മ​ണ്ണി​ലും മ​നു​ഷ്യ​രി​ലും ഹൃ​ദ​യ​പൂ​ർ​വം
എ​ഴു ഹൃ​ദ​യം മാ​റ്റി​വ​യ്ക്ക​ൽ ഉ​ൾ​പ്പെ​ടെ പ​തി​ന​യ്യാ​യി​രം ഹൃ​ദ​യ​ശ​സ്ത്ര​ക്രി​യ​ക​ൾ. കാ​രു​ണ്യ​ത്തി​ന്‍റെ മു​ഖ​വും ആ​ശ്വാ​സ​ത്തി​ന്‍റെ വാ​ക്കു​ക​ളു​മാ​യി രോ​ഗി​ക​ൾ​ക്ക് ജീ​വ​ൻ പ​ക​രു​ക​യാ​ണ് കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി സൂ​പ്ര​ണ്ടും ഹൃ​ദ​യ​ശ​സ്ത്ര​ക്രി​യ വി​ഭാ​ഗം മേ​ധാ​വി​യു​മാ​യ ഡോ. ​ടി.​കെ. ജ​യ​കു​മാ​ർ. 18 മ​ണി​ക്കൂ​ർ വ​രെ ആ​ശു​പ​ത്രി​യി​ലെ ശു​ശ്രൂ​ഷ​ക​ൾ​ക്കു​ശേ​ഷം ഡോ. ​ജ​യ​കു​മാ​റി​ന്‍റെ അ​ധ്വാ​നം സ്വ​ന്തം കൃ​ഷി​യി​ട​ത്തി​ലും തൊ​ഴു​ത്തി​ലു​മാ​ണ്.

ഹൃ​ദ​യം​പോ​ലെ പു​ണ്യം ചെ​യ്ത​താ​ണ് ഡോ.​ടി.​കെ. ജ​യ​കു​മാ​റി​ന്‍റെ കൈ​ക​ളും. കോ​ട്ട​യം സ​ർ​ക്കാ​ർ മെ​ഡി​ക്ക​ൽ കോ​ള​ജി​ൽ ഇ​തോ​ട​കം ഏ​ഴു ഹൃ​ദ​യ​ങ്ങ​ൾ ഏ​ഴു പേ​രി​ൽ തു​ന്നി​ച്ചേ​ർ​ത്ത പ​ത്തു വി​ര​ലു​ക​ൾ കൂ​പ്പി രോ​ഗി​ക​ളെ ഹൃ​ദ​യ​ത്തോ​ട് ഇ​ഴ​ചേ​ർ​ക്കു​ക​യാ​ണ് ക​രു​ണ​യു​ടെ മു​ഖ​മു​ള്ള ഭി​ഷ​ഗ്വ​ര​ൻ.

ജീ​വ​നും മ​ര​ണ​ത്തി​നും ഇ​ട​യി​ലെ നൂ​ൽ​പാ​ല​ത്തി​ൽ ദൈ​വ​ത്തി​ന്‍റെ ക​ര​ങ്ങ​ളാ​ണ് എ​ന്‍റെ കൈ​വി​ര​ലു​ക​ളെ ച​ലി​പ്പി​ക്കു​ന്ന​ത്. തു​ന്നി​ച്ചേ​ർ​ത്ത ഹൃ​ദ​യം മി​ടി​ക്കു​ന്പോ​ൾ പു​ന​ർ​ജ​ന്മം ല​ഭി​ച്ച​യാ​ളു​ടെ ക​ണ്ണു​ക​ളി​ൽ തെ​ളി​യു​ന്ന പ്ര​കാ​ശ​മാ​ണ് എ​ന്‍റെ സ​ന്തോ​ഷം.

ബൈ​പാ​സു​ക​ളും വാ​ൽ​വ് മാ​റ്റി​വ​യ്ക്ക​ലും ഉ​ൾ​പ്പെ​ടെ പ​തി​ന​യ്യാ​യി​ര​ത്തോ​ളം അ​തി​സൂ​ക്ഷ്മ ശ​സ്ത്ര​ക്രി​യ​ക​ൾ പൂ​ർ​ത്തി​യാ​ക്കി​യ ഡോ. ​ടി.​കെ. ജ​യ​കു​മാ​റി​ന്‍റെ രാ​പ​ക​ലു​ക​ൾ രോ​ഗി​ക​ൾ​ക്കു ന​ടു​വി​ലും ഒ​പ്പ​വു​മാ​ണ്.

കേ​ര​ള​ത്തി​ലെ സ​ർ​ക്കാ​ർ മെ​ഡി​ക്ക​ൽ കോ​ള​ജു​ക​ളി​ൽ ഹൃ​ദ​യം മാ​റ്റ​വ​യ്ക്ക​ൽ ന​ട​ത്തി​യ ഏ​ക ആ​ശു​പ​ത്രി​യാ​ണി​ത്. അ​ടു​ത്ത മാ​സ​ത്തോ​ടെ ക​ര​ൾ മാ​റ്റി​വ​യ്ക്ക​ൽ ന​ട​ത്താ​നു​ള്ള ത​യാ​റെ​ടു​പ്പി​ലാ​ണ് ജ​യ​കു​മാ​ർ ടീം. ​ഏ​റെ വൈ​കാ​തെ ഇ​വി​ടെ ശ്വാ​സ​കോ​ശ​വും മാ​റ്റി​വ​യ്ക്കും.

കോ​ട്ട​യം മെ​ഡി​ക്ക​ൽ കോ​ള​ജ് സൂ​പ്ര​ണ്ടും ഹൃ​ദ​യ ശ​സ്ത്ര​ക്രി​യാ വ​കു​പ്പ് മേ​ധാ​വി​യു​മാ​യ ഡോ.​ടി.​കെ.​ജ​യ​കു​മാ​ർ ആ​യി​ര​ക്ക​ണ​ക്കി​ന് ഹൃ​ദ​യ​ങ്ങ​ളു​ടെ തു​ടി​പ്പി​ന് ഇ​രു​പ​തു വ​ർ​ഷ​മാ​യി താ​ളം ന​ൽ​കു​ക​യാ​ണ്. ന​യാ​പൈ​സ​യി​ല്ലാ​തെ ക​ണ്ണീ​രോ​ടെ വ​രു​ന്ന രോ​ഗി​ക​ൾ​ക്കു മു​ന്നി​ലാ​ണ് സ​ർ​ക്കാ​ർ ആ​ശു​പ​ത്രി​യി​ലെ ഈ ​സൂ​പ്പ​ർ സ്പെ​ഷ​ലി​സ്റ്റ് ക​രു​ണ​യും ക​രു​ത​ലു​മാ​യി പ​ക്ഷം​ചേ​രു​ന്ന​ത്.

പ​ണ​മു​ള്ള​വ​രു​ടെ​യും ഇ​ല്ലാ​ത്ത​വ​രു​ടെ​യും ജീ​വ​ന് തു​ല്യ​വി​ല ക​ൽ​പ്പി​ക്കു​ന്ന ഇ​ദ്ദേ​ഹം ദി​വ​സം പ​തി​നെ​ട്ടു മ​ണി​ക്കൂ​ർ​വ​രെ ഓ​പ്പ​റേ​ഷ​ൻ തി​യ​റ്റ​റി​ലും പ​രി​ശോ​ധ​നാ​മു​റി​യി​ലും വാ​ർ​ഡു​ക​ളി​ലും വി​ദ്യാ​ർ​ഥി​ക​ൾ​ക്കി​ട​യി​ലും ക​ർ​മ​നി​ര​ത​നാ​ണ്. രോ​ഗി​ക​ൾ​ക്ക് ദി​വ​സം ഏ​ഴെ​ട്ടു മ​ണി​ക്കൂ​ർ ഉ​റ​ക്കം നി​ർ​ദേ​ശി​ക്കു​ന്ന ഡോ​ക്ട​ർ​ക്കാ​വ​ട്ടെ ര​ണ്ടോ മൂ​ന്നോ മ​ണി​ക്കൂ​ർ മാ​ത്ര​മാ​ണ് ഉ​റ​ക്കം. പു​ല​ർ​ച്ചെ ര​ണ്ടി​നോ മൂ​ന്നി​നോ അ​വ​സാ​ന ശ​സ്ത്ര​ക്രി​യ​യും വി​ജ​യി​ച്ച​താ​യി ഉ​റ​പ്പാ​ക്കി തി​യ​റ്റ​റി​നോ​ടു ചേ​ർ​ന്ന വി​ശ്ര​മ മു​റി​യി​ലെ സോ​ഫാ​യി​ൽ ചാ​രി ര​ണ്ടു മ​ണി​ക്കൂ​ർ പാ​തി​മ​യ​ക്ക​മാ​ണ് പ​തി​വ്.

വ​ർ​ഷം ര​ണ്ടാ​യി​ര​ത്തോ​ളം ഹൃ​ദ​യ​ങ്ങ​ൾ റി​പ്പ​യ​ർ ചെ​യ്യു​ന്ന ജ​യ​കു​മാ​റി​നാ​യി​രു​ന്നു 2017-ൽ ​സം​സ്ഥാ​ന​ത്തെ ഏ​റ്റ​വും മി​ക​ച്ച ഡോ​ക്ട​ർ​ക്കു​ള്ള പു​ര​സ്കാ​രം. ഓ​രോ പു​ര​സ്കാ​ര​ല​ബ്‌​ധി​യി​ലും ഡോ​ക്ട​റേ​ക്കാ​ൾ സ​ന്തോ​ഷി​ക്കു​ന്ന​ത് ഇ​ദ്ദേ​ഹം കി​ട​ക്ക​യി​ൽ​നി​ന്നു ജീ​വി​ത​ത്തി​ലേ​ക്കു വ​ഴി​ന​ട​ത്തു​ന്ന രോ​ഗി​ക​ളും അ​വ​രു​ടെ ഉ​റ്റ​വ​രു​മാ​ണ്.

ഓ​ർ​മ​യി​ലെ ക​ണ്ണീ​ർ​പ്പൂ​വ്

1998-ൽ ​സേ​വ​ന​ത്തി​ന്‍റെ തു​ട​ക്ക​ഘ​ട്ട​ത്തി​ലു​ണ്ടാ​യ നൊ​ന്പ​ര​പ്പെ​ടു​ത്തു​ന്ന ആ ​ക​ണ്ണീ​ര​നു​ഭ​വം ഓ​രോ രോ​ഗി​യു​ടെ വേ​ദ​ന​യി​ലും ദു​രി​ത​ങ്ങ​ളി​ലും ഡോ. ​ജ​യ​കു​മാ​റി​ന് വേ​ദ​ന​യു​ടെ നോ​വാ​ണ്. കോ​ട്ട​യം മെ​ഡി​ക്ക​ൽ കോ​ള​ജി​ൽ മെ​ഡി​ക്ക​ൽ പ​ഠ​ന​ശേ​ഷം ഇ​വി​ടെ ഡോ​ക്ട​റാ​യി നി​യ​മി​ത​നാ​യ കാ​ല​ത്ത് ഇ​തേ ആ​ശു​പ​ത്രി​യി​ൽ ഭാ​ര്യ ഡോ. ​ല​ക്ഷ്മി മാ​സം​തി​ക​യാ​തെ ആ​ണ്‍​കു​ഞ്ഞി​നെ പ്ര​സ​വി​ച്ചു. അ​ച്ഛ​നാ​യ ദി​നം കു​ഞ്ഞി​നെ ക​ണ്‍​നി​റ​യെ ക​ണ്ടു​കൊ​ണ്ടി​രി​ക്കെ​യാ​ണ് ശ്വാ​സ​കോ​ശ​സം​ബ​ന്ധ​മാ​യ ഗു​രു​ത​രാ​വ​സ്ഥ ക​ണ്ടെ​ത്തി​യ​ത്.

കു​ഞ്ഞി​നെ ര​ക്ഷി​ക്ക​ണ​മെ​ങ്കി​ൽ മ​ണി​ക്കൂ​റു​ക​ൾ​ക്കു​ള്ളി​ൽ എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ക്ക​ണം. അ​ക്കാ​ല​ത്ത് കു​ഞ്ഞു​ങ്ങ​ൾ​ക്ക് വെ​ന്‍റി​ലേ​റ്റ​ർ സൗ​ക​ര്യം കോ​ട്ട​യ​ത്തി​ല്ല. മാ​ത്ര​വു​മ​ല്ല ചി​കി​ത്സ​യ്ക്ക് ഒ​ന്ന​ര ല​ക്ഷം രൂ​പ​വ​രെ ചെ​ല​വു​വ​രും. ജ​യ​കു​മാ​റി​ന് തു​ട​ക്ക മാ​സ​ശ​ന്പ​ള​മാ​ക​ട്ടെ 4500 രൂ​പ​യും. ല​ക്ഷം തു​ക ക​ണ്ടെ​ത്താ​ൻ ക​ഴി​ഞ്ഞി​ല്ല, കു​ഞ്ഞി​ന്‍റെ ജീ​വ​ൻ ര​ക്ഷി​ക്കാ​നു​മാ​യി​ല്ല. ച​ല​ന​മ​റ്റ പി​ഞ്ചു​മു​ഖ​ത്തേ​ക്കു​നോ​ക്കി ഡോ. ​ജ​യ​കു​മാ​ർ തീ​രു​മാ​ന​മെ​ടു​ത്തു, വൈ​ദ്യ​ജീ​വി​തം പാ​വ​പ്പെ​ട്ട​വ​ർ​ക്കും വേ​ദ​നി​ക്കു​ന്ന​വ​ർ​ക്കും വേ​ണ്ടി​യാ​യി​രി​ക്കു​മെ​ന്ന്.

സ​ർ​ക്കാ​ർ ആ​ശു​പ​ത്രി​യി​ലെ​ത്തു​ന്ന പാ​വ​പ്പെ​ട്ട​വ​രു​ടെ സാ​ന്പ​ത്തി​ക​ഞെ​രു​ക്കം വ​ല്ലാ​തെ വേ​ദ​നി​പ്പി​ക്കാ​റു​ണ്ട്. അ​ച്ഛ​ൻ അ​ധ്യാ​പ​ക​നാ​യി​രി​ക്കെ പ​ല​പ്പോ​ഴും സ്വ​ന്തം വീ​ട്ടി​ലെ സാ​ന്പ​ത്തി​ക​ഞെ​രു​ക്കം നേ​രി​ൽ അ​നു​ഭ​വി​ച്ചാ​ണു വ​ള​ർ​ന്ന​ത്. അ​ക്കാ​ല​ത്ത് വീ​ട്ടി​ൽ കൃ​ഷി​പ്പ​ണി​ക്കു വ​ന്നി​രു​ന്ന തൊ​ഴി​ലാ​ളി​ക​ളു​ടെ ദു​രി​ത​ങ്ങ​ളും നേ​രി​ൽ ക​ണ്ടി​ട്ടു​ണ്ട്. അ​വ​രോ​ടൊ​പ്പം പാ​ട​ത്തും പ​റ​ന്പി​ലും പ​ണി​താ​ണ് ഞാ​ൻ വ​ള​ർ​ന്ന​ത്.

ചി​കി​ത്സ ജോ​ലി​യ​ല്ല, ജീ​വി​ത​ത​പ​സ്യ​യും സ​മ​ർ​പ്പി​ത ശു​ശ്രൂ​ഷ​യു​മാ​ണ്. കൂ​ടു​ത​ൽ ജോ​ലി ചെ​യ്യു​ന്പോ​ൾ കൂ​ടു​ത​ൽ സം​തൃ​പ്തി​യും ഉ​ന്മേ​ഷ​വു​മാ​ണു​ണ്ടാ​കു​ന്ന​ത്. ശ​സ്ത്ര​ക്രി​യ​ക​ളി​ൽ അ​വ​സാ​ന നൂ​ൽ കോ​ർ​ത്ത് മ​യ​ക്ക​ത്തി​ൽ​നി​ന്നും രോ​ഗി ക​ണ്ണു തു​റ​ക്കും​വ​രെ ഡോ.​ജ​യ​കു​മാ​ർ പ്രാ​ർ​ഥ​ന​യി​ലാ​യി​രി​ക്കും. ഈ ​കീ​റ​ലി​നും തു​ന്ന​ലി​നും പി​ന്നി​ൽ ദൈ​വം ത​ന്നെ ഉ​പ​ക​ര​ണ​മാ​ക്കി​യ​താ​ണെ​ന്ന വി​ശ്വാ​സ​മാ​ണ് ഓ​രോ നി​മി​ഷ​വും മ​ന​സി​നെ ന​യി​ക്കു​ന്ന​ത്.

മ​ന​സി​ൽ നാം ​ഒ​രു കാ​ര്യം സം​ഭ​വി​ക്ക​ണ​മെ​ന്ന് ആ​ഗ്ര​ഹി​ച്ചാ​ൽ ലോ​കം ന​മു​ക്കു ചു​റ്റും സ​ഹാ​യ​വു​മാ​യി വ​ന്നു​നി​ൽ​ക്കും എ​ന്ന വി​ഖ്യാ​ത എ​ഴു​ത്തു​കാ​ര​ൻ പൗ​ലോ കൊ​യ്‌​ലോ​യു​ടെ വാ​ക്കു​ക​ളാ​ണ് ഡോ​ക്ട​റു​ടെ അ​നു​ഭ​വ​മ​ന്ത്രം.

“രോ​ഗി​യു​ടെ മാ​ത്ര​മ​ല്ല അ​വ​രു​ടെ ബ​ന്ധു​ക്ക​ൾ കാ​ണി​ക്കു​ന്ന സ്നേ​ഹ​മാ​ണ് എ​ന്‍റെ സ​ന്പ​ത്ത്, അ​വ​രു​ടെ സൗ​ഖ്യ​മാ​ണ് എ​ന്‍റെ സ​ന്തോ​ഷം.” ഹൃ​ദ​യ​മാ​റ്റ ശാ​സ്ത്ര​ക്രി​യ​യി​ൽ മാ​സ്റ്റ​ർ ബി​രു​ദ​വും ദേ​ശീ​യ കാ​ർ​ഡി​യോ​തൊ​റാ​സി​ക് ബോ​ർ​ഡ് പ​രീ​ക്ഷ​യി​ൽ വി​ജ​യ​വും നേ​ടി​യ ശേ​ഷ​മാ​ണ് ഹൃ​ദ​യ​ശ​സ്ത്ര​ക്രി​യ​യി​ൽ മു​ഴു​വ​ൻ ശ്ര​ദ്ധ​യും അ​ർ​പ്പി​ച്ച് പ്ര​വ​ർ​ത്തി​ച്ചു​തു​ട​ങ്ങി​യ​ത്. ഹൗ​സ് സ​ർ​ജ​ൻ​സി പ​രി​ശീ​ല​ന​കാ​ലം മു​ത​ൽ ഹൃ​ദ​യ ശ​സ്ത്ര​ക്രി​യ​യി​ൽ താ​ത്പ​ര്യ​മു​ണ്ടാ​യി​രു​ന്നു.

സ്വ​കാ​ര്യ ആ​ശു​പ​ത്രി​ക​ളി​ലെ ചി​കി​ത്സ താ​ങ്ങാ​ൻ പ​ണ​മി​ല്ലാ​ത്ത​വ​രാ​ണ് ക​ണ്ണീ​രോ​ടെ എ​ല്ലാ പ്ര​തീ​ക്ഷ​ക​ളും ന​ഷ്ട​മാ​യി എ​ത്തു​ന്ന ഏ​റെ​പ്പേ​രും. തു​ട​ർ​ചി​കി​ത്സ​യി​ൽ സ്വ​ത്തു​വ​ക​ക​ൾ വി​റ്റു​തീ​ർ​ന്ന​വ​രും ഇ​തി​ൽ​പ്പെ​ടും.

ക​രു​ത​ലും കാ​രു​ണ്യ​വും

എ​ന്‍റെ ഉ​പേ​ക്ഷ​യി​ലും അ​നാ​സ്ഥ​യി​ലും ഒ​രു രോ​ഗി​യും ക​ണ്ണീ​രോ​ടെ മ​ട​ങ്ങ​രു​ത്. അ​ങ്ങ​നെ ശ​സ്ത്ര​ക്രി​യ​യ്ക്കും ചി​കി​ത്സ​യ്ക്കു​മു​ള്ള പ​ണം സ​ർ​ക്കാ​ർ സം​വി​ധാ​ന​ത്തി​ൽ സ്വ​രൂ​പി​ക്കു​ന്ന​തി​നു​വ​രെ ഡോ. ​ജ​യ​കു​മാ​ർ രോ​ഗി​ക്ക് ക​രു​ത​ലാ​യി മാ​റു​ന്നു. കാ​രു​ണ്യ ചി​കി​ത്സാ പ​ദ്ധ​തി​യും ഇ​ൻ​ഷു​റ​ൻ​സും ഇ​ത​ര സ​ഹാ​യ​ങ്ങ​ളും രോ​ഗി​ക്കു ല​ഭ്യ​മാ​ക്കാ​ൻ ഡോ. ​ജ​യ​കു​മാ​ർ വ​ഴി​ക​ൾ നി​ർ​ദേ​ശി​ക്കും.

പു​ല​ർ​ച്ചെ​വ​രെ നീ​ളു​ന്ന തി​ര​ക്കി​നു​ശേ​ഷം മെ​ഡി​ക്ക​ൽ കോ​ള​ജ് സൂ​പ്ര​ണ്ട് എ​ന്ന നി​ല​യി​ലെ ഫ​യ​ലു​ക​ളും നോ​ക്കി​ക്ക​ഴി​ഞ്ഞാ​ണ് ആ​റ​ര​യോ​ടെ വീ​ട്ടി​ലേ​ക്കു​ള്ള മ​ട​ക്കം. പ​ല​പ്പോ​ഴും പ്ര​ഭാ​ത​ഭ​ക്ഷ​ണം മാ​ത്ര​മാ​ണു വീ​ട്ടി​ൽ​നി​ന്നു ക​ഴി​ക്കു​ന്ന​ത്. ഉ​ച്ച​ഭ​ക്ഷ​ണം ക​രു​തി ആ​ശു​പ​ത്രി​യി​ലേ​ക്കു വ​ര​വ്. അ​പ്പോ​ഴേ​ക്കും ഒ​പി​യി​ലും തി​യ​റ്റ​റി​ലും ഒ​ട്ടേ​റെ രോ​ഗി​ക​ൾ ഡോ​ക്ട​റു​ടെ വ​ര​വി​നാ​യി കാ​ത്തി​രി​പ്പു​ണ്ടാ​കും.

ശ​സ്ത്ര​ക്രി​യ ക​ഴി​ഞ്ഞ രോ​ഗി​ക​ളി​ൽ പ​ല​രും മ​ട​ക്ക​യാ​ത്ര​യ്ക്കും വ​ഴി​ച്ചെ​ല​വി​നും വ​ക​യി​ല്ലാ​ത്ത​വ​രാ​യി​ക്കും. അ​വ​ർ​ക്ക് സാ​ന്പ​ത്തി​ക സ​ഹാ​യ​വും യാ​ത്ര​യ്ക്ക് സ്വ​ന്തം കാ​റും കൊ​ടു​ത്ത അ​നു​ഭ​വ​ങ്ങ​ളും കു​റ​വ​ല്ല.

വെ​റു​മൊ​രു ഹൃ​ദ​യ​മ​ല്ല, ഒ​രു ജീ​വ​നാ​ണ് തു​ന്നി​പ്പി​ടി​പ്പി​ക്കു​ന്ന​തെ​ന്ന ബോ​ധ്യം ഒ​രി​ക്ക​ലും മ​റ​ക്കി​ല്ല. തു​ന്നി​ച്ചേ​ർ​ക്കു​ന്ന ഹൃ​ദ​യ​ത്തി​ന്‍റെ ത​ണ​ലി​ൽ ജീ​വി​ക്കാ​ൻ കൊ​തി​യോ​ടെ കാ​ത്തി​രി​ക്കു​ന്ന ഒ​രു കു​ടും​ബ​മു​ണ്ട്. ഉ​ണ്ണാ​തെ​യും ഉ​റ​ങ്ങാ​തെ​യും നേ​ർ​ച്ച​കാ​ഴ്ച​ക​ളു​മാ​യി ക​ഴി​യു​ന്ന ഒ​രു​നി​ര ബ​ന്ധു​ക്ക​ളു​മു​ണ്ടാ​കും. അ​തി​നാ​ൽ ഹൃ​ദ​യ​മു​റി​വി​ലെ ഓ​രോ വി​ര​ല​ന​ക്ക​വും ജ​യ​കു​മാ​റി​ന് നി​ർ​ണാ​യ​ക​മാ​ണ്.

സ​ർ​ക്കാ​ർ ആ​ശു​പ​ത്രി​ക​ളി​ലെ പൊ​തു പ​രി​മി​തി​ക​ളെ​യെ​ല്ലാം ത​ര​ണം ചെ​യ്ത് ഹൃ​ദ​യ​മാ​റ്റ ശ​സ്ത്ര​ക്രി​യ​യ്ക്ക് സ​ർ​ക്കാ​രി​ൽ​നി​ന്ന് പ​ണം ക​ണ്ടെ​ത്തി കോ​ട്ട​യം മെ​ഡി​ക്ക​ൽ കോ​ള​ജി​ൽ 11 കോ​ടി രൂ​പ മു​ട​ക്കി​ൽ നൂ​ത​ന​സം​വി​ധാ​നം ഒ​രു​ക്കാ​നാ​യ​തും ഡോ​ക്ട​ർ ജ​യ​കു​മാ​റി​ന്‍റെ ആ​ത്മാ​ർ​ഥ​ത​യും ക​ഠി​ന​ശ്ര​മ​വും​കൊ​ണ്ടാ​ണ്. കോ​ട്ട​യം മെ​ഡി​ക്ക​ൽ കോ​ള​ജി​നെ സൂ​പ്പ​ർ സ്പെ​ഷാ​ലി​റ്റി​യി​ലേ​ക്ക് ഉ​യ​ർ​ത്തി​യ​തി​നു പി​ന്നി​ലും ഇ​ദ്ദേ​ഹ​ത്തി​ന്‍റെ ശ്ര​മ​ങ്ങ​ളു​ണ്ട്.

ഒ​ന്നേ​മു​ക്കാ​ൽ കി​ലോ​ഗ്രാം തൂ​ക്ക​മു​ണ്ടാ​യി​രു​ന്ന ന​വ​ജാ​ത​നി​ൽ വ​രെ ഹൃ​ദ​യ​ശ​സ്ത്ര​ക്രി​യ വി​ജ​യ​ക​ര​മാ​യി ന​ട​ത്തി​യ​തി​ന്‍റെ അ​നു​ഗ്ര​ഹ​ങ്ങ​ളും അ​നു​ഭ​വ​ങ്ങ​ളു​മാ​ണ് ഈ ​അ​ന്പ​ത്തി​ര​ണ്ടു​കാ​ര​നു പ​റ​യാ​നു​ള്ള​ത്. കേ​ര​ള​ത്തി​ലെ സ​ർ​ക്കാ​ർ മെ​ഡി​ക്ക​ൽ കോ​ള​ജു​ക​ളു​ടെ ച​രി​ത്ര​ത്തി​ൽ ആ​ദ്യ​ത്തേ​താ​യി​രു​ന്നു 2016-ൽ ​കോ​ട്ട​യം മെ​ഡി​ക്ക​ൽ കോ​ള​ജി​ൽ ന​ട​ത്തി​യ ഹൃ​ദ​യ​മാ​റ്റം.

മ​സ്തി​ഷ്ക​മ​ര​ണം സം​ഭ​വി​ച്ച ആ​ലു​വ സ്വ​ദേ​ശി വി​ന​യ​കു​മാ​റി​ന്‍റെ ഹൃ​ദ​യ​മാ​ണു പ​ത്ത​നം​തി​ട്ട ചി​റ്റാ​ർ സ്വ​ദേ​ശി പൊ​ടി​മോ​നി​ൽ തു​ന്നി​ച്ചേ​ർ​ത്ത​ത്. പി​ന്നീ​ട് ആ​റു ഹൃ​യ​ങ്ങ​ൾ​കൂ​ടി ജ​യ​കു​മാ​റി​ന്‍റെ കൈ​ക​ളി​ലൂ​ടെ ആ​റു പേ​രി​ൽ ജീ​വ​ന്‍റെ തു​ടി​പ്പാ​യി മാ​റി.

സ്വ​കാ​ര്യ ആ​ശു​പ​ത്രി​യി​ൽ വ​ൻ തു​ക ചെ​ല​വു​വ​രു​ന്ന ശ​സ്ത്ര​ക്രി​യ സ​ർ​ക്കാ​ർ സ​ഹാ​യ​ത്തോ​ടെ ഒ​ന്നേ​കാ​ൽ ല​ക്ഷം രൂ​പ​യ്ക്ക് ന​ട​ത്താ​നാ​യി എ​ന്ന​താ​ണ് അ​ഭി​മാ​നം പ​ക​രു​ന്ന​ത്. ഒ​രു ജീ​വ​നെ തി​രി​ച്ചു​പി​ടി​ക്കു​ക​യെ​ന്ന​തോ​ളം വ​ലി​യൊ​രു സം​തൃ​പ്തി ഒ​രു ഡോ​ക്ട​ർ​ക്കു വേ​റെ​യു​ണ്ടാ​വി​ല്ല.

അ​ച്ഛ​ന്‍റെ നെ​ഞ്ചി​ടി​പ്പു​ക​ൾ

പൊ​ള്ളു​ന്ന ജീ​വി​താ​നു​ഭ​വ​ങ്ങ​ളാ​ണ് രോ​ഗി​ക​ൾ​ക്കാ​യി ജീ​വി​തം ഉ​ഴി​ഞ്ഞു​വ​യ്ക്കാ​ൻ ഒ​രു ഡോ​ക്ട​റെ പ​രു​വ​പ്പെ​ടു​ത്തു​ന്ന​തെ​ന്നു പ​റ​യു​ന്പോ​ൾ ഡോ.​ടി.​കെ. ജ​യ​കു​മാ​ർ സ്വ​ന്തം അ​നു​ഭ​വം ക​ട​മെ​ടു​ക്കു​ന്നു.
ജി​വ​നെ​പ്പോ​ലെ സ്നേ​ഹി​ക്കു​ന്ന അ​ച്ഛ​നെ 2008 ഓ​ഗ​സ്റ്റി​ൽ നെ​ഞ്ചു​വേ​ദ​ന​യെ​ത്തു​ട​ർ​ന്ന് കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

80 വ​യ​സു​ള്ള അ​ച്ഛ​ന് അ​ടി​യ​ന്ത​ര​മാ​യി ആ​ൻ​ജി​യോ​ഗ്രാം ചെ​യ്യേ​ണ്ട സാ​ഹ​ച​ര്യം. അ​പ്പോ​ൾ​ത്ത​ന്നെ എ​റ​ണാ​കു​ളം ലി​സി ആ​ശു​പ​ത്രി​യി​ൽ ഡോ​ക്ട​ർ ജോ​സ് പെ​രി​യ​പ്പു​റ​ത്തെ വി​ളി​ച്ചു. അ​ച്ഛ​നെ അ​വി​ടേ​ക്കു കൊ​ണ്ടു​പോ​കാ​ൻ ആം​ബു​ല​ൻ​സ് എ​ത്തി​യ​പ്പോ​ഴേ​ക്കും നി​ല വ​ഷ​ളാ​യി. കോ​ട്ട​യം മെ​ഡി​ക്ക​ൽ കോ​ള​ജി​ൽ ശ​സ്ത്ര​ക്രി​യ ചെ​യ്യ​ണ​മെ​ങ്കി​ൽ ജ​യ​കു​മാ​ർ​ത​ന്നെ ചെ​യ്യേ​ണ്ടി​വ​രും.

അ​ച്ഛ​നെ ഇ​ത്ര​യും ഗു​രു​ത​രാ​വ​സ്ഥ​യി​ൽ ശ​സ്ത്ര​ക്രി​യ ചെ​യ്യാ​ൻ മ​ന​സ് അ​നു​വ​ദി​ക്കു​ന്നി​ല്ല. ജോ​സ് പെ​രി​യ​പ്പു​റം ഡോ​ക്ട​റോ​ട് സാ​ഹ​ച​ര്യം പ​റ​ഞ്ഞ​പ്പോ​ൾ ഗു​രു​ത​രാ​വ​സ്ഥ​യി​ൽ അ​ച്ഛ​നെ കൊ​ണ്ടു​വ​രേ​ണ്ടെ​ന്നും അ​ദ്ദേ​ഹം കോ​ട്ട​യ​ത്തു വ​ന്ന് ശ​സ്ത്ര​ക്രി​യ ചെ​യ്യാ​മെ​ന്നും അ​റി​യി​ച്ചു.

ലി​സി ആ​ശു​പ​ത്രി​യി​ൽ നാ​ല് മേ​ജ​ർ ശ​സ്ത്ര​ക്രി​യ​ക​ൾ ക​ഴി​ഞ്ഞ് രാ​ത്രി എ​ട്ടു​മ​ണി​യോ​ടെ ഡോ. ​ജോ​സ് പെ​രി​യ​പ്പു​റ​വും ടീ​മും കോ​ട്ട​യ​ത്തെ​ത്തി അ​ച്ഛ​ന്‍റെ ശ​സ്ത്ര​ക്രി​യ വി​ജ​യ​ക​ര​മാ​യി ന​ട​ത്തി. അ​ങ്ങ​നെ അ​ച്ഛ​ന്‍റെ ജീ​വ​ൻ ര​ക്ഷി​ക്കാ​ൻ മ​റ്റൊ​രു ഡോ​ക്ട​റും സം​ഘ​വും കാ​ണി​ച്ച കാ​രു​ണ്യം ഞാ​ൻ മ​റ​ന്നി​ട്ടി​ല്ല. തി​ര​ക്കു​ക​ൾ​ക്കി​ട​യി​ലും കി​ട​ങ്ങൂ​രു​ള്ള കു​ടും​ബ​വീ​ട്ടി​ൽ എ​ത്തു​ന്പോ​ഴൊ​ക്കെ അ​ച്ഛ​നെ കെ​ട്ടി​പ്പി​ടി​ച്ചു കി​ട​ക്കു​ക എ​ക്കാ​ല​ത്തും എ​ന്‍റെ ശീ​ല​മാ​യി​രു​ന്നു. അ​ച്ഛ​ന്‍റെ നെ​ഞ്ചി​ലെ ചൂ​ടി​ൽ ചേ​ർ​ന്നു​കി​ട​ക്കു​ന്പോ​ൾ ആ ​ഹൃ​യ​യ​താ​ളം എ​നി​ക്ക് കേ​ൾ​ക്കാ​മാ​യി​രു​ന്നു. ആ ​ഓ​രോ മി​ടി​പ്പി​ലും എ​ന്‍റെ മ​ന​സ് ഡോ. ​ജോ​സ് പെ​രി​യ​പ്പു​റ​ത്തോ​ടു ന​ന്ദി പ​റ​ഞ്ഞു​കൊ​ണ്ടി​രു​ന്നു.

ഇ​ത്ത​ര​ത്തി​ൽ എ​ത്ര​യോ അ​ച്ഛ​ന​മ്മ​മാ​ർ എ​നി​ക്കു മു​ന്നി​ൽ ക​ണ്ണീ​രോ​ടെ​യും വേ​ദ​ന​യോ​ടെ​യും ക​ട​ന്നു​വ​ന്നു​കൊ​ണ്ടി​രി​ക്കു​ന്നു. അ​വ​രി​ൽ ഏ​റെ​പ്പേ​ർ​ക്കും ജീ​വ​നി​ലും ജീ​വി​ത​ത്തി​ലും മു​ന്നേ​റാ​നു​ള്ള ഉ​പ​ക​ര​ണ​മാ​യി ഞാ​ൻ മാ​റു​ന്നു. എ​ന്‍റെ രാ​ജ്യം എ​ന്നെ പ​ണം മു​ട​ക്കി പ​ഠി​പ്പി​ച്ച് ഈ ​നി​ല​യി​ലെ​ത്തി​ച്ചി​രി​ക്കെ ഈ ​ശു​ശ്രൂ​ഷ രാ​ജ്യ​സേ​വ​ന​മാ​യി ഞാ​ൻ സ​മ​ർ​പ്പി​ക്കു​ക​യാ​ണ്.

ഓ​രോ നെ​ഞ്ചി​ലും സ്റ്റെ​ത​സ്കോ​പ്പ് വ​യ്ക്കു​ന്പോ​ൾ മു​ഴ​ങ്ങു​ന്ന മി​ടി​പ്പു​ക​ളാ​ണ് എ​ന്‍റെ ആ​ശ്വാ​സ​വും പ്ര​തീ​ക്ഷ​യും. അ​വ​സാ​നം വ​ന്നു​പോ​യ രോ​ഗി​യു​ടെ മി​ടി​പ്പു​ക​ൾ​വ​രെ കാ​തി​ൽ മു​ഴ​ങ്ങു​ന്നു​ണ്ടെ​ന്നു പ​റ​യു​ന്പോ​ൾ ഡോ. ​ജ​യ​കു​മാ​റി​ന്‍റെ മു​ഖ​ത്ത് സം​തൃ​പ്തി​യു​ടെ പു​ഞ്ചി​രി.

ഒ​പ്പ​മു​ണ്ട്, ഈ ​അ​രു​മ​ക​ളും

ഹൃ​ദ​യ​സ്പ​ന്ദ​ന​ങ്ങ​ൾ​ക്കു കാ​തോ​ർ​ക്കു​ന്ന അ​തേ ജാ​ഗ്ര​ത​യി​ൽ ഡോ. ​ടി.​കെ. ജ​യ​കു​മാ​ർ പ്ര​കൃ​തി​യെ​യും ജീ​വി​ത​ത്തോ​ടു ചേ​ർ​ത്തു​പി​ടി​ക്കു​ക​യാ​ണ്. കി​ട​ങ്ങൂ​ർ കൊ​ങ്ങാ​ണ്ടൂ​രി​ൽ മീ​ന​ച്ചി​ലാ​റി​നോ​ടു ചേ​ർ​ന്ന കൃ​ഷി​യി​ട​ത്തി​ലെ തൊ​ഴു​ത്തി​ൽ ഡോ​ക്ട​റു​ടെ അ​രു​മ​ക​ളാ​യി 26 പ​ശു​ക്ക​ൾ.

സ​ങ്കീ​ർ​ണ​മാ​യ നി​ര​വ​ധി ഹൃ​ദ​യ​ശ​സ്ത്ര​ക്രി​യ​ക​ൾ​ക്കു​ശേ​ഷം പു​ല​ർ​ച്ചെ​യാ​വും ഡോ. ​ജ​കു​മാ​ർ മെ​ഡി​ക്ക​ൽ കോ​ള​ജി​ലെ തി​യ​റ്റ​റി​ൽ​നി​ന്നു മ​ട​ങ്ങു​ക. ഒ​ന്നോ ര​ണ്ടോ മ​ണി​ക്കൂ​ർ മ​യ​ക്ക​ത്തി​നു​ശേ​ഷം രാ​വി​ലെ തൊ​ഴു​ത്തി​ലെ​ത്തി പ​ശു​ക്ക​ളെ താ​ലോ​ലി​ക്കു​ന്ന ആ​ന​ന്ദ​ത്തി​ൽ ക്ഷീ​ണം മ​റ​ക്കും. തൂ​ത്തൂ​ട്ടി സ​ഹ​ക​ര​ണ​സം​ഘ​ത്തി​ൽ ദി​വ​സം 50 ലി​റ്റ​ർ പാ​ൽ വി​ൽ​ക്കു​ന്ന ക്ഷീ​ര​ക​ർ​ഷ​ക​നാ​ണ് കേ​ര​ളം ആ​ദ​രി​ക്കു​ന്ന ഹൃ​ദ​യ​ശ​സ്ത്ര​ക്രി​യാ വി​ദ​ഗ്ധ​ൻ ജ​യ​കു​മാ​ർ.

കി​ട​ങ്ങൂ​രി​ലെ വീ​ട്ടി​ൽ പ​ശു​ക്ക​ളെ​യും കി​ടാ​ങ്ങ​ളെ​യും പ​രി​പാ​ലി​ച്ചാ​ണ് ജ​യ​കു​മാ​ർ വ​ള​ർ​ന്ന​ത്. അ​മ്മ ക​റ​ന്നു​ന​ൽ​കി​യ പാ​ൽ​മ​ധു​രം നാ​വി​ലി​പ്പോ​ഴു​മു​ണ്ട്. ബാ​ല്യ​ത്തി​ൽ തു​ട​ങ്ങി​യ കൃ​ഷി​യും പ​ശു​പ​രി​പാ​ല​ന​വും തി​ര​ക്കി​നി​ട​യി​ലും ജീ​വി​ത​ത്തി​ന്‍റെ ഭാ​ഗ​മാ​ക്കി​യി​രി​ക്കു​ന്നു.

കോ​ട്ട​യം മെ​ഡി​ക്ക​ൽ കോ​ള​ജ് പ്ലാ​സ്റ്റി​ക് സ​ർ​ജ​റി വി​ഭാ​ഗം മേ​ധാ​വി​യാ​യ ഭാ​ര്യ ല​ക്ഷ്മി​യും തൊ​ഴു​ത്തി​ലും കൃ​ഷി​യി​ട​ത്തി​ലും കൂ​ടെ​യു​ണ്ടാ​കും. ഇ​ട​വേ​ള​ക​ളി​ൽ പ​ശു​ക്ക​ളെ പ​രി​പാ​ലി​ക്കാ​ൻ മ​ക്ക​ളാ​യ ചി​ൻ​മ​യി​യും ചി​ദാ​ന​ന്ദും വ​രും. ഫാ​മി​ൽ സ​ഹാ​യി​ക​ളാ​യി ര​ണ്ടു​പേ​രു​ണ്ട്. കാ​സ​ർ​ഗോ​ഡ് കു​ള്ള​ൻ, വെ​ച്ചൂ​ർ തു​ട​ങ്ങി​യ നാ​ട​ൻ ഇ​ന​ങ്ങ​ൾ മു​ത​ൽ ജ​ഴ്സി, എ​ച്ച്എ​ഫ് സ​ങ്ക​ര​യി​ന​ങ്ങ​ളും തൊ​ഴു​ത്തി​ലു​ണ്ട്.

ചാ​ണ​ക​വും മൂ​ത്ര​വും ബ​യോ​ഗ്യാ​സാ​ക്കി മാ​റ്റു​ന്നു. വീ​ട്ടി​ലേ​ക്കു​ള്ള പാ​ൽ ക​റ​ന്നെ​ടു​ക്കു​ന്ന​തി​ൽ തീ​രു​ന്നി​ല്ല ഭ​ക്ഷ്യ​വി​ഭ​വ​ങ്ങ​ളെ​ല്ലാം ജൈ​വ​രീ​തി​യി​ൽ ഡോ​ക്ട​ർ ദ​ന്പ​തി​ക​ൾ ഇ​വി​ടെ വി​ള​യി​ച്ചു വി​ള​വെ​ടു​ക്കു​ന്നു.

ക​പ്പ,ചേ​ന,ചേ​ന്പ്, പ​ച്ച​ക്ക​റി, പ്ലാ​വ്, മാ​വ്, പേ​ര, പ​പ്പാ​യ, നാ​ര​കം, കു​രു​മു​ള​ക്, കാ​ന്താ​രി, തു​ട​ങ്ങി നൂ​റോ​ളം വി​ഭ​വ​ങ്ങ​ളു​ടെ വി​ള​നി​ല​മാ​ണ് കൃ​ഷി​യി​ടം. അ​ര​യേ​ക്ക​ർ പാ​ട​ത്ത് നെ​ൽ​കൃ​ഷി​യു​ള്ള​തി​നാ​ൽ അ​രി​യും വാ​ങ്ങേ​ണ്ട. സ്വ​ന്തം വി​ള​വു​ക​ൾ പാ​ച​കം ചെ​യ്തു ത​യാ​റാ​ക്കു​ന്ന പ്ര​ഭാ​ത​ഭ​ക്ഷ​ണ​ത്തി​നു​ശേ​ഷം ഉ​ച്ച​ഭ​ക്ഷ​ണം​കൂ​ടി ക​രു​തി​യാ​ണ് ഡോ​ക്ട​ർ ദ​ന്പ​തി​ക​ൾ മെ​ഡി​ക്ക​ൽ കോ​ള​ജി​ലെ​ത്തു​ന്ന​ത്. ശ​സ്ത്ര​ക്രി​യ​യി​ലൂ​ടെ രോ​ഗി​ക്കു ജീ​വ​നും ജീ​വി​ത​വും ന​ൽ​കു​ന്പോ​ൾ ല​ഭി​ക്കു​ന്ന അ​തേ തൃ​പ്തി​യാ​ണ് ഡോ. ​ജ​യ​കു​മാ​റി​നു ജൈ​വ​കൃ​ഷി​യി​ട​വും ന​ൽ​കു​ന്ന​ത്.

ഞാ​യ​റാ​ഴ്ച​ക​ളി​ൽ രാ​വി​ലെ മു​ത​ൽ വൈ​കു​ന്നേ​രം​വ​രെ തൂ​ന്പ​യേ​ന്തു​ന്ന ത​നി നാ​ട​ൻ ക​ർ​ഷ​ക​രാ​യി മാ​റും ജ​യ​കു​മാ​റും ഭാ​ര്യ ല​ക്ഷ്മി​യും. കി​ള​ച്ചും പ​ണി​തും പ​ശു​ക്ക​ളെ കു​ളി​പ്പി​ച്ചും തീ​റ്റ​കൊ​ടു​ത്തും ഒ​രു കാ​ർ​ഷി​ക ജീ​വി​തം. പ​ശു​ക്ക​ൾ​ക്കു​ള്ള തീ​റ്റ​പ്പു​ല്ലും ഇ​വി​ടെ ന​ട്ടു​വ​ള​ർ​ത്തു​ന്നു. അ​ടു​ക്ക​ള​യി​ലേ​ക്ക് മാ​ർ​ക്ക​റ്റി​ൽ​നി​ന്നു കൂ​ടു​ത​ലാ​യൊ​ന്നും വാ​ങ്ങാ​റി​ല്ലെ​ന്നു പ​റ​യു​ന്ന സ്വ​യം​പ​ര്യാ​പ്ത​ത. വ​ൻ​തോ​തി​ൽ മ​ത്സ്യ​ങ്ങ​ളെ വ​ള​ർ​ത്തു​ന്ന ര​ണ്ടു പ​ടു​താ​കു​ള​ങ്ങ​ൾ.

രാ​സ​വ​ള​ങ്ങ​ളും കീ​ട​നാ​ശി​നി​ക​ളും ഒ​ഴി​വാ​ക്കി മ​ത്സ്യ​ങ്ങ​ൾ​ക്കൊ​പ്പം പ​ച്ച​ക്ക​റി​ക​ളും പ​ഴ​വ​ർ​ഗ​ങ്ങ​ളും ജൈ​വ​രീ​തി​യി​ൽ ഉ​ത്പാ​ദി​പ്പി​ക്കു​ന്ന അ​ക്വാ​പോ​ണി​ക്സ് കൃ​ഷി​രീ​തി​യാ​ണ് അ​നു​വ​ർ​ത്തി​ക്കു​ന്ന​ത്. പ്ര​ത്യേ​കം നി​ർ​മി​ച്ച കൂ​ട്ടി​ൽ നൂ​റു​ക​ണ​ക്കി​നു മു​ട്ട​ക്കോ​ഴി​ക​ളു​മു​ണ്ട്.

മ​ത്സ്യം വ​ള​ർ​ത്തു​ന്ന ടാ​ങ്കി​ൽ അ​ടി​യു​ന്ന മ​ത്സ്യ​വി​സ​ർ​ജ്യ​ങ്ങ​ൾ, തീ​റ്റ അ​വ​ശി​ഷ്ട​ങ്ങ​ൾ എ​ന്നി​വ​യി​ലു​ണ്ടാ​കു​ന്ന അ​മോ​ണി​യ മ​ത്സ്യ​ങ്ങ​ൾ​ക്കു ഹാ​നി​ക​ര​മാ​കാ​തെ അ​ക്വാ​പോ​ണി​ക്സ് സി​സ്റ്റ​ത്തി​ലു​ണ്ടാ​കു​ന്ന നൈ​ട്രി​ഫൈ​യിം​ഗ് ബാ​ക്ടീ​രി​യ​ക​ൾ നൈ​ട്രേ​റ്റാ​ക്കി മാ​റ്റു​ന്നു. ചെ​ടി​ക​ൾ​ക്ക് ഈ ​നൈ​ട്രേ​റ്റ് ന​ല്ല വ​ള​മാ​ണ്. മ​ത്സ്യ ടാ​ങ്കി​ലെ ജ​ലം പ​ന്പ് ഉ​പ​യോ​ഗി​ച്ചു ഗ്രോ ​ബെ​ഡ്ഡി​ൽ​ക്കൂ​ടി ഒ​ഴു​ക്കി തി​രി​കെ ടാ​ങ്കി​ലെ​ത്തു​ന്പോ​ഴേ​ക്കും മാ​ലി​ന്യ​ര​ഹി​ത​വും ഒ​ക്സി​ജ​ൻ സ​ന്പു​ഷ്ട​വു​മാ​യി​രി​ക്കും.​ഈ ഗ്രോ ​ബെ​ഡ്ഡി​ൽ എ​ല്ലാ​ത്ത​രം പ​ച്ച​ക്ക​റി​ക​ളും ന​ല്ല​വി​ള​വാ​ണ് ന​ൽ​കു​ന്ന​തെ​ന്ന് ഡോ. ​ടി.​കെ. ജ​യ​കു​മാ​ർ പ​റ​യു​ന്നു.

ഇ​തേ കൃ​ഷി​യി​ട​ത്തോ​ടു ചേ​ർ​ന്ന് പ്ര​കൃ​തി സ്നേ​ഹി​യാ​യ ഡോ. ​ല​ക്ഷ്മി പ​രി​പാ​ലി​ക്കു​ന്ന മി​യാ​വാ​ക്കി വ​ന​ത്തി​ൽ അ​ൻ​പ​തി​ലേ​റെ ഇ​നം മ​ര​ങ്ങ​ളും വ​ള​രു​ന്നു.

റെ​ജി ജോ​സ​ഫ്