നടൈ മന്നൻ നടരാജൻ
ആ​റു പ​തി​റ്റാ​ണ്ടി​ലേ​റെ​യാ​യി ന​ട​പ്പോ​ടു ന​ട​പ്പ്. പേ​രു​പോ​ലെ ന​ട​രാ​ജ​ൻ ന​ട​പ്പി​ലെ മ​ഹാ​രാ​ജാ​വാ​ണ്. നാ​ല​ടി ഉ​യ​ര​ക്കാ​ര​ൻ കു​തി​കാ​ൽ ച​വി​ട്ടി വി​ര​ലു​ക​ൾ മു​ക​ളി​ലേ​ക്കു​യ​ർ​ത്തി​യാ​ണ് യാ​ത്ര. മ​ണി​ക്കൂ​റി​ൽ എ​ട്ടു മൈ​ൽ ദൂരം താ​ണ്ടു​ന്ന ന​ട​രാ​ജ​ൻ താ​ണ്ടി​യ ദൂ​രം കൃ​ത്യ​മാ​യി കു​റി​ച്ചി​രു​ന്നെ​ങ്കി​ൽ ഗി​ന്ന​സ് ബു​ക്കി​ൽ ഇ​ടം​പി​ടി​ക്കേ​ണ്ട​താ​യി​രു​ന്നു. എ​ഴു​പ​ത്തി​യേ​ഴാം വ​യ​സി​ലും ന​ല്ലന​ട​പ്പി​നു വി​ശ്ര​മ​മാ​യി​ട്ടി​ല്ല.

പ​തി​ന​ഞ്ചാം വ​യ​സി​ൽ തു​ട​ങ്ങി​യ ന​ട​ത്തം എ​ഴു​പ​ത്തി​യേ​ഴാം വ​യ​സി​ലും ന​ട​രാ​ജ​ൻ തു​ട​രു​ക​യാ​ണ്. മ​ഞ്ഞും മ​ഴ​യും വെ​യി​ലും വ​ക​വ​യ്ക്കാതെ ചെ​രി​പ്പി​ടാ​തെ​യു​ള്ള ന​ട​പ്പ് എ​ത്ര മൈ​ലു​ക​ൾ താ​ണ്ടി​യി​ട്ടു​ണ്ടെ​ന്ന​തി​നു ക​ണ​ക്കൊ​ന്നു​മി​ല്ല. പാ​ല​ക്കാ​ട് ചി​റ്റൂ​ർ വി​ള​യോ​ടി പു​തു​ശേ​രി​യി​ലെ ന​ട​രാ​ജ​ൻ നടന്നുപോയ ദൂ​രം എഴുതിക്കൂട്ടിയാൽ ഗി​ന്ന​സ് ബു​ക്കി​ൽ ഇ​ടം​പി​ടി​ക്കേ​ണ്ട​യാ​ളാ​ണ്. അ​രി​ക്കു വ​ക​തേ​ടി ചെ​ന്നൈ തെ​രു​വോ​ര​ങ്ങ​ളി​ൽ ബാ​ല്യ​ത്തി​ൽ മി​ഠാ​യി​വി​റ്റു തു​ട​ങ്ങി​യ​താ​ണ് അ​ന​ന്ത​മാ​യ ഈ പ്രയാണം.

നാ​ല​ടി​യേ ന​ട​രാ​ജ​ന് ഉ​യ​ര​മു​ള്ളു. ന​ട​ത്ത വേ​ഗ​മാ​ക​ട്ടെ മ​ണി​ക്കൂ​റി​ൽ ശ​രാ​ശ​രി എ​ട്ടു​മൈ​ൽ.
ദി​വ​സം ഇ​രു​പ​ത്ത​ഞ്ചു മൈ​ൽ വ​രെ ന​ട​പ്പ് ഹോ​ബി​യാ​ക്കി​യ ഇ​ദ്ദേ​ഹ​ത്തി​നൊ​രു വി​ളി​പ്പേ​രു​ണ്ട്- ന​ടൈ​മ​ന്ന​ൻ ന​ട​രാ​ജ​ൻ. മ​റ്റു ചി​ല​രാ​വ​ട്ടെ ഉൗ​ട്ടി എ​ക്സ്പ്ര​സ് എ​ന്നും വി​ളി​ക്കും.

ഇ​രു​കൈ​ക​ളും നീ​ളെ വീ​ശി​യാ​ണ് സ്റ്റൈ​ല​ൻ പോക്ക്. ന​ട​ക്കു​ന്പോ​ൾ കു​തി​കാ​ൽ മാ​ത്രം നി​ല​ത്തു​മു​ട്ടി വി​ര​ലു​ക​ൾ മേൽപോട്ടു നി​വ​ർ​ന്നു നി​ൽ​ക്കും. ഇ​താ​ണ് ന​ട​രാ​ജ​ന്‍റെ ത​ന​തു സ്റ്റൈ​ൽ. ജി​വി​ത​മാ​ക​ട്ടെ സാ​ഹ​സി​ക​നാ​യ കായികതാ​ര​ത്തെ പോ​ലെ​യും.

ഉ​റ​ങ്ങു​ന്ന സ​മ​യ​ത്തി​ന്‍റെ ഇ​ര​ട്ടി​യോ​ളം സമയം ന​ട​ത്തം പ​തി​വാ​ക്കി​യ​തോ​ടെ ത​മി​ഴ് പ​ത്ര​ങ്ങ​ൾ ന​ട​പ്പു മ​ന്ന​ൻ എ​ന്ന വി​ശേ​ഷ​ണം ന​ൽ​കി. ക​ല്യാ​ണ​മോ മ​ര​ണ​മോ അ​ടി​യ​ന്തി​ര​മോ ആ​ഘോ​ഷ​മോ എ​ന്തു​മാ​ക​ട്ടെ, എവിടെ പോകണമെങ്കിലും ന​ട​രാ​ജ​ൻ ന​ട​ന്നു മാ​ത്ര​മേ പോ​കാ​റു​ള്ളു. ആ​ദ്യ​മൊ​ക്കെ റോ​ഡി​നു ന​ടു​വി​ലൂ​ടെ​യും ന​ട​ക്കു​ന്ന​താ​യി​രു​ന്നു ശീ​ലം. സു​ര​ക്ഷ​യെ​ക്ക​രു​തി ഇ​പ്പോ​ൾ യാ​ത്ര റോ​ഡ​രി​കി​ലൂ​ടെ​യാ​ണ്. രാ​വി​ലെ ആ​റി​നു വീ​ട്ടി​ൽ തു​ട​ങ്ങു​ന്ന ന​ട​ത്തം മൈ​ലു​ക​ൾ താ​ണ്ടി തി​രി​കെ വൈ​കു​ന്നേ​രം ആ​റി​നു വീ​ട്ടി​ൽ അ​വ​സാ​നി​ക്കും.

ജ​ന​ന​വേ​ള​യി​ൽ അ​മ്മ ന​ട​രാ​ജ് എ​ന്നു പേ​രി​ട്ട​ത് പി​ൽ​ക്കാ​ല​ത്ത് അ​ച്ച​ട്ടാ​യി മാ​റുകയാ യിരുന്നു. അ​ങ്ങ​നെ ന​ട​പ്പി​ന്‍റെ അ​ന​ന്ത​വ​ഴി​യി​ലെ രാ​ജാ​വാ​യി ന​ട​രാ​ജ​ൻ അ​റി​യ​പ്പെ​ട്ടു.

പ​ട്ടി​ണി​ക്കാ​രു​ടെ കൂ​ര​ക​ളി​ലൊ​ന്നി​ൽ ചെ​ന്നൈ അ​ഡ​യാ​റി​ലാ​യി​രു​ന്നു ന​ട​രാ​ജി​ന്‍റെ ജ​ന​നം. വി​ശ​ന്നു പൊ​രി​യു​ന്ന ബാ​ല്യ​കാ​ലം. ഒ​രു നേ​ര​മെ​ങ്കി​ലും വി​ശ​പ്പ​ക​റ്റാ​നു​ള്ള വ​ക തേ​ടി​യാ​ണ് തെ​രു​വു​ക​ളി​ൽ നാ​ട​ൻ മി​ഠാ​യി വി​ല്പ​ന തു​ട​ങ്ങി​യ​ത്. മി​ഠാ​യി​പാ​ത്ര​വു​മാ​യി രാ​വി​ലെ ആ​റി​നു ന​ട​ത്തം തു​ട​ങ്ങി​യാ​ൽ നാ​ഴി അ​രി​യും പ​ച്ച​ക്ക​റി​യും വാ​ങ്ങി തി​രി​കെ​യെ​ത്തു​ന്പോ​ൾ നേ​രം ഇ​രു​ട്ടും.​ അ​ന്നും ഇ​ന്നും ന​ട​രാ​ജ​ൻ ദ​രി​ദ്ര​നാ​ണ്. പ​ക്ഷെ കാ​ഴ്ച​ക​ളു​ടെ ലോ​കം ആ​സ്വ​ദി​ച്ചും അ​നേ​ക​രെ കൈ​വീ​ശി അ​ഭി​വാ​ദ്യം ചെ​യ്തു​മു​ള്ള ന​ട​പ്പി​ന് യാ​തൊ​രു മ​ടു​പ്പു​മി​ല്ല.

ചേ​രി​ക​ളി​ലെ കു​ട്ടി​ക്കൂ​ട്ട​ത്തി​ലെ കു​റി​യ പ​യ്യ​ന്‍റെ ന​ട​ത്ത വേ​ഗ​വും അ​തി​ന്‍റെ തനതു സ്റ്റൈ​ലും അ​യ​ല​ത്തൊ​ക്കെ അ​റു​പ​താ​ണ്ടു മു​ൻ​പേ കൗ​തു​ക​മാ​യി​രു​ന്നു. ശ​ര​വേ​ഗ​ത്തി​ലെ പാ​ച്ചി​ലി​ൽ അ​ന്നേ നോ​ട്ട​പ്പു​ള്ളി​യാ​യി​ ന​ട​രാ​ജ​ൻ. പ​ക്ഷെ ജീ​വി​ക്കാ​നു​ള്ള പെ​ടാ​പ്പാ​ടി​ലാ​ണ് കൊ​ച്ചു​പ​യ്യ​ന്‍റെ ഓ​ടി​യോ​ടി​യു​ള്ള ജി​വി​ത​മെ​ന്ന് ന​ഗ​ര​ലോ​കം അ​റി​ഞ്ഞ​തില്ല.

സ്റ്റൈ​ൽ​മ​ന്ന​ൻ

കൈ​ക​ളും കാ​ലു​ക​ളും മൂ​ന്നോ​ട്ടു വീ​ശി​വീ​ശി ന​ട​രാ​ജ​ൻ അ​തി​വേ​ഗ​ത്തി​ൽ താ​ണ്ടി​യ​തു മ​റ്റാ​രും ചി​ന്തി​ക്കാ​ൻ ഇ​ട​യി​ല്ലാ​ത്ത​ ദൂ​ര​മാ​ണ്. ​ഈ ന​ട​പ്പു ക​ണ്ടി​ട്ടു​ള്ള​വ​ർ​പോ​ലും ധ​രി​ച്ചി​ട്ടു​ണ്ടാ​വി​ല്ല ഇ​തൊ​രു ലോക റി​ക്കാ​ർ​ഡ് ന​ട​ത്ത​മാ​ണെ​ന്ന്. ന​ട​ത്ത​ത്തി​ലെ കൗ​തു​കം മ​ന​സി​ലാ​ക്കി​യ ചി​ല​രൊ​ക്കെ വി​ശേ​ഷാ​ൽ ച​ട​ങ്ങു​ക​ളി​ലും ഉ​ദ്ഘാ​ട​ന​വേ​ള​യി​ലു​ം ന​ട​രാ​ജ​നെ ക്ഷ​ണ​ിക്കാറുണ്ടായിരുന്നു.

ന​ട​രാ​ജ​ൻ സ്റ്റൈ​ൽ ന​ട​ത്തം വിവിധ ച​ട​ങ്ങു​ക​ളി​ലെ ആ​ക​ർ​ഷ​ക ഇ​ന​മാ​യി​മാ​റി. ചെ​ന്നൈ​യി​ൽ കൊ​ക്ക​കോ​ള ക​ന്പ​നി​യു​ടെ ഉ​ദ്ഘാ​ട​ന​വ​ള​യി​ൽ ന​ട​രാ​ജ​ന്‍റെ ന​ട​പ്പ് പ്ര​ത്യേ​ക പ്ര​ദ​ർ​ശ​ന ഇ​ന​മാ​യി​രു​ന്നു. ക്ല​ബു​ക​ളു​ടെ​യും സം​ഘ​ട​ന​ക​ളു​ടെ​യും ആ​രോ​ഗ്യ ബോ​ധ​വ​ത്ക​ര​ണം തു​ട​ങ്ങി​യ ച​ട​ങ്ങു​ക​ൾ​ക്ക് ന​ട​രാ​ജ​നെ ക്ഷ​ണിക്കുക പതിവായിരുന്നു.

പ​ത്തു​വ​ർ​ഷം മു​ൻ​പു​വ​രെ വി​വി​ധ പ​രി​പാ​ടി​ക​ളി​ൽ ന​ട​രാ​ജ​ന്‍റെ ന​ട​പ്പു​ര​സ​ത്തി​ന് നിരവധി സ്പോ​ണ്‍​സ​ർ​മാ​രു​മു​ണ്ടാ​യി​രു​ന്നു. കോ​വി​ഡ് വ്യാ​പ​ന​ത്തോ​ടെ ന​ട​പ്പു​ത്സ​വ​ത്തി​ന് ആ​രും വി​ളി​ക്കാ​താ​യി.

പ്രാ​യം എ​ണ്‍​പ​തോ​ട് അ​ടു​ക്കു​ന്ന ഇ​ക്കാ​ല​ത്തും ന​ട​ത്തം ന​ട​രാ​ജ​ന് ഹ​ര​മാ​ണ്. എ​ത്ര കു​റ​ഞ്ഞാ​ലും പ​ത്തി​രു​പ​ത് കി​ലോ​മീ​റ്റ​ർ കാ​ൽ നി​ല​ത്തു തൊ​ടാ​ത്ത ദി​വ​സ​ങ്ങ​ൾ കു​റ​വ്. ഈ യാ​ത്രാ​ജീ​വി​ത​ത്തി​ൽ നടരാജന് ഷ​ർ​ട്ടും ബ​നി​യ​നും പാ​ന്‍റ്സു​മൊ​ക്കെ വെ​ള്ള​നി​റ​ത്തി​ലു​ള്ള​താ​ണ്. അ​പൂ​ർ​വ​ നട​ത്ത​ങ്ങ​ളി​ൽ വെ​ള്ള ഷൂ​വാ​ണ് ധ​രി​ച്ച​ത്. ആ​യു​സി​നും ആ​രോ​ഗ്യ​ത്തി​നും ചെരിപ്പിടാതെയുള്ള  ന​ട​ത്തമാണ് മെച്ചമെന്നാണ് ന​ട​രാ​ജ​ന്‍റെ ചൊ​ല്ല്.

ന​ട​രാ​ജ​ന്‍റെ ന​ട​പ്പി​ലെ അപൂർവത മാ​ധ്യ​മ​ങ്ങ​ളി​ലൂ​ടെ അ​റി​ഞ്ഞ​തോ​ടെ ഒ​ട്ടേ​റെ​യി​ട​ങ്ങ​ളി​ൽ ന​ട​പ്പു മ​ഹോ​ത്സ​വ​ങ്ങ​ൾ​ത​ന്നെ സം​ഘ​ടി​പ്പി​ച്ചു. സ്പോ​ണ്‍​സ​ർ​മാ​ർ സ​മ്മാ​നി​ക്കു​ന്ന ബ​നി​യ​ൻ അ​ണി​ഞ്ഞും നെ​യിം ബോ​ർ​ഡ് വ​സ്ത്ര​ത്തി​ൽ പ​തി​പ്പി​ച്ചു​മൊ​ക്കെ​യാ​യിരുന്നു ന​ട​പ്പു​ക​ൾ. ര​ക്ത​ദാ​നം, പ​രി​സ്ഥി​തി സം​ര​ക്ഷ​ണം, വ്യാ​യാ​മം തു​ട​ങ്ങി സ​ന്ദേ​ശ​ങ്ങ​ളു​മാ​യി നീ​ണ്ട ന​ട​പ്പു​ക​ൾ. ചെ​ന്നൈ​യി​ൽ​നി​ന്നും ആ​ന്ധ്രാ പ്ര​ദേ​ശി​ലെ തി​രു​പ്പ​തി​യി​ലേ​ക്കാ​യി​രു​ന്നു ഇ​ത്ത​ര​ത്തി​ൽ ഒ​രു ന​ല്ല​ ന​ട​പ്പ്.

ര​ണ്ടു നാ​ൾ​കൊ​ണ്ട് പാ​ഞ്ഞ​ത് 150 കി​ലോ​മീ​റ്റ​ർ. പി​ന്നീ​ടൊ​രി​ക്ക​ൽ ചെ​ന്നൈ​യി​ൽ​നി​ന്നും പോ​ണ്ടി​ച്ചേ​രി​യി​ലേ​ക്ക് 150 കി​ലോ​മീ​റ്റ​ർ മി​ന്നാ​യം പോ​ലെ പോ​യ​ത് ര​ണ്ടു ദി​വ​സം​കൊ​ണ്ട്. ചെ​ന്നൈ​യി​ൽ​നി​ന്ന് ബാം​ഗ​ളുരു​വി​ലേ​ക്ക് 350 കി​ലോ​മീ​റ്റ​ർ അ​ഞ്ചു ദി​വ​സം​കൊ​ണ്ട് ന​ട​ന്നു. മും​ബൈ, വി​ജ​യ​വാ​ഡ തു​ട​ങ്ങി പ​ല ന​ഗ​ര​ങ്ങ​ളി​ലേ​ക്കും തി​രി​ച്ചും ന​ട​പ്പു​മേ​ള​ക​ൾ ന​ട​ത്തി​യി​ട്ടു​ണ്ട്.

തി​രു​പ്പ​തി ന​ട​ത്തം സ്പോ​ണ്‍​സ​ർ ചെ​യ്ത​തു ന​ടി​യും എം​പി​യു​മാ​യി​രു​ന്ന വൈ​ജ​യ​ന്തി​മാ​ല ആ​യി​രു​ന്നു. ബാം​ഗ​ളൂ​ർ യാ​ത്ര​യു​ടെ സ്പോ​ണ്‍​സ​ർ ചെ​ട്ടി​നാ​ട് സി​മ​ന്‍റ് ഉ​ട​മ എം​എ​എം രാ​മ​സ്വാ​മി ചെ​ട്ടി​യാ​രും പോ​ണ്ടി​ച്ചേ​രി യാ​ത്ര​യു​ടെ സ്പോ​ണ്‍​സ​ർ സി​നി​മാ​താ​രം മേ​ജ​ർ സൗ​ന്ദ​ർ​രാ​ജ​നു​മാ​യി​രു​ന്നു. അ​വ​രെ​ല്ലാം ന​ട​രാ​ജ​നെ​ ആ​ദ​രി​ച്ച് പു​ര​സ്കാ​ര​ങ്ങ​ൾ സ​മ്മാ​നി​ക്കു​ക​യും ചെ​യ്തി​രു​ന്നു. ഒട്ടേറെ പ്ര​മു​ഖ​രു​ടെ ആ​ദ​രം ഏ​റ്റു​വാ​ങ്ങി​യ​തി​ന്‍റെ ഫോ​ട്ടോ​ക​ളും പ​ത്ര​വാ​ർ​ത്ത​ക​ളും ന​ട​രാ​ജ​ന്‍റെ പെ​ട്ടി​യി​ലു​ണ്ട്.

ന​ട​രാ​ജ​ൻ ഇ​ഫ​ക്ട്

ന​ട​രാ​ജ​ന്‍റെ ന​ട​ത്തം റോ​ഡി​ൽ ഇ​റ​ങ്ങി​യാ​ണെ​ങ്കി​ൽ പി​ന്നി​ലൂ​ടെ വ​രു​ന്ന വാ​ഹ​ന​ങ്ങ​ൾ വ​ല​തു​കൈ കാ​ണി​ച്ചു ക​ട​ത്തി​വി​ടും. ഇ​താ​ണ് തനതു ട്രാ​ഫി​ക് സ്റ്റൈ​ൽ. ന​ട​പ്പി​ലെ കാ​ര​ണ​വ​ർ ട്രാ​ഫി​ക് തെ​റ്റി​ച്ച് ന​ടു​റോ​ഡി​ലൂ​ടെ പോ​യാ​ലും പ​ല​ർ​ക്കും പ​രി​ഭ​വ​വു​മി​ല്ല.

അ​ന​ന്ത​മാ​യ ന​ട​പ്പി​ൽ കൗ​തു​കം തോ​ന്നി വാ​ഹ​നം നി​ർ​ത്തി കു​ശ​ലം പ​റ​ഞ്ഞ​വ​രി​ൽ പ​ല പ്ര​മു​ഖ​രു​ണ്ട്. ന​ടൻമാ​രാ​യ ര​ജ​നീ​കാ​ന്തും ക​മ​ൽ​ഹാ​സ​നും കാ​ർ​ത്തി​ക്കും ജ​യ​ശ​ങ്ക​റു​മെ​ല്ലാം അ​നു​മോ​ദി​ച്ച​വ​രി​ൽ​പ്പെ​ടും. പ​രി​ച​യ​പ്പെ​ട്ട​പ്പോ​ൾ വ​ഴി​ച്ചെ​ല​വി​ലേ​ക്ക് ചി​ല്ല​റ സാ​ന്പ​ത്തി​ക സ​ഹാ​യ​ങ്ങ​ൾ ന​ൽ​കി​യ​വ​രു​മു​ണ്ട്. സി​നി​മാ​താ​ര​ങ്ങ​ളും ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​രും ബി​സി​ന​സ് പ്ര​മാ​ണി​ക​ളു​മ​ട​ക്കം നി​ര​വ​ധി പേ​ർ വാ​ഹ​നം നി​റു​ത്തി പ​രി​ച​യ​പ്പെ​ട്ടി​ട്ടു​ണ്ട്.

മു​ൻ ചെ​ന്നൈ പോ​ലീ​സ് ക​മ്മീ​ഷ​ണ​ർ വാ​ൾ​ട്ട​ർ തേ​വാ​ര​ത്തി​നു ന​ട​രാ​ജ​നോ​ടു പ്ര​ത്യേ​ക മ​മ​ത​യു​ണ്ടാ​യി​രു​ന്നു. ഒ​രി​ക്ക​ൽ ചെ​ന്നൈ ഹൈ​വേ​യി​ലൂ​ടെ നീ​ങ്ങു​ന്ന സ​മ​യം. എ​സ്കോ​ർ​ട്ടു വാ​ഹ​നങ്ങൾ സൈ​റ​ണ്‍ മു​ഴ​ക്കി വ​ന്നു​കൊ​ണ്ടേ​യി​രി​ക്കു​ന്നു. ന​ട​രാ​ജ​ൻ പ​ക​ച്ചി​ല്ല, ആ ​വാ​ഹ​നം മു​ന്നോ​ട്ടു പോ​കാ​ൻ ത​ന​തു സ്റ്റൈ​ലി​ൽ കൈ​യ​ട​യാ​ളം കാ​ണി​ച്ചു. ​

വാ​ഹ​ന​ത്തി​നു പി​ന്നാ​ലെ വ​ന്ന വി​ഐ​പിയുടെ വാ​ഹ​ന​വും സി​ഗ്ന​ൽ കാ​ണി​ച്ചു ക​ട​ത്തി​വി​ട്ടു. പ്ര​മു​ഖ​ൻ വാ​ഹ​നം അരുകിൽ നി​ർ​ത്തി ന​ട​രാ​ജ​നെ കൈ​വീ​ശി അ​ഭി​വാ​ദ്യം ചെ​യ്തു. നോ​ക്കി​യ​പ്പോ​ൾ കാ​റി​ലു​ണ്ടാ​യി​രു​ന്ന പ്ര​മു​ഖ​ൻ മു​ഖ്യ​മ​ന്ത്രി ക​ലൈ​ഞ്ജ​ർ ക​രു​ണാ​നി​ധി..! പി​റ്റേ​ന്ന് ചെ​ന്നൈ​യി​ലെ പ​ത്ര​ങ്ങ​ളി​ൽ ഇ​തു കൗ​തു​ക​വാ​ർ​ത്ത​യാ​യി.

സു​ദീ​ർ​ഘ​മാ​യ കാ​ൽ​ന​ട യാ​ത്ര​ക​ളി​ൽ എ​ന്ത് ആ​വ​ശ്യ​മു​ണ്ടാ​യാ​ലും പോ​ലീ​സ് സ​ഹാ​യം തേ​ടും. രാ​ത്രി​വേ​ള​ക​ളി​ൽ പോ​ലീ​സ് സ്റ്റേ​ഷ​നു​ക​ളി​ലെ​ത്തി അ​നു​വാ​ദം വാ​ങ്ങി അ​വി​ടെ​യാ​കും കി​ട​പ്പ്. ഇ​ത്ത​ര​ത്തി​ൽ മാ​ന്യ​മാ​യ ആ​തി​ഥ്യം ന​ൽ​കി​യ പോലീസ് സ്റ്റേ​ഷ​നു​ക​ളി​ലെ അ​നു​ഭ​വ​ങ്ങ​ൾ ഓ​ർ​മ​യി​ലു​ണ്ട്.

ന​ട​രാ​ജ​ന്‍റെ ഇ​നി​യു​ള്ള ആ​ഗ്ര​ഹം ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​നെ സ​ന്ദ​ർ​ശി​ക്ക​ണ​മെ​ന്നാ​ണ്. അ​ച്ഛ​ൻ ക​രു​ണാ​നി​ധി​യു​ടെ പ​ഴ​യ കാ​ല കൈ​വീ​ശ​ൽ പ​ത്ര​വാ​ർ​ത്ത കാ​ണി​ച്ചു​കൊ​ടു​ക്കു​ക​യും വേ​ണം. പാ​ല​ക്കാ​ട്ടു നി​ന്നും ചെ​ന്നൈ​യി​ലെ​ത്തി ന​ട​ന്നു​പോ​യി സ്റ്റാ​ലി​നെ ക​ണ്ട് ത​ന്‍റെ ഇ​ക്കാ​ല​ത്തെ ദു​രി​ത സാ​ഹ​ച​ര്യ​ങ്ങ​ൾ അ​റി​യി​ക്കാ​നാ​യി നി​വേ​ദ​നം ത​യാ​റാ​ക്കി​യി​ട്ടു​ണ്ട്.

ന​ട​രാ​ജ​ന്‍റെ സൂ​പ്പ​ർ ഹീ​റോ ത​മി​ഴ് ന​ട​ൻ ജ​യ​ശ​ങ്ക​റാ​ണ്. സ്റ്റൈ​ൽ മ​ന്ന​ൻ ര​ജ​നീ​കാ​ന്തി​നെ​യും ഏ​റെ ഇ​ഷ്ടം. നാ​ല​ഞ്ചു ത​വ​ണ ര​ജ​നീ​കാ​ന്തി​നെ ക​ണ്ടി​ട്ടു​ണ്ട്. ഒ​രി​ക്ക​ൽ ര​ജ​നീ​കാ​ന്ത് സ​ഹാ​യം ന​ല്കു​ക​യും ചെ​യ്തു.

അ​ന​ന്ത​യാ​ത്ര​യു​ടെ മ​ഹാ​രാ​ജ​ൻ ര​ണ്ടു സി​നി​മ​ക​ളി​ലും ന​ട​പ്പി​നി​ടെ മു​ഖം​കാ​ണി​ച്ചു. ച​ട്ട​ന്പി​ക​ല്യാ​ണി എ​ന്ന മ​ല​യാ​ള​ചി​ത്ര​ത്തി​ലും ത​മി​ഴി​ൽ ജ​യ​ശ​ങ്ക​റി​ന്‍റെ ക​ഥാ​നാ​യ​ക​ൻ ചി​ത്ര​ത്തി​ലും. ര​ണ്ടും ചെ​റി​യ ഷോ​ട്ടു​ക​ൾ. ന​ട​ത്ത​ത്തി​ലെ ദേ​ശീ​യ​താ​ര​ത്തി​ന് പെ​ണ്‍​കു​ട്ടി​ക​ൾ ന​ൽ​കി​യ പേ​രാ​ണ് ഉൗ​ട്ടി എ​ക്സ്പ്ര​സ്. ചെ​റു​പ്പ​ത്തി​ൽ ചെ​ന്നൈ തേ​നാന്പെ​ട്ട എ​സ്ഐ​ഇ​ടി കോ​ള​ജ് ലേ​ഡീ​സ് ഹോ​സ്റ്റ​ലി​ലെ അ​ടു​ക്ക​ള​പ്പ​ണി​ക്കാ​ര​നാ​യി ഇ​ദ്ദേ​ഹം ക​ഴി​ഞ്ഞി​ട്ടു​ണ്ട്. അ​തി​വേ​ഗ ന​ട​ത്ത​ക്കാ​ര​നു​ള്ള ആ​ദ​ര​വാ​യി പെ​ണ്‍​കു​ട്ടി​ക​ളു​ടെ പേ​രു​ചാ​ർ​ത്താ​ണ് ഉൗ​ട്ടി എ​ക്സ്പ്ര​സ്.

ചി​റ്റൂ​രി​ന്‍റെ മ​രു​മ​ക​ൻ

ചെ​ന്നൈ​യി​ലെ കു​തി​ര​പ്പ​ന്ത​യ​ക്ക​ള​ത്തി​ൽ ലേ​ല​ത്തു​ക​യു​ടെ അ​ക്ക​ങ്ങ​ൾ നി​ര​ത്തു​ന്ന പ​ണി​യും കു​റെ​ക്കാ​ലം ന​ട​രാ​ജ​ൻ ന​ട​ത്തി. സ്ഥി​ര​മാ​യി പ​ന്ത​യ​ക്ക​ള​ത്തി​ൽ എ​ത്താ​റു​ണ്ടാ​യി​രു​ന്ന പാ​ല​ക്കാ​ട് ചി​റ്റൂ​രു​കാ​രു​മാ​യു​ണ്ടാ​യ പ​രി​ച​യ​ത്തി​ലാ​ണ് കേ​ര​ള​ത്തി​ലെ​ത്തി​യ​ത്. അ​ങ്ങ​നെ​യൊ​രു വ​ര​വി​ൽ നാ​ൽ​പ്പ​താം വ​യ​സി​ൽ ചി​റ്റൂ​ർ വി​ള​യോ​ടി​യി​ലെ​ത്തി മ​ല​യാ​ളി​യാ​യ ക​മ​ലാ​ക്ഷി​യെ വി​വാ​ഹം ക​ഴി​ച്ചു. മ​ക​ൾ അ​ഞ്ജ​ല.

ന​ട​ന്നു​ന​ട​ന്നു ജീ​വി​തം ധ​ന്യ​മാ​ക്കു​ന്ന ന​ട​രാ​ജ​ന്‍റെ സ​ന്ദേ​ശം ഇ​താ​ണ്. എ​ല്ലാ​വ​രും ന​ട​ക്കു​ക, എ​പ്പോ​ഴും ന​ട​ക്കു​ക, അ​ത് ആ​രോ​ഗ്യ​ദാ​യ​കം. ജീ​വി​ത​മാ​ർ​ഗം തേ​ടി ഇ​ട​ക്കാ​ല​ത്ത് വാ​ച്ച്മാ​നാ​യും ലി​ഫ്റ്റ് ഓ​പ്പ​റേ​റ്റ​റാ​യു​മൊ​ക്ക നടപ്പുരാജൻ ജോ​ലി നോ​ക്കി​യി​ട്ടു​ണ്ട്.

എ​ഴു​പ​ത്തി​യേ​ഴാം വ​യ​സു പി​ന്നി​ടു​ന്പോ​ൾ ന​ട​രാ​ജ​ന് കാ​ഴ്ച​യും ഓ​ർ​മ​യും മ​ങ്ങി​ത്തു​ട​ങ്ങി​യി​രി​ക്കു​ന്നു. നേ​രി​യ വി​റ​യ​ലും. പ​തി​ന​ഞ്ചാം വ​യ​സി​ല്‌ മി​ഠാ​യി വി​ല്പ​ന​ക്കാ​ര​നാ​യി ന​ട​ത്തു തു​ട​ങ്ങി​യ ജീ​വി​ത​ത്തി​ൽ സാ​ക്ഷ്യം വ​ഹി​ച്ച സം​ഭ​വ​ങ്ങ​ൾ ഏ​റെ​യാ​ണ്. വി​ള​യോ​ടി​യി​ലെ ഓ​ല​മേ​ഞ്ഞ ചെ​റ്റ​ക്കു​ടി​ലി​ൽ കാ​ല​ത്തി​നും സം​ഭ​വ​ങ്ങ​ൾ​ക്കു സാ​ക്ഷി​യാ​യി ന​ട​രാ​ജ​നു​ണ്ട്.

ചെ​ന്നൈ​യി​ലെ ഏ​റെ ബ​ന്ധു​ക്ക​ളും മ​ണ്‍​മ​റ​ഞ്ഞി​രി​ക്കുന്നു. മ​ര​ണം വ​രെ മ​ടു​പ്പി​ല്ലാ​ത്ത യാ​ത്ര തു​ട​ര​ണ​മെ​ന്ന ആ​ഗ്ര​ഹ​ത്തി​ൽ ന​ട​രാ​ജ​ൻ ന​ട​പ്പു​തു​ട​രു​ക​യാ​ണ്. വ​ഴി​ച്ചെ​ല​വി​നു​ള്ള വ​ക തേ​ടി ച​ന്ദ​ന​ത്തി​രി​യും അ​ത്ത​റും ക​ർ​പ്പൂ​ര​വും സാ​ന്പ്രാ​ണി​യും വി​റ്റാ​ണ് ഇ​പ്പോ​ഴ​ത്തെ ന​ട​ത്തം.

എം.​വി. വ​സ​ന്ത്


Copyright @ 2022 , Rashtra Deepika Ltd.