നയതന്ത്രത്തിലെ നക്ഷത്രത്തിളക്കം
ഭൂ​പ​ട​ത്തി​ല്‍ മ​ല​യാ​ളി​യു​ടെ വേ​രു​ക​ള്‍ ചെ​ന്നു ത​ളി​ര്‍​ക്കാ​ത്ത ഇ​ട​ങ്ങ​ളി​ല്ല. ച​ന്ദ്ര​നി​ല്‍ ചെ​ന്നാ​ല്‍ ച​ന്ദ്രേ​ട്ട​ന്‍റെ ചാ​യ​ക്ക​ട ഉ​ണ്ടാ​കു​മെ​ന്ന പ​ഴ​യ ത​മാ​ശ പോ​ലും ലോ​ക രാ​ജ്യ​ങ്ങ​ളി​ലേ​ക്കു​ള്ള മ​ല​യാ​ളി​യു​ടെ വ്യാ​പ​ന​ത്തെ സ​ര​സ​മാ​യി അ​ട​യാ​ള​പ്പെ​ടു​ത്തു​ന്ന​താ​ണ്. ലോ​ക​ത്തി​നു മാ​തൃ​ക​യാ​കു​ന്ന പ​ല​തി​ന്‍റെ​യും തു​ട​ക്കം കൊ​ച്ചു​കേ​ര​ള​ത്തി​ലാ​ണ്. ജീ​വി​ത സൂ​ചി​ക​ക​ളി​ല്‍ പ​ല​തി​ലും ആ​ഗോ​ള ശ​രാ​ശ​രി​യേ​ക്കാ​ള്‍ മു​ന്നി​ൽ.

എ​ന്നി​ട്ടു​മെ​ന്തേ കേ​ര​ളം ര​ക്ഷ​പ്പെടാ​ത്ത​ത് എ​ന്നു സം​ശ​യി​ക്കാ​ത്ത​വ​ര്‍ കു​റ​വാ​കും. മാ​റാ​ന്‍ ഏ​റെ​യു​ണ്ട്. ജീ​വി​ത ശൈ​ലി​ക​ളും അ​ടി​സ്ഥാ​ന സ​മീ​പ​ന​ങ്ങ​ളും മു​ത​ല്‍ രാ​ഷ്ട്രീ​യ അ​തി​പ്ര​സ​ര​വും കൊ​ല​പാ​ത​ക രാ​ഷ്ട്രീ​യ​വും സ്ത്രീ​പീ​ഡ​ന​ങ്ങ​ളും അ​ഴി​മ​തി​ക​ളും ത​ട്ടി​പ്പു​ക​ളും വ​രെ നാ​ണ​ക്കേ​ടി​ന്‍റെ നി​ര​വ​ധി ചി​ത്ര​ങ്ങ​ളും കേ​ര​ള​ത്തി​ല്‍ ത​ന്നെ​യു​ണ്ട്.

മ​ല​യാ​ള​ത്തി​ന്‍റെ കൊ​ടി​യേ​റ്റം

ഉ​ന്ന​ത സ്ഥാ​ന​ങ്ങ​ളി​ലെ​ത്തി​യ മ​ല​യാ​ളി​ക​ള്‍ നി​ര​വ​ധി​യു​ണ്ട്. പ​ക്ഷേ കേ​ര​ള​ത്തി​ന്‍റെ സ​മ​ഗ്ര വി​ക​സ​ന​ത്തി​നും സാ​മൂ​ഹി​ക, രാ​ഷ്ട്രീ​യ പ​രി​ഷ്‌​കാ​ര​ത്തി​നും വേ​ണ്ട​ത്ര സം​ഭാ​വ​ന​ക​ള്‍ ഉ​ണ്ടാ​കു​ന്നു​ണ്ടോ​യെ​ന്ന​തു സം​ശ​യ​മാ​ണ്. ഇ​നി വേ​ണ്ട​ത് ന​ല്ല​തു ക​ണ്ടെ​ത്തി കേ​ര​ള​ത്തിന്‍റെ രീ​തി​യി​ലേ​ക്കു സ്വാംശീ​ക​രി​ക്കു​ക​യാ​ണ്.

ന​യ​ത​ന്ത്ര​ത്തി​ലെ മ​ല​യാ​ളി​ത്തി​ള​ക്കം

ഇ​ന്ത്യ​ന്‍ വി​ദേ​ശ​കാ​ര്യ സ​ര്‍​വീ​സി​ലെ വേ​ണു രാ​ജാ​മ​ണി​യെ​ന്ന മ​ല​യാ​ളി​യു​ടെ 34 വ​ര്‍​ഷ​ത്തെ ന​യ​ത​ന്ത്ര​ജീ​വി​ത​ത്തി​ലെ അ​നു​ഭ​വ​ങ്ങ​ളി​ല്‍ നി​ന്നു കൊ​ച്ചു​കേ​ര​ള​ത്തി​നും മ​ല​യാ​ളി​ക്കും പ​ഠി​ക്കാ​നും പ്ര​യോ​ഗ​ത്തി​ലാ​ക്കാ​നും നി​ര​വ​ധി കാ​ര്യ​ങ്ങ​ളു​ണ്ട്. നെ​ത​ര്‍​ല​ന്‍​ഡ്സി​ലെ അം​ബാ​സ​ഡ​ര്‍ പ​ദ​വി​യി​ല്‍ നി​ന്നു ക​ഴി​ഞ്ഞ ദി​വ​സം വി​ര​മി​ച്ച വേ​ണു ഇ​നി ഡ​ല്‍​ഹി​യി​ലും കേ​ര​ള​ത്തി​ലു​മാ​യി സ​ജീ​വ​മാ​കു​ക​യാ​ണ്. രാ​ഷ്ട്ര​പ​തി​യാ​യി​രു​ന്ന പ്ര​ണാ​ബ് മു​ഖ​ര്‍​ജി​യു​ടെ പ്ര​സ് സെ​ക്ര​ട്ട​റി​യെ​ന്ന നി​ല​യി​ലും വേ​ണു​വി​ന്‍റെ അ​നു​ഭ​വ​ങ്ങ​ള്‍​ക്ക് അ​പൂ​ര്‍​വ​ത​യു​ണ്ട്.

2008ലെ ​മ​ഹാ​പ്ര​ള​യ​ത്തി​ല്‍ നി​ന്നു പ​ല​തും കേ​ര​ളം തി​രു​ത്തേ​ണ്ട​താ​യി​രു​ന്നു. നെ​ത​ര്‍​ല​ന്‍​ഡ്‌​സി​ലെ ന​ല്ല​തു ചി​ല​തൊ​ക്കെ പ്രാ​വ​ര്‍​ത്തി​ക​മാ​ക്കി. ഇ​നി​യു​മേ​റെ ചെ​യ്യാ​നു​ണ്ട്. നാ​ല്‍​പ​തു ന​ദി​ക​ളും വ​ലി​യ തീ​ര​പ്ര​ദേ​ശ​വും വ​ന്‍​മ​ല​നി​ര​ക​ളു​മു​ള്ള കേ​ര​ളം പ​ക്ഷേ കാ​ര്യ​മാ​യൊ​ന്നും മാ​റ്റം വ​രു​ത്തി​യി​ല്ലെ​ന്ന​താ​ണ് യാ​ഥാ​ര്‍​ഥ്യം. പ്ര​ള​യം കൈ​കാ​ര്യം ചെ​യ്യു​ന്ന​തി​ല്‍ എ​ന്താ​ണു ചെ​യ്യു​ന്ന​തെ​ന്നു മ​ന​സി​ലാ​ക്കാ​ന്‍ മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ നേ​രി​ട്ടു നെ​ത​ര്‍​ല​ന്‍​ഡ്‌​സ് സ​ന്ദ​ര്‍​ശി​ച്ചി​രു​ന്നു. ക​ഴി​ഞ്ഞ വ​ര്‍​ഷം ഒ​ക്്‌​ടോ​ബ​റി​ല്‍ ഡ​ച്ച് രാ​ജാ​വ് വി​ല്യം അ​ല​ക്‌​സാ​ണ്ട​റും രാ​ജ്ഞി മാ​ക്‌​സി​മ​യും കേ​ര​ള​ത്തി​ലു​മെ​ത്തി. ര​ണ്ടു സ​ന്ദ​ര്‍​ശ​ന​ങ്ങ​ളു​ടെ​യും ചു​ക്കാ​ന്‍ പി​ടി​ച്ച​തു വേ​ണു​വാ​യി​രു​ന്നു.

മൊ​ത്തം രാ​ജ്യ​ത്തി​​ന്‍റെ മൂ​ന്നി​ലൊ​ന്നു സ​മു​ദ്ര​നി​ര​പ്പി​നു താ​ഴെ​യു​ള്ള രാ​ജ്യ​മാ​ണ് നെ​ത​ര്‍​ല​ന്‍​ഡ്‌​സ്. സ​മു​ദ്ര​നി​ര​പ്പി​നു താ​ഴെ​യു​ള്ള കു​ട്ട​നാ​ടി​നു വേ​ണ്ടി അ​ടു​ത്തി​ടെ ത​യാ​റാ​ക്കി​യ ഇ​ന്തോ- ഡ​ച്ച് ആ​ക്ഷ​ന്‍ പ്ലാ​ന്‍ ഫ​ല​പ്ര​ദ​മാ​യി ന​ട​പ്പാ​ക്കി​യാ​ല്‍ വ​ലി​യ നേ​ട്ട​മാ​കും. കേ​ര​ള​ത്തി​ലെ തു​റ​മു​ഖ ന​വീ​ക​ര​ണ​ത്തി​നും മ​ല്‍​സ്യ​ബ​ന്ധ​ന- സം​സ്‌​ക​ര​ണ- ക​യ​റ്റു​മ​തി മേ​ഖ​ല​യു​ടെ ന​വീ​ക​ര​ണ​ത്തി​നും പു​തി​യ കാ​ര്‍​ഷി​ക വി​പ്ല​വ​ത്തി​നും ഭ​ക്ഷ്യ​സം​സ്‌​ക​ര​ണ​ത്തി​നും ഡ​ച്ച് സ​ഹ​ക​ര​ണം ഉ​പ​ക​രി​ക്കും. ഡ​ച്ച് സം​സ്‌​കാ​ര​ത്തി​​ന്‍റെ ശേ​ഷി​പ്പു​ക​ള്‍ ഏ​റെ​യു​ള്ള കേ​ര​ള​ത്തി​ന് വെ​ള്ള​വു​മാ​യി ബ​ന്ധ​പ്പെ​ട്ട കാ​ര്യ​ത്തി​ല്‍ മാ​ത്രം പ​ഠി​ക്കാ​നേ​റെ​യു​ണ്ട്. "വാ​ട്ട് വി ​കാ​ന്‍ ലേ​ണ്‍ ഫ്രം ​ദ ഡ​ച്ച്- റീ​ബിൽഡിം​ഗ് കേ​ര​ള പോ​സ്റ്റ് ഫ്‌​ള​ഡ്‌​സ് 2018' എ​ന്ന പേ​രി​ല്‍ വേ​ണു രാ​ജാ​മ​ണി എ​ഴു​തി​യ പു​സ്ത​കം കേ​ര​ള​ത്തി​​ന്‍റെ പു​ന​ര്‍​നി​ര്‍​മാ​ണ​ത്തി​നു​ള്ള മാ​ര്‍​ഗ​രേ​ഖ​യാ​കും. പു​സ്ത​ക​ത്തി​​ന്‍റെ മ​ല​യാ​ള പ​രി​ഭാ​ഷ ഉടനെ പു​റ​ത്തി​റ​ക്കും.

ജ​ല​ജീ​വി​ത പ​രി​ശീ​ല​നം


പ്ര​ള​യം കൈ​കാ​ര്യം ചെ​യ്യു​ന്ന​തി​ലെ നി​താ​ന്ത ജാ​ഗ്ര​ത​യാ​ണു പ്ര​ധാ​നം. കു​ട്ടി​ക​ള്‍ ചെ​റി​യ ക്ലാ​സു​ക​ളി​ല്‍ പ​ഠി​ക്കു​മ്പോ​ള്‍ മു​ത​ല്‍ ഇ​തി​നു​ള്ള പ​രി​ശീ​ല​നം നെ​ത​ര്‍​ല​ന്‍​ഡ്‌​സി​ല്‍ ന​ല്‍​കു​ന്നു. മു​ഴു​വ​ന്‍ വി​ദ്യാ​ര്‍​ഥി​ക​ള്‍​ക്കും നീ​ന്ത​ല്‍ പ​രി​ശീ​ല​നം നി​ര്‍​ബ​ന്ധ​മാ​ണ്. പെ​ട്ടെ​ന്നൊ​രു വെ​ള്ള​പ്പൊ​ക്കം വ​ന്നാ​ലു​ള്ള പ​രി​ശീ​ല​ന​വും ഉ​ണ്ട്. വ​സ്ത്ര​ങ്ങ​ളും ഷൂ​സും ഇ​ട്ടു​കൊ​ണ്ടു നീ​ന്താ​നും കു​ട്ടി​ക​ളെ പ​ഠി​പ്പി​ക്കു​ന്നു. പ​ക്ഷേ 40 ന​ദി​ക​ളും അ​റു​നൂ​റു കി​ലോ​മീ​റ്റ​റോ​ളം സമുദ്രാ​തി​ര്‍​ത്തി​യു​മുള്ള കേ​ര​ള​ത്തി​ല്‍ ഇ​പ്പോ​ഴും ഭൂ​രി​പ​ക്ഷം പേ​ര്‍​ക്കും നീ​ന്ത​ല്‍ അ​റി​യി​ല്ല! അ​ധി​ക​ ഭാ​രം ഉ​ള്ള​വ​രു​ടെ എ​ണ്ണ​വും കൂ​ടു​ത​ലാ​ണ്.

വി​വി​ധ ഏ​ജ​ന്‍​സി​ക​ള്‍ ത​മ്മി​ലു​ള്ള ഏ​കോ​പ​ന​മാ​ണ് നെ​ത​ര്‍​ല​ന്‍​ഡ്‌​സി​​ന്‍റെ മി​ടു​ക്ക്. എപ്പോ​ള്‍ വേ​ണ​മെ​ങ്കി​ലും ഏ​ത് അ​ടി​യ​ന്ത​ര സാ​ഹ​ച​ര്യ​ത്തെ​യും നേ​രി​ടാ​നു​ള്ള ത​യാ​റെ​ടു​പ്പു​ക​ളും പ​രി​ശീ​ല​ന ഡ്രി​ല്ലു​ക​ളും പ​തി​വാ​ണ്. പ്ര​ള​യം നേ​രി​ടാ​നു​ള്ള ദു​ര​ന്ത​സേ​ന​ക​ളെ​ല്ലാം എ​പ്പോ​ഴും ത​യാ​റാ​ണ്.

ജ​ന​ത​യു​ടെ പൊ​തു​വാ​യ ആ​രോ​ഗ്യ​ത്തി​നു ന​ല്‍​കു​ന്ന പ്രാ​മു​ഖ്യ​വും ക​ണ്ടു​പ​ഠി​ക്കേ​ണ്ട​താ​ണ്. കൂ​ടു​ത​ലും സ​മ​ത​ല​പ്ര​ദേ​ശ​ങ്ങ​ളു​ള്ള നെ​ത​ര്‍​ല​ന്‍​ഡ്‌​സി​ല്‍ സൈ​ക്കി​ള്‍ ച​വി​ട്ടു​ന്ന​വ​ര്‍​ക്ക് എ​ല്ലാ സ​ഹാ​യ​വും പ്രോ​ല്‍​സാ​ഹ​ന​വും അ​ടി​സ്ഥാ​ന സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ണ്ട്. സൈ​ക്കി​ളിം​ഗ് ഹ​ര​മാ​ക്കി​യ വേ​ണു​വി​​ന്‍റെ ഏ​റ്റ​വും സു​ഖ​ക​ര​മാ​യ അ​നു​ഭൂ​തി​യും ത​ല​സ്ഥാ​ന​മാ​യ ഹേ​ഗി​ലെ സൈ​ക്കി​ള്‍ സ​വാ​രി​ക​ളാ​യി​രു​ന്നു.

ഇ​ന്ത്യ​യു​ടെ ത​ന​തു യോ​ഗ സാ​യി​പ്പ​ന്മാ​രെ പ​രി​ശീ​ലി​പ്പി​ക്കു​ന്ന​തി​ലും വേ​ണു മു​ന്‍​കൈ​യെ​ടു​ത്തു. പ​തി​വാ​യി യോ​ഗ ചെ​യ്യു​ന്ന​തി​നു പു​റ​മെ അ​ന്താ​രാ​ഷ്ട്ര യോ​ഗ ദി​ന​ത്തി​ല്‍ ഇ​ന്ത്യ​ന്‍ എം​ബ​സി​യു​ടെ ആ​ഭി​മു​ഖ്യ​ത്തി​ല്‍ വ​ലി​യ യോ​ഗ പ​രി​പാ​ടി​ക​ള്‍​ക്കു നേ​തൃ​ത്വം ന​ല്‍​കാ​നും ശ്ര​ദ്ധി​ച്ചു. കോ​വി​ഡ് മ​ഹാ​മാ​രി​യു​ടെ കാ​ല​ത്ത് എ​ല്ലാ​വ​രും ആ​രോ​ഗ്യ​ത്തോ​ടെ ജീ​വി​ക്കേ​ണ്ട​തി​​ന്‍റെ അ​നി​വാ​ര്യ​ത കൂ​ടു​ത​ല്‍ പ്ര​സ​ക്ത​വു​മാ​ണ്.

അ​ടി​മു​ടി ഡ​ച്ച് മാ​തൃ​ക

ആ​ധു​നി​ക പ്ര​ള​യ മാ​നേ​ജ്‌​മെ​ന്‍റില്‍ മാ​ത്ര​മ​ല്ല, കൃ​ഷി, ഭ​ക്ഷ്യ​സം​സ്‌​ക​ര​ണം, ആ​രോ​ഗ്യ​സം​ര​ക്ഷ​ണം, ജ​ല​വി​നി​യോ​ഗം തു​ട​ങ്ങി നി​ര​വ​ധി മേ​ഖ​ല​ക​ളി​ലും കേ​ര​ള​ത്തി​നും ഇ​ന്ത്യ​ക്കും ഡ​ച്ചു​കാ​രു​ടെ മാ​തൃ​ക​ക​ളും സാ​ങ്കേ​തി​ക വി​ദ്യ​ക​ളും ഉ​പ​യോ​ഗ​പ്പെ​ടു​ത്താ​നാ​കും. ഇ​ന്ത്യ​യു​മാ​യു​ള്ള നെ​ത​ര്‍​ല​ന്‍​ഡി​​ന്‍റെ വ്യാ​പാ​ര, വ്യ​വ​സാ​യ സ​ഹ​ക​ര​ണം വ​ള​രെ​യേ​റെ മെ​ച്ച​പ്പെ​ടു​ത്താ​ന്‍ വേ​ണു​വി​​ന്‍റെ കാ​ല​ത്തു ക​ഴി​യു​ക​യും ചെ​യ്തു.

ക​ഴി​ഞ്ഞ ഏ​പ്രി​ല്‍ മു​ത​ലു​ള്ള കാ​ല​ത്ത് ഇ​ന്ത്യ​യി​ലെ ര​ണ്ടാ​മ​ത്തെ വ​ലി​യ വി​ദേ​ശ​നി​ക്ഷേ​പം (108.5 ബി​ല്യ​ണ്‍ ഡോ​ള​ര്‍) നെ​ത​ര്‍​ല​ന്‍​ഡിന്‍റേ​താ​ണ്. ഇ​ന്ത്യ​യി​ല്‍ നി​ന്നു നേ​രി​ട്ടു​ള്ള വി​ദേ​ശ​നി​ക്ഷേ​പ​ത്തി​ലും നെ​ത​ര്‍​ല​ന്‍​ഡിനാ​ണു മൂ​ന്നാം സ്ഥാ​നം (67.912 മി​ല്യ​ണ്‍ ഡോ​ള​ര്‍). സിം​ഗ​പ്പൂ​രി​ലും അ​മേ​രി​ക്ക​യി​ലു​മാ​ണ് ഇ​ന്ത്യ​യി​ല്‍ നി​ന്നു​ള്ള നി​ക്ഷേ​പ​ങ്ങ​ളു​ടെ പ്ര​ഥ​മ സ്ഥാ​ന​മെ​ന്നു വേ​ണു വി​ശ​ദീ​ക​രി​ച്ചു.

വേ​ണു​വി​​ന്‍റെ പ​രി​ശ്ര​മ​ഫ​ല​മാ​യി ഡ​ച്ച് രാ​ജാ​വും രാ​ജ്ഞി​യും 2019 ഒ​ക്ടോ​ബ​റി​ല്‍ ന​ട​ത്തി​യ ഔ​ദ്യോ​ഗി​ക ഇ​ന്ത്യ സ​ന്ദ​ര്‍​ശ​ന വേ​ള​യി​ല്‍ അ​ദ്ദേ​ഹ​ത്തെ അ​നു​ഗ​മി​ച്ച വ്യാ​പാ​ര സം​ഘം നെ​ത​ര്‍​ല​ന്‍​ഡിന്‍റെ ച​രി​ത്ര​ത്തി​ലെ ഏ​തെ​ങ്കി​ലും വി​ദേ​ശ​രാ​ജ്യ​ത്തേ​ക്കു​ള്ള ഏ​റ്റ​വും വ​ലി​യ സം​ഘ​മാ​യി​രു​ന്നു. 140 ക​മ്പ​നി​ക​ളെ പ്ര​തി​നി​ധീ​ക​രി​ച്ച് 250 പ്ര​ബ​ല​രാ​ണ് എ​ത്തി​യ​ത്. നെ​ത​ര്‍​ല​ന്‍​ഡ്‌​സ് പ്ര​ധാ​ന​മ​ന്ത്രി മാ​ര്‍​ക്ക് റൂ​ട്ട് 2018ല്‍ ​ഇ​ന്ത്യ​യി​ലെ​ത്തി. പ്ര​ധാ​ന​മ​ന്ത്രി ന​രേ​ന്ദ്ര മോ​ദി 2017 ജൂ​ണി​ലും വി​ദേ​ശ​കാ​ര്യ​മ​ന്ത്രി എ​സ്. ജ​യ​ശ​ങ്ക​ര്‍ 2019 ന​വം​ബ​റി​ലും നെ​ത​ര്‍​ല​ന്‍​ഡ്‌​സ് സ​ന്ദ​ര്‍​ശി​ച്ച​തും വേ​ണു​വി​​ന്‍റെ മി​ക​വി​നു​ള്ള അം​ഗീ​കാ​ര​മാ​യി.

ദി​വ്യാ​നു​ഭ​വ​മാ​യി പാ​പ്പാ

ഇ​ന്ത്യ​ന്‍ വി​ദേ​ശ​കാ​ര്യ സ​ര്‍​വീ​സി​ലെ മൂ​ന്നു ദ​ശ​ക​ത്തി​ലേ​റെ നീ​ണ്ട കാ​ല​യ​ള​വി​ലെ ഏ​റ്റ​വും അ​വി​സ്മ​ര​ണീ​യ മു​ഹൂ​ര്‍​ത്ത​ങ്ങ​ളി​ലൊ​ന്നാ​ണു വ​ത്തി​ക്കാ​നി​ലെ​ത്തി ഫ്രാ​ന്‍​സി​സ് മാ​ര്‍​പാ​പ്പ​യെ ക​ണ്ട അ​നു​ഭ​വ​മെ​ന്ന് വേ​ണു രാ​ജാ​മ​ണി. പോ​പ്പി​നെ കാ​ണു​ക​യെ​ന്ന വ​ലി​യ ആ​ഗ്ര​ഹ​ത്തോ​ടെ​യാ​ണ് യൂ​റോ​പ്പി​ലെ പു​തി​യ ചു​മ​ത​ല​യേ​റ്റ​ത്. വ​ത്തി​ക്കാ​നി​ലെ ഇ​ന്ത്യ​ന്‍ അം​ബാ​സ​ഡ​റുടെ സ​ഹാ​യ​ത്താ​ല്‍ മാ​ര്‍​പാ​പ്പ​യു​മാ​യി പ്ര​ത്യേ​ക കൂ​ടി​ക്കാ​ഴ്ച​യ്ക്ക് അ​പേ​ക്ഷ ന​ല്‍​കി. ഭാ​ര്യ സ​രോ​ജി​നെ​യും കൂ​ട്ടി വ​ത്തി​ക്കാ​നോ​ടു ചേ​ര്‍​ന്നു​ള്ള ബു​ട്ടീ​ക് ഹോ​ട്ട​ലി​ലെ​ത്തി ത​ലേ​ന്നു ത​ന്നെ താ​മ​സി​ച്ചു.

ഫ്രാ​ന്‍​സി​സ് പാ​പ്പാ എ​ത്തി​യ​യു​ട​ന്‍ "ഐ ​ബ്ലെ​സ് യു' ​എ​ന്നു പ​റ​ഞ്ഞു ന​ല്‍​കി​യ ആ​ശീ​ര്‍​വാ​ദം വി​ല​പ്പെ​ട്ട​താ​യി. കേ​ര​ള​ത്തി​ലെ മ​ഹാ​പ്ര​ള​യ​ത്തി​നു പി​ന്നാ​ലെ​യാ​യി​രു​ന്ന​തി​നാ​ല്‍ പ്ര​ള​യ​ബാ​ധി​ത​ര്‍​ക്കു കൂ​ടി അ​നു​ഗ്ര​ഹം അ​ഭ്യ​ര്‍​ഥി​ച്ചു. വ​ള​രെ സ​ന്തോ​ഷ​ത്തോ​ടെ കേ​ര​ള​ത്തി​ലെ മു​ഴു​വ​ന്‍ ദു​ര​ന്ത​ബാ​ധി​ത​ര്‍​ക്കു വേ​ണ്ടിയും മാ​ര്‍​പാ​പ്പ പ്രാ​ര്‍​ഥിച്ചു. ക​ത്തോ​ലി​ക്കാ സ​ഭ​യു​ടെ ആ​ഗോ​ള ത​ല​വ​ന് ലോ​ക​ത്താ​കെ എ​ങ്ങനെ​യാ​ണു സാ​മൂ​ഹ്യ പ​രി​ഷ്‌​കാ​ര​വും സ​മാ​ധാ​ന​വും കൊ​ണ്ടു​വ​രാ​ന്‍ ക​ഴി​യു​ക​യെ​ന്ന​താ​ണു ഏ​റ്റ​വും ആ​ക​ര്‍​ഷി​ച്ച​ത്. പ്ര​സം​ഗ​ത്തി​ലും ചി​ന്ത​യി​ലു​മെ​ല്ലാം പു​രോ​ഗ​മ​നാ​ശ​യ​ങ്ങ​ളു​ള്ള ആ​ത്മീ​യാ​ചാ​ര്യ​നാ​ണു ഫ്രാ​ന്‍​സി​സ് മാ​ര്‍​പാ​പ്പ. അ​ദ്ദേ​ഹ​ത്തി​​ന്‍റെ ഓ​രോ വാ​ക്കും പ്ര​വൃത്തി​യും ലോ​ക​ത്തി​നാ​കെ ഉ​ള്‍​ക്കൊ​ള്ളാ​ന്‍ ക​ഴി​യേ​ണ്ട പ​വി​ഴ​ങ്ങ​ളാ​ണ്. ഫ്രാ​ന്‍​സി​സ്, ബെ​ന​ഡി​ക്ട് പാ​പ്പ​ാമാ​രു​ടെ ജീ​വി​ത​വു​മാ​യി ബ​ന്ധ​പ്പെ​ടു​ത്തി​യെ​ടു​ത്ത "ടു ​പോ​പ്പ്‌​സ്' എ​ന്ന സി​നി​മ കൂ​ടി ക​ണ്ടി​രു​ന്ന​തി​നാ​ല്‍ മാ​ര്‍​പാ​പ്പാ​മാ​രോ​ട് അ​തി​യാ​യ മ​തി​പ്പു​ണ്ടാ​യി​രു​ന്നു.


മാ​ര്‍​പാ​പ്പ​യെ ക​ണ്ട ശേ​ഷം വ​ത്തി​ക്കാ​ന്‍ മ്യൂ​സി​യ​വും സെ​ന്‍റ് പീ​റ്റേ​ഴ്‌​സ് ബ​സി​ലി​ക്ക​യും സെന്‍റ് പോ​ള്‍​സ് ബസിലിക്കയും മ​റ്റും ന​ട​ന്നു ക​ണ്ട​തു മ​റ​ക്കി​ല്ല. മാ​ര്‍​പാ​പ്പ​ാമാ​രു​ടെ തെ​ര​ഞ്ഞെ​ടു​പ്പു ന​ട​ക്കു​ന്ന വി​ഖ്യാ​ത​മാ​യ സി​സ്റ്റൈ​ന്‍ ചാ​പ്പ​ലി​ലെ സ​ന്ദ​ര്‍​ശ​നം വി​ല​പ്പെ​ട്ട​താ​യി. പാ​പ്പ​ാമാ​രു​ടെ തെ​ര​ഞ്ഞെ​ടു​പ്പു ന​ട​ക്കു​മ്പോ​ള്‍ ക​റു​ത്ത പു​ക​യും തെ​ര​ഞ്ഞെ​ടു​ക്ക​പ്പെ​ട്ടാ​ല്‍ വെ​ളു​ത്ത പു​ക​യും വ​രു​ന്ന ചി​മ്മി​നി​യു​ടെ രീ​തി​യും ക​ണ്ട​റി​ഞ്ഞു.

ഡ​ച്ച്- കേ​ര​ള പാ​ല​മാ​യി വേ​ണു

നീ​ണ്ട 34 വ​ര്‍​ഷം ന​യ​ത​ന്ത്ര ഉ​ദ്യോ​ഗ​സ്ഥ​നും രാ​ഷ്ട്ര​പ​തി​യു​ടെ പ്ര​സ് സെ​ക്ര​ട്ട​റി​യും ആ​യി​രു​ന്ന വേ​ണു രാ​ജാ​മ​ണി ദീ​പി​ക​യു​മാ​യി ന​ട​ത്തി​യ അ​ഭി​മു​ഖം.

ഡ​ച്ചു​കാ​രും കേ​ര​ള​വു​മാ​യി ഇ​ഴ​യ​ടു​പ്പ​മു​ള്ള ബ​ന്ധ​മാ​ണു ച​രി​ത്ര​ത്തി​ലു​ള്ള​ത്. നെ​ത​ര്‍​ല​ന്‍​ഡ്‌​സി​ലെ മൂ​ന്ന​ര വ​ര്‍​ഷ​ത്തെ സ്ഥാ​ന​പ​തി​യെ​ന്ന നി​ല​യി​ല്‍ ഇ​തേ​ക്കു​റി​ച്ച്. ?

1604ല്‍ ​ഡ​ച്ചു​കാ​ര്‍ കേ​ര​ള​ത്തി​ലെ​ത്തി​യി​രു​ന്നു. 1602ല്‍ ​ഡ​ച്ച് ഈ​സ്റ്റ് ഇ​ന്ത്യ ക​മ്പ​നി സ്ഥാ​പി​ച്ചി​രു​ന്നു. കോ​ഴി​ക്കോ​ടി​ന​ടു​ത്ത് ആ​ദ്യ​മെ​ത്തി​യ ഡ​ച്ചു​കാ​ര്‍ പോ​ര്‍​ച്ചു​ഗീ​സു​കാ​രെ തോ​ല്‍​പി​ച്ചാ​ണു കൊ​ച്ചി​യി​ല്‍ വേ​രു​റ​പ്പി​ച്ച​ത്. ഒ​രു നൂ​റ്റാ​ണ്ടോ​ളം മ​ല​ബാ​ര്‍ മേ​ഖ​ല​യി​ല്‍ ഡ​ച്ചു​കാ​ര്‍​ക്കാ​യി​രു​ന്നു മേ​ധാ​വി​ത്വം. വ്യാ​പാ​ര​ത്തോ​ടൊ​പ്പം കൊ​ളോ​ണി​യ​ല്‍ ശ​ക്തി​യും അ​വ​ര്‍ പ്ര​യോ​ഗി​ച്ചു. കേ​ര​ള​ത്തി​ന്‍റെ പ്രാ​ദേ​ശി​ക വി​ഷ​യ​ങ്ങ​ളി​ല​ട​ക്കം അ​വ​ര്‍ സ്വാ​ധീ​നം ചെ​ലു​ത്തി.

കേ​ര​ള​ത്തി​ലെ ഡ​ച്ചു​കാ​രു​ടെ സ്വാ​ധീ​ന​ത്തെ​ക്കു​റി​ച്ചു കൃ​ത്യ​മാ​യ രേ​ഖ​ക​ളും തെ​ളി​വു​ക​ളും ല​ഭ്യ​മ​ല്ലേ ?
ഇ​തേ​ക്കു​റി​ച്ച് "കോ​സ്‌​മോ​സ് മ​ല​ബാ​റി​ക്ക​സ്' എ​ന്ന പ​ഠ​ന​പ​ദ്ധ​തി ത​യാ​റാ​ക്കു​ന്നു​ണ്ട്. ക്ലാ​സി​ക്ക​ല്‍ ഡ​ച്ചു ഭാ​ഷ​യി​ല്‍ കേ​ര​ള​ത്തെ​ക്കു​റി​ച്ചു പ​തി​നേ​ഴാം നൂ​റ്റാ​ണ്ടി​ലെ​ഴു​തി​യ ആ​ധി​കാ​രി​ക രേ​ഖ​ക​ളി​ലെ വി​വ​ര​ങ്ങ​ളെ ഇം​ഗ്ലീ​ഷി​ലേ​ക്കു ത​ര്‍​ജ​മ ചെ​യ്തു ച​രി​ത്ര​രേ​ഖ​യാ​യി സൂ​ക്ഷി​ക്ക​പ്പെ​ടു​ക​യാ​ണു ല​ക്ഷ്യം. ഡി​ജി​റ്റൈസ് ചെ​യ്യു​ന്നു​മു​ണ്ട്. കേ​ര​ള​ത്തി​ലും ത​മി​ഴ്‌​നാ​ട്ടി​ലും നെ​ത​ര്‍​ല​ന്‍​ഡ്‌​സി​ലു​മു​ള്ള ഡ​ച്ചു രേ​ഖ​ക​ളെ​ല്ലാം ഉ​പ​യോ​ഗ​പ്പെ​ടു​ത്തും. കേ​ര​ള ച​രി​ത്ര ഗ​വേ​ഷ​ണ കൗ​ണ്‍​സി​ല്‍, ശ്രീ​ശ​ങ്ക​ര സ​ര്‍​വ​ക​ലാ​ശാ​ല, നെ​ത​ര്‍​ല​ന്‍​ഡ്‌​സി​ലെ പ്ര​മു​ഖമായ ലൈ​ഡ​ന്‍ സ​ര്‍​വ​കലാശാ​ല, നാ​ഷ​ണ​ല്‍ ആ​ര്‍​ക്കൈ​വ്‌​സ് എ​ന്നി​വ​രെ​ല്ലാം യോ​ജി​ച്ചാ​ണു പ​ദ്ധ​തി ന​ട​പ്പാ​ക്കു​ന്ന​ത്.

? ഡ​ച്ചു കാ​ല​ത്തെ ഹോ​ര്‍​ത്തൂ​സ് മ​ല​ബാ​റി​ക്കൂസ് എ​ന്ന ഗ്ര​ന്ഥം കേ​ര​ള​ത്തി​നും ലോ​ക​ത്തി​നും ന​ല്‍​കി​യ സം​ഭാ​വ​ന​ക​ള്‍.

ഹോ​ര്‍​ത്തൂ​സ് മ​ല​ബാ​റി​ക്കൂസ് (ഹോ​ര്‍​ട്ട​സ് മ​ല​ബാ​റി​ക്ക​സ്) എ​ന്ന 12 വാ​ല്യ​ങ്ങ​ളു​ള്ള ഗ്ര​ന്ഥം അ​മൂ​ല്യ​നി​ധി​യാ​ണ്. അ​ത്യ​പൂ​ര്‍​വ​മാ​യ 742 ഔ​ഷ​ധ സ​സ്യ​ങ്ങ​ള്‍, മ​ല​ബാ​ര്‍ തീ​ര​ത്തെ മ​ല്‍​സ്യ​ങ്ങ​ള്‍ തു​ട​ങ്ങി​യ​വ ചി​ത്ര​ങ്ങ​ള്‍ സ​ഹി​ത​മാ​ണ് ശാ​സ്ത്രീ​യ​മാ​യി ഈ ​ഗ്ര​ന്ഥ​ത്തി​ലു​ള്ള​ത്. ഓ​രോ ചെ​ടി​യു​ടെ​യും ഔ​ഷ​ധ​ഗു​ണ​ങ്ങ​ളും ഏ​തു രോ​ഗ​ത്തി​നു പ്ര​തി​രോ​ധ​മാ​കും എ​ന്നും രേ​ഖ​പ്പെ​ടു​ത്തി​യി​ട്ടു​ണ്ട്. ഇ​ട്ടി അ​ച്യു​ത​ന്‍ എ​ന്ന മ​ല​യാ​ളി വൈ​ദ്യ​നെ​ക്കൊ​ണ്ട് ഗ്ര​ന്ഥ​ത്തി​ലെ വി​വ​ര​ങ്ങ​ള്‍ ശ​രി​യാ​ണെ​ന്നു സ​ര്‍​ട്ടി​ഫൈ ചെ​യ്യി​ക്കാ​നും അ​ക്കാ​ല​ത്തു ഡ​ച്ച് അ​ധി​കാ​രി​ക​ള്‍ ത​യാ​റാ​യി.

എ​റ​ണാ​കു​ള​ത്തെ ബോ​ള്‍​ഗാ​ട്ടി പാ​ല​സ്, ഫോ​ര്‍​ട്ട് കൊ​ച്ചി​യി​ലെ സെ​ന്‍റ് ഫ്രാ​ന്‍​സി​സ് പ​ള്ളി, വി​ഖ്യാ​ത​മാ​യ ഡ​ച്ചു സെ​മി​ത്തേ​രി, പ്രി​ന്‍​സ​സ് സ്ട്രീ​റ്റ്, പ​രേ​ഡ് ഗ്രൗ​ണ്ട് തു​ട​ങ്ങി​യ ഡ​ച്ച് പൗ​രാ​ണി​ക സ്മാ​ര​ക​ങ്ങ​ളെ​ക്കു​റി​ച്ചും വാ​സ്‌​കോ​ഡ ഗാ​മ​യു​ടെ ശ​വ​കു​ടീ​ര​ത്തെ​ക്കു​റി​ച്ചു​മൊ​ക്കെ നെ​ത​ര്‍​ല​ന്‍​ഡ്‌​സു​കാ​ര്‍​ക്കു പൊ​തു​വേ അ​റി​വു​ണ്ടോ?

പ​ല​ര്‍​ക്കും അ​റി​വു​ണ്ട്. കേ​ര​ള​ത്തി​ലെ​ത്തി ഇ​തൊ​ക്കെ നേ​രി​ട്ടു​കാ​ണാ​നും മ​ന​സി​ലാ​ക്കാ​നും വെ​ള്ള​ക്കാ​ര്‍​ക്ക് താ​ത്പ​ര്യ​വു​മു​ണ്ട്. ഇ​ന്ത്യ​യി​ലേ​ക്കു കൂ​ടു​ത​ല്‍ യൂ​റോ​പ്യ​ന്‍ വി​നോ​ദ​സ​ഞ്ചാ​രി​ക​ളെ ആ​ക​ര്‍​ഷി​ക്കാ​നു​ള്ള സ​മ​ഗ്ര പ​ദ്ധ​തി​ക​ള്‍ ആ​വി​ഷ്‌​ക​രി​ച്ചാ​ല്‍ അ​തു നേ​ട്ട​മാ​കും.

ഡ​ച്ചു​കാ​ര​നാ​യ ഡി​ല​നോ​യി തി​രു​വ​ിതാം​കൂ​റി​ന്‍റെ ച​രി​ത്ര​ത്തി​ല്‍ നി​ര്‍​ണാ​യ​ക പ​ങ്കു വ​ഹി​ച്ച​തെ​ങ്ങനെ ‍?

ഈ​സ്റ്റി​ന്ത്യ ക​മ്പ​നി​യു​ടെ ക്യാ​പ്റ്റ​നാ​യാ​ണു ഡി​ല​നോ​യി കേ​ര​ള​ത്തി​ലെ​ത്തി​യ​ത്. മാ​ര്‍​ത്താ​ണ്ഡ വ​ര്‍​മ​യു​മാ​യു​ള്ള യു​ദ്ധ​ത്തി​ല്‍ തോ​റ്റു യു​ദ്ധ​ത്ത​ട​വു​കാ​ര​നാ​യി. മി​ടു​ക്ക​നാ​യ ക്യാ​പ്റ്റ​നെ ബു​ദ്ധി​മാ​നാ​യ മാ​ര്‍​ത്താ​ണ്ഡ വ​ര്‍​മ തന്‍റെ സൈ​ന്യ​ത്ത​ല​വ​നാ​ക്കു​ക​യാ​യി​രു​ന്നു. തി​രു​വ​ിതാം​കൂ​ര്‍ സൈ​ന്യ​ത്തെ ആ​ധു​നീക​രി​ക്കാ​നു​ള്ള ചു​മ​ത​ല ഡി​ല​നോ​യി​ക്കാ​യി​രു​ന്നു. അ​ദ്ദേ​ഹ​വും മ​ക​നും 34 വ​ര്‍​ഷ​ത്തോ​ളം മാ​ര്‍​ത്താ​ണ്ഡ​വ​ര്‍​മ​യ്ക്കും ധ​ര്‍​മ​രാ​ജ​യ്ക്കും വേ​ണ്ടി വീ​റോ​ടെ പ്ര​വ​ര്‍​ത്തി​ച്ചു. ത​മി​ഴ്‌​നാ​ട് അ​തി​ര്‍​ത്തി​യി​ലു​ള്ള ഒ​രു പ​ള്ളി​യി​ലാ​ണ് ഡി​ല​നോ​യി, ഭാ​ര്യ, മ​ക​ന്‍ എ​ന്നി​വ​രെ അ​ട​ക്കം ചെ​യ്ത​ത്.

ഹേ​ഗി​ലെ അ​ന്താ​രാ​ഷ്ട്ര നീ​തി​ന്യാ​യ കോ​ട​തി​യി​ലെ ഇ​ന്ത്യ​ൻ പ്രതിനിധിയെന്ന നിലയിൽ?

കു​ല്‍​ഭൂ​ഷ​ണ്‍ ജാ​ദ​വ് കേ​സി​ല്‍ അ​നു​കൂ​ല വി​ധി നേ​ടാ​നാ​യ​ത് ഇ​ന്ത്യ​ക്ക് വ​ലി​യ നേ​ട്ട​മാ​ണ്. അ​ന്താ​രാ​ഷ്ട്ര കോ​ട​തി​യി​ല്‍ മു​തി​ര്‍​ന്ന അ​ഭി​ഭാ​ഷ​ക​ന്‍ ഹ​രീ​ഷ് സാ​ല്‍​വേ​യു​ടെ നേ​തൃ​ത്വ​ത്തി​ലു​ള്ള സം​ഘ​ത്തി​ല്‍ അം​ഗ​മാ​കാ​നും രാ​ജ്യ​ത്തെ പ്ര​തി​നി​ധീ​ക​രി​ക്കാ​നും ക​ഴി​ഞ്ഞു. മൗ​റീ​ഷ്യ​സു​മാ​യു​ള്ള വി​ഷ​യ​ത്തി​ല്‍ ഇ​ന്ത്യ​ക്കുവേ​ണ്ടി അ​ന്താ​രാ​ഷ്ട്ര കോ​ട​തി​യി​ല്‍ ഹാ​ജ​രാ​യി. കേ​ര​ള​ത്തി​ലെ അ​റി​യ​പ്പെ​ടു​ന്ന അ​ഭി​ഭാ​ഷ​ക​നാ​യി​രു​ന്ന രാ​ജാ​മ​ണി​, മകന് ഹേ​ഗി​ലെ അ​ന്താ​രാ​ഷ്‌ട്ര കോ​ട​തി​യി​ല്‍ ഹാ​ജ​രാ​കാ​നും രാ​ജ്യ​ത്തി​നുവേ​ണ്ടി വാ​ദി​ക്കാ​നും ക​ഴി​ഞ്ഞ​തി​ല്‍ ഏ​റ്റ​വും സ​ന്തോ​ഷി​ച്ചിട്ടുണ്ടാകും.

മു​ന്‍ രാ​ഷ്ട്ര​പ​തി പ്ര​ണാ​ബ് മു​ഖ​ര്‍​ജി​യോ​ടൊ​പ്പം ഏ​റെ വ​ര്‍​ഷം ജോ​ലി ചെ​യ്ത അ​നു​ഭ​വം ?

അ​പാ​ര പാ​ണ്ഡി​ത്യ​വും ഓ​ര്‍​മ​ശ​ക്തി​യു​മു​ള്ള രാ​ഷ്ട്ര​ത​ന്ത്ര​ജ്ഞ​നാ​യി​രു​ന്നു പ്ര​ണാ​ബ് മു​ഖ​ര്‍​ജി. സ​മ​വാ​യ​ത്തി​ലൂ​ടെ ഏ​തു പ്ര​ശ്‌​ന​വും പ​രി​ഹ​രി​ക്കാ​ന്‍ പ്ര​ത്യേ​ക ക​ഴി​വാ​യി​രു​ന്നു. രാ​ഷ്ട്രീ​യ​ത്തി​ന​തീ​ത​മാ​യി എ​ല്ലാ​വ​രോ​ടും വ്യ​ക്തി​പ​ര​മാ​യ സ്‌​നേ​ഹം പ്ര​ക​ട​മാ​ക്കി.


മ​തേ​ത​ര​ത്വ​വും ജ​നാ​ധി​പ​ത്യ​വും ബ​ഹു​സ്വ​ര​ത​യു​മാ​ണ് ഇ​ന്ത്യ​യു​ടെ ശ​ക്തി​യെ​ന്നു ഉ​റ​ച്ചു​വി​ശ്വ​സി​ച്ച രാ​ഷ്ട്ര​നാ​യ​ക​ന്‍. യു​എ​ഇ​യി​ലെ കോണ്‍​സ​ല്‍ ജ​ന​റ​ലാ​യി​രു​ന്ന കാ​ലത്താ​ണ് പ്ര​ണാ​ബ് ദാ​യെ ആ​ദ്യം പ​രി​ച​യ​പ്പെ​ട്ട​ത്. അ​ദ്ദേ​ഹം പി​ന്നീ​ട് കേ​ന്ദ്ര​ധ​ന​മ​ന്ത്രി​യാ​യ​പ്പോ​ള്‍ 2010 മു​ത​ല്‍ അ​ദ്ദേ​ഹ​ത്തോ​ടൊ​പ്പം ജോ​യി​ന്‍റ് സെ​ക്ര​ട്ട​റി​യാ​യി. 2012ല്‍ ​പ്ര​ണാ​ബ് രാ​ഷ്ട്ര​പ​തി​യാ​യ​പ്പോ​ള്‍ പ്ര​സ് സെ​ക്ര​ട്ട​റി​യാ​യി നി​യ​മി​ച്ച​തോ​ടെ ആ ​ബ​ന്ധം ഊ​ഷ്മ​ള​മാ​യി. എ​റ​ണാ​കു​ള​ത്ത് എ​ന്‍റെ പി​താ​വി​ന്‍റെ അ​നു​സ്മ​ര​ണ പ്ര​ഭാ​ഷ​ണം ന​ട​ത്താ​ന്‍ രാ​ഷ്ട്ര​പ​തി​യാ​യി​രി​ക്കെ അ​ദ്ദേ​ഹ​മെ​ത്തി​യ​ത് എ​ന്നും സ്മ​രി​ക്കു​ന്നു.

മു​മ്പ് എ​റ​ണാ​കു​ളം മ​ഹാ​രാ​ജാ​സ് കോ​ള​ജ് ചെ​യ​ര്‍​മാ​നും പി​ന്നീ​ട് ഡ​ല്‍​ഹി​യി​ലെ ജെ​എ​ന്‍​യു വൈ​സ് ചെ​യ​ര്‍​മാ​നും എ​റ​ണാ​കു​ള​ത്ത് പ​ത്ര​പ്ര​വ​ര്‍​ത്ത​ക​നു​മാ​യി​രു​ന്ന താ​ങ്ക​ള്‍ ഇ​നി രാ​ഷ്ട്രീ​യ​ത്തി​ലേ​ക്കു വ​ര​ണ​മെ​ന്നു പ​ല​രും ആ​ഗ്ര​ഹി​ക്കു​ക​യും പ്ര​തീ​ക്ഷി​ക്കു​ക​യും ചെ​യ്യു​ന്നു?

രാ​ഷ്ട്രീ​യ​ത്തി​ലേ​ക്കു പ്ര​വേ​ശി​ക്കു​ന്ന​തി​ന് ഇ​പ്പോ​ള്‍ ആ​ലോ​ച​ന​യി​ല്ല. ഞാ​നൊ​രു രാ​ഷ്ട്രീ​യ വി​ദ്യാ​ര്‍​ഥി​യാ​ണ്. മ​ല​യാ​ളി​യു​ടെ സ്വ​ത​വേ​യു​ള്ള രാ​ഷ്ട്രീ​യാ​വ​ബോ​ധം കൂ​ടെ​യു​ള്ള​തി​നാ​ല്‍ കേ​ര​ള​ത്തി​ന്‍റെ സാ​മൂ​ഹി​ക, സാം​സ്‌​കാരിക രം​ഗ​ത്തു സ​ജീ​വ​മാ​യു​ണ്ടാ​ക​ണ​മെ​ന്ന് ആ​ഗ്ര​ഹ​മു​ണ്ട്. മാ​ധ്യ​മ രം​ഗ​ത്തു​ള്ള​വ​രു​മാ​യി എ​ക്കാ​ല​ത്തും സൗ​ഹൃ​ദം ഉ​ണ്ടെ​ങ്കി​ലും മാ​ധ്യ​മ​ലോ​ക​ത്ത് സ​ജീ​വ​മാ​കാ​നാ​കു​മോ​യെ​ന്നു തീ​ര്‍​ച്ച​യി​ല്ല.

ഇ​നി​ കേ​ര​ള​ത്തി​ലോ, ഡ​ല്‍​ഹി​യി​ലോ?

എ​റ​ണാ​കു​ള​ത്ത് സ്വ​ന്ത​മാ​യി വീ​ടു പ​ണി പൂ​ര്‍​ത്തി​യാ​ക്കി​യി​ട്ടു​ണ്ട്. ആ​ത്യ​ന്തി​ക​മാ​യി ത​നി മ​ല​യാ​ളി​യാ​ണ്. കേ​ര​ള​ത്തി​ലും ഡ​ല്‍​ഹി​യി​ലു​മാ​യി പ്ര​വ​ര്‍​ത്തി​ക്കാ​നാ​ണ് താ​ത്പ​ര്യം.

വി​ദേ​ശ​കാ​ര്യ സ​ര്‍​വീ​സി​ലെ​ത്തി​യ​ത് എ​ങ്ങനെ​യാ​ണ്?

മ​ഹാ​രാ​ജാ​സി​ല്‍ നി​ന്ന് ര​ണ്ടാം റാ​ങ്കോ​ടെ​യാ​ണ് പൊ​ളി​റ്റി​ക്ക​ല്‍ സ​യ​ന്‍​സ് ബി​രു​ദം നേ​ടി​യ​ത്. ഇ​ന്‍റ​ര്‍​നാ​ഷ​ണ​ല്‍ റി​ലേ​ഷ​ന്‍​സ് ഇ​ഷ്്ട​മു​ള്ള വി​ഷ​യ​മാ​യ​തി​നാ​ല്‍ ജെ​എ​ന്‍​യു​വി​ലെ​ത്തി. അ​വി​ടെ പ​ഠി​ക്കു​മ്പോ​ഴാ​ണ് സി​വി​ല്‍ സ​ര്‍​വീ​സി​ല്‍ താ​ത്പ​ര്യം തോ​ന്നി​യ​ത്. ആ​ദ്യ ത​വ​ണ പോ​സ്റ്റ​ല്‍ സ​ര്‍​വീ​സ് കി​ട്ടി​യെ​ങ്കി​ലും വീ​ണ്ടു​മെ​ഴു​തി. വി​ദേ​ശ​കാ​ര്യ സ​ര്‍​വീ​സി​ല്‍ മു​മ്പ​നാ​യി പാ​സാ​യ​തി​ല്‍ അ​ഭി​മാ​നു​മു​ണ്ട്. ഹോ​ങ്കോം​ഗ്, ബെ​യ്ജിം​ഗ്, ജ​നീ​വ, വാ​ഷിം​ഗ്്ട​ണ്‍ ഡി​സി, ദു​ബാ​യി തു​ട​ങ്ങി​യ സ്ഥ​ല​ങ്ങ​ളി​ലെ​ല്ലാം ജോ​ലി ചെ​യ്യാ​നും ചൈ​നീ​സ് ഭാ​ഷ പ​ഠി​ക്കാ​നാ​യ​തു​മൊ​ക്കെ സൗ​ഭാ​ഗ്യ​ങ്ങ​ളാ​യി.

കു​ടും​ബാം​ഗ​ങ്ങ​ള്‍?

ജെ​എ​ന്‍​യു കാ​ല​ത്തെ ഫ്രീ ​തി​ങ്കേ​ഴ​സ് ഗ്രൂ​പ്പി​ലു​ണ്ടാ​യി​രു​ന്ന ച​രി​ത്ര വി​ദ്യാ​ര്‍​ഥി​യും സു​ഹൃ​ത്തു​മാ​യി​രു​ന്ന സ​രോ​ജ് ഥാ​പ്പ​യാ​ണു ഭാ​ര്യ. ഡാ​ര്‍​ജി​ലിം​ഗ് സ്വ​ദേ​ശി. മൂ​ത്ത മ​ക​ന്‍ വ​സ​ന്ത് അ​മേ​രി​ക്ക​യി​ല്‍ എ​ന്‍​ജി​നീ​യ​റാ​യി ജോ​ലി ചെ​യ്യു​ന്നു. ഇ​ള​യ മ​ക​ന്‍ കാ​ര്‍​ത്തി​ക് ഡ​ല്‍​ഹി​യി​ല്‍ അ​ഭി​ഭാ​ഷ​ക​നാ​ണ്.

ജോ​ര്‍​ജ് ക​ള്ളി​വ​യ​ലി​ല്‍


Copyright @ 2022 , Rashtra Deepika Ltd.