ക​ണ​ക്കു​സാ​റി​ന്‍റെ ക​ണ​ക്കി​ല്ലാ സ്നേ​ഹം
അ​ജ്മീ​റി​ലെ തെ​രു​വു​കു​ട്ടി​ക​ൾ ഇ​പ്പോ​ൾ സ്വ​പ്‌​നം കാ​ണു​ന്നത് ഒ​രു അ​ധ്യാ​പ​ക​നി​ലൂ​ടെ​യാ​ണ്. ചേ​രി​യി​ല്‍നി​ന്ന് അ​ദ്ദേ​ഹം ഏ​റ്റെ​ടു​ത്തു​വ​ള​ര്‍​ത്തി​യ മൂ​ന്നു വി​ദ്യാ​ര്‍​ഥി​ക​ളാ​ണ് ഐ​ഐ​ടി​യി​ല്‍ അ​ഡ്മി​ഷ​ന്‍ നേ​ടി​യ​ത്. ഇപ്പോൾ 300 വിദ്യാർഥികളെ പഠിപ്പിക്കുന്നു. ജീ​വ​കാ​രു​ണ്യ​പ്ര​വ​ർ​ത്ത​ന​ത്തി​നാ​യി വീ​ടും സ​മ​യ​വു​മെ​ല്ലാം അ​ർ​പ്പി​ച്ച സു​നി​ൽ ജോ​സ് എ​ന്ന മ​ല​യാ​ളി അ​ധ്യാ​പ​ക​നെ​ക്ക​റി​ച്ച്...


വി​ദ്യാ​ധ​നം സ​ര്‍​വ​ധ​നാ​ല്‍ പ്ര​ധാ​നം! ചെ​റു​പ്പം തൊ​ട്ടേ കു​ട്ടി​ക​ളു​ടെ മ​ന​സി​ലേ​ക്ക് ഒ​ഴു​കി എ​ത്തു​ന്ന വാ​ക്കു​ക​ളാ​ണി​ത്... അ​ത് പ്രാ​വ​ര്‍​ത്തി​ക​മാ​ക്കാ​ന്‍ അ​വ​രെ സ​ഹാ​യി​ക്കു​ന്ന​വ​രി​ലാ​ണ് ദൈ​വം കു​ടി​കൊ​ള്ളു​ന്ന​തും. കൂ​രാ​ച്ചു​ണ്ട് സ്വ​ദേ​ശി​യും രാ​ജ​സ്ഥാ​നി​ൽ അ​ധ്യാ​പ​ക​നു​മാ​യ ഡോ.​സു​നി​ല്‍ ജോ​സ് പാ​വ​ങ്ങ​ൾ​ക്കു ക​ണ്‍​ക​ണ്ട ദൈ​വ​മാ​കു​ന്ന​ത് അ​തു​കൊ​ണ്ടാ​ണ്.

സ​മൂ​ഹം അ​വ​ഗ​ണി​ച്ച​വ​രെ​യും തെ​രു​വി​ല്‍ ഭി​ക്ഷ​യാ​ചി​ക്കു​ന്ന​വ​രെ​യും ചെ​റി​യ ലോ​ക​ത്തു​നി​ന്നും പ​ട​വു​ക​ള്‍ ക​യ​റ്റി അ​വ​രോ അ​വ​രു​ടെ മാ​താ​പി​താ​ക്ക​ളോ സ്വ​പ്നം കാ​ണാ​ത്ത ഉ​യ​ര​ത്തി​ലെ​ത്തി​ക്കു​ക​യാ​ണ് ഇ​ദ്ദേ​ഹം. രാ​ജ​സ്ഥാ​നി​ലെ അ​ജ്മീ​ര്‍ രൂ​പ​ത​യും സു​മ​ന​സു​ക​ളും താ​ങ്ങും ത​ണ​ലു​മേ​കു​ന്നു. ഈ ​അ​ധ്യാ​പ​ക​നെ​യും അ​ദ്ദേ​ഹ​ത്തി​ന്‍റെ പ്ര​വൃ​ത്തി​ക​ളെ​യും അ​വ​ര്‍ അ​ത്ര​മേ​ല്‍ ഇ​ഷ്ട​പ്പെ​ടു​ന്നു.

ചേ​രി​യി​ല്‍ താ​മ​സി​ച്ച് തെ​രു​വി​ല്‍ ഭി​ക്ഷ​യാ​ചി​ച്ചു​കൊ​ണ്ടി​രു​ന്ന 300-ല്‍ ​അ​ധി​കം വി​ദ്യാ​ര്‍​ഥി​ക​ളാ​ണ് ഇ​പ്പോ​ഴും ഇ​ദ്ദേ​ഹം നേ​തൃ​ത്വം ന​ല്‍​കു​ന്ന സൊ​സൈ​റ്റി​ക്കു കീ​ഴി​ല്‍ പ​ഠി​ച്ചു​കൊ​ണ്ടി​രി​ക്കു​ന്ന​ത്. ഉ​ന്ന​ത പ​ദ​വി​ക​ളി​ല്‍ എ​ത്തി​യ പൂ​ര്‍​വ വി​ദ്യാ​ര്‍​ഥി​ക​ള്‍ വേ​റെ. ചേ​രി​യി​ല്‍ നി​ന്ന് അ​ദ്ദേ​ഹം ഏ​റ്റെ​ടു​ത്തു​വ​ള​ര്‍​ത്തി​യ മൂ​ന്നു വി​ദ്യാ​ര്‍​ഥി​ക​ളാ​ണ് ഐ​ഐ​ടി​യി​ല്‍ അ​ഡ്മി​ഷ​ന്‍ നേ​ടി​യ​ത്.

കോ​ഴി​ക്കോ​ട് കൂ​രാ​ച്ചു​ണ്ട് സ്വ​ദേ​ശി​യാ​യ ഇ​ദ്ദേ​ഹം ഇ​ന്ന് രാ​ജ​സ്ഥാ​നി​ലെ അ​റി​യ​പ്പെ​ടു​ന്ന അ​ധ്യാ​പ​ക​ന്‍ മാ​ത്ര​മ​ല്ല, ജീ​വ​കാ​രു​ണ്യ​പ്ര​വ​ര്‍​ത്ത​ക​ന്‍ കൂ​ടി​യാ​ണ്.1995 ജൂ​ലൈ ഒ​ന്നി​ന് അ​ജ്മീ​ര്‍ രൂ​പ​ത​യ്ക്ക് കീ​ഴി​ലെ അ​ജ്മീ​ര്‍ സെ​ന്‍റ്‍ ആ​ന്‍‌​സ്‌​ലം സീ​നി​യ​ര്‍ സെ​ക്ക​ന്‍​ഡ​റി സ്‌​കൂ​ളി​ൽ അ​ധ്യാ​പ​ക​നാ​യി ജോ​ലി​ക്ക് ചേ​ര്‍​ന്ന​തോ​ടെ​യാ​ണ് സു​നി​ല്‍ ജോ​സ് എ​ന്ന ഗ​ണി​ത​ശാ​സ്ത്ര അ​ധ്യാ​പ​ക​നി​ലെ മ​നു​ഷ്യ​സ്നേ​ഹി ഉ​ണ​ര്‍​ന്ന​ത്.

ഒ​രി​ക്ക​ല്‍ പ്രി​ന്‍​സി​പ്പ​ലി​ന്‍റെ നി​ര്‍​ദേ​ശ പ്ര​കാ​രം അ​ദ്ദേ​ഹ​ത്തി​ന് അ​ജ്മീ​റി​ലെ ച​ന്ദ​ന​ത്തി​രി നി​ര്‍​മാ​ണ യൂ​ണി​റ്റ് സ​ന്ദ​ര്‍​ശി​ക്കേ​ണ്ടി​വ​ന്നു. അ​വി​ടെ ചേ​രി​യി​ല്‍ താ​മ​സി​ക്കു​ന്ന കു​ട്ടി​ക​ളു​ടെ ദു​രി​തം ആ ​ക​ണ്ണ് തു​റ​പ്പി​ച്ചു. എ​ല്ലു​മു​റി​യെ പ​ണി​യെ​ടു​ത്താ​ലും കൂ​ലി​യി​ല്ലാ​തെ തെ​രു​വി​ല്‍ അ​ല​യേ​ണ്ടി​വ​രു​ന്ന​വ​ര്‍‌, ഭി​ക്ഷ​യാ​ചി​ക്കു​ന്ന​വ​ര്‍ ... ഇ​വ​രെ​ല്ലാ​വ​രെ​യും ഒ​രു കൂ​ട​ക്കീ​ഴി​ല്‍ കൊ​ണ്ടു​വ​ന്നു വി​ദ്യാ​ഭ്യാ​സം ന​ല്‍​കി. പ​ല​രും വ​ലി​യ നി​ല​യി​ല്‍ എ​ത്തി​ക്ക​ഴി​ഞ്ഞു. സു​നി​ൽ​സാ​ർ ദൗ​ത്യം തു​ട​ര്‍​ന്നു​കൊ​ണ്ടി​രി​ക്കു​ന്നു.

സ്‌​കൂ​ള്‍ അ​ല്ല, സ്നേ​ഹം തു​ളു​മ്പു​ന്ന വീ​ട്

ചേ​രി​യി​ലെ പി​ള്ളേ​ര​ല്ലേ, എ​ങ്ങി​നെ അ​ട​ങ്ങി​യി​രി​ക്കാ​നാ, പു​സ്ത​കം അ​വ​ര്‍ കൈ​കൊ​ണ്ട് തൊ​ടു​മോ...​ചോ​ദ്യ​ശ​ര​ങ്ങ​ളു​മാ​യി നെ​റ്റി ചു​ളി​ച്ച​വ​ര്‍ നി​ര​വ​ധി. പ​ക്ഷെ സു​നി​ല്‍ എ​ന്ന അ​ധ്യാ​പ​ക​ന് കൂ​ട്ടു​ണ്ടാ​യി​രു​ന്ന​ത് ദൃ​ഢ​നി​ശ്ച​യ​മാ​യി​രു​ന്നു. ഒ​പ്പം താ​ന്‍ നേ​രി​ട്ടു​ക​ണ്ട ദു​രി​ത​ങ്ങ​ള്‍ മാ​യ്ച്ചു​ക​ള​യ​ണ​മെ​ന്ന ആ​ഗ്ര​ഹ​വും.

ഇ​പ്പോ​ള്‍ ഇ​ദ്ദേ​ഹ​ത്തി​ന്‍റെ വീ​ട്ടി​ല്‍ 300 കു​ട്ടി​ക​ള്‍ പ​ഠി​ക്കു​ന്നു​ണ്ട്. എ​ല്ലാ​വി​ധ സൗ​ക​ര്യ​ങ്ങ​ളും ഇ​ദ്ദേ​ഹം ചെ​യ്തു​കൊ​ടു​ക്കു​ന്നു. ബെ​ഞ്ച്, ഡ​സ്‌​ക്, ബോ​ര്‍​ഡ് എ​ന്തി​ന് എ​സി വ​രെ... ഇ​ദ്ദേ​ഹ​വു​മാ​യി എ​ന്നും സ​ഹ​ക​രി​ക്കു​ന്ന അ​ധ്യാ​പ​ക​ര്‍ ക്ലാ​സെ​ടു​ക്കും. കു​ട്ടി​ക​ള്‍ ശ്ര​ദ്ധ​യോ​ടെ കേ​ട്ടി​രി​ക്കും. പ​ല​പ്പോ​ഴും കാ​ര്‍​ക്ക​ശ്യ സ്വ​ഭാ​വ​ത്തേ​ക്കാ​ള്‍ ഇ​ദ്ദേ​ഹം പ​ക​രു​ന്ന സ്നേ​ഹം ഇ​വ​രെ ഇ​വി​ടെ പി​ടി​ച്ചി​രു​ത്തു​ന്നു.

കു​ട്ടി​ക​ളെ എ​ങ്ങ​നെ​യെ​ങ്കി​ലും പ​റ​ഞ്ഞു മ​ന​സി​ലാ​ക്കാം...​പ​ക്ഷെ, കു​ട്ടി​ക​ളെ സ്‌​കൂ​ളി​ലേ​ക്ക് അ​യ​യ്ക്കു​ന്ന​തി​നെ​ക്കു​റി​ച്ച് ര​ക്ഷി​താ​ക്ക​ളെ പ​റ​ഞ്ഞു​മ​ന​സി​ലാ​ക്കാ​നാ​ണ് പാ​ട്... ഇ​ദ്ദേ​ഹം പ​റ​യു​ന്നു. കു​ട്ടി​ക​ള്‍ പു​റ​ത്തു​പോ​യി ഭി​ക്ഷ​യാ​ചി​ച്ചാ​ല്‍ അ​മ്പ​ത് രൂ​പ​യെ​ങ്കി​ലും കി​ട്ടും. ഈ ​മ​നോ​ഭാ​വ​മാ​ണ് അ​വ​ര്‍​ക്ക്. സ്‌​കൂ​ളി​ല്‍ വി​ട്ടാ​ല്‍ ആ ​വ​രു​മാ​നം ന​ഷ്ട​മാ​വി​ല്ലേ‍‍? അ​തി​ന്‍റെ ദേ​ഷ്യം അ​വ​ര്‍​ക്കു​ണ്ട്. അ​പ്പോ​ഴും കൂ​ടെ​യു​ള്ള സ​ഹ​പ്ര​വ​ര്‍​ത്ത​ക​രും അ​ജ്മീ​ര്‍ രൂ​പ​ത​യി​ലെ സ​ന്ന​ദ്ധ പ്ര​വ​ർ​ത്ത​ക​രും ഇ​വ​രെ കാ​ര്യ​ങ്ങ​ള്‍ പ​റ​ഞ്ഞു​മ​ന​സി​ലാ​ക്കും. അ​തി​നു​ശേ​ഷ​മാ​ണ് പ​ല​രും സ്‌​കൂ​ളി​ലേ​ക്കു വി​ടാ​ന്‍ ത​യ്യാ​റാ​കു​ക.

സ്വ​പ്‌​ന​ങ്ങ​ളി​ലേ​ക്കു​ള്ള ടേ​ക്ക് ഓ​ഫ്

ഉ​ഡാ​ന്‍ ... ഹി​ന്ദി​യി​ല്‍​എ​ഴു​തി വ​ച്ച ഒ​രു​ബോ​ര്‍​ഡു​ണ്ട്... ഡോ.​സു​നി​ല്‍​ജോ​സി​ന്‍റെ അ​ജ്മീ​ര്‍ പ​ഞ്ച​ശീ​ല്‍ ന​ഗ​റി​ലെ വീ​ടി​നു മു​ന്നി​ല്‍‌.... ടേ​ക്ക് ഓ​ഫ്എ​ന്ന​ര്‍​ഥം വ​രു​ന്ന ഈ ​വാ​ക്ക് അ​ക്ഷ​രാ​ര്‍​ഥ​ത്തി​ല്‍ സു​നി​ല്‍ ജോ​സി​ന്‍റെ ജീ​വി​ത​ത്തോ​ട് ഇ​ഴ​ചേ​ര്‍​ന്നു​നി​ല്‍​ക്കു​ന്നു. ഇ​വി​ടെ എ​ത്തു​ന്ന വി​ദ്യാ​ര്‍​ഥി​ക​ള്‍ എ​തു​സാ​ഹ​ച​ര്യ​ത്തി​ല്‍ നി​ന്ന് വ​ന്ന​വ​രാ​ണെ​ങ്കി​ലും പ്ല​സ്ടു​വ​രെ പ​ഠി​പ്പി​ച്ച് ന​ല്ല കോ​ള​ജി​ല്‍ അ​ഡ്മി​ഷ​ന്‍ വാ​ങ്ങി​കൊ​ടു​ക്കു​ന്ന​തു​വ​രെ ഇ​ദ്ദേ​ഹ​ത്തി​നും സ​ഹ​പ്ര​വ​ര്‍​ത്ത​ക​ര്‍​ക്കും വി​ശ്ര​മ​മി​ല്ല. പ​ല​രും താ​ത്പ​ര്യ​മി​ല്ലാ​തെ ഇ​ട​യ്ക്ക് വി​ട്ടു​പോ​കും. അ​പ്പോ​ഴും അ​വ​രെ തി​രി​കെ എ​ത്തി​ക്കാ​നു​ള്ള ശ്ര​മ​മു​ണ്ടാ​കും.

കു​റ​ച്ചു​ദി​വ​സ​ങ്ങ​ള്‍​ക്ക് മു​ന്‍​പ് ഹോ​ട്ട​ലി​നു പി​റ​കി​ലെ വേ​സ്റ്റു​ക​ളി​ല്‍ അ​ന്ന​ത്തെ അ​ന്ന​ത്തി​ന് വ​ഴി​ക​ണ്ടെ​ത്തി​യി​രു​ന്ന 40 പേ​രെ ഉ​ഡാ​ന്‍ സൊ​സൈ​റ്റി കൈ​പി​ടി​ച്ചു​യ​ര്‍​ത്തി. ഇ​വ​ർ​ക്ക് പ​ഞ്ച​ശീ​ല്‍ ഗ​വ. സ്‌​കൂ​ളി​ലും കാ​യാ​ട് ഗ​വ. സ്‌​കൂ​ളി​ലും​അ​ഡ്മി​ഷ​ന്‍ വാ​ങ്ങി​ക്കൊ​ടു​ത്തു. ര​ക്ഷി​താ​ക്ക​ളെ കാ​ര്യ​ങ്ങ​ള്‍ പ​റ​ഞ്ഞു​മ​ന​സി​ലാ​ക്കാ​ന്‍ ഏ​റെ പാ​ടു​പെ​ട്ടു. ലോ​ക്ഡൗ​ണ്‍​കാ​ല​ത്ത് ഇ​വ​ര്‍​ക്ക് സ്‌​കൂ​ളി​ല്‍ പ​ഠ​ന സൗ​ക​ര്യം ഒ​രു​ക്കി​ക്കൊ​ടു​ക്കാ​ന്‍ രേ​ഖ​ക​ളും സം​ഘ​ടി​പ്പി​ച്ചു.

സ്‌​കൂ​ളി​ല്‍ വ​രു​ന്ന​തി​നും പോ​കു​ന്ന​തി​നും ഗ​താ​ഗ​ത സൗ​ക​ര്യ​വും ന​ല്‍​കി. ഒ​പ്പം ട്യൂ​ഷ​നും. പ​തി​വു​പോ​ലെ കൗ​ണ്‍​സ​ലിം​ഗും. ഒ​രു നേ​ര​ത്തെ ഭ​ക്ഷ​ണം സ്‌​കൂ​ളും ഒ​രു​നേ​ര​ത്തേ​ത് സൊ​സൈ​റ്റി​യും ഏ​റ്റെ​ടു​ക്കു​മ്പോ​ള്‍ പ്ല​സ്ടു വ​രെ​യു​ള്ള ഇ​വ​രു​ടെ ഭാ​വി​കൂ​ടി​യാ​ണ് സു​ര​ക്ഷി​ത​മാ​കു​ന്ന​ത്. ഭി​ക്ഷ​യാ​ചി​ക്കാ​ന്‍ ഇ​നി പോ​കി​ല്ലെ​ന്ന ഉ​റ​പ്പാ​ണ് ഇ​വ​ര്‍ ന​ല്‍​കു​ന്ന​ത്. അ​തു​മാ​ത്ര​മാ​ണ് ഈ ​അ​ധ്യാ​പ​ക​നും സ​ഹ​പ്ര​വ​ര്‍​ത്ത​ക​ര്‍​ക്കും വേ​ണ്ട​ത്.

രാ​ജ​സ്ഥാ​നി​ല്‍ ര​ണ്ടു​ത​രം വി​ദ്യാ​ഭ്യാ​സ​മാ​ണ് ഉ​ള്ള​ത്. ഉ​യ​ര്‍​ന്ന നി​ല​വാ​ര​ത്തി​ലു​ള്ള​ത്. തീ​രെ താ​ഴ്ന്ന​തും. മി​ഡി​ല്‍ ലെ​വ​ൽ എ​ന്നൊ​ന്നി​ല്ല. ശ​രി​ക്കും​പ​റ​ഞ്ഞാ​ല്‍ ഇ​വി​ട​ത്തെ കാ​ലാ​വ​സ്ഥ​പോ​ലെ​യാ​ണ് വി​ദ്യാ​ഭ്യാ​സ ജീ​വി​ത​വും. ഉ​ന്നു​കി​ല്‍ ഉ​യ​ര്‍​ന്ന ചൂ​ട്, അ​ല്ലെ​ങ്കി​ല്‍ ത​ണു​പ്പ്... അ​താ​ണ് അ​വ​സ്ഥ. പ​ക്ഷേ, രാ​ജ​സ്ഥാ​നി​ലെ ജ​ന​ങ്ങ​ള്‍ ഇ​വ​യോ​ട് പ്ര​ത്യ​ക്ഷ​ത്തി​ല്‍ പൊ​രു​ത്ത​പ്പെ​ട്ടു​ക​ഴി​ഞ്ഞു. അ​വ​രു​ടെ ജീ​വി​തം ഇ​ങ്ങ​നെ​യൊ​ക്കെ​ത്ത​ന്നെ​യാ​ണ്...

സേ​വ​നം സെ​ന്‍​ട്ര​ല്‍ ജ​യി​ലി​ലും

അ​ജ്മീ​റി​ലെ സെ​ന്‍​ട്ര​ല്‍ ജ​യി​ലി​ലും സു​നി​ല്‍ ജോ​സി​ന്‍റെ നേ​തൃ​ത്വ​ത്തി​ലു​ള്ള സ്‌​നേ​ഹ​ക​ര​ങ്ങ​ള്‍ എ​ത്തു​ന്നു​ണ്ട്. മ​ഹി​ളാ​ജ​യി​ലി​ല്‍ ത​ട​വു​കാ​രു​ടെ മ​ക്ക​ളും ഏ​ഴു​വ​യ​സു​വ​രെ അ​വ​ര്‍​ക്കൊ​പ്പ​മാ​ണ് വ​ള​രു​ന്ന​ത്. ശി​ക്ഷ തീ​രും വ​രെ കു​ട്ടി​ക​ളും അ​മ്മ​മാ​ര്‍​ക്കൊ​പ്പം പ്ര​ത്യേ​ക കേ​ന്ദ്ര​ത്തി​ല്‍ ക​ഴി​യ​ണം. ഇ​വി​ട​ത്തെ കു​ട്ടി​ക​ളു​ടെ ഭാ​വി മ​റ്റൊ​രു ക്രി​മി​ന​ല്‍ സ്വ​ഭാ​വ​ത്തി​ലേ​ക്ക് മാ​റി​പ്പോ​ക​രു​തെ​ന്ന നി​ര്‍​ബ​ന്ധ​ബു​ദ്ധി​യോ​ടെ​യാ​ണ് ഈ ​വ​ലി​യ ദൗ​ത്യ​വും ഉ​ഡാ​ന്‍ സൊ​സൈ​റ്റി ഏ​റ്റെ​ടു​ത്ത​ത്. 12 പേ​രെ​യാ​ണ് ഇ​വി​ടെ പ​ഠി​പ്പി​ക്കു​ന്ന​ത്. ഇ​തി​നാ​യി വ​നി​താ അ​ധ്യാ​പി​ക​യെ ചു​മ​ത​ല​പ്പെ​ടു​ത്തി.

കു​ടും​ബ​ജീ​വി​തം

കോ​ഴി​ക്കോ​ട് കു​രാ​ച്ചു​ണ്ട് കാ​ള​ങ്ങാ​ലി എ​ര​ത്തേ​ല്‍ ഹൗ​സി​ല്‍ സു​നി​ല്‍ ജോ​സ് കോ​ഴി​ക്കോ​ട് ദേ​വ​ഗി​രി സെ​ന്‍റ് ജോ​സ​ഫ്‌​സ് കോ​ള​ജ് വി​ദ്യാ​ഭ്യാ​സ​ത്തി​നു​ശേ​ഷം 1995-ല്‍ ​ആ​ണ് അ​ജ്മീ​ര്‍ സ്‌​കൂ​ളി​ല്‍ ക​ണ​ക്ക് അ​ധ്യാ​പ​ക​നാ​യി എ​ത്തി​യ​ത്. 25 വ​ര്‍​ഷ​ത്തി​ല​ധി​ക​മാ​യി രാ​ജ​സ്ഥാ​നി​ലെ വി​ദ്യാ​ര്‍​ഥി​ക​ളാ​ണ് ഇ​ദ്ദേ​ഹ​ത്തി​ന്‍റെ മ​ന​സും കു​ടും​ബ​വും.

ഭാ​ര്യ ഷൈ​നി തോ​മ​സ് പൊ​ളി​റ്റി​ക്ക​ല്‍ സ​യ​ന്‍​സ് ല​ക്ച​റ​റാ​ണ്. ര​ണ്ടു​മ​ക്ക​ളാ​ണ് ഉ​ള്ള​ത്. അ​നു​പം ജോ​സ് (എം​ടെ​ക് വി​ദ്യാ​ര്‍​ഥി), ശ്രേ​യ ജോ​സ് (എം​ബി​ബി​എ​സ് വി​ദ്യാ​ര്‍​ഥി​നി). കു​ടും​ബം ന​ല്‍​കു​ന്ന പൂ​ര്‍​ണ പി​ന്തു​ണ​യാ​ണ് ഇ​ദ്ദേ​ഹ​ത്തി​ന് ന​ന്മ​യു​ടെ പാ​ത വെ​ട്ടി​ത്തു​റ​ക്കാ​ന്‍ താ​ങ്ങും ത​ണ​ലും ന​ൽ​കു​ന്ന​ത്.

ഇ. ​അ​നീ​ഷ്


Copyright @ 2022 , Rashtra Deepika Ltd.