ഓടയിൽ വീണ് കാണാതായ ആൾക്കുവേണ്ടി തെരച്ചിൽ തുടരും
Monday, March 17, 2025 7:14 AM IST
കോഴിക്കോട്: ഓടയിൽ വീണ് കാണാതായ ആൾക്കുവേണ്ടി തെരച്ചിൽ തുടരും. കോഴിക്കോട് കോവൂരിൽ ഞായറാഴ്ച രാത്രിയാണ് സംഭവം.
രാത്രി എട്ടരയോടെയാണ് കോവൂരില് താമസിക്കുന്ന കളത്തിന്പൊയില് ശശി ഓടയില് വീണത്. കോവൂര് എംഎല്എ റോഡില് ബസ് സ്റ്റോപ്പില് ഇരിക്കുകയായിരുന്ന ശശി.
അബദ്ധത്തില് കാല് വഴുതി ഓവുചാലില് വീഴുകയായിരുന്നു. വീടിന് തൊട്ടടുത്ത് വച്ചാണ് അപകടം സംഭവിച്ചത്. ശക്തമായ മഴയായതിനാല് ഓവുചാലില് വെള്ളം കുത്തിയൊലിക്കുന്ന നിലയിലായിരുന്നു.
ആദ്യം നാട്ടുകാരും പിന്നീട് ബീച്ചില് നിന്നുള്ള ഫയര്ഫോഴ്സ് യൂണിറ്റും ഓടയില് രണ്ടരക്കിലോമീറ്ററോളം ദൂരം തെരച്ചില് നടത്തിയിട്ടും ശശിയെ കണ്ടെത്താന് കഴിഞ്ഞില്ല. പുലർച്ചെ രണ്ടുവരെ തെരച്ചില് നടത്തിയിരുന്നു.
കോവൂര് മെഡിക്കല് കോളജ്, ചേവരമ്പലം തുടങ്ങിയ പ്രദേശത്തെ വെള്ളം ഈ ഓടയിലൂടെ മാമ്പുഴയിലേക്കാണ് ചേരുന്നത്.