വും അ​വ​രോ​ഹ​ണ​വു​മു​ണ്ട്. പാ​ണ്ടി​യൊ​ഴി​ച്ചു​ള്ള മേ​ള​ങ്ങ​ളി​ൽ പ​ഞ്ചാ​രി​മേ​ള​ത്തിന്‍റെ രാ​ഗ​മാ​യ ചെ​ന്പ​ട​യു​ടെ സ്വാ​ധീ​ന​മാ​ണു​ള്ള​തെ​ന്ന് മേ​ള​പ്രേ​മി​ക​ൾ തി​രി​ച്ച​റി​യു​ക​യും ചെ​യ്യു​ന്നു. ചെ​ണ്ട​മേ​ള​ങ്ങ​ളി​ൽ മാ​തൃ​കാ​സ്ഥാ​ന​ത്താ​ണ് പ​ഞ്ചാ​രി.

ഇ​ല​ഞ്ഞി​ത്ത​റ മേ​ള​ത്തോ​ടൊ​പ്പം പ​ഞ്ചാ​രി​യും പ​ഞ്ച​വാ​ദ്യ​വും, താ​യ​ന്പ​ക​യും മ​ത്സ​രി​ച്ചു മു​ന്നേ​റു​ന്ന​താ​ണ് തൃ​ശൂ​ർ​പ്പൂ​രം. എ​ല്ലാം ഒ​രു​മിച്ചെ​ത്തു​ന്പോ​ൾ ശ്രോ​താ​ക്ക​ളു​ടെ വി​കാ​രം?

• വ്യ​ത്യ​സ്ത​മാ​യ ക​ലാ​രൂ​പ​ങ്ങ​ളാ​ണെ​ങ്കി​ലും, പ​ഞ്ച​വാ​ദ്യ​മൊ​ഴി​ച്ച് മ​റ്റു​ള്ള​വ​യി​ലെ​ല്ലാം ചെ​ണ്ട​​ത​ന്നെ​യാ​ണ് പ്ര​ധാ​ന വാ​ദ്യം. രൂ​പ​മേ​താ​യാ​ലും, സ്വാ​ഭാ​വി​ക​മാ​യും ചെ​ണ്ട​മേ​ള​ത്തി​ന്‍റെ ശ്രോ​താ​ക്ക​ൾ അ​തി​ന്‍റെ ആ​ത്മാ​ർ​ത്ഥ​മാ​യ ആ​രാ​ധ​ക​രാ​ണ്. താ​ള​വ​ട്ട​ങ്ങ​ളു​ടെ സൂ​ക്ഷ്മ​മാ​യ ദ്രു​ത-​ലാ​സ്യ ഭാ​വ​ങ്ങ​ൾ വ​രെ അ​വ​ർ ആ​സ്വ​ദി​ക്കു​ന്നു​മു​ണ്ട്. എ​ന്നി​രു​ന്നാ​ലും, പൂ​ര​ത്തി​ന് ഒ​രു ശ്രോ​താ​വി​ന്‍റെ ആ​ദ്യ പ​രി​ഗ​ണ​ന ഇ​ല​ഞ്ഞി​ച്ചു​വ​ട്ടി​ലെ പാ​ണ്ടി ത​ന്നെ​യാ​ണ്.

ഇ​ല​ഞ്ഞി​ത്ത​റ മേ​ള​ത്തി​ന്‍റെ സാ​ർ​വ്വ​ദേ​ശീ​യ സ്ഥാ​നം എ​ന്താ​ണ്?

• ഇ​ത്ര​യും ക​ലാ​കാ​രൻമാ​ർ ഒ​രു​മി​ച്ച​് അണി​നി​ര​ക്കു​ന്ന സിം​ഫ​ണി അ​ല്ലെ​ങ്കി​ൽ ഓ​ർ​ക്ക​സ്ട്ര മ​റ്റൊ​രി​ട​ത്തു​മി​ല്ലെ​ന്ന രാ​ജ്യാ​ന്ത​ര ഖ്യാ​തി തൃശൂർ ഇ​ല​ഞ്ഞി​ത്ത​റ മേ​ള​ത്തി​നു​ണ്ട്. യൂ​റോ​പ്പി​ലോ, അ​മേ​രി​ക്ക​യി​ലോ നൂ​റി​ൽ കൂ​ടു​ത​ൽ സം​ഗീ​തോ​പ​ക​ര​ണ​ങ്ങ​ൾ ഉ​പ​യോ​ഗി​ക്കു​ന്ന ഉ​ത്സ​വം ന​ട​ന്നി​ട്ടി​ല്ല. ഇ​ല​ഞ്ഞി​ത്ത​റ​യി​ൽ മു​ന്നൂ​റി​ൽ​പ​രം വാ​ദ്യ​ക​ലാ​കാ​രൻമാ​ർ എ​നി​ക്കൊ​പ്പ​മു​ണ്ടാ​കും. ശീ​തീ​ക​രി​ച്ച മു​റി​യി​ല​ല്ല, എ​രി​പൊ​രി പൊ​ള്ളു​ന്ന മേ​ട​ച്ചൂ​ടി​നു ന​ടു​വി​ലാ​ണ് പാ​ണ്ടി​മേ​ളം.

ഇ​ല​ഞ്ഞി​ത്ത​റ​യി​ൽ ര​ണ്ട​ര മ​ണി​ക്കൂ​ർ അ​നു​ഭ​വി​ക്കു​ന്ന നി​ർ​വൃ​തി ?

• അ​തു വാ​ക്കു​കളിൽ പ​റ​യാ​ൻ പ​റ്റു​ന്ന​ത​ല്ല! പാ​ണ്ടി​മേ​ള​ത്തി​നു സാ​ക്ഷ്യം വ​ഹി​ക്കു​ന്ന ല​ക്ഷ​ക്ക​ണ​ക്കി​നു പ്രേ​ക്ഷ​ക​ർ, ഓ​രോ​രു​ത്ത​രാ​യി അ​നു​ഭ​വി​ക്കു​ന്ന നി​ർ​വൃ​തി​യു​ടെ ആ​കെ​ത്തു​ക ഞാ​ൻ ഇലഞ്ഞിത്തറ മേ​ള​പ്പെ​രു​ക്ക​ത്തി​ൽ ഒ​റ്റ​ക്ക് അ​നു​ഭ​വി​ച്ച​റി​യു​ന്നു! ഒ​രു പൂ​രം ക​ഴി​ഞ്ഞാ​ൽ, അ​ടു​ത്ത പൂ​ര​ത്തി​നാ​യി ആ​കാം​ക്ഷ​യോ​ടെ കാ​ത്തി​രി​ക്കും. അ​ടു​ത്ത വ​ർ​ഷ​ത്തെ പൂ​രം വ​രെ​യും ഈ ​വ​ർ​ഷ​ത്തെ ആ ​ര​ണ്ട​ര മ​ണി​ക്കൂ​ർ നേ​ര​ത്തെ പ​ര​മാ​ന​ന്ദം ജീ​വ​നോ​ടെ നി​ല​നി​ൽ​ക്കും. അ​ത്ര​ക്കു ഹ​രം കൊ​ള്ളി​ക്കു​ന്ന​താ​ണ് ആ ​അ​നു​ഭൂ​തി!

വി​ജ​യ് സി.​ എ​ച്ച്.