ഇ​സ്ലാ​മ​ബാ​ദ്: പ​ഹ​ല്‍​ഗാ​മി​ല്‍ ആ​ക്ര​മ​ണം ന​ട​ത്തി​യ ഭീ​ക​ര​രെ പ്ര​ശം​സി​ച്ച് പാ​ക് ഉ​പ​പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ഇ​ഷാ​ഖ് ധ​ര്‍. ഭീ​ക​ര​ര്‍ സ്വാ​ത​ന്ത്ര​സ​മ​ര സേ​നാ​നി​ക​ളാ​ണെ​ന്നാ​യി​രു​ന്നു പ​രാ​മ​ര്‍​ശം.

ഇ​സ്ലാ​മ​ബാ​ദി​ല്‍ മാ​ധ്യ​മ​പ്ര​വ​ര്‍​ത്ത​ക​രോ​ട് സം​സാ​രി​ക്കു​ക​യാ​യി​രു​ന്നു മ​ന്ത്രി. ഏ​പ്രി​ല്‍ 22ന് ​ജ​മ്മു കാ​ഷ്മീ​രി​ലെ പ​ഹ​ല്‍​ഗാം ജി​ല്ല​യി​ല്‍ ആ​ക്ര​മ​ണം ന​ട​ത്തി​യ​വ​ര്‍ സ്വാ​ത​ന്ത്ര്യ​സ​മ​ര സേ​നാ​നി​ക​ളാ​യി​രി​ക്കാ​മെ​ന്ന് മ​ന്ത്രി പ​റ​ഞ്ഞു. ഇ​ന്ത്യ, പാ​ക്കി​സ്ഥാ​നെ ഭീ​ഷ​ണി​പ്പെ​ടു​ത്തു​ക​യോ ആ​ക്ര​മി​ക്കു​ക​യോ ചെ​യ്താ​ല്‍ തി​രി​ച്ച​ടി ന​ല്‍​കു​മെ​ന്നും ഇ​ഷാ​ഖ് ധ​ര്‍ കൂ​ട്ടി​ച്ചേ​ർ​ത്തു.

അ​തി​ര്‍​ത്തി​യി​ലെ പാ​ക് സേ​ന​യു​ടെ പ്ര​കോ​പ​ന​ത്തി​നി​ടെ​യാ​ണ് മ​ന്ത്രി​യു​ടെ പ​രാ​മ​ര്‍​ശം. ജ​മ്മു കാ​ഷ്മീ​രി​ലെ നി​യ​ന്ത്ര​ണ രേ​ഖ​യി​ലും ഇ​ന്ത്യ​ൻ പോ​സ്റ്റു​ക​ളി​ലും വ്യാ​ഴാ​ഴ്ച രാ​ത്രി മു​ത​ലാ​ണ് പാ​ക്കി​സ്ഥാ​ൻ സൈ​ന്യം വെ​ടി​വ​യ്പ്പ് ന​ട​ത്തി​യ​ത്. പാ​ക് പ്ര​കോ​പ​ന​ത്തി​ന് ഉ​ട​ൻ ത​ന്നെ തി​രി​ച്ച​ടി ന​ൽ​കി​യ​താ​യി ഇ​ന്ത്യ​ൻ സൈ​ന്യം അ​റി​യി​ച്ചി​രു​ന്നു. വെ​ടി​വ​യ്പ്പി​ല്‍ ആ​ർ​ക്കും പ​രി​ക്കി​ല്ല.