Latest News
രാ​ജ്‌​കോ​ട്ട് ഏ​ക​ദി​ന​ത്തി​ല്‍ ഓ​സ്‌​ട്രേ​ലി​യ​യ്ക്ക് 66 റ​ണ്‍​സ് വി​ജ​യം
രാ​ജ്‌​കോ​ട്ട് ഏ​ക​ദി​ന​ത്തി​ല്‍ ഓ​സ്‌​ട്രേ​ലി​യ​യ്ക്ക് 66 റ​ണ്‍​സ് വി​ജ​യം
Thursday, September 28, 2023 9:00 AM IST
രാ​ജ്‌​കോ​ട്ട്: ഓ​സ്‌​ട്രേ​ലി​യ​യ്‌​ക്കെ​തി​രാ​യ ഏ​ക​ദി​ന പ​ര​മ്പ​ര​യി​ലെ മൂ​ന്നാം മ​ത്സ​ര​ത്തി​ല്‍ ഇ​ന്ത്യ​യ്ക്ക് 66 റ​ണ്‍​സ് തോ​ല്‍​വി. പ​ര​മ്പ​ര​യി​ലെ ആ​ദ്യ ര​ണ്ടു മ​ത്സ​ര​വും വി​ജ​യി​ച്ച് ഇ​ന്ത്യ പ​ര​മ്പ​ര നേ​ര​ത്തെ ത​ന്നെ സ്വ​ന്ത​മാ​ക്കി​യി​രു​ന്നു.

ടോ​സ് നേ​ടി ബാ​റ്റിം​ഗി​നി​റ​ങ്ങി​യ ഓ​സ്‌​ട്രേ​ലി​യ​യ്ക്കാ​യി ഡേ​വി​ഡ് വാ​ര്‍​ണ​ര്‍(56),മി​ച്ച​ല്‍ മാ​ര്‍​ഷ്(96),സ്റ്റീ​വ​ന്‍ സ്മി​ത്ത്(74),ല​ബു​ഷെ​യ്ന്‍(72) എ​ന്നി​വ​ര്‍ അ​ര്‍​ധ സെ​ഞ്ചു​റി നേ​ടി​യ​പ്പോ​ള്‍ നി​ശ്ചി​ത 50 ഓ​വ​റി​ല്‍ ഏ​ഴു​വി​ക്ക​റ്റ് ന​ഷ്ട​ത്തി​ല്‍ 352 റ​ണ്‍​സാ​ണ് ഓ​സ്‌​ട്രേ​ലി​യ അ​ടി​ച്ചെ​ടു​ത്ത​ത്. ഇന്ത്യയുടെ മറുപടി 49.4 ഓവറിൽ 286ൽ അവസാനിച്ചു.

ഇ​ന്ത്യ​യ്ക്കാ​യി ജ​സ്പ്രീ​ത് ബൂം​റ മൂ​ന്ന് വി​ക്ക​റ്റ് വീ​ഴ്ത്തി​യെ​ങ്കി​ലും പ​ത്തോ​വ​റി​ല്‍ 81 റ​ണ്‍​സ് വ​ഴ​ങ്ങി. കു​ൽ​ദീ​പ് യാ​ദ​വ് ര​ണ്ടും മു​ഹ​മ്മ​ദ് സി​റാ​ജ്,പ്ര​സി​ദ് കൃ​ഷ്ണ എ​ന്നി​വ​ര്‍ ഓ​രോ വി​ക്ക​റ്റ് വീ​ത​വും വീ​ഴ്ത്തി.

മ​റു​പ​ടി ബാ​റ്റിം​ഗി​ല്‍ ഇ​ന്ത്യ​യ്ക്കാ​യി ക്യാ​പ്റ്റ​ന്‍ രോ​ഹി​ത് ശ​ര്‍​മ​യ്‌​ക്കൊ​പ്പം ഇ​ന്നിം​ഗ്‌​സി​ന് തു​ട​ക്കം​കു​റി​ച്ച​ത് വാ​ഷിം​ഗ്ട​ണ്‍ സു​ന്ദ​ര്‍ ആ​യി​രു​ന്നു. സു​ന്ദ​റി​നെ കാ​ഴ്ച​ക്കാ​ര​നാ​ക്കി രോ​ഹി​ത് ത​ക​ര്‍​ത്ത​ടി​ച്ച​തോ​ടെ സ്‌​കോ​ര്‍ കു​തി​ച്ചു ക​യ​റി.


എ​ന്നാ​ല്‍ ടീം ​സ്‌​കോ​ര്‍ 74ല്‍ ​എ​ത്തി​യ​പ്പോ​ള്‍ മാ​ക്‌​സ്‌​വെ​ല്‍ സു​ന്ദ​റി​നെ മ​ട​ക്കി. സ്‌​കോ​ര്‍ 144ല്‍ ​എ​ത്തി​യ​പ്പോ​ള്‍ രോ​ഹി​ത് ശ​ര്‍​മ​യും മാ​ക്‌​സ്‌​വെ​ല്ലി​നു മു​മ്പി​ല്‍ വീ​ണു. 57 പ​ന്തി​ല്‍ ആ​റു സി​ക്‌​സ​റു​ക​ളും അ​ഞ്ചു ബൗ​ണ്ട​റി​യും സ​ഹി​തം 81 റ​ണ്‍​സാ​യി​രു​ന്നു രോ​ഹി​തി​ന്‍റെ സ​ന്പാ​ദ്യം.

പി​ന്നീ​ട് വി​രാ​ട് കോ​ഹ്‌​ലി(56),ശ്രേ​യ​സ് അ​യ്യ​ര്‍(48) എ​ന്നി​വ​രെ​ക്കൂ​ടി പു​റ​ത്താ​ക്കി​യ മാ​ക്‌​സ്‌​വെ​ല്‍ ക​രി​യ​റി​ലെ മി​ക​ച്ച പ്ര​ക​ട​ന​മാ​ണ് പു​റ​ത്തെ​ടു​ത്ത​ത്. പി​ന്നീ​ട് വ​ന്ന​വ​രി​ല്‍ കെ.​എ​ല്‍. രാ​ഹു​ല്‍(26), ര​വീ​ന്ദ്ര ജ​ഡേ​ജ(35) എ​ന്നി​വ​ര്‍​ക്ക് മാ​ത്ര​മാ​ണ് അ​ല്‍​പ​മെ​ങ്കി​ലും പി​ടി​ച്ചു നി​ല്‍​ക്കാ​നാ​യ​ത്.

ഓ​സീ​സി​നാ​യി മാ​ക്‌​സ്‌​വെ​ൽ 41 റ​ണ്‍​സ് വ​ഴ​ങ്ങി നാ​ലു വി​ക്ക​റ്റ് വീ​ഴ്ത്തി​യ​പ്പോ​ള്‍ ഹേ​സി​ല്‍​വു​ഡ് ര​ണ്ടും സ്റ്റാ​ര്‍​ക്,ക​മ്മി​ന്‍​സ്, ഗ്രീ​ന്‍, ത​ന്‍​വീ​ര്‍ സം​ഘ എ​ന്നി​വ​ര്‍ ഓ​രോ വി​ക്ക​റ്റു​ക​ളും വീ​ഴ്ത്തി. മാ​ക്‌​സ്‌​വെൽ കളിയിലെ താരമായപ്പോൾ ഇ​ന്ത്യ​ന്‍ താ​രം ശു​ഭ്മാ​ൻ ഗി​ല്ലാ​ണ് പ​ര​ന്പ​ര​യി​ലെ താ​രം.
Related News
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
<
Copyright @ 2022 , Rashtra Deepika Ltd.